తీరాన్ని తాకిన తీవ్రవాయుగుండం

ఏపీలో వర్షాలు అప్‌డేట్స్‌..

ప్రారంభమైన తీరం దాటే ప్రక్రియ

• తీరాన్ని తాకిన తీవ్రవాయుగుండం
• 3 గంటల పాటు కొనసాగనున్న ప్రక్రియ
• కళింగపట్నం సమీపంలో తీరం దాటనుంది
• దీని ప్రభావంతో ఉత్తరాంధ్రలో భారీ వర్షాలు
• -విపత్తుల నిర్వహణ సంస్థ ఎండీ ప్రఖర్ జైన్

విజయవాడ

• తీవ్ర వాయుగుండం ప్రభావంతో జిల్లాలో కురుస్తున్న భారీ వర్షాలు
• భారీ వర్షాల కారణంగా రేపు ఎన్టీఆర్ జిల్లాలోని అంగన్వాడీ సెంటర్లు, అన్ని ప్రభుత్వ, ప్రైవేటు పాఠశాలలు, కళాశాలలకు సెలవు 
• ఎన్టీఆర్ జిల్లా కలెక్టర్ డా.జి.లక్ష్మీశ ప్రకటన

ఉత్తరాంద్రను కుదిపేస్తున్న భీకర వాతావరణం..

• ఆరు జిల్లాలకు రెడ్ అలెర్ట్..
• శ్రీకాకుళం, మన్యం, విజయనగరం, విశాఖ, అల్లూరి, అనకాపల్లి జిల్లాల్లో అత్యంత భారీ వర్షాలు..
• కాసేపట్లో తీరం దాటనున్న తీవ్ర వాయుగుండం..
• కళింగపట్నానికి నైరుతి దిశగా ప్రారంభమైన ల్యాండ్ ఫాల్..
• తీరం దాటినా కొనసాగనున్న ప్రభావం...
  
  తూర్పుగోదావరి జిల్లా
• భారీ వర్షాల దృష్ట్యా గురువారం తూర్పుగోదావరి జిల్లాలో అన్ని విద్యాసంస్థలకు, అంగన్వాడీ కేంద్రాలకు కలెక్టర్ సెలవు ప్రకటన 
• లోతట్టు ప్రాంతాల్లో ఉండే ప్రజలు అప్రమత్తంగా ఉండాలని అధికారుల హెచ్చరిక 

విశాఖ

•  తీవ్ర వాయుగుండం  నేపథ్యంలో భారీ వర్షాలు

• విశాఖ, అనకాపల్లి జిల్లాల్లో కురుస్తున్న భారీ వర్షం 

• ఈదురు గాలులతో ఎడతెరిపి లేకుండా పడుతున్న వర్షం
   

  బంగాళాఖాతంలో తీవ్రవాయుగుండం   

• గడిచిన 6 గంటల్లో 6 కి.మీ వేగంతో కదిలిన తీవ్రవాయుగుండం   

• ప్రస్తుతానికి కళింగపట్నానికి 30 కి.మీ, విశాఖపట్నానికి 80 కి.మీ దూరంలో కేంద్రీకృతం

• మరో 2 గంటల్లో కళింగపట్నం సమీపంలో తీరం దాటే అవకాశం

• రాత్రి శ్రీకాకుళం, విజయనగరం,అల్లూరి విశాఖ, అనకాపల్లి జిల్లాలకు భారీ వర్ష సూచన 

• 60-75కిమీ వేగంతో ఈదురు గాలులు వీచే అవకాశం 

• కీలకమైన సమయంలో ప్రజలు అప్రమత్తంగా ఉండాలి 
  -ఏపీ విపత్తుల నిర్వహణ సంస్థ ఎండీ ప్రఖర్ జైన్
   

  రేపు కూడా అత్యంత భారీ వర్షాలకు ఆస్కారం

• కాసేపట్లో తీరం దాటనున్న తీవ్ర వాయుగుండం..

• కళింగపట్నం సమీపంలో తీరం దాటనున్న తీవ్ర వాయుగుండం..

• తీరం దాటే సమయంలో భీకర వాతావరణం..

• వర్షం, గాలుల తీవ్రత అధికంగా ఉంటుందని ఐఎండీ అంచనా..

