తింటే బేజారే..!

ఏ హోటల్‌ చూసినా అపరిశుభ్రతే కొరవడిన ఆహారభద్రత అధికారుల పర్యవేక్షణ ప్రజారోగ్యంతో నిర్వాహకుల చెలగాటం

అధికారుల తనిఖీలు లేక హోటల్‌ నిర్వాహకులు ప్రజల ప్రాణాలతో చెలగాటం ఆడుతున్నారు.

రోడ్డుపక్కన ఉండే చిన్నచిన్న హోటళ్లలోనూ అపరిశుభ్రత లోపిస్తోంది.

హోటళ్ల పక్కనే మురికికాలువలు ఉండటం.. ఆ సమీపంలోనే వంటపాత్రలు కడగడం, రోడ్లపై వచ్చే దుమ్ము తినే పదార్థాలపై పడి కలుషితం అవుతున్నాయి.

రెస్టారెంట్లలో గ్లాసులు దుర్వాసన వస్తున్నాయి.

ప్రతి హోటల్‌లో మాస్టర్లు, సర్వర్లు ఆఫ్రాన్లు, గ్లౌసులు ధరించాలి. కానీ.. జిల్లాలో ఇవి మచ్చు కై నా కన్పించవు.

ఆహారంలో వెంట్రుకలు రావడం, ఇతరత్రా పదార్థాలు కనిపిస్తున్నాయి.

చట్నీ దుర్వాసన రావడం మామూలుగా మా రింది.

ఒకసారి వినియోగించిన నూనెను మళ్లీమళ్లీ వాడుతున్నారు. ఆ నూనెలోనే పిండి పదార్థాలు, చికెన్‌, మటన్‌ వంటి పదార్థాలను వేయిస్తున్నారు.

గతంలో తనిఖీ చేసే సమయంలో కుళ్లిన చికెన్‌, మటన్‌ ఇతరత్రా పదార్థాలు వెలుగు చూడగా.. నామమాత్రంగా కేసులు నమోదు చేసి చేతులు దులుపుకున్నట్లు ఆరోపణలొచ్చాయి.

ఇటీవల కొత్తబస్టాండ్‌ సమీపంలోని ఓ హోటల్‌లో చట్నీలో గడ్డిపురుగు వచ్చింది.

తహసీల్‌ చౌరస్తాలో ఉన్న ఓ హోటల్‌లో ఇడ్లీలో బొద్దింక కనిపించింది. చపాతిలో ఫంగస్‌ వచ్చింది.

శ్రీనివాస థియేటర్‌ సమీపంలోని ఓ టిఫిన్‌ సెంటర్‌లో వడలో ఏకంగా జెర్రీ వచ్చింది.

ఇలా వరుస సంఘటనలు చోటుచేసుకుంటు న్నా.. బాధితులు ఫిర్యాదు చేస్తున్నా.. అధికారులు నామమాత్రంగా తనిఖీలు చేసి హోటల్‌ను సీజ్‌ చేస్తున్నారు. కానీ.. సదరు హోటల్‌ మరుసటి రోజు నుంచే తెరుచుకుంటోంది.