బందరులో టీడీపీ నేతల అశ్లీల నృత్యాలు

మహిళలతో నృత్యాలు చేస్తున్న టీడీపీ నేతలు

చిలకలపూడి (మచిలీపట్నం): కృష్ణా జిల్లా బందరులో టీడీపీ నేతలు మట్టి అక్రమాలు, పేకాట శిబిరాలు, గంజాయి అమ్మకాలు, భూ దందాలతో చెలరేగిపోతున్నారు. అలా వచ్చిన అక్రమ సొమ్ముతో జల్సాలు చేస్తున్నారు. లాడ్జిల్లో యువతులతో అశ్లీల నృత్యాలు చేస్తూ రెచ్చిపోతున్నారు. తాజాగా నగరం నడిబొడ్డు ఉన్న ఓ లాడ్జిలో మద్యం తాగి యువతులతో అశ్లీల నృత్యాలు చేస్తున్న టీడీపీ నేతల వీడియోలు సోషల్‌ మీడియాలో వైరల్‌ అవుతున్నాయి. ఈ వీడియోలో మంత్రి కొల్లు రవీంద్ర ముఖ్య అనుచరులు ముగ్గురున్నారు. 

వీరు మద్యం మత్తు­లో ఊగిపోతూ యువతులతో అశ్లీల నృత్యాలు చేశా­రు. వీడియోల విషయం తెలుసుకున్న  ఎస్పీ వి.విద్యాసాగర్‌నాయుడు విచారణకు స్పెషల్‌ బ్రాంచ్‌ అధికారులను ఆదేశించినట్టు సమాచారం. రంగంలోకి దిగిన ఎస్‌బీ సిబ్బంది అశ్లీల నృత్యాలు చేసిన వారి వివరాలు సేకరిస్తున్నట్టు తెలిసింది. మచిలీపట్నంలోని ఏ లాడ్జిని అద్దెకు తీసుకున్నారు? యువతులను ఎక్కడి నుంచి తీసుకువచ్చారు? వీడియోలో కనిపించే టీడీపీ నేతలే కాకుండా పెద్ద నాయకులు ఇంకా ఏవరైనా ఉన్నారా? వంటి వివరాలు సేకరిస్తున్నట్టు సమాచారం.