• ఇప్పటికే ఉమ్మడి శ్రీకాకుళంలో దంచికోడుతున్న వర్షం

• రేపు కూడా అత్యంత భారీ వర్షాలకు ఆస్కారం..

కృష్ణా జిల్లా: ఒక్క నిమిషంలో గ్రామం కకావికలం

• తిరువూరు మండలం చింతలపాడుపై విరుచుకుపడిన భీకర గాలులు..
• భీకర గాలుల బీభత్సంతో చింతలపాడులో ఎటుచూసినా విధ్వంసమే
• గాలుల ధాటికి ఇళ్ల రేకులు ఎగిరిపోయి.. భయంతో వణికిపోయిన ప్రజలు
• గాల్లో కొట్టుకొచ్చిన రేకులు, వస్తువులు తగిలి ఐదుగురికి తీవ్ర గాయాలు
• వందలాది విద్యుత్ స్తంభాలు, భారీ చెట్లు నేలకొరిగినట్లు సమాచారం
• ఒక్కసారిగా విరుచుకుపడిన గాలులతో గ్రామం అతలాకుతలం
• ప్రాణ భయంతో ఇళ్లలోనే బిక్కుబిక్కుమంటూ గడిపిన గ్రామస్తులు
• చింతలపాడులో ఎటుచూసినా నేలకొరిగిన చెట్లు.. విరిగిపడిన విద్యుత్ స్తంభాలే
• చెట్లు, విద్యుత్ స్తంభాలు రహదారులపై పడటంతో రాకపోకలకు తీవ్ర అంతరాయం
• భీకర గాలుల దెబ్బకు భారీగా ఆస్తి నష్టం..నష్టంపై అధికారుల అంచనా
• పరిస్థితిని పరిశీలించేందుకు రంగంలోకి దిగిన ఆర్డీవో కుమార్
• రెవెన్యూ సిబ్బందితో కలిసి దెబ్బతిన్న ప్రాంతాల్లో ఆర్డీఓ పరిశీలన

విశాఖ..

• తీరాన్ని తాకిన తీవ్ర వాయుగుండం..
• శ్రీకాకుళం ఉత్తర ప్రాంతంలో తీరాన్ని తాకిన తీవ్ర వాయుగుండం..
• పూర్తిగా తీరం దాటేందుకు పట్టనున్న మరికొంత సమయం..
• శ్రీకాకుళం జిల్లాలో దంచికొడుతున్న వర్షం..
• తీరం వెంబడి కొనసాగుతున్న ఈదురుగాలుల ప్రభావం.
• మత్స్యకారులకు హెచ్చరికలు జారీ. 

ఎన్టీఆర్ జిల్లా..

• తిరువూరులో భారీ వర్షం
• లోతట్టు ప్రాంతాలు జలమయం

VIDEO | Andhra Pradesh: Heavy rains inundate 2,000 acres of farmland in Srikakulam as depression nears coast.

(Full video available on PTI Videos - https://t.co/d8jp61yd2p)#AndhraPradesh #Srikakulam pic.twitter.com/yJjiBNPJEN

— Press Trust of India (@PTI_News) September 23, 2026

విశాఖ..

• తీవ్ర వాయుగుండం ఎఫెక్ట్ భారీ వర్షాలు..
• యాదవ జగ్గారాజుపేట వద్ద వర్షపు నీటిలో పాములు ప్రత్యక్షం..
• భారీ వర్షాలకు అపార్ట్‌మెంట్‌లోకి చేరిన వర్షపు నీరు..
• భయబ్రాంతులకు గురవుతున్న ప్రజలు..

కాకినాడ జిల్లా..

• వాయుగుండం ఎఫెక్ట్ భారీ వర్ష సూచన..
• నేడు ప్రభుత్వ, ప్రైవేటు పాఠశాలలు, కాలేజీలకు సెలవు ప్రకటించిన కలెక్టర్ హరేంధర్ ప్రసాద్.
• సహయక చర్యల కోసం కలెక్టరేట్‌లో కంట్రోల్ రూమ్ ఏర్పాటు.
• కంట్రోల్‌ రూమ్ నెంబర్లు: 0884-2356801, 9849903879
• వాతావరణ శాఖ హెచ్చరికల‌ నేపథ్యంలో తీరానికి చేరుకుంటున్న బోట్లు.

