మీ ఆధిపత్య పోరు ఏంటి?

పిఠాపురం: ఎక్కడా లేనివిధంగా తాను పిఠాపు­రం నియోజకవర్గాన్ని అ­భివృద్ధి చేస్తుంటే.. మీరు ఆధిపత్యపోరుకు దిగుతున్నారేమంటూ ఉపముఖ్యమంత్రి పవన్‌కళ్యాణ్‌ జనసేన కేడర్‌ మీద ఆగ్రహం వ్యక్తం చేశారు. ఎవరిని ఎలా సెట్‌ చేయాలో తనకు తెలుసంటూ హెచ్చరించారు. కాకినాడ జిల్లా పిఠాపురంలో మంగళవారం నిర్వహించిన బహిరంగసభలో ఆయన మాట్లాడారు. మూడునెలల్లో పిఠాపు­రంలో తన క్యాంప్‌ కార్యాలయం ఏర్పాటు చేయనున్నట్టు తెలిపారు. 

జీవ­నగర్‌లో శ్మశానవాటిక కోసం పవన్‌ను కలిసేందుకు వెళ్లిన ఎంఆర్‌పీఎస్‌ నాయకులను పోలీసు­లు అడ్డుకున్నా­రు. దీంతో ఎంఆర్‌పీఎస్‌ నా­యకులు ఆందోళనకు దిగా­రు.  నలుపు రంగు డ్రెస్‌గానీ, చీరగానీ ధరించి పవన్‌కళ్యాణ్‌ సభకు వచ్చినవారిని పోలీసులు అనుమతించలేదు. కొందరు మహిళలు ధరించిన నలుపు రంగు చున్నీలను తీసేయించి సభలోకి అనుమతించా­రు. చున్నీలను తొలగించమనడం తమను అవమానించడమేనని మహిళలు ఆవేదనతో చెప్పారు.   

ఇదీ చదవండి: యానాంలో రికార్డు ధర పలికిన పులస చేప