హాలీవుడ్‌ ఫ్రాంఛైజీ మూవీ ‘మిషన్‌ ఇంపాజిబుల్‌: ది ఫైనల్‌ రెకనింగ్‌’ (Mission Impossible) ఉచితంగానే చూసేయండి. అమెజాన్‌ ప్రైమ్‌లో ఇప్పటి వరకు రెంటల్‌ విధానంలో ఈ మూవీ అందుబాటులో ఉన్న విషయం తెలిసిందే. అయితే, తాజాగా దానిని తొలగించారు. హాలీవుడ్‌ ఫ్రాంఛైజీల్లో మిషన్‌ ఇంపాసిబుల్‌ సిరీస్‌లకు ప్రపంచవ్యాప్తంగా ప్రత్యేకమైన ఫ్యాన్స్‌ ఉన్నారు. ఆ సిరీస్‌లో భాగంగా 8వ సినిమాగా వచ్చిన ‘మిషన్‌ ఇంపాసిబుల్‌: ది ఫైనల్‌ రెకనింగ్‌’ బాక్సాఫీస్‌ వద్ద భారీ విజయాన్ని సొంతం చేసుకుంది. ఇందులో టామ్‌ క్రూజ్‌ చేసిన సాహసాలు అత్యంత ప్రమాధకరంగా ఉన్నాయని హాలీవుడ్‌ మీడియా కూడా కథనాలు రాసింది. అతని నటన, యాక్షన్‌ విశేషంగా ప్రేక్షకులను ఆకట్టుకున్నాయి.ఆగష్టు 19న అమెజాన్‌ ప్రైమ్‌లో మిషన్‌ ఇంపాజిబుల్‌ స్ట్రీమింగ్‌కు వచ్చేసింది. అయితే, ఇప్పటి వరకు రెంటల్‌ విధానంలో అందుబాటులో ఉంది. తాజాగా దానిని తొలగించేశారు. ఉచితంగానే ఈ మూవీని చూసేయవచ్చు. తెలుగులో కూడా ఈ చిత్రం అందుబాటులో ఉంది. బాక్సాఫీస్‌ వద్ద సుమారు రూ. 6వేల కోట్ల వరకు ఈ చిత్రం కలెక్షన్స్‌ రాబట్టింది. సుమారు రూ. 3400 కోట్ల వరకు ఈ చిత్రం కోసం నిర్మాతలు ఖర్చు చేశారు. క్రిస్టోఫర్‌ మేక్‌క్వారీ ఈ మూవీకి దర్శకత్వం వహించారు.సిరీస్‌ మొత్తం ఒకే పరమైన కథాంశంతో ఉంటుంది. కథానాయకుడు తన టీమ్‌తో కలిసి ప్రపంచాన్ని రక్షించడానికి విలువైన డాక్యుమెంట్లు, ఆయుధాలు శత్రువుల చేతుల్లోకి వెళ్ళకుండా చూడడమే మిషన్‌ ఇంపాజిబుల్‌. సిరీస్‌ మొదటినుంచి ఒకే టీమ్‌ను మెయింటైన్‌ చేస్తూ ఈ సినిమాలో మాత్రం టీమ్‌లోని ఓ మెంబరైన లూథర్‌ పాత్రను చంపేశారు. అదే ఆడియన్స్‌ను కొంచెం ఆలోచనలో పడేస్తుంది. ఓవరాల్‌గా ‘మిషన్‌ ఇంపాజిబుల్‌–ది ఫైనల్‌ రికనింగ్‌’ సినిమా యాక్షన్‌ థ్రిల్లర్‌ను ఇష్టపడేవాళ్ళకి... అలాగే ఈ సిరీస్‌ను ఫాలో అయ్యేవాళ్ళకు విజువల్‌ ఫీస్ట్‌ అనే చెప్పాలి.

ఆ హీరోకి 63 ఏళ్లు..ఇప్పటికే మూడు పెళ్లిళ్లు..విడాకులు అయ్యాయి. ఇప్పుడు 37 ఏళ్ల హీరోయిన్‌తో డేటింగ్‌ చేస్తున్నాడు. త్వరలోనే పెళ్లి కూడా చేసుకుంటున్నారట. పెళ్లంటే మాములు పెళ్లి కాదు..ఇంతవరకు ఎవరూ చేసుకొని విధంగా..అంతరిక్షంతో వివాహం చేసుకోవడానికి రెడీ అవుతున్నారట. ఆ హీరో ఎవరో కాదు.. హాలీవుడ్ సూపర్ స్టార్ టామ్ క్రూజ్(Tom Cruise ). హీరోయిన్‌ అనాడి అర్మాస్(Ana de Armas)‌. వీరిద్దరు గత కొంతకాలంగా డేటింగ్‌ చేస్తున్నట్లు హాలీవుడ్‌లో వార్తలు వచ్చాయి. లండన్‌లో ఇద్దరు కలిసి తిరిగిన ఫోటోలు నెట్టింట వైరల్‌గా మారాయి. వీరి ప్రేమ విషయాన్ని అధికారికంగా ఇంకా ప్రకటించలేదు కానీ.. అప్పుడే పెళ్లికి సంబంధించి పుకార్లు అయితే వచ్చాయి. భూమిపై కాకుండా అంతరిక్షంలో పెళ్లి చేసుకోవాలని ఈ జంట భావిస్తుందట. ఒకవేళ అది కుదరపోతే గాల్లో తేలియాడుతూ పెళ్లి చేసుకోవాలని ప్లాన్‌ చేస్తున్నారట. ‘టాక్‌ క్రూజ్‌కి అంతరిక్ష ప్రయాణం అంటే చాలా ఇష్టం. స్పేస్‌లో పెళ్లి చేసుకోవాలనే ఆలోచనలో ఆయన ఉన్నారు. అవకాశం వస్తే.. అంతరిక్షంలో పెళ్లి చేసుకోని చరిత్రకెక్కాలని టామ్‌ ఆశపడుతున్నాడు’ అని ఆయన సన్నిహిత వర్గాలు చెప్పినట్లు ఓ హాలీవుడ్‌ మీడియా పేర్కొంది. అంతేకాదు గాలిలో తేలియాడుతూ పెళ్లి చేసుకోవాలనే ఆలోచన కూడా చేస్తున్నారు. అది కుదరకపోతే అండర్‌వాటర్ వెడ్డింగ్: (సముద్రంలోకి డైవ్ అయి, అక్వారియం లాంటి సెటప్‌లో పెళ్లి చేసుకోవడం) చేసుకోవాలని ప్లాన్‌ చేస్తున్నారట. మొత్తానికి సాధారణ పెళ్లి కాకుండా ‘హెడ్‌లైన్‌’లో ఉండే వివాహాన్ని చేసుకోవాలని ఇద్దరు కోరుకుంటున్నారట. మరి ఈ స్పెషల్‌ జంట పెళ్లి ఎలా జరుగుతుందో చూడాలి.కాగా టామ్‌ క్రూజ్‌ ఇప్పటికే ముగ్గురికి విడాకులు ఇచ్చాడు. 1987లో మిమీ రోజర్స్‌ని పెళ్లి చేసుకోగా.. మూడేళ్లకే విడాకులు ఇచ్చేశాడు. 1990లోనే నికోల్ కిడ్మన్‌ని వివాహమాడాడు. పదకొండేళ్లు కాపురం చేసిన తర్వాత ఈమె నుంచి కూడా విడిపోయాడు. తర్వాత ఐదేళ్ల పాటు ఒంటరిగానే ఉన్న టామ్.. 2006లో కేట్ హోమ్స్‌ని ప్రేమించి, పెళ్లి చేసుకున్నాడు. కానీ ఆరేళ్ల కాపురం తర్వాత విడాకులు ఇచ్చేశాడు. ఇవే కాకుండా అమెరికన్ నటి హీథర్ లాక్‌లియర్‌తో, సింగర్ చెర్‌తో కొన్నాళ్ల పాటు డేటింగ్‌ చేశాడు. ఇక అనాడి ఆర్మాస్‌ కూడా 2011లో స్పానిష్ నటుడు మార్క్ క్లోటెట్‌ని పెళ్లి చేసుకొని.. రెండేళ్లకే విడాకులు ఇచ్చింది. ఆ తర్వాత టామ్‌తో ప్రేమలో పడింది. ప్రస్తుతం వీరిద్దరూ కలిసి ‘డీపర్’ అనే యాక్షన్ థ్రిల్లర్ సినిమాలో నటిస్తున్నారు. ఈ సినిమా షూటింగ్ సమయంలోనే వారి మధ్య సాన్నిహిత్యం పెరిగిందని హాలీవుడ్‌ టాక్‌.

బాలీవుడ్ బ్యూటీ అమీషా పటేల్ తెలుగువారికి కూడా సుపరిచితమే. హిందీ మూవీస్‌తో ఇండస్ట్రీలో అడుగుపెట్టిన భామ.. టాలీవుడ్‌లో బద్రిలో హీరోయిన్‌గా నటించింది. ఆ తర్వాత మహేశ్ బాబు 'నాని', ఎన్టీఆర్ 'నరసింహుడు', పరమవీరచక్ర తదితర చిత్రాల్లోనూ మెప్పించింది. దాదాపు ఐదేళ్ల గ్యాప్ తర్వాత గదర్‌-2లో మెప్పించింది. అయితే ఇటీవల ఓ పాడ్‌కాస్ట్‌కు హాజరైన అమీషా పటేల్ తన పెళ్లితో పాటు కెరీర్ గురించి పలు ఆసక్తికర విషయాల పంచుకుంది.అంతేకాకుండా తన క్రష్‌ గురించి కూడా ఈ పాడ్‌కాస్ట్‌లో మాట్లాడింది. హాలీవుడ్ సూపర్ స్టార్ టామ్ క్రూజ్‌ అంటే తనకు విపరీతమైన ప్రేమ ఉందని అమీషా పటేల్ మనసులోని మాటను బయటపెట్టింది. అతనితో ఒక నైట్ ఉండేందుకు కూడా తనకు ఎలాంటి అభ్యంతరం లేదని షాకింగ్ కామెంట్స్ చేసింది. అయితే టామ్ క్రూజ్ పట్ల తనకున్న అభిమానాన్ని అమీషా పటేల్ పంచుకోవడం ఇదేం మొదటిసారి కాదు.. 2023లోను తన గదిలో ఆ స్టార్‌ పోస్టర్లు ఉన్నాయని అమీషా వెల్లడించింది. టామ్‌తో కలిసి పనిచేయాలనేది తన కోరిక అని తెలిపింది.అమీషా పటేల్ మాట్లాడుతూ.. "నాకు టామ్ క్రూజ్ అంటే చాలా ఇష్టం. మీరు అతనితో పాడ్‌కాస్ట్ చేయగలిగితే.. దయచేసి నన్ను కూడా ఆ పాడ్‌కాస్ట్‌కి పిలవండి. ఎందుకంటే నా చిన్నప్పటి నుంచి టామ్ క్రూజ్ అంటే ఇష్టం. నా పెన్సిల్ బాక్స్‌లో.. నా ఫైల్స్‌లో అతని ఫోటో ఉండేది. నా గదిలో ఉన్న ఏకైక పోస్టర్ టామ్ క్రూజ్‌దే. అతను ఎప్పుడు.. ఎప్పటికీ నా క్రష్. నేను అతని కోసం ఏదైనా చేయడానికి సిద్ధం. అతనితో ఒక నైట్ ఉండేందుకు కూడా వెనకాడను. అతనికి పెద్ద అభిమానిని అని.. అవకాశం ఇస్తే పెళ్లి చేసుకునేదాన్ని" అంటూ షాకింగ్ కామెంట్స్ చేసింది. తాను పెళ్లికి వ్యతిరేకం కాదని..సరైన వ్యక్తి దొరికితే మూడు ముళ్ల బంధంలోకి అడుగుపెడతానని కూడా అంటోంది అమీషా పటేల్.ఇక కెరీర్ విషయానికొస్తే.. ఐదేళ్ల విరామం తర్వాత అమీషా పటేల్.. గదర్- 2తో రీ ఎంట్రీ ఇచ్చింది. ఈ మూవీలో సన్నీ డియోల్, ఉత్కర్ష్ శర్మ కీలక పాత్రలు పోషించారు. 2023లో రిలీజైన ఈ చిత్రం ప్రపంచవ్యాప్తంగా బాక్సాఫీస్ వద్ద రూ.686 కోట్లు వసూలు చేసి బ్లాక్‌బస్టర్‌గా నిలిచింది. ఆమె చివరిసారిగా 2024లో వచ్చిన తౌబా తేరా జల్వా మూవీలో కనిపించింది. ప్రస్తుతం ఈ 50 ఏళ్ల బ్యూటీ ఎలాంటి ప్రాజెక్ట్‌ను ప్రకటించలేదు.

