సోషల్‌మీడియాను షేక్‌ చేసిన సాంగ్‌ వీడియో వర్షన్‌ వచ్చేసింది

సోషల్‌ మీడియాలో వైరల్‌ అవుతున్న 'గోల్డెన్‌ స్పారో' సాంగ్‌ వీడియో వర్షన్‌ వచ్చేసింది. నటుడు, దర్శక–నిర్మాత ధనుష్‌ స్వీయ దర్శకత్వంలో విడుదలైన తాజా తమిళ చిత్రం ‘నిలువుక్కు ఎన్  మేల్‌ ఎన్నడి కోబమ్‌’. ఈ రొమాంటిక్‌ యూత్‌ఫుల్‌ ఎంటర్‌టైనర్‌ మూవీలో అనిఖా సురేంద్రన్ , ప్రియా ప్రకాశ్‌ వారియర్, మాథ్యూ థామస్, వెంకటేష్‌ మీనన్ , రమ్య రంగనాథన్  లీడ్‌ రోల్స్‌లో నటించారు.  ఈ సినిమా ఫిబ్రవరి 21న విడుదలైంది. అయితే, ఒక ప్రేక్షకులకు ఈ మూవీ బాగా కనెక్ట్‌ అయిందని చెప్పవచ్చు.

ఈ మూవీలో ‘మామా మామా కమ్‌ అండ్‌ సింగు... క్వీనే వచ్చెను... నువ్వే కింగు...’ అంటూ మొదలయ్యే ఒక హిట్‌ సాంగ్‌ తాజాగా వీడియో వర్షన్‌ను మేకర్స్‌ విడుదల చేశారు. ఈ హిట్‌ సాంగ్‌ను జీవీ ప్రకాష్‌ కుమార్‌తో సుబ్లాషిణి, ధనుష్, అరివు ఆలపించారు. ఈ మూవీని ‘జాబిలమ్మ నీకు అంత కోపమా..’ అనే టైటిల్‌తో తెలుగులో ఏషియన్‌ సురేష్‌ ఎంటర్‌టైన్‌మెంట్‌ ఎల్‌ఎల్‌పి రిలీజ్‌ చేసిన విషయం తెలిసిందే.  ‘గోల్డెన్‌ స్పారో’ పాట లిరికల్‌ వీడియో తెలుగు వర్షన్‌ కూడా అందుబాటులో ఉంది.