నా ఇంటిపై ఏసీబీ దాడులు.. కేటీఆర్‌ సంచలన ఆరోపణలు | Formula-E Car Race Case: KTR Sensational Comments At ACB Office | Sakshi
Sakshi News home page

నా ఇంటిపై ఏసీబీ దాడులు.. కేటీఆర్‌ సంచలన ఆరోపణలు

Jan 6 2025 10:38 AM | Updated on Jan 6 2025 11:22 AM

Formula-E Car Race Case: KTR Sensational Comments At ACB Office

ఫార్ములా ఈ-రేస్‌ కేసులో ఏసీబీ విచారణకు హాజరైన వేళ.. బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ సంచలన వ్యాఖ్యలు చేశారు. తనపై తప్పుడు కేసులు బనాయించాలని చూస్తున్నారని, తన ఇంటిపై ఏసీబీతో దాడులు చేయించాలని రేవంత్‌ సర్కార్‌ ప్రయత్నిస్తోందని ఆరోపించారాయన.

హైదరాబాద్‌, సాక్షి: ఫార్ములా ఈ-రేస్‌ కేసులో ఏసీబీ విచారణకు హాజరైన వేళ.. బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ సంచలన వ్యాఖ్యలు చేశారు. తనపై తప్పుడు కేసులు బనాయించాలని చూస్తున్నారని, తన ఇంటిపై ఏసీబీతో దాడులు చేయించాలని రేవంత్‌ సర్కార్‌ ప్రయత్నిస్తోందని ఆరోపించారాయన.

సోమవారం ఉదయం తన లీగల్‌ టీంతో ఏసీబీ ఆఫీస్‌కు కేటీఆర్‌ చేరుకున్నారు. అయితే తన న్యాయవాదిని లోపలికి అనుమతించకపోవడంతో ఆయన పోలీసులను నిలదీశారు. అక్కడే ఉన్న మీడియాతో మాట్లాడారు.

‘‘పోలీసులపై నమ్మకం లేదు కాబట్టే.. అందుకే లాయర్‌తో వచ్చా. నాతో పాటు లాయర్‌ వస్తే వాళ్లకేంటి(పోలీసులకు) ఇబ్బంది ఏంటి. పట్నం నరేందర్‌రెడ్డి విషయంలో జరిగిందే నా విషయంలో జరగబోతోంది. ఈ కేసులో నన్ను అసలు విచారణకు పిలవాల్సిన అవసరం లేదు.  ఏసీబీ దగ్గర అన్ని వివరాలు ఉన్నాయి. నేను ఏ తప్పు చేయలేదు..  నిజాయితీగా ఉన్నా. అందుకే చట్టాన్ని గౌరవించి విచారణకు వచ్చా.

రాష్ట్రంలో రేవంత్‌ రాజ్యాంగం నడుస్తోంది. నాపై తప్పుడు కేసులు బనాయించాలని చూస్తున్నారు. నన్ను విచారణకు పిలిచి.. నా ఇంటిపై ఏసీబీ దాడులు చేయబోతున్నారు. వాళ్లే నా ఇంట్లో ఏదో ఒకటి పెట్టాలని చూస్తున్నారు. నన్ను ఇరికించాలని ప్రయత్నిస్తున్నారు.   తీర్పు రిజర్వ్‌లో ఉండగా ఎందుకీ డ్రామాలు(కేటీఆర్‌ హైకోర్టులో క్వాష్‌ పిటిషన్‌పై తీర్పు రిజర్వ్‌లో ఉంది). అయినా నేను కేసులకు భయపడను. ప్రజాక్షేత్రంలో రేవంత్‌ను వదిలే ప్రసక్తే లేదు. 420 హామీలు అమలు చేసేంత వరకు పోరాడతాం’’ అని కేటీఆర్‌ అన్నారు. 

Advertisement

Related News By Category

Related News By Tags

Advertisement
 
Advertisement

పోల్

Advertisement