సినిమా సెలబ్రిటీల మధ్య డేటింగ్, ప్రేమ, పెళ్లి లాంటివి చాలా సాధారణంగా వినిపిస్తుంటయి. ఎప్పటికప్పుడు ఏదో ఒక వార్త వస్తూనే ఉంటుంది. మిగతా వాటి సంగతేమో గానీ ఇప్పుడు 63 ఏళ్ల స్టార్ హీరోతో 37 ఏళ్ల హీరోయిన్ ప్రేమలో పడిందనే విషయం చర్చనీయాంశంగా మారింది. ఇంతకీ ఎవరా హీరోహీరోయిన్? ఏంటి సంగతి?టాప్ గన్, మిషన్ ఇంపాజిబుల్ లాంటి సినిమాలతో ప్రపంచవ్యాప్తంగా గుర్తింపు తెచ్చుకున్న హాలీవుడ్ నటుడు టామ్ క్రూజ్.. ఆరోసారి ప్రేమలో పడ్డాడనే న్యూస్ తెగ వైరల్ అవుతుంది. ఎందుకంటే ఇదివరకే మూడుసార్లు పెళ్లి చేసుకుని విడాకులు కూడా ఇచ్చేసిన ఇతడు.. తర్వాత ఒకామెతో రిలేషన్‌లో ఉన్నాడు. ఇప్పుడు 37 ఏళ్ల అనా డీ అర్మాస్‌తో డేటింగ్ చేస్తున్నట్లు టాక్ వినిపిస్తోంది. గత కొన్నాళ్లుగా టామ్ క్రూజ్, అనా డి అర్మాస్‌తో కలిసి ఉంటున్నారని సమాచారం. ఈ పుకార్లను నిజం చేస్తూ తాజాగా వెర్మోంట్‌లో ఇద్దరూ చేతిలో చేయి వేసుకుని నడుస్తూ కనిపించారు. వెర్మోంట్ ఏరియాలో అర్మాస్‌కి ఓ ఇల్లు ఉంది. అందులోనే టామ్, అర్మాస్ కలిసి ఉన్నారని హాలీవుడ్ జనాలు మాట్లాడుకుంటున్నారు. మరి ఇందులో నిజమేంటి? అనేది తెలియాల్సి ఉంది.(ఇదీ చదవండి: చెత్త సినిమాలు తీసిన మీకు తెలియదా? పవన్ పై ప్రకాశ్ రాజ్ ఆగ్రహం)టామ్ క్రూజ్‌ ఇప్పటికే మూడసార్లు పెళ్లి చేసుకున్నాడు. 1987లో మిమీ రోజర్స్‌ని పెళ్లి చేసుకోగా.. మూడేళ్లకే విడాకులు ఇచ్చేశాడు. మొదటగా విడిపోయిన 1990లోనే నికోల్ కిడ్మన్‌ని వివాహమాడాడు. పదకొండేళ్లు కాపురం చేసిన తర్వాత ఈమె నుంచి కూడా విడిపోయాడు. తర్వాత ఐదేళ్ల పాటు ఒంటరిగానే ఉన్న టామ్.. 2006లో కేట్ హోమ్స్‌ని ప్రేమించి, పెళ్లి చేసుకున్నాడు. కానీ ఆరేళ్ల కాపురం తర్వాత విడాకులు ఇచ్చేశాడు. ఇవే కాకుండా అమెరికన్ నటి హీథర్ లాక్‌లియర్‌తో, సింగర్ చెర్‌తో కొన్నాళ్ల పాటు రిలేషన్‌షిప్ మెంటైన్ చేశాడు.ఇప్పుడు అనా డి అర్మాస్‌తో ప్రేమలో పడినట్లు వార్తలొస్తున్నాయి. టామ్ మాత్రమే కాదు అర్మాస్ కూడా గతంలో ఓసారి పెళ్లి చేసుకుంది. 2011లో స్పానిష్ నటుడు మార్క్ క్లోటెట్‌తో ఒక్కటి కాగా.. రెండేళ్లకే అతడికి విడాకులు ఇచ్చేసింది. అ‍ప్పటినుంచి పెళ్లి చేసుకోని అర్మాస్.. ఇప్పుడు టామ్‌తో చెట్టాపట్టేలేసుకుని తిరుగుతోంది. రీసెంట్‌గా ఒయాసిస్ మ్యూజిక్ ఈవెంట్‌కి వీళ్లిద్దరూ కలిసి హాజరయ్యారు. మరి ప్రేమ నుంచి పెళ్లి వరకు వెళ్తారా అనేది చూడాలి?(ఇదీ చదవండి: 'కింగ్డమ్' విలన్.. ఇప్పటికీ రోడ్డుపై ఇడ్లీ కొట్టు)

హాలీవుడ్‌ చిత్రం ‘మిషన్‌ ఇంపాజిబుల్‌’ (Mission Impossible) ఓటీటీలోకి రానుంది.. సుమారు రెండు నెలల తర్వాత అధికారికంగా ప్రకటన వచ్చేసింది. హాలీవుడ్‌ ఫ్రాంఛైజీల్లో మిషన్‌ ఇంపాసిబుల్‌ సిరీస్‌లకు ప్రపంచవ్యాప్తంగా ప్రత్యేకమైన ఫ్యాన్స్‌ ఉన్నారు. ఆ సిరీస్‌లో భాగంగా 8వ సినిమాగా వచ్చిన ‘మిషన్‌ ఇంపాసిబుల్‌: ది ఫైనల్‌ రెకనింగ్‌’ బాక్సాఫీస్‌ వద్ద భారీ విజయాన్ని సొంతం చేసుకుంది. ఇందులో టామ్‌ క్రూజ్‌ చేసిన సాహసాలు అత్యంత ప్రమాధకరంగా ఉన్నాయని హాలీవుడ్‌ మీడియా కూడా కథనాలు రాసింది. ఆగష్టు 19న అమెజాన్‌ ప్రైమ్‌లో ఈ చిత్రం స్ట్రీమింగ్‌కు రానున్నట్లు ఒక పోస్టర్‌ను కూడా తాజాగా విడుదల చేశారు. తెలుగులో కూడా ఈ చిత్రం అందుబాటులో ఉండనుంది. బాక్సాఫీస్‌ వద్ద సుమారు రూ. 6వేల కోట్ల వరకు ఈ చిత్రం కలెక్షన్స్‌ రాబట్టింది. సుమారు రూ. 3400 కోట్ల వరకు ఈ చిత్రం కోసం నిర్మాతలు ఖర్చు చేశారు. క్రిస్టోఫర్‌ మేక్‌క్వారీ ఈ మూవీకి దర్శకత్వం వహించారు. సిరీస్‌ మొత్తం ఒకే పరమైన కథాంశంతో ఉంటుంది. కథానాయకుడు తన టీమ్‌తో కలిసి ప్రపంచాన్ని రక్షించడానికి విలువైన డాక్యుమెంట్లు, ఆయుధాలు శత్రువుల చేతుల్లోకి వెళ్ళకుండా చూడడమే మిషన్‌ ఇంపాజిబుల్‌. సిరీస్‌ మొదటినుంచి ఒకే టీమ్‌ను మెయింటైన్‌ చేస్తూ ఈ సినిమాలో మాత్రం టీమ్‌లోని ఓ మెంబరైన లూథర్‌ పాత్రను చంపేశారు. అదే ఆడియన్స్‌ను కొంచెం ఆలోచనలో పడేస్తుంది. ఓవరాల్‌గా ‘మిషన్‌ ఇంపాజిబుల్‌–ది ఫైనల్‌ రికనింగ్‌’ సినిమా యాక్షన్‌ థ్రిల్లర్‌ను ఇష్టపడేవాళ్ళకి... అలాగే ఈ సిరీస్‌ను ఫాలో అయ్యేవాళ్ళకు విజువల్‌ ఫీస్ట్‌ అనే చెప్పాలి.

హాలీవుడ్‌ ప్రముఖ నటుడు–నిర్మాత టామ్‌ క్రూజ్‌ ఎట్టకేలకు ఆస్కార్‌ అవార్డు అందుకోనున్నారు. అకాడమీ ఆఫ్‌ మోషన్‌ పిక్చర్‌ ఆర్ట్స్‌ అండ్‌ సైన్సెస్‌ పదిహేనేళ్లుగా ప్రతి ఏడాది గవర్నర్స్‌ అవార్డ్స్‌ను అందిస్తున్న సంగతి తెలిసిందే. 16వ వార్షిక అవార్డు ప్రదానం ఈ ఏడాది నవంబరులో జరగనుంది. ఈసారి ఆస్కార్‌ గవర్నర్‌ అవార్డులను అందుకోనున్న వారి వివరాలను ఆస్కార్‌ కమిటీ అధికారికంగా వెల్లడించింది. హాలీవుడ్‌ నటుడు–నిర్మాత టామ్‌ క్రూజ్‌తో పాటు అమెరికన్‌ నటి–దర్శక–నిర్మాత–కొరియోగ్రాఫర్‌ డెబ్బీ అల్లెన్, ప్రొడక్షన్‌ డిజైనర్‌ విన్‌ థామస్‌లు ఈ ఏడాది ఆస్కార్‌ గౌరవ పురస్కారా లను స్వీకరించనున్నారు. అలాగే అమెరికన్‌ గాయని–నటి–రచయిత– సంగీత దర్శకురాలు డాలీ పార్టన్‌కు జీన్‌ హెర్షోల్ట్‌ హ్యూమానిటేరియన్‌ అవార్డు లభించింది.సినిమా రంగంలో సుధీర్ఘమైన కెరీర్, సినిమాల పట్ల ఎంతో అంకితభావం చూపిన నలుగురు దిగ్గజ వ్యక్తులను ఈ ఏడాది ఆస్కార్‌ గవర్నర్స్‌ అవార్డ్స్‌తో సత్కరించనున్నాం’’ అని ఆస్కార్‌ అకాడమీ అధ్యక్షురాలు జానెట్‌ యాంగ్‌ పేర్కొన్నారు. ఇక ఈ 16వ ఆస్కార్‌ గవర్నర్స్‌ అవార్డ్స్‌ వేడుక కాలిఫోర్నియాలోని లాస్‌ ఏంజిల్స్‌లో నవంబరు 16న జరగనుంది. ఇక ఇప్పటివరకు నాలుగు ఆస్కార్‌ అవార్డుల నామినేషన్స్‌ దక్కించుకున్నప్పటికీ టామ్‌ క్రూజ్‌కు అవార్డు దక్కలేదు. ఫైనల్‌గా ‘అకాడమీ గౌరవ పురస్కారం’ దక్కుతున్నందుకు ఆయన ఫ్యాన్స్‌ హ్యాపీ ఫీలవుతున్నారు. ఇక 98వ ఆస్కార్‌ అవార్డుల వేడుక వచ్చే ఏడాది మార్చిలో జరగనుంది.