కృష్ణా జిల్లా..

• తీవ్ర వాయుగుండం ప్రభావంతో భారీ వర్షాలు కురిసే అవకాశం
• కలెక్టర్ ఆదేశాల మేరకు కృష్ణా జిల్లాలోని ప్రభుత్వ, ప్రైవేట్ విద్యాసంస్థలకు సెలవు ప్రకటించిన విద్యాశాఖాధికారి.
• భారీ వర్షాల నేపథ్యంలో ఎన్టీఆర్ జిల్లా యంత్రాంగం అప్రమత్తం
• భారీ వర్షాలు కురిసే అవకాశం ఉండటంతో అధికారులు హై అలర్ట్‌లో ఉండాలని కలెక్టర్ ఆదేశాలు
• విజయవాడ కొండ ప్రాంతాల్లో నివసించే ప్రజలను అప్రమత్తం చేయాలి
• మండల, రెవెన్యూ డివిజన్, కలెక్టరేట్ స్థాయిలో కంట్రోల్ రూమ్‌లు ఏర్పాటు
• జిల్లా కలెక్టరేట్ కంట్రోల్ రూమ్ నంబర్: 91549 70454

విజయవాడ..

• తీవ్ర వాయుగుండం ప్రభావంతో భారీ వర్షాలు కురిసే అవకాశం
• ఎన్టీఆర్ జిల్లాలోని ప్రభుత్వ, ప్రైవేట్ పాఠశాలలకు సెలవు ప్రకటించిన  విద్యాశాఖాధికారి.

విజయనగరం జిల్లా

• బంగాళాఖాతంలో తుపాను ప్రభావంతో జిల్లా అంతటా ఎడతెరిపిలేని వానలు.
• కలెక్టరేట్‌తో పాటు అన్ని మండల తహసీల్దార్ కార్యాలయాల్లో కంట్రోల్ రూమ్ ఏర్పాటు.
• నాగావళి నదికి వరద ముప్పు హెచ్చరికలు.
• ఒడిస్సా, రాయగడ క్యాచ్మెంట్ ఏరియాలో వర్షపాతాన్ని గమనిస్తున్న అధికారులు.

👉ఉత్తరాంధ్రపై వాయుగుండం ప్రభావం తీవ్రంగా ఉండనుంది. ఈరోజు రాత్రికి ఉత్తరాంధ్ర-దక్షిణ ఒడిశా తీరాల మధ్య విశాఖపట్నం, గోపాల్‌పూర్ వద్ద తీరం దాటే అవకాశం ఉందని వాతావరణ శాఖ ప్రకటించింది. దీని ప్రభావంతో ఉత్తరాంధ్ర జిల్లాలకు వాతావరణ శాఖ ఫ్లాష్ ఫ్లడ్ అలర్ట్ జారీ చేసింది. బుధవారం ఉదయం 11:30 గంటల వరకు ఆకస్మిక వరదలు ముంచెత్తే ప్రమాదం ఉందని హెచ్చరించింది. ఈదురుగాలులు గంటకు 50 నుంచి 60 కిలోమీటర్లు, కొన్ని సందర్భాల్లో 75 కిలోమీటర్ల వేగంతో వీస్తాయని స్పష్టం చేసింది.సముద్రం అల్లకల్లోలంగా ఉండటంతో మత్స్యకారులు సముద్రంలోకి వెళ్లొద్దని సూచించింది.

👉వర్షాల తీవ్రతతో ఉత్తరాంధ్రలోని వాగులు, వంకలు పొంగిపొర్లే అవకాశం ఉండటంతో వరద ముప్పుపై అధికారులు అప్రమత్తమయ్యారు. ముఖ్యంగా వంశధార, నాగావళి నదీ పరివాహక ప్రాంతాల్లో ఆకస్మిక వరదల పరిస్థితిని అధికారులు నిశితంగా పరిశీలిస్తున్నారు. తీవ్ర వాయుగుండం ప్రభావంతో కళింగపట్నం, భీమునిపట్నం, విశాఖపట్నం, గంగవరం, కాకినాడ పోర్టుల్లో స్థానిక మూడో ప్రమాద హెచ్చరికను జారీ చేశారు.

