కాంగ్రెస్‌ను గెలిపిస్తే.. తెలంగాణలో ఇందిరమ్మ రాజ్యం తెస్తాం..!

- - Sakshi

ఇది భీమ్, రాంజీ వీరుల భూమి 

‘జల్‌ జంగల్‌ జమీన్‌’ పోరుగడ్డ

భూపట్టాలిచ్చాం.. ఐటీడీఏలు పెట్టాం

ఆదివాసీలకు ఇందిరమ్మ ఎన్నో చేసింది

బీఆర్‌ఎస్, బీజేపీ ఏంచేశాయో అడగండి

ఖానాపూర్, ఆసిఫాబాద్‌ సభల్లో ఏఐసీసీ ప్రధాన కార్యదర్శి ప్రియాంకాగాంధీ

సభల సక్సెస్‌తో కాంగ్రెస్‌ శ్రేణుల్లో జోష్‌

నిర్మల్‌/ఖానాపూర్‌/సాక్షి, ఆసిఫాబాద్‌: ‘కుమురంభీమ్, రాంజీగోండు, సమ్మక్క–సారలమ్మ లాంటి వీరుల భూమి ఇది. జల్‌ జంగల్‌ జమీన్‌ కోసం పోరాడిన గడ్డ ఇది. ఆదివాసులది ప్రపంచంలోనే గొప్ప సంస్కృతి. గిరిజన బిడ్డల కోసం ఇందిరమ్మ ఎన్నో చేసింది. అందుకే 40 ఏళ్లయినా దేశంలో ఏ మారుమూల గ్రామానికి వెళ్లినా తనను గుర్తుచేస్తుంటారు.. కాంగ్రెస్‌ను గెలిపిస్తే.. తెలంగాణలో ఇందిరమ్మ రాజ్యం తెస్తాం’ అని ఏఐసీసీ ప్రధాన కార్యదర్శి ప్రియాంకాగాంధీ అన్నారు.

నిర్మల్‌ జిల్లా ఖానాపూర్, కుమురంభీం ఆసిఫాబాద్‌ జిల్లా కేంద్రంలో ఆదివారం వేర్వేరుగా ఎన్నికల ప్రచార సభలు నిర్వహించారు. ఖానాపూర్‌లో పార్టీ అభ్యర్థి వెడ్మ బొజ్జుపటేల్‌ తరఫున, ఆసిఫాబాద్‌లో అభ్యర్థి శ్యాంనాయక్‌ తరఫున ప్రచారం చేశారు. ఆదివాసీ నేతలైన బొజ్జుపటేల్, శ్యాం నాయక్‌ను గెలిపించాలని కోరారు. రెండు సభలు సక్సెస్‌ కావడంతో కాంగ్రెస్‌ శ్రేణుల్లో జోష్‌ కనిపించింది.

భూమి పట్టాలు, ఐటీడీఏలు..
ఆదివాసీలు, గిరిజన బిడ్డల కోసం కాంగ్రెస్‌ ప్రభుత్వం ఎన్నో చేసిందని, ఇక ముందూ సంక్షేమ ఫలాలు అందిస్తుందని ప్రియాంకాగాంధీ తెలిపారు. తన నానమ్మకు ఆదివాసీలంటే చాలా ఇష్టమని, వారికోసం చాలా కార్యక్రమాలు చేపట్టారని వివరించారు. భూములపై హక్కులు, పట్టాలు, పక్కా ఇళ్లు ఇచ్చారన్నారు. గిరిజనుల సంపూర్ణ వికాసం, అభివృద్ధి కోసం ఐటీడీఏలను ఏర్పాటు చేశారని చెప్పారు. ఇందిరమ్మ పుట్టినరోజునే ఇలా ఆదివాసీలను కలుసుకోవడం చాలా సంతోషంగా ఉందని తెలిపారు.  

విజన్‌తో అభివృద్ధి చేస్తాం
పదేళ్లపాటు రాష్ట్రాన్ని పాలించిన కేసీఆర్‌ ప్రజల కలలను ఒక్కొక్కటిగా నాశనం చేస్తూ వచ్చారని ప్రియాంకాగాంధీ ఆరోపించారు. యువతకు ఉద్యోగాలు, రైతులకు రుణమాఫీ, మహిళలకు సంక్షేమ ఫలాలు ఇవ్వలేదని విమర్శించారు. పథకాలు, అభివృద్ధి పేరిట చేపట్టిన పనుల్లో రూ.కోట్లు దోచుకున్నారని, అన్నింట్లో అవినీతి పెరిగిపోయిందని ఆరోపించారు.