హాలీవుడ్‌ సిరీస్‌లలో ‘మిషన్‌ ఇంపాజిబుల్‌’కి ప్రత్యేక క్రేజ్‌ ఉంది. ఈ సిరీస్‌లో ఎనిమిదో భాగం మిషన్‌ ఇంపాజిబుల్‌–ది ఫైనల్‌ రికనింగ్‌ ఇటీవల విడుదలైంది. ఈ చిత్రం గురించి తెలుసుకుందాం. ఓ సీరియల్‌ను ప్రేక్షకులకు అలవాటుగా మార్చడం కొంచెం సులభం. కానీ అదే కథను సిరీస్‌ రూపంలో సినిమాలుగా చేస్తూ ప్రేక్షకులను మెప్పించడం మాత్రం కాస్త కష్టమనే చెప్పాలి. ఆ విషయంలో పాశ్చాత్య సిరీస్‌లు చాలావరకు విజయం సాధించాయి. అది కూడా పాతికేళ్ళకు పైగా ఒకే సిరీస్‌లో సినిమాలు నడపడమంటే మాటలా... ఇంపాజిబుల్‌. కానీ ఆ ఇంపాజిబుల్‌ టాస్క్‌ని పాజిబుల్‌ చేసి, ప్రేక్షకులను అలరిస్తున్న సిరీస్‌ ‘మిషన్‌ ఇంపాజిబుల్‌’. ఇటీవల ఈ హాలీవుడ్‌ సిరీస్‌లో 8వ సినిమాగా రిలీజ్‌ అయిన ‘మిషన్‌ ఇంపాజిబుల్‌–ది ఫైనల్‌ రికనింగ్‌’ సూపర్‌ అనే చెప్పాలి. క్రిస్టోఫర్‌ మెక్‌ క్వారీ ఈ సినిమాకి దర్శకత్వం వహించారు. ఈసారి కథానాయకుడైన ఇథన్‌ హంట్‌ స్టంట్స్‌ అదరహో అనేలా ఉన్నాయి. సిరీస్‌లోని అన్ని సినిమాలలో ఇథన్‌ హంట్‌ పాత్రలో ప్రముఖ హాలీవుడ్‌ కథానాయకుడు టామ్‌ క్రూజ్‌ నటించారు. ఆయన నిజమైన సూపర్‌ స్టంట్స్‌తో ఆకట్టుకుంటారు. అందుకే ఈ సిరీస్‌ అంత స్పెషల్‌. ముఖ్యంగా ఎనిమిదో భాగంలో వచ్చే రెండు స్టంట్‌ ఎపిసోడ్లలో ప్రేక్షకులకు మతి పోతుందనే చెప్పాలి. సిరీస్‌ మొత్తం ఒకే పరమైన కథాంశంతో ఉంటుంది. కథానాయకుడు తన టీమ్‌తో కలిసి ప్రపంచాన్ని రక్షించడానికి విలువైన డాక్యుమెంట్లు, ఆయుధాలు శత్రువుల చేతుల్లోకి వెళ్ళకుండా చూడడమే మిషన్‌ ఇంపాజిబుల్‌. సిరీస్‌ మొదటినుంచి ఒకే టీమ్‌ను మెయింటైన్‌ చేస్తూ ఈ సినిమాలో మాత్రం టీమ్‌లోని ఓ మెంబరైన లూథర్‌ పాత్రను చంపేశారు. అదే ఆడియన్స్‌ను కొంచెం ఆలోచనలో పడేస్తుంది. ఓవరాల్‌గా ‘మిషన్‌ ఇంపాజిబుల్‌–ది ఫైనల్‌ రికనింగ్‌’ సినిమా యాక్షన్‌ థ్రిల్లర్‌ను ఇష్టపడేవాళ్ళకి... అలాగే ఈ సిరీస్‌ను ఫాలో అయ్యేవాళ్ళకు విజువల్‌ ఫీస్ట్‌ అనే చెప్పాలి. సో... ‘ఎంజాయ్‌ మిషన్‌ ఇంపాజిబుల్‌–ది ఫైనల్‌ రికనింగ్‌’ ఇన్‌ థియేటర్స్‌. – హరికృష్ణ ఇంటూరు

చెప్పులు లేకుండా సైకిల్ తొక్కడం, హెలికాఫ్టర్లలో నుంచి కిందికి దూకడం, బుర్జ్ ఖలీఫా ఎక్కడం, మోటార్ సైకిల్‌తో కొండపై నుంచి దూకడం వంటి స్టంట్స్ చేస్తూ.. ఎంతోమంది ప్రేక్షలకుల మనసు కొల్లగొట్టిన హాలీవుడ్ స్టార్ 'టామ్ క్రూజ్' ప్రపంచంలోనే అత్యధిక పారితోషికం పొందే వారిలో ఒకరు. ఇంతకీ ఈయన నెట్‍వర్త్ ఎంత అనే విషయాన్ని ఈ కథనంలో తెలుసుకుందాం.ఆరు పదుల వయసు దాటినా.. తన నటనతో దూసుకెళ్తున్న టామ్ క్రూజ్.. 'మిషన్: ఇంపాజిబుల్ - ది ఫైనల్ రికనింగ్' బాక్సాఫీస్ వద్ద భారీ వసూళ్లను సాధిస్తోంది. 2025లో విడుదలైన హాలీవుడ్ సినిమాల్లో మొదటి రోజే ఎక్కువ వసూళ్లు చేసిన సినిమాల్లో ఇదే మొదటిస్థానంలో నిలిచింది.టామ్ క్రూజ్ నికర విలువఅత్యంత సంపన్న నటులలో ఒకరిగా నిలిచిన టామ్ క్రూజ్ నికర విలువ.. పరేడ్ మ్యాగజైన్ ప్రకారం సుమారు 600 మిలియన్ డాలర్లు (రూ. 51.36 కోట్ల కంటే ఎక్కువ). సినిమాల్లో నటించడం ద్వారా మాత్రమే కాకుండా.. ఈయన బ్రాండ్ ఎండార్స్‌మెంట్‌ల ద్వారా కూడా సంపాదిస్తున్నారు.బ్రాండ్ ఎండార్స్‌మెంట్‌ల ద్వారా టామ్ క్రూజ్ సుమారు 100 మిలియన్ డాలర్లు సంపాదించినట్లు ది మ్యూజిక్ ఎసెన్షియల్స్ తెలిపింది. అంతే కాకుండా ఈయనకు సొంత నిర్మాణ సంస్థ కూడా ఉంది. రికార్డింగ్ స్టూడియోలో 30 శాతం వాటాను కలిగి ఉన్నారు. సైంటాలజీ సంబంధిత వెంచర్లలో కూడా పెట్టుబడి పెట్టినట్లు సమాచారం.ఇదీ చదవండి: 'అమెరికాలో ఉంటున్న భారతీయులకు హెచ్చరిక'రియల్ ఎస్టేట్ పోర్ట్‌ఫోలియో విషయానికి వస్తే.. టామ్ క్రూజ్ బెవర్లీ హిల్స్‌లో నివాసాన్ని 2007లో కొనుగోలు చేశారు. ఆ తరువాత 2021లో తన 10,000 చదరపు అడుగుల కొలరాడో భవనాన్ని 40 మిలియన్ డాలర్లకు విక్రయించారు. 2015లో క్రూజ్ లండన్ సమీపంలోని 14 ఎకరాల ఎస్టేట్‌ను 7.3 మిలియన్ డాలర్లకు విక్రయించి.. హాలీవుడ్ కాంపౌండ్‌లోని నివాసాన్ని 12 మిలియన్ల రెసిడెన్సీ కొనుగోలు చేశారు.

ఫ్రాన్స్‌లో 78వ కాన్స్‌ ఫిల్మ్‌ ఫెస్టివల్‌ జోరుగా సాగుతోంది. రెడ్‌ కార్పెట్‌పై అందాల తారలు ప్రత్యేక ఆకర్షణగా నిలుస్తున్నారు. ఈ నెల 13న ప్రారంభమైన ఈ చిత్రోత్సవాలు ఈ నెల 24 వరకు జరగనున్న సంగతి తెలిసిందే. కాగా ఈ చిత్రోత్సవాల రెండో రోజున హాలీవుడ్‌ యాక్షన్‌ హీరో టామ్‌ క్రూజ్‌ సందడి హైలైట్‌గా నిలిచింది. ‘టాప్‌గన్‌: మేవరిక్‌’ సినిమా ప్రీమియర్‌ కోసం 2022లో జరిగిన 75వ కాన్స్‌ ఫిల్మ్‌ ఫెస్టివల్‌లో పాల్గొన్నారు టామ్‌ క్రూజ్‌.మళ్లీ మూడేళ్ల తర్వాత 78వ కాన్స్‌ ఫిల్మ్‌ ఫెస్టివల్‌లో ‘మిషన్‌ ఇంపాజిబుల్‌: ది ఫైనల్‌ రెకనింగ్‌’ ప్రీమియర్‌ సందర్భంగా టామ్‌ క్రూజ్‌ ఈ వేడుకల్లో పాల్గొన్నారు. ఈ సినిమా దర్శకుడు క్రిస్టోఫర్‌ మెక్‌క్వారీ, ఇతర నటీనటులు సందడి చేశారు. ‘మిషన్‌ ఇంపాజిబుల్‌: ది ఫైనల్‌ రెకనింగ్‌’ ప్రీమియర్‌కు వీక్షకుల నుంచి ఐదు నిమిషాల స్టాండింగ్‌ ఒవేషన్‌ దక్కింది.‘‘ముప్పై సంవత్సరాలుగా ‘మిషన్‌ ఇంపాజిబుల్‌’ ఫ్రాంచైజీతో మిమ్మల్ని (ప్రేక్షకులను ఉద్దేశించి) ఎంటర్‌టైనర్‌ చేస్తున్నందుకు హ్యాపీగా ఉంది. కాన్స్‌లాంటి ఫిల్మ్‌ ఫెస్టివల్స్‌లో పాల్గొంటానని, నా లైఫ్‌లో ఇలాంటి సెలబ్రేషన్స్‌ ఉంటాయని నా చిన్నతనంలో నేను ఊహించలేదు. సుధీర్ఘకాలంగా ఇండస్ట్రీలో ఉన్న నేను ఈ సినిమాకు ఓ నిర్మాతగా ఉండటం సంతోషాన్నిచ్చింది’’ అని టామ్‌ క్రూజ్‌ చె΄్పారు. ఇక ‘మిషన్‌ ఇంపాజిబుల్‌: ది ఫైనల్‌ రెకనింగ్‌’ ఇండియాలో ఈ నెల 17న తెలుగు, తమిళ, హిందీ, ఇంగ్లిష్‌ భాషల్లో విడుదల కానుంది. విదేశాల్లో మే 23న విడుదలవుతుంది. ఫ్రెంచ్‌ యాక్టర్‌పై నిషేధం... ఫ్రెంచ్‌ క్రైమ్‌ డ్రామా ఫిల్మ్‌ ‘డోస్సిసిర్‌ 137’ను కాన్స్‌ ఫిల్మ్‌ ఫెస్టివల్‌లో ప్రదర్శించారు. ఈ చిత్రదర్శకుడు డొమినిక్‌ మోల్, ప్రధాన తారాగణం లియోడ్రక్కర్, జోనాథన్‌ టర్న్‌బుల్‌ తదితరులు రెడ్‌ కార్పెట్‌పై నడిచారు. అయితే సపోర్టింగ్‌ రోల్‌ చేసిన థియో నవర్రో ముస్సీ కనిపించలేదు. లైంగిక వేధింపుల కారణంగా థియో నవర్రోపై కాన్స్‌ నిర్వాహకులు నిషేధం విధించారని వార్తలు ఉన్నాయి.

హాలీవుడ్‌ చిత్రం ‘మిషన్‌ ఇంపాజిబుల్‌’ (Mission Impossible) సిరీస్‌లకు ప్రపంచవ్యాప్తంగా అభిమానులు ఉన్నారు. టామ్‌ క్రూజ్‌ నటించిన ఈ సిరీస్‌లోని 8వ సినిమాగా ‘మిషన్‌ ఇంపాజిబుల్‌: ది ఫైనల్‌ రెకనింగ్‌’ (Mission Impossible The Final Reckoning) తెరకెక్కింది. తాజాగా తెలుగు ట్రైలర్‌ను మేకర్స్‌ విడుదల చేశారు. టామ్‌ క్రూజ్‌ ఇప్పటివరకూ చేయని ప్రమాదకరమైన స్టంట్స్‌ ఏంటి..? అనేది ఈ సినిమాలో చూడాల్సిందే.. అని చిత్ర యూనిట్‌ పేర్కొంది.

