కువైట్‌ బాధితురాలికి విముక్తి

APNRTS help to women of West Godavari district - Sakshi

పశ్చిమ గోదావరి జిల్లా మహిళకు ఏపీఎన్‌ఆర్‌టీఎస్‌ సాయం

కడప కార్పొరేషన్‌: పశ్చిమ గోదావరి జిల్లా ఉండ్రాజవరం మండలం పళంగికి చెందిన గరికపాటి లక్ష్మికి కువైట్‌లో సేఠ్‌ వేధింపుల నుంచి విముక్తి లభించింది. ఏపీఎన్‌ఆర్‌టీఎస్‌ సాయంతో ఆమె సురక్షితంగా ఇండియాకు చేరింది. గరికపాటి లక్ష్మి 8 నెలల కిందట జీవనోపాధి కోసం కువైట్‌ వెళ్లింది. కువైటీ ఇంట్లో పెట్టే బాధలు భరించలేక భారత రాయ­­బార కార్యాలయానికి చేరుకుంది. అయితే అక్కడ ఎవరిని కలవాలో, ఏం మాట్లాడాలో తెలి­య­క అయోమయంలో ఉన్న సమయంలో ఏపీఎ­న్‌­ఆ­ర్‌టీస్‌ సామాజిక కార్యకర్త రెడ్డెయ్య రెడ్డి ఆమెతో మాట్లాడి అక్కడ ఎదుర్కొన్న ఇబ్బ­ందులను తెలు­సుకున్నారు.

కువైట్‌ ఇమ్మిగ్రేషన్, ఎంబసీ పనులు పూర్తయ్యేందుకు నెల సమయం పట్టింది. 30 రో­జు­ల పాటు ఏపీఎన్‌ఆర్‌టీఎస్‌ రీజనల్‌ కో ఆర్డినే­టర్‌ భోజన, వసతి సౌకర్యాలు కల్పించడమేగాక విమాన టికెట్, దారి ఖర్చుల కింద రూ.13 వేలు సాయం చేశారు. 14వ తేదీ తెల్లవారు­జామున 4.05 గంటలకు కువైట్‌ నుంచి బయ­లుదేరిన ఆమె మధ్యాహ్నం 2.35 గంటలకు హైదరాబాద్‌కు చేరు­కుంది. ఈ సందర్భంగా లక్ష్మి మాట్లాడుతూ సీఎంవైఎస్‌ జగన్‌ సారథ్యంలో గల్ఫ్‌­లోని ప్రవా­సాంధ్రుల సమస్యలను పరిష్క­రిస్తున్న ఏపీఎన్‌ఆర్‌­టీఎస్‌ వారికి రుణపడి ఉంటానని చెప్పారు. 

Read latest Andhra Pradesh News and Telugu News | Follow us on FaceBook, Twitter, Telegram



 

Read also in:
Back to Top