కాంగ్రెస్‌ను గెలిపిస్తే ముందుచూపుతో ప్రజల అభివృద్ధికి కృషిచేస్తామని తెలిపారు. ఇందులో భాగంగానే ఆరు గ్యారంటీలను తీసుకువచ్చామని చెప్పారు. ఓటు కోసం వచ్చే బీఆర్‌ఎస్, బీజేపీ ఏం చేశాయో నిలదీయాలని పిలుపునిచ్చారు. ఖానాపూర్‌ అభ్యర్థి వెడ్మ బొజ్జుపటేల్, నిర్మల్‌ అభ్యర్థి శ్రీహరిరావు, బోథ్‌ అభ్యర్థి ఆడె గజేందర్, ఆదిలాబాద్‌ అభ్యర్థి కంది శ్రీనివాస్‌రెడ్డిని వేదికపై చూపిస్తూ వారిని గెలిపించాలని కోరారు.

ఆకట్టుకున్న ప్రసంగం
ఆసిఫాబాద్‌ సభలో ప్రియాంకాగాంధీ ప్రపంచ కప్‌ క్రికెట్‌ గురించి మాట్లాడటంతో సభలో హర్షధ్వానాలు వ్యక్తమయ్యాయి. ఇండియా కచ్చితంగా గెలుస్తుందని.. 1983లో ఇండియా ప్రపంచ కప్‌ గెలుచుకున్న సందర్భంలో తన నానమ్మ ఇందిరాగాంధీ టీం సభ్యులకు ఇచ్చిన విందు గురించి తనకు గుర్తుందని అప్పటి జ్ఞాపకాలు నెమరువేసుకున్నారు.

ఆమె ప్రసంగాన్ని తెలుగులో అనువాదం చేయడానికి కాంగ్రెస్‌ నేత ఒకరు సిద్ధమవుతుండగా.. ప్రియాంక ‘అనువాదం కావాలా.. హిందీలో ప్రసంగం కొనసాగించనా..’ అని అడగ్గా.. ప్రజలు తెలుగులో అనువాదం కావాలని కోరారు. దీంతో ఆమె తెలుగు అనువాదానికి అంగీకరించి ప్రసంగం కొనసాగించారు. ప్రత్యేక తెలంగాణ రాష్ట్రం ఏర్పడ్డాక యువత, అక్కచెల్లెమ్మలు పడుతున్న కష్టాల గురించి చెబుతూ.. ‘కేసీఆర్‌ హయాంలో యువతకు ఉపాధి దొరికిందా? అక్కచెల్లెమ్మల పురోగతికి ప్రభుత్వం పనిచేసిందా?’ అని ప్రియాంక సభికులను ప్రశ్నించగా.. అందరూ ముక్తకంఠంతో లేదు.. లేదు.. అని సమాధానం ఇవ్వడం కనిపించింది.

