మున్సి‘పోల్స్‌’ ఏర్పాట్లలో గందరగోళం

సాక్షి, అమరావతి: రాష్ట్రంలో మున్సిపల్‌ ఎన్నికల ఏర్పాటు కార్యక్రమాలు గందరగోళంగా మారా­యి. రాష్ట్ర ఎన్నికల కమిషనర్‌ ఆదేశాల మేరకు సెప్టెంబర్ 3న రాష్ట్రవ్యాప్తంగా ఉన్న 17 నగర కా­ర్పొరేషన్లు, 82 మున్సిపాలిటీలు, 24 నగర పంచా­యతీల్లో కార్పొరేషన్‌ డివిజన్లు, మున్సిపల్‌ వా­ర్డుల వారీగా ఓటర్ల జాబితాలను ప్రకటించాల్సి ఉంది. అయితే, సగానికిపైగా నగర కార్పొరేష­న్లు, మున్సిపాలిటీ, నగర పంచాయతీల్లో వార్డుల సంఖ్య, ఆయా వార్డుల పరిధిపై ఇప్పటికీ స్పష్టత లేదని అధికారులు చెబుతున్నారు. దీనికి సంబంధించిన గడువుకు ఇంకా వారం రోజులే ఉండడంతో ఓటర్ల జాబితా ప్రకటన ఎలా సాధ్యమన్న చర్చ సాగుతోంది.

 రాష్ట్రంలో అన్ని నగరాలు, ము­న్సి­పా­లిటీల్లో ప్రస్తుతమున్న వార్డుల సంఖ్యను పెంచేందుకు ప్రభుత్వం ఆదేశాలు జారీచేసి, ఆ మేర కసరత్తును ఈ ఏడాది ఏప్రిల్‌లో ప్రారంభించింది. మొత్తం 123 కార్పొరేషన్లు, మున్సిపాలిటీలకు­గాను 23 చోట్ల పట్టణాలకు చుట్టుపక్కల గ్రామాల విలీనానికి సంబంధించి కోర్టు కే­సు­లు పెండింగ్‌లో ఉండడంతో మున్సిపల్‌ అధి­కారులు అసలు వార్డుల పునర్విభజన ప్రక్రియనే అక్కడ మొదలుపెట్టకుండా పక్కన పెట్టారు. 

మరోవైపు.. మిగిలిన 100 చోట్ల వార్డుల పునర్విభజన ప్రక్రియ ప్రారంభమయ్యాక 39 పట్టణాల్లో దీనిని వ్యతిరేకిస్తూ కోర్టులో కేసులు నమోదయ్యాయి. దీంతో అక్కడ ఆ ప్రక్రియ నిలిచిపోయింది. మిగిలిన 61 పట్టణాల్లోనే అది పూర్తయింది. మొత్తంమ్మీద సగానికి పైగా వార్డుల పునర్విభజన ప్రక్రియ పూర్తికాలేదు. 

రిజర్వేషన్లకు ఆ ఓటర్ల జాబితాలే కీలకం.. 
రాష్ట్ర ఎన్నికల కమిషనర్‌ అనిల్‌చంద్ర పునేఠ ఎ­ప్పుౖ­డెనా ఎన్నికలు నిర్వహించేందుకు వీలుగా అ­న్ని­చోట్లా ఓటర్ల జాబితాలను సిద్ధంచేసి వాటి­ని సెప్టెంబరు 3కల్లా ప్రకటించాలని ఇటీ­వల ఆదేశించారు. దీని ప్రకారం.. ఓటర్ల జాబితాల ప్రక­టన పూర్తయితేగానీ వార్డు­ల వారీగా ఎస్సీ, ఎస్టీ, బీసీ ఓటర్లను గుర్తించడం.. అలాగే రిజర్వేషన్లు ఖరారు చేయడం, ఎన్నికల నోటిఫికేషన్‌ జారీచేయడం సాధ్యంకాదని అధికారులు తేలి్చచెబుతున్నారు.