హాలీవుడ్‌ ఫిల్మ్‌ ‘టాప్‌గన్‌’ ఫ్రాంచైజీ నుంచి మూడోభాగం ‘టాప్‌గన్‌ 3’ సెట్స్‌పైకి వెళ్లే అవకాశాలు కనిపిస్తున్నాయి. మొదటి రెండు భాగాలు ‘టాప్‌గన్‌’, ‘టాప్‌గన్‌: మావెరిక్‌’ లో హీరోగా నటించిన టామ్‌క్రూజ్‌యే ‘టాప్‌ గన్‌ 3’లోనూ హీరోగా నటించనున్నారని తెలుస్తోంది. ‘‘టాప్‌గన్‌ 3’ బేసిక్‌ కథ సిద్ధంగా ఉంది. టామ్‌ క్రూజ్‌కు స్టోరీలైన్‌ చెప్పాం. ఆయన నచ్చిందని చెప్పారు. కథకు మెరుగులు దిద్దే పనిలో ఉన్నాం’’ అని ‘టాప్‌గన్‌’ ఫ్రాంచైజీ నిర్మాతల్లో ఒకరైన జెర్రీ బ్రూమ్‌ హైమర్‌ పేర్కొన్నారు. 

హాలీవుడ్‌లో ‘మిషన్‌ ఇంపాజిబుల్‌’ ఫ్రాంచైజీ సూపర్‌హిట్‌. ఈ ఫ్రాంచైజీల్లో హాలీవుడ్‌ స్టార్‌ టామ్‌ క్రూజ్‌ చేసే యాక్షన్‌ విన్యాసాలు ప్రేక్షకులను విపరీతంగా ఆకట్టుకుంటాయి. ఇప్పటికే ఈ ఫ్రాంచైజీ నుంచి ఏడు సినిమాలు వచ్చాయి. తాజాగా ఎనిమిదో భాగం చిత్రీకరణ జరుపుకుంటోంది. ‘మిషన్‌ ఇంపాజిబుల్‌’లోని ఐదు, ఆరు, ఏడు విభాగాలను డైరెక్ట్‌ చేసిన క్రిస్టోఫర్‌ మెక్వారీయే ఎనిమిదో భాగాన్ని డైరెక్ట్‌ చేస్తున్నారు. ఇటీవల ఈ సినిమా చిత్రీకరణ సౌత్‌ ఈస్ట్‌ ఇంగ్లాండ్‌ లొకేషన్స్‌లో ప్రారంభమైంది. కొంత చిత్రీకరణ జరిగాక ఆ  ్రపాంతంలోని ఎమ్‌ 25 అనే ఓ ప్రముఖ రోడ్డును తాత్కాలికంగా క్లోజ్‌ చేశారట. ఈ రోడ్డు మరమ్మతు పనులు జరుగుతున్నాయని సమాచారం. కానీ ‘మిషన్‌ ఇంపాజిబుల్‌ 8’ షూటింగ్‌ను కొనసాగించాలంటే ఈ రోడ్డు ద్వారా లొకేషన్‌కు వెళ్లాలట. దీంతో ప్రత్యేకంగా హెలికాప్టర్స్‌ని ఏర్పాటు చేశారట. రోడ్డు మార్గం ద్వారా కాకుండా గగన మార్గాన టామ్‌ క్రూజ్‌ అండ్‌ టీమ్‌ లొకేషన్‌కు వెళ్తున్నారని హాలీవుడ్‌ టాక్‌. పోనీ.. ఈ రోడ్డు మరమ్మతు పూర్తయ్యేవరకూ ఆగి, ఆ తర్వాత షూటింగ్‌ను మళ్లీ ఆ లొకేషన్‌లో తిరిగి ఆరంభించానే ఆలోచన కూడా చేశారట. కానీ రోడ్డు రిపేర్‌కి చాలా టైమ్‌ పడుతుందని, హెలికాప్టర్స్‌తో లొకేషన్‌కి వెళ్లే ఖర్చుతో పోలిస్తే సినిమా ఆలస్యం కావడం వల్ల జరిగే నష్టమే ఎక్కువని క్రూజ్‌ అండ్‌ టీమ్‌ భావించిందని హాలీవుడ్‌ భోగట్టా. ఇలా ‘మిషన్‌ ఇంపాజిబుల్‌’ షూటింగ్‌ను ఏది ఏమైనా ఆగేదే లేదంటూ.. పాజిబుల్‌ చేశారు టామ్‌ క్రూజ్‌ అండ్‌ టీమ్‌.  ఈ సినిమా 2025 వేసవిలో రిలీజ్‌ కానుంది.

టామ్‌ క్రూజ్‌ నటించిన చిత్రం ‘మిషన్‌: ఇంపాజిబుల్‌–డెడ్‌ రికనింగ్‌ పార్ట్‌ వన్‌’. క్రిస్టోఫర్‌ మెక్‌ క్వారీ దర్శకత్వం వహించిన ఈ చిత్రం తెలుగు, ఇంగ్లిష్, హిందీ, తమిళ భాషల్లో రేపు(బుధవారం) విడుదలవుతోంది. ‘‘మిషన్‌: ఇంపాజిబుల్‌–ఫాల్‌ అవుట్‌ (2018)కి సీక్వెల్, 7వ విడత ‘మిషన్‌: ఇంపాజిబుల్‌’ ఫిల్మ్‌ సిరీస్‌గా రూపొందిన చిత్రం ‘మిషన్‌: ఇంపాజిబుల్‌–డెడ్‌ రికనింగ్‌ పార్ట్‌ వన్‌’. ఏతాన్‌ హంట్‌ (టామ్‌ క్రూజ్‌), అతని ఐఎమ్‌ఎఫ్‌ (ఇంపాజిబుల్‌ మిషన్‌ ఫోర్స్‌) బృందం ఓ ప్రమాదకరమైన మిషన్‌ను ప్రారంభిస్తారు. ఆ మిషన్‌ ఏంటి? టామ్‌ క్రూజ్‌ ఇప్పటివరకూ చేయని, ఈ మూవీలో చేసిన ప్రమాదకరమైన స్టంట్‌ ఏంటి? అనేది సినిమాలో చూడాల్సిందే’’ అని చిత్ర యూనిట్‌ పేర్కొంది. 

‘మిషన్ ఇంపాజిబుల్’ మూవీ సిరీస్ పేరు వింటేనే యాక్షన్ లవర్స్‌‌ ఫిదా అవుతారు. ఈ సిరీస్‌లో ఏడో సినిమాగా వస్తున్న ‘మిషన్ ఇంపాజిబుల్ డెడ్ రెకానింగ్ పార్ట్ 1’. ప్రపంచ వ్యాప్తంగా జులై 12వ తేదీన విడుదల కానుంది. హాలీవుడ్‌ కింగ్‌ టామ్ క్రూజ్ ఫైటింగ్ సీన్స్‌తో ప్రేక్షకులను సీట్ ఎడ్జ్‌లో కూర్చోబెట్టడం ఖాయం.  తాజాగా ఇందులో నంటించిన  అమెరికన్ నటి హేలీ అట్‌వెల్ తనపై వస్తున్న రూమర్‌కు సమాధానం చెప్పారు. (ఇదీ చదవండి: ప్రముఖ సింగర్‌తో అనిరుధ్ ప్రేమాయణం) యాక్షన్‌ హీరో టామ్‌ క్రూజ్‌తో వస్తున్న డేటింగ్‌ వార్తలపై ఆమె ఇలా క్లారిటీ ఇచ్చింది. 'ఇప్పుడు నాకు 41 ఏళ్లు.. టామ్‌కు  61 ఏళ్లు ఉన్నాయి.. మేమిద్దరం శృంగారంలో పాల్గొన్నామని ఎలా ప్రచారం చేస్తారు. ఇదీ చాలా చెత్తగా ఉంది. ఇంతటి డర్టీ ఆలోచనలు ఎలా వస్తాయి. స్క్రీన్‌ మీద మాత్రమే మా మధ్య రోమాన్స్‌ ఉంటుంది. నాకు ఇప్పటికే సింగర్ కెల్లీతో నిశ్చితార్థం జరిగింది. ఇంతటితో ఈ ప్రచారాన్ని ఆపేయండి. టామ్‌ నాకు అంకుల్ లాంటివాడు. ఆయన కూడా నన్ను ఎప్పుడూ చెడు ఉద్ధేశంతో చూడలేదు. కానీ ఇదంతా ఎందుకు జరుగుతుందో నాకు అర్థం కావడం లేదు.' అని నటి హేలీ అట్‌వెల్ తెలిపింది. (ఇదీ చదవండి: విక్రమ్‌ కోసం కథ సిద్ధం చేస్తున్న స్టార్‌ డైరెక్టర్‌)

4 వేల అడుగుల ఎత్తున్న ఒక పర్వతం.. అక్కడ ఫుట్‌పాత్‌ సైజులో ఉన్న స్టీల్‌ ర్యాంప్‌.. దానిపై ఒక వ్యక్తి 200 కిలోమీటర్ల వేగంతో బైక్‌పై దూసుకెళ్తున్నాడు.. అందరూ అలా నోరెళ్లబెట్టి చూస్తున్నారు.. అంతే.. ఒక్కసారిగా పర్వతం మీద నుంచి జంప్‌ చేసేశాడు.. అందరి గుండెలు దడదడలాడుతున్నాయి.. మృత్యువుకు అతనికి మధ్య ఉన్నది ఒక్క పారాచూట్‌ మాత్రమే.. దాన్ని సమయానికి తెరవకుంటే.. అతడి శవం ఆనవాలు కూడా దొరకదు.. పారాచూట్‌ తెరుచుకుంది. అతడు క్షేమంగా ల్యాండ్‌ అయ్యాడు. ప్రపంచ సినిమా చరిత్రలోనే అతిపెద్ద స్టంట్‌గా పేరొందిన ఈ సాహసాన్ని విజయవంతంగా పూర్తి చేసిన ఆ వ్యక్తి..   టామ్‌ క్రూజ్‌.. హాలీవుడ్‌ డాషింగ్‌ హీరో.. వయసు జస్ట్‌ 61 ఏళ్లు!!! మిషన్‌ ఇంపాజిబుల్‌ సిరీస్‌లోని తాజా చిత్రం డెడ్‌ రెకనింగ్‌  పార్ట్‌ 1 కోసం ఈ సాహసాన్ని చేశారు. సినిమాలో కేవలం  60 సెకన్లు ఉండే ఈ సన్నివేశం కోసం రిహార్సల్స్‌ మూడేళ్ల  క్రితం ప్రారంభమయ్యాయని ఈ చిత్ర స్టంట్‌ కోఆర్డినేటర్‌ ఈస్ట్‌వుడ్‌ చెప్పారు. శిక్షణలో భాగంగా మన హీరో 13 వేల మోటార్‌ క్రాస్‌ జంప్స్, 500 స్కైడైవ్స్‌ చేశారట. ‘200 కిలోమీటర్ల వేగంతో బైక్‌ మీద వెళ్లి.. పర్‌ఫెక్ట్‌గా జంప్‌ చేయాలి. అదే సమయంలో గాలిలో కరెక్టు టైంకి బైక్‌ను వదిలేయాలి.. భూమికి 500 మీటర్ల ఎత్తులో ఉన్నప్పుడు పారాచూట్‌ను తెరవాలి. సరిగా బాలెన్స్‌ చేసుకుంటూ నేలపై దిగాలి. ఇందులో ఏ ఒక్క విషయంలో చిన్నపాటి తేడా జరిగినా ఇక అంతే.. టామ్‌కు చిన్నప్పటి నుంచి బైక్‌ డ్రైవింగ్‌ మీద మంచి గ్రిప్‌ ఉంది. అది ఇక్కడ ఉపయోగపడింది’ అని ఈస్ట్‌వుడ్‌ తెలిపారు.   మీకో విషయంలో తెలుసా..?  ఒక బైక్‌ మీద వేగంగా వెళ్లి.. పర్వతంపై నుంచి దూకి.. వెంటనే పారాచూట్‌ తెరిచి.. ల్యాండ్‌ అవ్వాలన్నది టామ్‌ క్రూజ్‌ చిన్నప్పటి కల అట. చిన్నప్పుడు ఇంట్లో ర్యాంప్‌లాంటిది ఏర్పాటు చేసుకుని.. సైకిల్‌ మీద ఇలా జంప్‌ చేసిన ఘటనలు ఎన్నోనట. అలాగే దెబ్బలు తిన్న ఘటనలు కూడా.. ప్రాణాలకు తెగించి మరీ చేసిన ఈ స్టంట్‌తో ఇన్నాళ్లకు ఆయన కల తీరిందన్నమాట. ఈ వీడియోను నెట్లో చూసినోళ్లంతా సూపర్‌ అనేస్తున్నారు. ఏంటీ సింపుల్‌గా సూపరా..      – సాక్షి, సెంట్రల్‌ డెస్క్‌

