TV
హైదరాబాద్ : నగరంలో శనివారం హాలోవీన్‌ (Halloween 2026) సందడి సందడిగా సాగింది. ప్రపంచవ్యాప్తంగా అక్టోబర్‌ 31న జరుపుకొనే ఈ వేడుకల నేపథ్యంలో ప్రత్యేక కార్యక్రమాలు నిర్వహించారు.
ఒకనాడు పాశ్చాత్య దేశాల సంస్కృతిలో భాగమై... తర్వాత భాగ్య నగర వినోద సంస్కృతిలోనూ తనదైన స్థానాన్ని సంపాదించుకుంది.
ఈసారి హాలోవీన్‌ వేడుకలు దెయ్యాల వేషధారణలకే పరిమితం కాలేదు. భయానక అనుభూతిని ప్రత్యక్షంగా ఆస్వాదించేలా హారర్‌ హౌస్‌లు వెలిశాయి.
జూబ్లీహిల్స్, హైటెక్‌ సిటీ ప్రాంతాల్లో హాలోవీన్‌ పార్టీలు జోరుగా నిర్వహించారు. దెయ్యాల వేషాల్లో ఫొటోలు దిగడం నుంచి హారర్‌ అనుభూతిని ఆస్వాదించడం వరకు.. భయాన్ని కూడా వినోదంగా మార్చుకునే హాలోవీన్‌ సంస్కృతి నగరంలో కొత్త వారాంత ఆకర్షణగా మారింది.
ఫిల్మ్‌నగర్‌లోని పాపాయా వేదికగా రెండు రోజుల కార్నివాల్ మొదలైంది. జూబ్లీహిల్స్ గ్రీజ్‌ మంకీలో ప్రత్యేక సంగీత కార్యక్రమం సాగింది.
లుఫ్ట్‌ బార్‌ అండ్‌ కిచెన్‌లో ’సేన్‌ ఆర్‌ ఇన్‌సేన్‌’ పేరుతో హాలోవీన్‌ పార్టీ, ట్రోజన్‌ పబ్‌ అండ్‌ కిచెన్‌లో ’రాక్షస’ పేరుతో ప్రత్యేక వేడుకలున్నాయి.
ఫిల్మ్‌నగర్‌ ఈఎక్స్‌టీ వేదికగా ’ఎక్స్‌టీ హారర్‌ హౌస్‌’, సోమాజిగూడలోని ది పార్క్‌లో ’హాలోవీన్‌ ఆఫ్టర్‌ డార్క్‌’వేడుకలు అలరించాయి. పాఠశాలల్లో చిన్నారులు హాలోవీన్‌ దుస్తులు ధరించి సందడి చేశారు.