దాదాపు 50 నిమిషాల పాటు ఆమె ప్రసంగం కొనసాగింది. ఆయా సభల్లో మహారాష్ట్ర మాజీ సీఎం అశోక్‌రావుచవాన్, తెలంగాణ కాంగ్రెస్‌ వ్యవహారాల ఇన్‌చార్జి మాణిక్‌రావు ఠాక్రే, ఏఐసీసీ కార్యదర్శి, తెలంగాణ జోనల్‌ ఇన్‌చార్జి విష్ణునాథ్, ఖానాపూర్‌ పరిశీలకుడు ప్రజ్ఞానంద్‌ ఖర్సె, ఏఐసీసీ సెక్రటరీ రోహిత్‌చౌదరి, ఖానాపూర్‌ ఎమ్మెల్యే రేఖానాయక్, రాజురా ఎమ్మెల్యే సుభాష్‌ దోబే, కర్ణాటక ఎమ్మెల్సీ ప్రకాశ్‌రాథోడ్, మాజీ ఎమ్మెల్సీ రాజయ్య, సిర్పూర్‌ ఎమ్మెల్యే అభ్యర్థి రావి శ్రీనివాస్, నిర్మల్‌ బోథ్, ఆదిలాబాద్‌ ఎమ్మెల్యే అభ్యర్థులు కూచాడి శ్రీహరిరావు, ఆడె గజేందర్, కంది శ్రీనివాస్‌రెడ్డి, నాయకులు గుండా శ్యాం, మంగ, గణేశ్, అనిల్‌గౌడ్, మునీర్, ఆసిఫ్, సత్తు మల్లేశ్, పత్తిరెడ్డి రాజేశ్వర్‌రెడ్డి, దయానంద్, చిన్నం సత్యం, షబ్బీర్‌పాషా, నిమ్మల రమేశ్, సతీశ్‌రెడ్డి, దుర్గాభవాని, జహీర్‌ హైమద్, మజీద్, గుగ్లావత్‌ రాజు, జంగిలి శంకర్, గంగనర్సయ్య, సలీంఖాన్, సీపీఐ నాయకులు బద్రి సత్యనారాయణ, భోగే ఉపేందర్, అల్లూరి లోకేశ్, పార్టీ నాయకులు, కార్యకర్తలు పాల్గొన్నారు. 

గెలిపిస్తారనే నమ్మకంతో ఉన్నం..
‘ఎకరం 38 గుంటల భూమి మాత్రమే ఉన్న పేదోడిని.. ఇప్పటికీ ఇందిరమ్మ ఇంట్లోనే ఉంటున్న. తెలంగాణ ఇచ్చిన సోనియమ్మ బిడ్డ నాకోసం ఖానాపూర్‌ గడ్డకు రావడం చాలా అదృష్టంగా భావిస్తున్న. ఈ పేదోడికి ఒక్క అవకాశమిచ్చి గెలిపించండి. ఖానాపూర్‌ నియోజకవర్గంలో 33 ఏళ్లుగా కాంగ్రెస్‌ గెలుపు కోసం పార్టీ నాయకులు, కార్యకర్తలు ప్రజలపై నమ్మకంతో ఉన్నారు.

మా నమ్మకాన్ని నిలబెట్టాలని కోరుతున్న..’ అంటూ ఖానాపూర్‌ కాంగ్రెస్‌ అభ్యర్థి వెడ్మ బొజ్జుపటేల్‌ అభ్యర్థించారు. వైఎస్సార్‌ హయాంలో ఖానాపూర్‌, కడెం మండలాల రైతుల చిరకాల స్వప్నం సదర్మాట్‌ బ్యారేజీని మంజూరు చేస్తే, బీఆర్‌ఎస్‌ పాలనలో నిర్మల్‌ ప్రాంతానికి తరలించినా నేటికీ పూర్తి చేయలేదన్నారు. కడెం ప్రాజెక్ట్‌కు కనీసం మరమ్మతు చేయించలేని స్థితిలో ప్రభుత్వం ఉందని ఆరోపించారు. స్థానికేతరుడిని, తన బినామీతో కేటీఆర్‌ పోటీ చేయిస్తున్నారని, ఈ ఎన్నికల్లో బీఆర్‌ఎస్‌కు బుద్ధి చెప్పాలని పిలుపునిచ్చారు.

ఆసిఫాబాద్‌ గడ్డ.. కాంగ్రెస్‌ అడ్డా
ఆసిఫాబాద్‌ అభ్యర్థి శ్యాంనాయక్‌ మాట్లాడుతూ.. జిల్లాలో ఆదివాసీలు ఎన్నో కష్టాలు పడుతున్నారని, వారి సమస్యల పరిష్కారానికి కృషి చేస్తామని చెప్పారు. వట్టివాగు, అడ ప్రాజెక్టుల్లో నీరున్నా పంటలకు అందించే లేని దుస్థితి ఉందని తెలిపారు. స్థానికంగా బీఆర్‌ఎస్‌ ప్రభుత్వం 10 ఏళ్లున్నా అభివృద్ధి శూన్యమన్నారు. నియోజకవర్గంలో ప్రధాన సమస్యలైన గుండి బ్రిడ్జి, అప్పపల్లి రహదారి, తుంపల్లి వాగుపై హైలెవెల్‌ బ్రిడ్జి అనార్పల్లి బిడ్జిలతోపాటు ఇతర ప్రజాసమస్యల పరిష్కారానికి నిరంతరం కృషి చేస్తామని, అంబేద్కర్‌ ఆశయాల మేరకు పని చేస్తానని తెలిపారు. ఆసిఫాబాద్‌ గడ్డపై మరోసారి కాంగ్రెస్‌ జెండా ఎగురవేయాలని కోరారు.