కొలంబియాకు చెందిన 46 ఏళ్ల పాప్‌ సింగర్‌ షకీరా గతేడాది స్టార్‌ ఫుట్‌బాలర్‌ గెరార్డ్‌ పీక్‌తో విడిపోయిన సంగతి తెలిసిందే. ఈ మధ్య కాలంలో షకీరా తరచుగా ఇద్దరు వ్యక్తులతో క్లోజ్‌గా మూవ్‌ అవడం కనిపించింది. అందులో ఒకరు ఏడుసార్లు ఫార్ములావన్‌ ఛాంపియన్‌ లూయిస్‌ హామిల్టన్‌ అయితే.. మరొకరు హాలీవుడ్‌ యాక్షన్‌ హీరో.. మిషన్‌ ఇంపాజిబుల్‌(Mission Impossible) ఫేమ్‌ టామ్‌ క్రూజ్‌. ఈ ముగ్గురి మధ్య ట్రయాంగిల్‌ లవ్‌స్టోరీ నడుస్తున్నట్లు వార్తలు వస్తున్నాయి. అందుకు తగ్గట్టుగానే ఈ మధ్యనే లూయిస్‌ హామిల్టన్‌ పాల్గొన్న మియామి గ్రాండ్‌ ప్రిక్స్‌ టోర్నీలో షకీరా ప్రత్యక్షమయ్యింది. రేసు ముగిసిన తర్వాత హామిల్టన్‌తో కలిసి డిన్నర్‌కు వెళ్లడం చర్చకు దారి తీసింది. వీరిద్దరి మధ్య ఏదో సమ్‌థింగ్‌ ఉన్నట్లు అభిమానులు గుసగుసలాడుకుంటున్నారు. షకీరా మాత్రం మేమిద్దరం(లూయిస్‌ హామిల్టన్‌) మంచి ఫ్రెండ్స్‌ అని స్టేట్‌మెంట్‌ ఇచ్చింది. అంతకముందు ఈ ఇద్దరు యాచ్‌లో షిప్పింగ్‌తో పాటు పలు సందర్భాల్లోనూ చెట్టాపట్టాలేసుకొని తిరగినట్లు సమాచారం.  మరోవైపు యాక్షన్‌ హీరో టామ్‌ క్రూజ్‌తో కూడా షకీరా ప్రేమాయణం నడుపుతుందని కొంతమంది అనుకుంటున్నారు. అయితే ఇక్కడ షకీరా కంటే టామ్‌ క్రూజ్‌కే ఎక్కువ ఇంట్రెస్ట్‌ ఉన్నట్లు తెలిసింది. ముఖ్యంగా షకీరాతో డేటింగ్‌కు వెళ్లాలని టామ్‌ క్రూజ్‌ అనుకున్నాడని.. ఇంతలో వీరి మధ్యలోని లూయిస్‌ హామిల్టన్‌ వచ్చి చేరాడు. కాగా లూయిస్‌ హామిల్టన్‌తో షకీరా కలిసి తిరగడం టామ్‌ క్రూజ్‌కు నచ్చలేదని.. అందుకే ఈగో డెంట్‌ అంటూ పరోక్షంగా అసహనం వ్య​క్తం చేశాడని తెలుస్తోంది. ఈ వార్తల్లో నిజమెంత అనేది తెలియదు కానీ 50 ఏళ్ల వయసుకు దగ్గరలో ఉన్న షకీరా తన అందంతో ఇద్దరు సూపర్‌స్టార్లను ఉక్కిరిబిక్కిరి చేస్తుండడం ఆసక్తి కలిగించింది. ఇక ఫార్ములావన్‌ స్టార్‌ లూయిస్‌ హామిల్టన్‌ 2015 వరకు పుస్సీక్యాట్‌ డాల్స్‌ సింగర్‌ నికోల్‌ షెర్జింజర్‌తో రిలేషన్‌లో ఉన్నాడు. మరోవైపు టామ్‌ క్రూజ్‌ మిమి రోజర్స్‌(1987-1990), నికోల్‌ కిడ్‌మన్‌(1990-2001), కేటీ హోమ్స్‌(2006-2012)తో రిలేషిన్‌షిప్‌ కొనసాగించాడు. చదవండి: #MoeenAli: స్టోక్స్‌ 'బూడిద'.. టెస్టుల్లోకి తిరిగి వచ్చేలా చేసింది వద్దనుకొని 23 ఏళ్ల క్రితం విడాకులు.. మళ్లీ ఆమెతోనే పెళ్లి

సినిమాలో ఎవరి పారితోషికం ఎక్కువ అంటే హీరోలదే అన్న సమాధానం వస్తుంది. అది అందరికీ తెలిసిన విషయమే! అయితే రానురానూ షూటింగ్‌ బడ్జెట్‌ కంటే కూడా కథానాయకుల పారితోషికానికి పెట్టే బడ్జెటే ఎక్కువవుతూ వస్తోంది. ఇప్పటికే టాలీవుడ్‌, బాలీవుడ్‌ హీరోలు రూ.40, 50, 100 కోట్ల వరకు తీసుకుంటున్నారు. అయితే హాలీవుడ్‌ హీరోలు మాత్రం ఓస్‌, వందేనా.. మేము వెయ్యి కోట్లు తీసుకుంటున్నాం. అయినా ఇది మాకు చాలా మామూలు విషయమని తేలికగా తీసిపారేస్తున్నారట. హాలీవుడ్‌లో ఏ హీరో ఎక్కువ పారితోషికం తీసుకుంటున్నాడనేదానిపై తాజాగా ఓ సర్వే లెక్కలు బయటకు వచ్చాయి. ఇందులో టామ్‌ క్రూయిజ్‌ దాదాపు రూ.800 కోట్ల(100 మిలియన్‌ డాలర్స్‌) చొప్పున తీసుకుంటున్నాడట! టాప్‌ గన్‌: మావెరిక్‌ సినిమాకు ఇంత మొత్తాన్నే వసూలు చేసినట్లు తెలుస్తోంది. అయితే ఈ సినిమాకు నిర్మాత కూడా టామ్‌ క్రూయిజే కావడంతో బోనస్‌గా అతడికి మరో రూ.180 కోట్ల దాకా వచ్చాయట. అంటే మొత్తంగా ఒక్క సినిమాకే ఈ స్టార్‌ హీరో దాదాపు వెయ్యి కోట్ల మేర వెనకేశాడన్నమాట. ఇక ఆస్కార్‌ అవార్డుల ఫంక్షన్‌లో హోస్ట్‌ క్రిస్‌ రాక్‌ చెంప చెల్లుమనిపించి సెన్సేషన్‌ అయిన విల్‌ స్మిత్‌ ఎమాన్సిపేషన్‌ మూవీకిగానూ రూ.280 కోట్లు (35 మిలియన్‌ డాలర్స్‌) అందుకున్నాడట. లినార్డో డికాప్రియో, బ్రాడ్‌ పిట్‌ ఇద్దరూ తాము నటిస్తున్న సినిమాకు రూ.240 కోట్లు(30 మిలియన్‌ డాలర్స్‌) అందుకున్నారట. డ్వేన్‌ జాన్సన్‌ రూ.180 కోట్లు (22.5 మిలియన్‌ డాలర్స్‌), క్రిస్‌ హేమ్స్‌వర్త్‌, డెంజెల్‌ వాషింగ్టన్‌, విన్‌ డీజిల్‌, జాక్విన్‌ ఫోనిక్స్‌, టామ్‌ హార్డీ, విల్‌ ఫెరల్‌, ర్యాన్‌ రెనాల్డ్స్‌ తలా రూ.160 కోట్లు (20 మిలియన్‌ డాలర్స్‌) వెనకేసుకుంటున్నారట. చదవండి: ప్రాణం కాపాడినవాన్నే అణచివేస్తే.. 'పరంపర 2' సిరీస్​ రివ్యూ వేదం బ్యూటీ ఇలా అయిపోయిందేంటి?

