Katrina Kaif: తెలుగు సినిమా చేస్తున్నప్పుడు అలాంటి మాటలన్నారు!

అత్యంత సుకుమారంగా కనిపించే అందగత్తె హీరోయిన్‌ కత్రినా కైఫ్‌. ఈ బ్యూటీ బాలీవుడ్‌లో టాప్‌ హీరోయిన్‌గా రాణిస్తోంది. దక్షిణాది ప్రేక్షకులకూ ఈమె సుపరిచితమే. ఇటీవల మేరీ క్రిస్మస్‌ అనే చిత్రం ద్వారా ఈమె కోలీవుడ్‌ ప్రేక్షకులను పలకరించింది. కానీ ఈ మూవీ అంతగా వర్కవుట్‌ కాలేదు. ఇకపోతే కత్రినాకైఫ్‌ తన జీవితంలో ఎదుర్కొన్న చేదు అనుభవాలను ఈ మధ్య ఒక ఇంటర్వ్యూలో బయటపెట్టింది.

కెరీర్‌ ప్రారంభంలో తన డాన్స్‌ గురించి తీవ్రంగా విమర్శించారంది. అసలు తాను నటిగా నిలదొక్కుకునే అవకాశమే లేదని పలువురు ముఖం మీదే చెప్పారని గుర్తు చేసుకుంది. ఒక తెలుగు చిత్రంలో నటిస్తున్నప్పుడు ఈ అమ్మాయికి డ్యాన్స్‌ రాదని నృత్యదర్శకుడు చెప్పడంతో ఎంతో బాధపడ్డానని పేర్కొంది. అయితే ఆయన విమర్శలను తాను పెద్దగా పట్టించుకోలేదని, అలా చాలా మంది తన ఎదురుగానే నువ్వు సక్సెస్‌ కావు అని విమర్శలు చేశారని చెప్పుకొచ్చింది.

అయితే వాటన్నింటినీ తాను సవాలుగా తీసుకుని తనేంటో నిరూపించానంది. తనను తక్కువగా చేసి మాట్లాడిన వారందరితోనూ సినిమాలు చేశానంది. వారి విమర్శలను పట్టించుకుని ఉంటే తానీ స్థాయికి చేరుకునేదాన్నే కాదని నటి కత్రినా కైఫ్‌ పేర్కొంది.

చదవండి: ట్వీటు రాజా? పోటీ లేదా?