రైళ్ల రద్దు.. పాఠశాలలకు సెలవులు
👉వాయుగుండం ప్రభావంతో రైల్వే శాఖ కూడా అప్రమత్తమైంది. విశాఖపట్నం–కిరందూల్ మార్గంలో పలు రైళ్ల రాకపోకలకు అంతరాయం ఏర్పడింది. ఈ మార్గంలో నడిచే 18515 రైలును సెప్టెంబర్ 23న రద్దు చేసినట్లు రైల్వే సమాచారం వెల్లడించింది. ఉత్తరాంధ్రలో పరిస్థితులను బట్టి పాఠశాలలకు సెలవులు ప్రకటించారు. జిల్లా కలెక్టరేట్లలో కంట్రోల్‌ రూమ్‌లు ఏర్పాటు చేసి పరిస్థితిని ఎప్పటికప్పుడు పర్యవేక్షిస్తున్నారు. అత్యవసరమైతే తప్ప ప్రజలు బయటకు రావొద్దని అధికారులు సూచిస్తున్నారు. తీవ్ర వాయుగుండం తీరం దాటే సమయం, ఆ తర్వాత కురిసే భారీ వర్షాల నేపథ్యంలో రానున్న 24 నుంచి 48 గంటలు అత్యంత కీలకంగా మారాయి. ప్రజలు అప్రమత్తంగా ఉండాలని, అధికారుల సూచనలు పాటించాలని యంత్రాంగం కోరుతోంది. రానున్న 24 గంటల పాటు శ్రీకాకుళం, పార్వతీపురం మన్యం, విజయనగరం జిల్లాలకు వాతావరణ శాఖ రెడ్ అలర్ట్ జారీ చేసింది. విశాఖపట్నం, అనకాపల్లి, అల్లూరి సీతారామరాజు జిల్లాలకు ఆరెంజ్ అలర్ట్.. కాకినాడ, ఏలూరు, తూర్పుగోదావరి, పశ్చిమగోదావరి, కృష్ణా జిల్లాలకు ఎల్లో అలర్ట్ జారీ చేసింది.

🔸పశ్చిమమధ్య,వాయువ్య బంగాళాఖాతంలో తీవ్రవాయుగుండం 

🔹గడిచిన 6 గంటల్లో గంటకు 7 కి.మీ వేగంతో కదులుతున్న తీవ్రవాయుగుండం

🔺ఇది ప్రస్తుతానికి గోపాల్‌పూర్‌కు 150 కి.మీ, కళింగపట్నానికి 100 కి.మీ, ఒడిశాలోని పూరీకి 220 కి.మీ, విశాఖపట్నానికి 180 కి.మీ దూరంలో కేంద్రీకృతం pic.twitter.com/JcrETqJ6lx

— Andhra Pradesh State Disaster Management Authority (@APSDMA) September 23, 2026

పలాసలో కుండపోత 
👉మంగళవారం రాత్రి వరకు శ్రీకాకుళం జిల్లా పలాసలో అత్యధికంగా 10.07 సెంటీమీటర్ల వర్షం కురిసింది. తాళభద్రలో 9.8, రావివలసలో 9.36, సంతబోమ్మాళిలో 8.81, కోటబోమ్మాళిలో 8.75, మదనపురంలో 8.36, హరిపురంలో 7.4 సెంటీమీటర్ల వర్షం కురిసింది. అల్లూరి జిల్లా గ పరైలో 7.15, శ్రీకాకుళం జిల్లా విజయరామపురంలో 7.1, జాలుమూరులో 7.05, సైరిగాంలో 7.03, నర్సన్నపేటలో 6.92, విశాఖ జిల్లా మధురవాడలో 6.9, నంద్యాల జిల్లా కానాలలో 6.55, విశాఖ జిల్లా ఆనందపురంలో 6.55 సెంటీమీటర్ల వర్షపాతం నమోదైంది.  

👉:​​​​​​​ (ఫోటో గ్యాలరీ కోసం ఇక్కడ క్లిక్ చేయండి)