అనిల్‌ రావిపూడికి కరోనా.. ఎఫ్‌-3 షూటింగ్‌ వాయిదా

Director Anil Ravipudi Gets Corona Positive F3 Movie Shoot Cancelled - Sakshi

కరోనా సెకండ్‌ వేవ్‌తో దేశవ్యాప్తంగా పాజిటివ్‌ కేసుల సంఖ్య పెరుగుతోంది. ఈ క్రమంలో సినీ, రాజకీయ ప్రముఖులు కరోనా బారిన పడుతున్నారు. తాజాగా దర్శకుడు అనిల్‌ రావిపూడికి కరోనా వైరస్‌ సోకినట్లు నిర్ధారణ అయింది. ప్రస్తుతం ఆయన ఐసోలేషన్‌లో ఉ‍న్నారు. అనిల్‌ ఆరోగ్య పరిస్థితి స్థిరంగా ఉన్నట్లు తెలుస్తోంది. అయితే అనిల్‌ దర్శకతంలో తెరకెక్కుతున్న ఎఫ్-‌3 మూవీ కొత్త షూటింగ్‌ షెడ్యూల్‌ ఇటీవల మైసూరులో ప్రారంభమైన విషయం తెలిసిందే. అయితే డైరెక్టర్‌ అనిల్‌కు కరోనా పాజిటివ్‌గా తేలడంతో షూటింగ్‌ను వాయిదా వేసినట్లు తెలుస్తోంది.

ఇటీవల అనిల్‌ రావిపూడి ఈ షూటింగ్‌ గురించి సోషల్‌ మీడియాలో వెల్లడించిన విషయం తెలిసిందే. ఈ భారీ షూటింగ్‌ షెడ్యూల్‌లో అధిక భాగం హీరో వెంకటేష్‌కు సంబంధించిన సన్నివేశాలు ఉన్నట్లు తెలుస్తోంది. దాని కోసం దృశ్యం-2 షూటింగ్‌ పూర్తి చేసుకున్న వెంకటేశ్‌ కూడా డేట్స్‌ ఇచ్చినట్లు వార్తలు వస్తున్నాయి. ఎఫ్‌-3లో వెంకటేష్‌, వరుణ్‌తేజ్‌, మెహరీన్‌, తమన్నా నటిస్తున్నారు. దిల్‌రాజు నిర్మాతగా శ్రీ వెంకటేశ్వర క్రియేషన్స్‌ బ్యానర్‌లో ఎఫ్‌-3 తెరకెక్కుతోంది. ఇక ఈ సినిమా కొత్త షూటింగ్‌ షెడ్యూల్‌ను చిత్రబృందం త్వరలో ప్రకటించనుంది. 
చదవండి: ‘ఇష్క్’ హీరోయిన్ ప్రియా ప్ర‌కాశ్ ఆసక్తికర వ్యాఖ్యలు

Read latest Movies News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top