Maha Samudram Movie: 'మహా సముద్రం' నుంచి రొమాంటిక్‌ మెలోడి సాంగ్‌

ప్రేమలో పడ్డప్పుడు కుదురుగా ఉండనివ్వని ఆలోచనలతో తికమకపడిపోతుంటారు ప్రేమికులు. అది ఆనందం తాలూకు తికమక. ‘మహాసముద్రం’ సినిమాలో రెండు జంటలు అలాంటి ఫీలింగ్‌తోనే ఓ పాట పాడుకున్నాయి. ఓ జంట శర్వానంద్, అనూ ఇమ్మాన్యుయేల్, మరో జంట సిద్ధార్థ్, అదితీ రావు హైదరీ.

ఈ రెండు జంటలూ ‘తికమక..’ అంటూ పాడుకునే లిరికల్‌ వీడియోను గురువారం రిలీజ్‌  చేశారు. చేతన్‌ భరద్వాజ్‌ స్వరపరచిన ఈ పాటకు కిట్టు వరప్రసాద్‌ సాహిత్యం అందించగా హరిచరణ్, నూతన్‌ మోహన్‌ పాడారు. అజయ్‌ భూపతి దర్శకత్వంలో సుంకర రామబ్రహ్మం నిర్మించిన ఈ సినిమా ఈ నెల 14న రిలీజ్‌ కానుంది.