Manipur Assembly Elections 2022: ముగిసిన మణిపూర్‌ తొలిదశ పోలింగ్‌

మణిపూర్‌లో సాయంత్రం 5 గంటల నాటికి 78.03% ఓటింగ్ నమోదైంది
కాంగ్‌పోక్పి జిల్లాలో అత్యధికంగా 82.9%

బిష్ణుపూర్‌లో అత్యల్పంగా 73.44%

ఇంఫాల్ తూర్పు 76.64%

ఇంఫాల్ వెస్ట్ 82.19%

బిష్ణుపూర్ 73.44%

చురచంద్‌పూర్ 74.45%

కాంగ్‌పోక్పి 82.19%

మణిపూర్ అసెంబ్లీ ఎన్నికల తొలి విడతలో మధ్యాహ్నం 3 గంటల వరకు 67.22% ఓటింగ్ నమోదైంది. 

ప్రధాన ఎన్నికల కార్యాలయం (సీఈఓ) రాజేష్ అగర్వాల్ మాట్లాడుతూ.. సోమవారం మొదటి దశ అసెంబ్లీ ఎన్నికల సందర్భంగా ఎన్నికల విధుల్లో ఉన్న మణిపూర్ పోలీసు సిబ్బంది తన సర్వీస్ రైఫిల్ వల్ల ప్రమాదవశాత్తు జరిగిన కాల్పుల్లో అనుమానాస్పదంగా రీతిలో మృతి చెందినట్లు తెలిపారు.

ఈ ఘటన చురచంద్‌పూర్ జిల్లాలోని తిపైముఖ్ అసెంబ్లీ నియోజకవర్గంలో చోటుచేసుకుంది. పోలీసు సిబ్బందిని కక్చింగ్ జిల్లాకు చెందిన నౌరెమ్ ఇబోచౌబాగా గుర్తించారు.

* ఉల్లోక్ నంబోల్
* కాబో లీకై వాంగ్‌ఖీ
* హేంగ్‌లింగ్‌
* చురచంద్‌పూర్

సీఎం ఎన్ బీరెన్ సింగ్ నియోజకవర్గం హీంగాంగ్‌లోని ఓటింగ్‌ కేంద్రం తన ఏజెంట్లను పోలింగ్ ప్రక్రియలో పాల్గొనడానికి అనుమతించకపోవడంపై స్థానిక కాంగ్రెస్ అభ్యర్థి ఎన్నికల అధికారికి వ్రాతపూర్వక ఫిర్యాదు చేశారు. దీంతో ఆ ప్రాంతంలో కాస్త ఉద్రిక్తత వాతావారణం చోటు చేసుకుంది.

 వాంగ్‌ఖీ నియోజకవర్గంలోని కబో లైకై  కేంద్రంలో దొం‍గ ఓట్లు వేస్తున్నారంటూ ఓటర్లు నిరసన తెలిపారు

మణిపూర్‌లోని కాంగ్‌పోక్పి జిల్లా సైకుల్ నియోజకవర్గంలోని లెప్లెన్ గ్రామంలో ఘర్షణలు చోటు చేసుకున్నాయి. ఈ ఘటనలో ఓటింగ్‌ క్రేంద్రంలోని ఈవీఎంలు దెబ్బతిన్నాయి.

మణిపూర్‌ అసెంబ్లీ 2022 ఎన్నికలు.. మధ్యాహ్నం ఒంటి గంట వరకు 48.88 % ఓటింగ్‌ నమోదు.

మణిపూర్‌ అసెంబ్లీ ఎన్నికల్లో తొలి ఫేస్‌ ఎన్నికలు ప్రశాంతంగా సాగుతున్నాయి. ఉదయం 11 గంటల వరకు 27.34 శాతం ఓటింగ్‌ నమోదు అయ్యింది.

మణిపూర్‌లో తొలి దశ పోలింగ్‌ కొనసాగుతోంది. ఉదయం 9.30 గంటల వరకు 8.94 శాతం పోలింగ్‌ నమోదైనట్లు ఎన్నికలు అధికారులు పేర్కొన్నారు. ఓట్లు తమ ఓటు హక్కు వినియోగించుకోవడానికి తరలివస్తున్నారు.

మణిపూర్ డిప్యూటీ సీఎం, ఎన్‌పీపీ అభ్యర్థి యుమ్నం జోయ్‌కుమార్ సింగ్ ఇంఫాల్‌లోని నౌరెమ్‌థాంగ్ అప్పర్ ప్రైమరీ స్కూల్‌లో తన ఓటు హక్క వినియోగించుకున్నారు.

మణిపూర్ రాష్ట్ర గవర్నర్ లా గణేశన్ ఇంఫాల్‌లోని తంఫాసనా బాలికల హయ్యర్ సెకండరీ స్కూల్‌లో తన ఓటు హక్కు వినియోగించుకున్నారు. అనంతరం ఆయన మీడియాతో మాట్లాడుతూ.. మన దేశంలో ప్రజాస్వామ్యం బలంగా ఉందని, దానికి సంకేతమే ఈ ఎన్నికలని గుర్తుచేశారు.మణిపూర్ ప్రజలందరూ తమ ఓటు హక్కును తప్పనిసరిగి వినియోగించుకోవాలని విజ్ఞప్తి చేశారు. తొలి దశ పోలింగ్‌ కొనసాగుతోంది.ఓటర్లు ఓటు వేయడానికి క్యూలైన్లలో నిల్చున్నారు. 

మణిపూర్‌ అసెంబ్లీ ఎన్నికల తొలి దశ పోలింగ్‌ కొనసాగుతోంది. ఓటర్లు తమ ఓటు హక్కు వినియోగించుకోవడానికి పెద్ద ఎత్తున పోలింగ్‌ కేంద్రాలకు తరలివస్తున్నారు. పోలీసులు పోలింగ్‌ కేంద్రాల వద్ద భద్రత ఏర్పాటు చేశారు.

2017లో జరిగిన ఎన్నికల్లో 60 సీట్లకుగాను బీజేపీ 21 చోట్ల నెగ్గింది. ఎన్‌పీపీ, ఎన్‌పీఎఫ్, తృణమూల్‌ కాంగ్రెస్, ఒక స్వతంత్య్ర అభ్యర్థి మద్దతుతో బీజేపీ అధికారాన్ని కైవసం చేసుకుంది. ఈసారి సుస్థిరమైన ప్రభుత్వ ఏర్పాటుకు ఉవ్విళ్లూరుతోంది.

సీఎం బీరెన్‌ సింగ్‌ పోటీ చేస్తున్న స్థానంలో సోమవారం పోలింగ్‌ జరుగుతోంది. దాదాపు రెండు నెలలు బీజేపీ, కాంగ్రెస్‌లు హోరాహోరీగా ప్రచారం చేసిన విషయం విదితమే.

ఇంఫాల్‌: మణిపూర్‌ అసెంబ్లీ ఎన్నికల్లో భాగంగా సోమవారం ఉదయం 7 గంటలకు 38 స్థానాలకు పోలింగ్‌ ప్రారంభమైంది. ఈ తొలి దఫాలో 15 మంది మహిళలుసహా 173 మంది అభ్యర్థులు ఎన్నికల బరిలో నిలిచారు. సాయుధ బలగాల ప్రత్యేక అధికారాల చట్టం–1958 తొలగింపు డిమాండ్, రాష్ట్ర అభివృద్ధి, మహిళా సాధికారత, నిరుద్యోగం, అవినీతి అంశాలు ఓటింగ్‌పై సరళిపై ప్రభావం చూపనున్నాయి.