సమస్యల పరిష్కారంపై ప్రత్యేక దృష్టి పెట్టండి

● ఘంటసాల మండలం అచ్చెంపాలెంలో పంచాయతీలో చెరువుల వేలంపాట నిధులు, వీధి దీపాల కరెంటు బిల్లులు చెల్లింపు తదితర పనులకు సంబంధించిన సుమారు రూ. 40 లక్షల నిధులు పంచాయతీ కార్యదర్శి దుర్వినియోగం చేశారని అర్జీలో పేర్కొన్నారు. దీనిపై ఇప్పటికే పలుమార్లు ఫిర్యాదు చేసినా చర్యలు తీసుకోలేదని వాపోయారు. నిధుల దుర్వినియోగంపై సమగ్ర విచారణ చేసి బాధ్యులపై చర్యలు తీసుకోవాలని గ్రామస్తులు కలెక్టర్‌కు అర్జీ ఇచ్చారు. కలెక్టర్‌ స్పందిస్తూ ఉయ్యూరు డీఎల్‌డీవోను విచారణ అధికారిగా నియమించాలని డీపీవో ధనలక్ష్మిని ఆదేశించారు. ● తాడంకిలో సాధారణ ఎన్నికలకు సంబంధించి మండల పరిషత్‌ ప్రాథమిక పాఠశాలలో కొనసాగుతున్న 94, 95 పోలింగ్‌ కేంద్రాల్లో సుమారు 2,300 మంది ఓటర్లు ఉన్నారు. ఈ పాఠశాల భవనం ప్రజలకు అసౌకర్యంగా ఉండటంతో కేంద్రాలను తాడంకి ఉన్నత పాఠశాలకు మార్చడానికి ప్రతిపాదనలు రాష్ట్ర ప్రధాన ఎన్నికల అధికారికి సమర్పించాలని సామాజిక కార్యకర్త జంపాన శ్రీనివాసగౌడ్‌ కలెక్టర్‌కు అర్జీ ఇచ్చారు.

పీజీఆర్‌ఎస్‌ఎలో 192 అర్జీలు స్వీకరణ కలెక్టర్‌ డీకే బాలాజీ