వారిద్దరూ స్టార్‌ హీరోలే. ఒకరు యాక్షన్ హీరో అయితే.. మరొకరు యూనివర్సల్‌ హీరో. రియల్ స్టంట్స్‌ చేస్తూ యాక్షన్‌ సీన్లలో అదరగొట్టేది ఒకరైతే.. నటనలో విశ్వరూపం చూపిస్తూ మెస్మరైజ్‌ చేసేది ఇంకొకరు. ఈ ఇద్దరు ఆరు పదుల వయసువారే. ఒకరికి 60 అయితే మరొకరికి 67. ఈ వయస్సులో కూడా పోరాట సన్నివేశాలు చేస్తూ, నటనలో ఏ మాత్రం కాంప్రమైజ్‌ అవ్వకుండా ఐ ఫీస్ట్‌ చేస్తారు. వారిద్దరికీ ప్రేక్షకులు, అభిమానుల్లో విపరీతమైన క్రేజ్‌.  వీరి సినిమాలు ఎప్పుడెప్పుడూ వస్తాయా అని అభిమానులు పడిగాపులు పడుతుంటారు. వచ్చే వరకు ఆరాదిస్తూనే ఉంటారు. ఇలా ఒక సూపర్‌ హిట్ కోసం అటు ఆ హీరోలు.. ఇటు వారి ఫ్యాన్స్‌ ఎదురు చూస్తున్న తరుణంలోనే ఇద్దరు తమ సినిమాలను ఒకే ఏడాది రిలీజ్‌ చేసి బ్లాక్‌బస్టర్ హిట్‌ కొట్టారు. అందులోనూ సుమారు 36 ఏళ్ల క్రితం చిత్రాలను సీక్వెల్‌గా తెరకెక్కించి ఈ ఏడాదిలోనే అత్యధిక కలెక్షన్లు రాబట్టిన సినిమాలుగా రికార్డు సైతం క్రియేట్‌ చేశారు. మరీ ఆ స్టార్‌ హీరోలెవరో తెలుసుకుందామా. 'విక్రమ్‌: ది హిట్‌ లిస్ట్‌' సినిమా 2022 జూన్ 3న విడుదలై ఎంతటి సెన్సేషన్ క్రియేట్‌ చేసిందో ప్రత్యేకంగా చెప్పనవసరం లేదు. సుమారు నాలుగేళ్ల తర్వాత ఉలగ నాయగన్‌ (లోక నాయకుడు) కమల్‌ హాసన్‌కు మాసీవ్‌ కమ్‌బ్యాక్‌ హిట్‌ ఇచ్చింది ఈ మూవీ. అయితే ఈ సినిమాను డైరెక్టర్‌ లోకేష్ కనకరాజ్‌ మల్టీవర్స్‌ తరహాలో (LCU-లోకేష్ సినిమాటిక్‌ యూనివర్స్) తెరకెక్కించారని వార్తలు వచ్చిన విషయం తెలిసిందే. ఇందులో కార్తీ 'ఖైదీ' సినిమా సీన్లను చూపించడం, తర్వాత 'ఖైదీ 2'లో కూడా కమల్‌ హాసన్‌ విక్రమ్‌గా కనిపిస్తారని టాక్‌ వినిపిస్తోంది. అంతేకాకుండా 'విక్రమ్‌ 3'లో కూడా నటించేందుకు ఆసక్తిగా ఉన్నానని కమల్‌ హాసన్‌ ఒక ప్రెస్‌మీట్‌లో చెప్పుకొచ్చారు.  ఇదిలా ఉంటే కమల్‌ హాసన్‌ 'విక్రమ్‌ 3' అని ఎందుకు అన్నారు ? అంటే ఇప్పటికే 'విక్రమ్‌ 2' వచ్చిందా ? అని అడిగితే అవుననే సమాధానం వినిపిస్తోంది. నిజానికి 'విక్రమ్‌: ది హిట్‌ లిస్ట్‌' కన్నా ముందు 1986లో 'విక్రమ్‌' సినిమా వచ్చింది. ఇదే 'రాజ్‌ కమల్ ఫిల్మ్‌ ఇంటర్నేషనల్ బ్యానర్‌'లో 'ఏజెంట్‌ విక్రమ్‌ 007' రిలీజై సూపర్‌ హిట్‌గా నిలిచింది. ఈ పాత్ర కొనసాగింపుగా తాజాగా 'విక్రమ్‌: ది హిట్‌ లిస్ట్‌'ను రూపొందించారు లోకేష్‌ కనకరాజ్‌. అంటే ఈ 'విక్రమ్‌: ది హిట్‌ లిస్ట్‌ (విక్రమ్‌ 2)', 1986లో వచ్చిన 'ఏజెంట్‌ విక్రమ్‌ 007' చిత్రాల కథా నేపథ్యం ఒకే లైన్‌పై ఆధారపడింది. దీన్ని బట్టి చూస్తే 'ఏజెంట్‌ విక్రమ్‌ 007'కు 'విక్రమ్‌ 2' సీక్వెల్‌ అని చెప్పవచ్చు. ఇక ఈ సినిమా 1986లో కమల్‌ హాసన్‌కు ఒక క్రేజ్‌ తీసుకొచ్చింది. కెరీర్‌ ప్రారంభంలో తడబడుతున్న కమల్‌ హాసన్‌కు ఒక ‍బ్లాక్‌ బస్టర్‌గా నిలిచి.. ప్రత్యేక గుర్తింపు తెచ్చింది. రూ. కోటి బడ్జెట్‌తో తెరకెక్కిన ఈ 'ఏజెంట్‌ విక్రమ్‌ 007' బాక్సాఫీస్‌ వద్ద సుమారు రూ. 8 కోట్లను కొల్లగొట్టాడు. అంతేకాకుండా ఈ మూవీలోని టైటిల్‌ ట్రాక్‌లో (విక్రమ్‌ టైటిల్‌ సాంగ్‌) మొట్ట మొదటిసారిగా కంప్యూటర్‌ బేస్‌డ్‌ వాయిస్‌ (రోబోటిక్‌ వాయిస్‌లా)ను ఉపయోగించారు సంగీతం దర్శకుడు ఇళయరాజా. ఈ వాయిస్‌ ఇప్పటికీ ఒక ట్రెండ్‌ సెట్టర్‌గా నిలిచింది. అయితే ఈ వాయిస్‌ను 'విక్రమ్‌: ది హిట్‌ లిస్ట్‌' టైటిల్‌ ట్రాక్‌లో కూడా కొనసాగించారు కోలీవుడ్‌ మ్యూజిక్‌ సెన్సేషన్‌ అనిరుధ్‌ రవిచంద్రన్‌. ఈ సినిమాలో అనిరుధ్ ఇచ్చిన ఒక్కో బీజీఎం ప్రేక్షకులను మెస్మరైజ్‌ చేసింది. 'విక్రమ్‌: ది హిట్‌ లిస్ట్‌' మూవీ సుమారు రూ. 120-150 కోట్ల బడ్జెట్‌తో తెరకెక్కి దాదాపు రూ. 442.45 కోట్లు రాబట్టింది. కాగా సరైన హిట్‌ లేకుండా సతమవుతున్న కమల్‌ హాసన్‌కు.. 36 ఏళ్ల క్రితం వచ్చిన మూవీ కథ నేపథ్యంగా తెరకెక్కిన ఈ 'విక్రమ్‌ 2' సెన్సేషనల్‌ హిట్‌గా నిలవడం విశేషం. 1986లో 32 ఏళ్ల వయసులో కమల్‌ ఎలాంటి నటనతో అలరించాడో 67 ఏళ్ల వయసులో కూడా అంతకుమించిన యాక్టింగ్‌తో ఆకట్టుకున్నాడు.   ఇక కమల్‌ హాసన్‌లానే కెరీర్‌ ప్రారంభంలో స్ట్రగులై అదే 1986లో హిట్‌ కొట్టిన మరో స్టార్‌ హీరో టామ్‌ క్రూజ్‌. ఈ హాలీవుడ్‌ యాక్షన్‌ హీరో రియల్‌ స్టంట్స్‌, ఫ్యాన్స్‌ గురించి ప్రత్యేకంగా చెప్పనవసరం లేదు. ఈ హీరోకు కూడా కెరీర్‌ ఆరంభంలో సూపర్ క్రేజ్‌ తీసుకొచ్చిన మూవీ 'టాప్‌ గన్‌'. 1986 మే 16న విడుదలైన 'టాప్‌ గన్‌' అప్పుడు ఒక సెన్సేషన్‌ క్రియేట్‌ చేసింది. రూ. 1.5 కోట్ల (యూఎస్‌ డాలర్స్‌) బడ్జెట్‌ తెరకెక్కిన ఈ చిత్రం రూ. 35.73 కోట్లు (యూఎస్‌ డాలర్స్‌) రాబట్టింది. తర్వాత అనేక యాక్షన్‌ మూవీస్‌తో అదరగొట్టిన టామ్ క్రూజ్‌కు ఈ మధ్య కాలంలో చెప్పుకోదగ్గ హిట్‌ పడలేదు. అయితే సుమారు 36 ఏళ్ల తర్వాత 'టాప్‌ గన్‌'కు సీక్వెల్‌గా 'టాప్‌ గన్‌: మావెరిక్‌' వచ్చి టామ్‌ క్రూజ్‌కు సాలిడ్‌ సక్సెస్‌ ఇచ్చింది.  'టాప్‌ గన్‌'లో 24 ఏళ్ల వసయసులో బాడీ లాంగ్వేజ్‌, ఫిట్‌నెస్‌, యాక్టింగ్‌, రొమాన్స్‌తో టామ్‌ క్రూజ్‌ ఎలా అయితే ఆకట్టుకున్నాడో 59 ఏళ్ల (సినిమా చిత్రీకరణ సమయంలో) వయసులోనూ  అదే  జోష్‌తో మెస్మరైజ్‌ చేశాడు. ఇప్పటికీ సిక్స్‌ ప్యాక్‌ బాడీతో రియల్‌ స్టంట్స్‌ చేస్తూ అదరగొడుతున్నాడు. ఇక 2022 మే 27న ప్రేక్షకుల ముందుకు వచ్చిన 'టాప్‌ గన్‌: మావెరిక్‌' సుమారు 170 మిలియన్‌ డాలర్ల బడ్జెట్‌తో తెరకెక్కి.. బాక్సాఫీస్‌ వద్ద సుమారు 1. 131 బిలియన్‌ డాలర్లను కొల్లగొట్టింది. ఇక ఆరు పదుల వయసులోనూ అభిమానులను ఉర్రూతలూగిస్తున్న కమల్ హాసన్‌, టామ్‌ క్రూజ్‌.. యాక్టింగ్‌, యాక్షన్‌ స్టంట్స్‌లో 'ఇద్దరూ.. ఇద్దరే' అనిపించుకుంటున్నారు. కాగా 36 ఏళ్ల క్రితం సినిమాలను సీక్వెల్‌గా తెరకెక్కించి, హిట్ లేని సమయంలో బ్లాక్‌ బస్టర్‌ హిట్‌ కొట్టిన కమల్‌, టామ్‌లది ఎంతటి యాదృచ్ఛికం.  -సంజు (సాక్షి వెబ్‌డెస్క్‌)

జిహ్వకో రుచి.. పుర్రెకో బుద్ధి అన్నారు పెద్దలు. ఆ బుద్ధిలోనే మనిషికో అలవాటునూ కలిపేసుకోవచ్చు. సామాన్యుల అలవాట్లు, ప్రవర్తన ఎంత అసామాన్యంగా ఉన్నా ప్రాచుర్యంలోకి రావు. అసామాన్యులు లేదా పదిమందికీ తెలిసిన ప్రముఖుల అలవాట్లు ఎంత సామాన్యమైనవైనా ఇట్టే ప్రచారమవుతాయి. అలా వైరలైన కొందరు సెలబ్రిటీల వింత అలవాట్లు తెలుసుకుందాం.. సరదాగా! ఎంతిష్టమైతే మాత్రం..  చెప్పులంటే ఎంతిష్టమైతే మాత్రం నెత్తి మీద పెట్టుకుంటామా!? కానీ బాలీవుడ్‌ స్టార్‌ షారుఖ్‌ ఖాన్‌ అలాగే చేస్తాడు ఇంచుమించుగా! అంటే .. తల మీద పెట్టుకోడు అలాగని చెప్పుల స్టాండ్‌లోనూ పెట్టడు. షారుఖ్‌కి షూస్‌ అంటే చాలా చాలా ఇష్టమట. అందుకే ఇరవై నాలుగ్గంటలూ ఇంటాబయటా షూస్‌ వేసుకునే ఉంటాడు. రాత్రి కూడా చాలాసార్లు షూస్‌తోనే నిద్రపోతాడట. ఏమయ్యా క్రూజూ.. ఏంటయ్యా అది? వ్వాక్‌.. ఎంత సౌందర్య పోషణయితే మాత్రం ఆ పనేంటండీ బాబూ.. ! ఏం చేశాడేంటి ఆ అమెరికన్‌ యాక్టర్‌ టామ్‌ క్రూజ్‌.. అంతమాటనేసినారు? తన ముఖారవింద చర్మ సంరక్షణ కోసం రోజూ నైటింగేల్‌ పిట్ట (కోకిల) రెట్టనింత తీసుకుని  ఫేషియల్‌ క్రీమ్‌లా మొహానికి పూసుకుంటాడట!! అవాక్కయ్యారా! అది మరి మ్యాటర్‌... అట్లుంది వీళ్లలోని! అన్నింట్లోకి.... పెరుగు ఉండాల్సిందే ఆలియా భట్‌కు. ఉండొచ్చు .. పరోటా.. ఉప్మా.. పోహా.. ఆఖరుకు చపాతీకీ పెరుగు కాంబినేషన్‌ బాగానే ఉంటుంది. కానీ ఆలియాకు చైనీస్‌.. ఇటాలియన్‌.. మెక్సికన్‌.. ఇలా ఏ దేశపు వంటకానికైనా తోడు కూడా పెరుగు లేకపోతే ముద్ద దిగదట. ఆలియా పెరుగు పిచ్చి చూసి తోటివాళ్లంతా నవ్వుకుంటారట. నవ్విపోదురు గాక.. నాకేటి.. ప్లేట్‌లో పెరుగుంటే చాలు అనుకుంటూ వేళ్లకంటిన పెరుగును చప్పరించేస్తుందట.  గుడ్లప్పగించి... సెలబ్రిటీలనెవరైనా గుడ్లప్పగించి చూస్తే బౌన్సర్లు వచ్చి కనుగుడ్లు పీకేసినా పీకేస్తారు. మరి సెలబ్రిటీలే అలా చూస్తే..! ఆ బుద్ధి ఉన్నది ఎవరికి?అని అడిగితే దీపికా పడుకోణ్‌ అని చెప్పాలి మరి. అవును.. ఎయిర్‌ పోర్ట్స్‌లో.. షాపింగ్‌ మాల్స్‌లో.. ఇలా పబ్లిక్‌ ప్లేసెస్‌లో ఎక్కడైనా కొత్తవాళ్లను కన్నార్పకుండా చూస్తుందట. ఆమెకున్న ఈ అలవాటు తెలియక ఆ స్ట్రేంజర్స్‌ జడుసుకుని వడివడిగా అక్కడి నుంచి వెళ్లిపోతారట. పాఫం..! ఆరుబయట... సొంత ఇల్లయినా.. అద్దె ఇల్లయినా సౌకర్యాలకు సంబంధించి రాజీ పడని అంశం.. బాత్రూమ్‌. మాజీ మిస్‌ యూనివర్స్‌.. బాలీవుడ్‌ నటి సుస్మితా సేన్‌ కూడా అంతే. అసలు కాంప్రమైజ్‌ కాదు.. బాత్రూమ్‌లో స్నానం చేయని విషయంలో! మీరు చదువుతున్నది కరెక్టే.. ఆమెకు మేడ మీద.. ఆరుబయట స్నానం చేయడం ఇష్టం.. కంఫర్ట్‌ కూడా! అందులో రాజీ సమస్యే లేదు అంటుంది. ఈ గుట్టు చెప్పాం కదా అని ఆమె ఇంటి చుట్టూ ఉన్న మేడల మెట్లెక్కేయకండి! ఆ జాగ్రత్త ఆమెకు తెలుసు.

