కొరియోగ్రాఫ‌ర్ ఆట సందీప్‌పై ప్ర‌శంస‌లు

ఆట సందీప్‌ పేరు ఇప్పుడు టాలీవుడ్‌లో మారుమోగిపోతుంది. మనశంకర్‌ వరప్రసాద్‌ గారు సినిమాలో చిరంజీవితో ఆయన వేయించిన ‘హుక్‌’ స్టెప్పులు మెగా అభిమానులను ఆకట్టుకుంటున్నాయి. దీంతో పాటు ఆయన కొరియోగ్రఫీ అందించిన ‘గిర గిర గింగిరానివే.. (చాంపియన్‌)’ సాంగ్‌ కూడా సోషల్‌ మీడియాను షేక్‌ చేసింది. 

ఇలా సందీప్‌ కొరియోగ్రఫీ చేసిన రెండు పాటలు వరుసగా సూపర్‌ హిట్‌ అవ్వడంతో.. ఇప్పుడు ఆయన గురించి ఇండస్ట్రీ అంతా మాట్లాడుకుంటుంది. సోషల్‌ మీడియాలో కూడా సందీప్‌ గురించి చర్చిస్తున్నారు. గతంలో సందీప్‌ ఇచ్చిన ఇంటర్వ్యూలకు సంబంధించిన వీడియో క్లిప్పింగులను షేర్‌ చేస్తూ.. ఆయనపై నెటిజన్లు ప్రశంసలు కురిపిస్తున్నారు.

క్యాస్టింగ్‌ కౌచ్ వివాదం నేప‌థ్యంలో తాను ఎంత జాగ్ర‌త్త‌గా ఉన్నానో వివ‌రించారు. తాను డాన్స్‌నే నమ్ముకున్నాన‌ని ఆయ‌న పున‌రుద్ఘాటించారు. రెండేళ్ల క్రితం ఇచ్చిన ఈ ఇంటర్వ్యూలో సందీప్‌ పక్కన అతని భార్య జ్యోతి కూడా ఉన్నారు. మన శంకరవరప్రసాద్‌గారు రిలీజ్‌ తర్వాత ఇప్పుడు మరోసారి ఆ ఇంటర్వ్యూలో సందీప్‌ చెప్పిన విషయాలు వైర‌ల్‌గా మారాయి.