Read latest Adilabad News and Telugu News | Follow us on FaceBook, Twitter, Telegram

మరిన్ని వార్తలు

22-11-2023
Nov 22, 2023, 11:45 IST
నాగర్‌కర్నూల్‌/అలంపూర్‌/కొల్లాపూర్‌/కల్వకుర్తి రూరల్‌: కాంగ్రెస్‌ పార్టీకి అధికారం ఇస్తే కరెంట్‌ కష్టాలు తప్పవని, సంక్షేమ పథకాల అమలు ప్రశ్నార్థకమవుతాయని ముఖ్యమంత్రి కల్వకుంట్ల...
22-11-2023
Nov 22, 2023, 11:39 IST
జడ్చర్ల టౌన్‌: ప్రస్తుత సాధారణ ఎన్నికల్లో ప్రధాన పార్టీల అభ్యర్థులు ఎవరు గెలిచినా రికార్డు నమోదవుతుంది. 1962లో జడ్చర్ల నియోజకవర్గం...
22-11-2023
Nov 22, 2023, 11:37 IST
సాక్షి ప్రతినిధి మహబూబ్‌నగర్‌ / సాక్షి, నాగర్‌కర్నూల్‌: ఉమ్మడి పాలమూరు జిల్లావ్యాప్తంగా అన్ని నియోజకవర్గాల్లో రాజకీయ పార్టీల ప్రచారం హోరెత్తుతోంది....
22-11-2023
Nov 22, 2023, 11:34 IST
అచ్చంపేట: ఎన్నికల్లో గెలుపొంది ప్రజాప్రతినిధిగా పేరు పొందాలని అనుకోని రాజకీయ నాయకుడు ఉండడంటే అతిశయోక్తి కాదు. అందుకోసం ఎవరికి వారు...
22-11-2023
Nov 22, 2023, 11:19 IST
నల్గొండ: భారత రాజ్యాంగం ప్రకారం 18 ఏళ్లు నిండిన భారత పౌరులందరికీ ఓటు హక్కు ఉంటుంది. జైలు శిక్ష అనుభవిస్తున్న...
22-11-2023
Nov 22, 2023, 11:06 IST
జడ్చర్ల టౌన్‌: ఏ ఎన్నికలకు సంబంధించి పోలింగ్‌లో అయినా పోలింగ్‌ బూత్‌కు వెళ్లడం.. ఓటర్‌ స్లిప్‌, గుర్తింపు కార్డు చూపడం.....
22-11-2023
Nov 22, 2023, 10:26 IST
బీజేపీ బండారాన్ని నిర్మలా సీతారామన్‌ బయటపెట్టారని.. పంట పొలాల మోటార్లకు సంబంధిం..
22-11-2023
Nov 22, 2023, 10:09 IST
మహబూబ్‌నగర్: కొల్లాపూర్‌లో బర్రెలక్క అలియాస్‌ శిరీష స్వతంత్ర అభ్యర్థిగా ఎన్నికల బరిలో నిలిచారు. మంగళవారం కోడేరులో ప్రచారం ముగించుకుని వెన్నచర్ల...
22-11-2023
Nov 22, 2023, 10:07 IST
సాక్షి,ఆదిలాబాద్‌: బోథ్‌ కాంగ్రెస్‌ అభ్యర్థి మార్పు ప్రయోజనమెంతా అనే చర్చ ప్రస్తుతం ఆ పార్టీలో సాగుతోంది. బీఆర్‌ఎస్‌, బీజేపీల ప్రచారం...
22-11-2023
Nov 22, 2023, 07:49 IST
హైదరాబాద్: ఎన్నికల ప్రచారం కీలకదశకు చేరుకుంది. రాష్ట్ర వ్యాప్తంగా ఉద్ధృతంగా సాగుతోంది. ఎన్నికల తేదీ సమీపిస్తుండటంతో ప్రధాన పార్టీలన్నీ రాజధాని...