టైటిల్‌: టాప్‌ గన్‌ మావెరిక్‌ (హాలీవుడ్) నటీనటులు: టామ్‌ క్రూజ్‌, మైల్స్‌ టెల్లర్‌, జెన్నిఫల్ కాన్‌లీ, వాల్‌ కిల్మర్‌, గ్లెన్‌ పావెల్‌ తదితరులు నిర్మాతలు: టామ్‌ క్రూజ్‌, జెర్రీ బ్రూక్‌హైమర్, క్రిస్టోఫర్‌ మెక్‌ క్యూరీ, డేవిడ్‌ ఎల్లిసన్, డాన్‌ గ్రాంగర్‌ దర్శకత్వం: జోసెఫ్‌ కోసిన్స్కీ సినిమాటోగ్రఫీ: క్లాడియో మిరిండా విడుదల తేది: మే 26, 2022 హాలీవుడ్‌ యాక్షన్‌ హీరో టామ్‌ క్రూజ్‌ కెరీర్‌ ప్రారంభంలో హిట్‌ సాధించిన సినిమాల్లో 'టాప్‌ గన్‌' ఒకటి. 1986లో వచ్చిన ఈ చిత్రానికి సుమారు 36 ఏళ్ల తర్వాత సీక్వెల్‌గా తెరకెక్కిన మూవీ 'టాప్‌ గన్‌: మావెరిక్‌'. ఈ సినిమా 36 ఏళ్ల తర్వాత సీక్వెల్‌గా రావడం టీజర్లు, ట్రైలర్లతో మూవీపై భారీగా అంచనాలు నెలకొన్నాయి. నిజానికి ఈ మూవీ ట్రైలర్‌ 2019లోనే విడుదలైంది. సినిమా కూడా అప్పట్లోనే రావాల్సింది. కానీ కరోనా వల్ల, పలు కారణాలతో వాయిదా పడుతూ వచ్చింది. ఇక ఈ మూవీ చివరికీ మే 27న విడుదల కావాల్సింది కానీ మే 26 నుంచే షోలు ప్రదర్శించారు. మరీ భారీ అంచనాల నడుమ విడుదలైన 'టాప్‌ గన్‌: మావెరిక్‌' ఎలా ఉందో రివ్యూలో చూద్దాం.  కథ: పీట్‌ మావెరిక్‌ మిచెల్‌ (టామ్‌ క్రూజ్‌) అమెరికా ఆర్మీలో ఫైటర్‌ పైలెట్‌గా పనిచేస్తాడు. అతనికి 36 ఏళ్ల అనుభవం ఉంటుంది. ఒక యుద్ధ విమానాన్ని టెస్ట్‌ చేసేందుకు అపరిమిత స్పీడ్‌లో వెళతాడు. అది చూసిన తన పైఅధికారులు పైలెట్‌గా విధుల నుంచి తప్పించి 'టాప్‌ గన్‌' అకాడమీలో బెస్ట్‌ పైలెట్స్‌కు శిక్షణ ఇవ్వమని పంపిస్తారు. 36 ఏళ్ల అనుభవం ఉన్న పీట్‌ మావెరిక్‌ ఎందుకు పైలెట్‌గానే ఉండిపోవాల్సి వచ్చింది ? అతన‍్ని బెస్ట్ పైలెట్స్‌కు శిక్షణ ఇవ్వమని చెప్పడానికి అసలు కారణం ఎవరు ? వారికి ఎందుకోసం శిక్షణ ఇవ్వమంటారు ? ఆ శిక్షణ క్రమంలో వారు ఎదుర్కొన్న సవాళ్లు ఏంటీ ? హీరో ఫ్రెండ్ గూస్ కొడుకు రూస్టర్‌కు పీట్‌ అంటే ఎందుకు కోపం ? అనే విషయాలు తెలియాలంటే సినిమా చూడాల్సిందే.  విశ్లేషణ: 'టాప్ గన్‌' సినిమాను గుర్తు చేస్తూ 'టాప్‌ గన్‌ మావెరిక్‌' మూవీ ప్రారంభం అవుతుంది. టాప్‌ గన్‌ మూవీ నచ్చిన వాళ్లకు ఈ మూవీ కూడా మంచి అనుభూతిని ఇస్తుంది. ఉన్నతాధికారులను ఏమాత్రం లెక్కచేయిని పాత్రగా మావెరిక్‌ను పరిచయం చేశారు. 36 ఏళ్ల తర్వాత కూడా అతనిలో ఎలాంటి మార్పు లేదన్నట్లుగా చూపించారు. ఆకాశంలో సాహోసోపేతమైన విన్యాసాలు, ఏరియల్‌ స్టంట్స్‌ సూపర్బ్‌గా అనిపిస్తాయి. యుద్ధ విమానాలతో వాళ్లు చేసే ఫీట్లు ఆసక్తికరంగా ఉంటాయి. కంబాట్‌ సీన్స్‌, ట్రైనింగ్‌ సీన్స్‌ బాగున్నాయి. సినిమాలో అడ్వెంచర్‌ షాట్స్‌, కామెడీ డైలాగ్స్‌తోపాటు ఎమోషనల్‌ ఫీల్‌ సీన్లు ఎంతో ఆకట్టుకుంటాయి.  కథలో భాగంగా పీట్‌ ఫ్రెండ్‌ గూస్‌ మరణం కారణంగా తనపై అనుమానాలు తలెత్తడం, వాటన్నింటిన దాటుకొని తిరిగి విధుల్లోకి రావడం, గూస్ కుమారుడు రూస్టర్‌తో వచ్చే సన్నివేశాలు ఉద్వేగభరితంగా బాగున్నాయి. సినిమా ప్రారంభం నుంచి గూస్‌ కొడుకు రూస్టర్‌ను పీట్‌ చూసే విధానం ఎమోషనల్‌గా ఉంటుంది. మావెరిక్‌కు అతని లవర్‌ మధ్య వచ్చే రొమాంటిక్‌ సీన్లు నవ్వు తెప్పిస్తాయి. పీట్‌ ఫ్రెండ్‌ ఐస్‌ మ్యాన్‌ (వాల్‌ కిల్మర్‌) మధ్య సంభాషణ ఎమోషనల్‌గా సాగి చివరిగా ఒక్కసారి నవ్వు తెప్పించడం భలే హాయిగా ఉంటుంది. వాల్‌ కిల్మర్‌కు రియల్‌ లైఫ్‌లో ఉన్న ఆరోగ్య సమస్యలను సినిమాలోని పాత్రకు ఆపాదించడం బాగుంది. క్లైమాక్స్‌, చివరి అరగంట ముందు మంచు కొండల్లో వచ్చే సీన్లు ఉత్కంఠభరితంగా ఆకట్టుకుంటాయి.  ఎవరెలా చేశారంటే?  హీరోగా చేసిన టామ్‌ క్రూజ్ యాక్టింగ్‌ గురించి ప్రత్యేకంగా చెప్పుకోనవసరం లేదు. యాక్షన్‌ సీన్స్‌, రియల్‌ స్టంట్స్‌కు పెట్టింది పేరు. సినిమాలో ఆయన నటన హైలెట్‌. 1986లో టాప్‌ గన్‌ మూవీ వచ్చినప్పుడు టామ్‌ వయసు 24. ఈ సీక్వెల్‌ సమయానికి 59 ఏళ్లు. అయినా ఆయనలో ఏమాత్రం జోరు తగ్గలేదు. అదే జోష్‌, అదే బాడీ లాంగ్వేజ్‌, అదే సిక్స్‌ ప్యాక్ బాడీతో యాక్షన్‌, ఫైట్స్‌, రొమాన్స్‌లో తనదైన స్పెషాల్టీ చూపించాడు. మిగతా క్యారెక్టర్లు వారి పాత్రలకు అనుగుణంగా అదరగొట్టారు. బ్యాక్‌గ్రౌండ్ మ్యూజిక్‌ బాగుంది. నిర్మాణ విలువలు, టెక్నికల్‌ వర్క్‌ సూపర్బ్‌గా ఉన్నాయి. ఫైనల్‌గా చెప్పాలంటే ఎలాంటి అంచనాలు లేకుండా చూస్తే కచ్చితంగా మంచి అనుభూతి కలుగుతుంది.   -సంజు, సాక్షి వెబ్‌డేస్క్‌

Tom Cruise Mission Impossible Dead Reckoning Part One Trailer Released: యాక్షన్‌ ప్రియులను సీట్‌ ఎడ్జ్‌లో కూర్చుండపెట్టే సినిమాలలో మిషన్‌ ఇంపాజిబుల్‌ మూవీ ఫ్రాంచైజీ ఒకటి. హాలీవుడ్‌ యాక్షన్‌ హీరో టామ్‌ క్రూజ్‌ ఏజెంట్‌ 'ఈథన్‌ హంట్‌'గా ఆద్యంతం ఆకట్టుకుంటున్న ఈ మూవీ సిరీస్‌కు క్రేజ్‌ ఎక్కువే. ఈ సినిమాల్లో టామ్‌ యాక్షన్‌ సీక్వెన్స్‌, అడ్వంచెర్స్‌ మైండ్‌ బ్లోయింగ్‌ థ్రిల్‌ అందిస్తాయి. ఇక పరిస్థితులకు తగినట్లు వివిధ పాత్రల గెటప్పుల్లోకి హీరో మారే సన్నివేశాలు మంచి కిక్కిస్తాయి. ఈ ఫ్రాంచైజీ నుంచి ఇప్పటివరకు వచ్చిన ఆరు సినిమాలు ఎంతో అలరించాయి. ప్రస్తుతం సిరీస్‌ నుంచి 7, 8వ సినిమాలు రానున్న విషయం తెలిసిందే.  తాజాగా 'మిషన్ ఇంపాజిబుల్‌: డెడ్‌ రెకనింగ్‌ పార్ట్‌ వన్‌'గా ఏడో సినిమా ట్రైలర్‌ను సోమవారం (మే 24) రాత్రి విడుదల చేశారు. ''గ్రేటర్‌ గుడ్‌'గా పిలవబడే మీ పోరాట రోజులు ముగిశాయి'' అంటూ ప్రారంభమైన ట్రైలర్‌ యాక్షన్‌ సీన్స్‌తో ఆద్యంత ఆకట్టుకునేలా ఉంది. లొకేషన్లు, సీన్స్‌ సూపర్బ్‌గా ఉన్నాయి. ట్రైలర్‌ చూస్తుంటే ఏదో ఒక 'కీ' నేపథ్యంలో సినిమా ఉన్నట్లు తెలుస్తోంది. ట్రైలర్‌ చివర్లో కొండపై నుంచి బైక్‌తో సహా హీరో దూకే సీన్‌ థ్రిల్లింగ్‌గా ఉంది. 1996లో వచ్చిన 'మిషన్‌ ఇంపాజిబుల్‌' మొదటి సినిమాలోని ఐఎమ్‌ఎఫ్‌ డైరెక్టర్‌ యూజీన్‌ కిట్రిడ్జ్‌గా కనిపించిన హెన్రీ జెర్నీ ఇందులో నటించడం విశేషం.  చదవండి:👇  36 ఏళ్ల తర్వాత సీక్వెల్‌.. బడ్జెట్‌ రూ. 12 వందల కోట్లు ఈ సినిమాకు క్రిస్టోఫర్‌ మెక్‌క్వారీ కథ, దర్శకత్వం అందించారు. ఇతను 2015లో 'రోగ్‌ నేషన్‌', 2018లో 'ఫాల్‌ అవుట్‌' సినిమాలను డైరెక్ట్‌ చేశాడు. 'డెడ్‌రెకనింగ్‌ పార్ట్‌ 1' జూలై 14, 2023న ప్రేక్షకుల ముందుకు రానుంది. 2024లో 'డెడ్‌రెకనింగ్‌ పార్ట్‌ 2' విడుదల కానుంది. అయితే ఇదే ఈథన్‌ హంట్‌గా టామ్‌ క్రూజ్‌ చివరి సినిమా అని సమాచారం. 

