మద్యానికి దూరంగా.. అంతా ఒక్కటిగా

ఆదిలాబాద్‌ (బేల): మద్యం మహమ్మారికి అడ్డుకట్ట వేసేందుకు మండలంలోని చప్రాల గ్రామస్తులంతా ఒక్కటయ్యారు. గ్రామంలో మద్యం విక్రయాలు, వి నియోగాన్ని నిషేధించాలని శనివారం ఏకగ్రీవంగా తీర్మానించారు. సర్పంచ్‌ మెస్రం దౌలత్‌, ఉప స ర్పంచ్‌ టాక్రే సాగర్‌ ఆధ్వర్యంలో గ్రామ సంక్షేమం, కుటుంబాల భవిష్యత్‌పై చర్చించారు. మద్యం వల్ల కుటుంబాల్లో కలిగే సమస్యలను అరికట్టి, ఆరోగ్యకరమైన వాతావరణాన్ని కల్పించాలనే ఉద్దేశంతో ఈ నిర్ణయం తీసుకున్నట్లు తెలిపారు. కార్యక్రమంలో వార్డు సభ్యులు హేమంత్‌ పటేల్‌, గెడం సూర్యభాన్‌, మెస్రం శ్రీకాంత్‌, దోటే ఆకాష్‌, శాలిక్‌ నాకతే, మహిళలు లక్ష్మి అనకే, పంచపూల, మెస్రం యశోద, తదితరులు పాల్గొన్నారు.