TV
టాలీవుడ్ తో పాటు బాలీవుడ్ కు ఈక్వెల్ ఇంపార్టెన్స్ ఇవ్వాలనుకుంటున్నాడు బన్ని. అందుకే అక్కడ డైరెక్ట్ గా ఓ మూవీ చేయాలనుకుంటున్నాడట. పైగా మల్టీస్టారర్ కు గ్రీన్ సిగ్నల్ ఇచ్చాడట.
టాలీవుడ్‌లో ఐకాన్‌ స్టార్‌ అల్లు అర్జున్ ఇంతవరకు మల్టీస్టారర్ మూవీ చేయలేదు. కాని బాలీవుడ్ లో మార్కెట్ కోసం సీరియస్ గా ట్రై చేస్తుండటంతో అక్కడ ఒక మల్టీస్టారర్ చేయాలనుకుంటున్నాడట. ప్రస్తుతం ఈ రూమర్ బీటౌన్ ను షేక్‌ చేస్తోంది. గీతా ఆర్ట్స్ బ్యానర్ లో అల్లు అర్జున్ తో హిందీ మూవీ ప్లాన్ చేస్తున్నారట. ఈ మూవీలో బన్నితో పాటు బాలీవుడ్ హీరో షాహిద్ కపూర్ నటించబోతున్నట్లు తెలుస్తోంది.
షాహిద్ కపూర్ తో జెర్సీ హిందీ రీమేక్ నిర్మించాడు అల్లు అరవింద్. ఈ మూవీని డిసెంబర్ 31న వరల్డ్ వైడ్ గా గ్రాండ్ గా రిలీజ్ చేస్తున్నారు. షాహిద్ కపూర్, అల్లు అర్జున్ కాంబినేషన్ లోనే డెడ్లీ మల్టీస్టారర్ ప్లాన్ చేస్తున్నారట. రాబోయే రెండు మూడు ఏళ్లలోనే ఈ ప్రాజెక్ట్ పట్టాలెక్కనుందట. ఒక వైపు కబీర్ సింగ్ , మరోవైపు పుష్ప రాజ్ స్క్రీన్ పై ఎలాంటి సినిమాలో కనిపించనున్నారు అనేది హాట్ టాపిక్ గా మారింది.