22-11-2023
Nov 22, 2023, 04:35 IST
సాక్షి, హైదరాబాద్‌:  ప్రచార పర్వం మరో వారం రోజులే మిగిలిన నేపథ్యంలో కాంగ్రెస్‌ పార్టీ బడా నేతలను రంగంలోకి దింపుతోంది....
22-11-2023
Nov 22, 2023, 04:29 IST
సాక్షి, హైదరాబాద్‌: తెలంగాణలో ఆర్థిక నిర్వహణ అధ్వానంగా ఉందని కేంద్ర ఆర్థిక మంత్రి నిర్మలా సీతారామన్‌ విమర్శించారు. కేసీఆర్‌ ప్రభుత్వ...
22-11-2023
Nov 22, 2023, 04:25 IST
దుబ్బాక టౌన్‌/సిరిసిల్ల: ఢిల్లీ చేతిలో మన జుట్టు పెట్టవద్దని, కాంగ్రెస్, బీజేపీలకు ఓట్లు వేస్తే ఢిల్లీయే పెత్తనం చెలాయిస్తుందని బీఆర్‌ఎస్‌...
22-11-2023
Nov 22, 2023, 04:20 IST
సాక్షి ప్రతినిధి, ఖమ్మం/సాక్షి, మహబూబాబాద్‌/సాక్షి ప్రతినిధి, నల్లగొండ: ఎన్నికల సమయంలో కాంగ్రెస్‌ వాళ్లు కొత్త డ్రామా మొదలుపెట్టారని.. ఆ పారీ్టకి...
22-11-2023
Nov 22, 2023, 04:12 IST
హుస్నాబాద్‌/చిగురుమామిడి/ అక్కన్నపేట/కోహెడ: కరెంటు సరఫరా ప్రధాన ఎజెండాగానే ఈ అసెంబ్లీ ఎన్నికలు జరుగనున్నాయని, మూడు గంటలు కరెంట్‌ ఇచ్చే కాంగ్రెస్‌...
22-11-2023
Nov 22, 2023, 01:22 IST
రెండు పర్యాయాలు ఎమ్మెల్యేగా గెలిచి, మంత్రిగా పనిచేసిన చరిత్ర ప్రశాంత్‌రెడ్డి సొం తం. ఈసారి మేనల్లుడు అయిన ప్రశాంత్‌రెడ్డిపై ఎలాగైన...
21-11-2023
Nov 21, 2023, 19:16 IST
సాక్షి, మంచిర్యాల : ఎన్నికల్లో  గెలవలేకే తనపై  ఐటీ దాడులు చేయిస్తున్నారని మాజీ ఎంపీ, చెన్నూరు కాంగ్రెస్‌ అభ్యర్థి వివేక్‌ వెంకటస్వామి మండిపడ్డారు. బీఆర్‌ఎస్‌...
21-11-2023
Nov 21, 2023, 18:20 IST
సాక్షి, సిరిసిల్ల : బీఆర్‌ఎస్‌ వర్కింగ్‌ ప్రెసిడెంట్‌, మంత్రి కేటీఆర్‌ కాంగ్రెస్‌ నేతలకు బంపర్‌ ఆఫర్‌ ఇచ్చారు. సిరిసిల్ల నియోజకవర్గం ముస్తాబాద్...
21-11-2023
Nov 21, 2023, 18:02 IST
సాక్షి, మధిర : ప్రజా ఆశీర్వాద సభలో సీఎం కేసీఆర్‌ చేసిన వ్యాఖ్యలకు సీల్పీ నేత భట్టి విక్రమార్క కౌంటర్‌​ ఇచ్చారు. కేసీఆర్‌ మధిర...
21-11-2023
Nov 21, 2023, 13:36 IST
సాక్షి ప్రతినిధి, మంచిర్యాల: బెల్లంపల్లి నియోజకవర్గ కాంగ్రెస్‌ పార్టీ అభ్యర్థి, మాజీ మంత్రి గడ్డం వినోద్‌కు సొంత పార్టీలో కొందరి...



 

Read also in:
Back to Top