హనుమాన్‌ జంక్షన్‌లో...

అర్జున్, జగపతి బాబు, వేణు తొట్టెంపూడి, స్నేహ, లయ ప్రధాన పాత్రల్లో నటించిన చిత్రం ‘హనుమాన్‌ జంక్షన్‌’. మోహన్‌ రాజా దర్శకత్వం వహించారు. ఎడిటర్‌ మోహన్‌ సమర్పణలో ఎం.ఎల్‌. మూవీ ఆర్ట్స్‌ బ్యానర్‌పై ఎంవీ లక్ష్మి నిర్మించిన ఈ చిత్రం 2001 డిసెంబరు 21న విడుదలై ప్రేక్షకులను కడుపుబ్బా నవ్వించి, సూపర్‌ హిట్‌గా నిలిచింది. ఈ సినిమాని ఈ నెల 28న రీ రిలీజ్‌ చేయనున్నట్లు చిత్రబృందం ప్రకటించింది.

‘‘యాక్షన్ , అద్భుతమైన హ్యూమర్‌ మేళవించిన సినిమా ‘హనుమాన్‌ జంక్షన్‌’.  ఎంగేజింగ్‌ స్క్రీన్ ప్లే, ఆకట్టుకునే సంభాషణలు, కామెడీ, యాక్షన్‌ సన్నివేశాలు సినిమాకు కల్ట్‌ స్టేటస్‌ను తీసుకువచ్చాయి. అలాంటి ఎవర్‌ గ్రీన్‌ ఎంటర్‌టైనర్‌ మరోసారి ప్రేక్షకులను థియేటర్లో అలరించబోతోంది’’ అని చిత్రయూనిట్‌ పేర్కొంది. ఈ చిత్రానికి కెమేరా: సి. రామ్‌ప్రసాద్, సంగీతం: సురేశ్‌ పీటర్స్‌.