హాలీవుడ్‌ యాక్షన్‌ హీరో టామ్‌ క్రూజ్‌ కెరీర్‌లో హిట్‌ సాధించిన సినిమాల్లో 'టాప్‌ గన్‌' ఒకటి. 1986లో వచ్చిన ఈ చిత్రం టామ్‌కు మంచి పేరు తెచ్చిపెట్టింది. సుమారు 36 ఏళ్ల తర్వాత ఈ సినిమాకు సీక్వెల్‌గా 'టాప్‌ గన్‌: మేవరిక్‌' రానుంది. తాజాగా ఈ సినిమా ప్రీమియర్‌ను ఫ్రాన్స్‌లో జరుగుతున్న కేన్స్‌ ఫిల్మ్‌ ఫెస్టివల్‌ 2022లో ప్రదర్శించారు. 36 ఏళ్ల తర్వాత 'టాప్‌ గన్‌'కు సీక్వెల్‌గా రావడం, కేన్స్‌ ఫెస్టివల్‌లో ప్రీమియర్‌ వేయడంతో ఈ చిత్రంపై భారీ హైప్‌ ఏర్పడింది. ఈ మూవీని మే 27న ప్రపంచవ్యాప్తంగా విడుదల చేయనున్నారు. ఇంగ్లీష్‌తోపాటు హిందీ, తెలుగు, తమిళ భాషల్లో ప్రేక్షకుల ముందుకు తీసుకువస్తున్నారు.  ఈ మూవీని రూ. 12 వందల కోట్ల బడ్జెట్‌తో జోసెఫ్‌ కోసిన్స్కీ తెరకెక్కించారు. క్రిస్టోఫర్‌ మెక్ క్వారీ రచనా సహకారం అందించారు. కాగా 1996లో వచ్చిన 'మిషన్‌ ఇంపాజిబుల్‌' సిరీస్‌ను సుమారు 25 ఏళ్లుగా తెరకెక్కిస్తూ వస్తున్నారు. ఈసినిమా సిరీస్‌తో టామ్ క్రూజ్‌ విపరీతమైన క్రేజ్‌ సంపాదించుకున్నాడు. కెరీర్‌లో మంచి హిట్‌ ఇచ్చిన టాప్‌ గన్‌ సీక్వెల్‌కు మాత్రం 36 ఏళ్లు పట్టింది. అయితే ఈ సీక్వెల్‌ను మూడేళ్ల క్రితమే స్టార్ట్‌ చేసిన కరోనా వల్ల ఆలస్యమైంది. ప్రస్తుతం ఈ యాక్షన్‌ థ్రిల్లర్‌ కోసం టామ్‌ క్రూజ్‌ ఫ్యాన్స్‌ ఎంతో ఆసక్తిగా ఎదురుచూస్తున్నారు. 

Jr NTR Samantha Tollywood Most Popular Actors As Per Ormax Media 2022: వివిధ సినీ ఇండస్ట్రీల్లో మోస్ట్‌ పాపులర్‌ నటులు ఎవరనే విషయంలో ప్రముఖ మీడియా కన్సల్టింగ్‌ సంస్థ 'ఓర్మాక్స్‌ మీడియా' (Ormax Media) ఒక సర్వే నిర్వహించింది. అందులో టాలీవుడ్‌, కోలీవుడ్‌, బాలీవుడ్‌లో మోస్ట్‌ పాపులర్‌, ఇష్టమైన హీరోలు, హీరోయిన్లు ఎవరు అనే టాప్‌ 10 జాబితాను ప్రకటించింది. ఈ జాబితాలో టాలీవుడ్‌ నుంచి మోస్ట్‌ పాపులర్‌ నటుడిగా యంగ్‌ టైగర్‌ జూనియర్‌ ఎన్టీఆర్‌, నటిగా స్టార్ హీరోయిన్‌ సమంత టాప్‌ 1 స్థానంలో నిలిచారు. తారక్‌ తర్వాత ప్రభాస్‌, అల్లు అర్జున్‌, రామ్ చరణ్‌, మహేశ్‌ బాబు, పవన్‌ కల్యాణ్‌, నాని, విజయ్‌ దేవరకొండ, చిరంజీవి, రవితేజ ఉన్నారు.  ఇక హీరోయిన్ల విషయానికొస్తే.. సామ్‌ తర్వాత కాజల్ అగర్వాల్‌, అనుష్క శెట్టి, పూజా హెగ్డే, రష్మిక మందన్నా, తమన్నా, కీర్తి సురేశ్, సాయి పల్లవి, రకుల్‌ ప్రీత్‌ సింగ్, రాశీ ఖన్నా ఉన్నారు. వీరితోపాటు బాలీవుడ్‌​లో మోస్ట్‌ పాపులర్‌ హీరోగా అక్షయ్‌ కుమార్‌ మొదటి స్థానంలో నిలిచారు. తర్వాత షారుక్ ఖాన్, సల్మాన్ ఖాన్‌, హృతిక్‌ రోషన్‌ ఉండగా చివరగా 10వ స్థానంలో వరుణ్ ధావన్‌ ఉన్నాడు. మోస్ట్‌ పాపులర్ హిందీ హీరోయిన్‌గా అలియా భట్‌ నిలిచింది. తర్వాత దీపికా పదుకొణె, కత్రీనా కైఫ్‌, కృతి సనన్‌ ఉండగా, చివరిగా అనుష్క శర్మ చోటు దక్కించుకుంది.    Ormax Stars India Loves: Most popular male Telugu film stars (Apr 2022) #OrmaxSIL pic.twitter.com/wxyhPygor6 — Ormax Media (@OrmaxMedia) May 15, 2022 Ormax Stars India Loves: Most popular female Telugu film stars (Apr 2022) #OrmaxSIL pic.twitter.com/ZWDBHowzxE — Ormax Media (@OrmaxMedia) May 15, 2022 Ormax Stars India Loves: Most popular male Hindi film stars (Apr 2022) #OrmaxSIL pic.twitter.com/NgFZDHnbcw — Ormax Media (@OrmaxMedia) May 12, 2022 Ormax Stars India Loves: Most popular female Hindi film stars (Apr 2022) #OrmaxSIL pic.twitter.com/OwerlKLNgo — Ormax Media (@OrmaxMedia) May 12, 2022 తమిళంలో మోస్ట్‌ పాపులర్‌ హీరోయిన్‌గా ఫస్ట్‌ ప్లేస్‌లో నయన తార నిలిచింది. తర్వాత సమంత, కీర్తి సురేశ్‌, త్రిశ, జ్యోతిక, ప్రియాంక మోహన్‌, తమన్నా, రష్మిక మందన్నా, అనుష్క శెట్టి, హంసిక ఉన్నారు. ఆరో స్థానంలో నిలిచిన ప్రియాంక మోహన్‌ను ఆల్‌టైమ్‌ హైయెస్ట్‌ ర్యాంక్‌గా ప్రకటించింది ఓర్మాక్స్‌ మీడియా. ఇక హీరోల విషయానికొస్తే మొదటి స్థానంలో విజయ్‌ ఉండగా తర్వాత అజిత్, సూర్య, విజయ్‌ సేతుపతి, ధనుష్, శివకార్తికేయన్‌, రజినీ కాంత్, విక్రమ్‌, కమల్‌ హాసన్, శింబు నిలిచారు.  Ormax Stars India Loves: Most popular female Tamil film stars (Apr 2022) #OrmaxSIL pic.twitter.com/irsBaQz6K2 — Ormax Media (@OrmaxMedia) May 14, 2022 All-time highest rank: Priyanka Mohan takes the no. 6 position, her best-ever rank on Ormax Stars India Loves #OrmaxSIL pic.twitter.com/DbTr9eQgIK — Ormax Media (@OrmaxMedia) May 14, 2022 Ormax Stars India Loves: Most popular male Tamil film stars (Apr 2022) #OrmaxSIL pic.twitter.com/ZBwaSywyLB — Ormax Media (@OrmaxMedia) May 14, 2022 హాలీవుడ్‌ హీరోయిన్లలో స్కార్లెట్‌ జాన్సన్‌, ఏంజిలీనా జోలీ, ఎమ్మా వాట్సన్, జెన్నిఫర్‌ లారెన్స్, గాల్‌ గాడోట్‌, ఎమ్మా స్టోన్, కేట్‌ విన్స్‌లెట్‌, ఎలిజబెత్‌ ఓల్సెన్‌, జెండయా, నటాలీ పోర్ట్‌మన్‌ వరుసగా ఉన్నారు. హీరోలలో టాప్‌ 1 ప్లేస్‌లో టామ్ క్రూజ్ ఉండగా, తర్వాతి స్థానాల్లో రాబర్ట్‌ డౌనీ జూనియర్‌, డ్వేన్ జాన్సన్‌, విల్‌ స్మిత్, టామ్ హోలాండ్, లియనార్డో డికాఫ్రియో, క్రిస్‌ హెమ్స్‌వోర్త్‌, విన్‌ డీసిల్‌, క్రిస్ ఇవాన్స్‌, జానీ డెప్‌ నిలిచారు.  Ormax Stars India Loves: Most popular female Hollywood film stars in India (Apr 2022) #OrmaxSIL pic.twitter.com/7SZQM9GxKE — Ormax Media (@OrmaxMedia) May 13, 2022 Ormax Stars India Loves: Most popular male Hollywood film stars in India (Apr 2022) #OrmaxSIL pic.twitter.com/zxScetz4bj — Ormax Media (@OrmaxMedia) May 13, 2022

Tom Cruise Chief Guest In RRR Movie Pre Release Event At Dubai: దర్శక ధీరుడు జక్కన్న, యంగ్ టైగర్​ ఎన్టీఆర్​, మెగా పవర్ స్టార్​ రామ్​ చరణ్​ కాంబోలో భారీ మల్టీ స్టారర్​గా వస్తున్న చిత్రం చిత్రం 'రౌద్రం రణం రుధిరం (ఆర్‌ఆర్ఆర్‌)'. 14 భాషల్లో తెరకెక్కిన సినిమా కోసం ప్రేక్షకలోకం, అభిమానగనం ఎంతగానో ఎదురచూస్తున్న సంగతి తెలిసిందే. ఎన్నో వాయిదాల తర్వాత మార్చి 25న విడుదల చేస్తున్నట్లు మేకర్స్​ ప్రకటించారు. దీంతో చిత్రబృందం త్వరలోనే ప్రమోషన్స్​ కార్యక్రమాలను తిరిగి మొదలుపెట్టనున్నట్లు తెలుస్తోంది. ఈ నేపథ్యంలో 'ఆర్​ఆర్​ఆర్​' సినిమా ప్రీరిలీజ్​ ఈవెంట్​ను గ్రాండ్​గా ప్లాన్​ చేస్తున్నట్లు సమాచారం. అయితే తాజాగా ఈ విషయానికి సంబంధించి ఒక క్రేజీ వార్త నెట్టింట తెగ చక్కర్లు కొడుతోంది. 'ఆర్​ఆర్​ఆర్​' చిత్రం ప్రీరిలీజ్​ వేడుకను త్వరలో దుబాయ్​లో జరిపేందుకు జక్కన్న టీం సన్నహాలు చేస్తుందని టాక్​. ఈ అతిపెద్ద ఈవెంట్​కు ప్రముఖ హాలీవుడ్​ యాక్షన్ హీరో టామ్​ క్రూజ్​ ముఖ్య అతిథిగా హాజరు కానున్నడనే వార్త సోషల్​ మీడియాలో గింగిరాలు తిరిగుతోంది. కాగా ఈ విషయం గురించి ఎలాంటి అధికారిక ప్రకటన వెలువడలేదు. ప్రస్తుతం ఈ వార్త ఆర్​ఆర్​ఆర్​ మూవీపై మరింత ఆసక్తిని పెంచుతోంది. 

డిస్నీ - మార్వెల్ స్టూడియోస్ సంయుక్తంగా నిర్మించే అవెంజ‌ర్స్ త‌దిత‌ర సూప‌ర్ హీరో సినిమాల‌కి ప్ర‌పంచ‌వ్యాప్తంగా అభిమానులున్న సంగ‌తి తెలిసిందే. ముఖ్యంగా ఈ సూప‌ర్ హీరో సినిమాల సిరీసుల్లో ఐరెన్ మాన్ సినిమాల‌కి విప‌రీత‌మైన క్రేజ్ ఉంది. ఐరన్ మాన్ మూవీ సిరీస్తో పాటు అవెంజ‌ర్స్ మూవీ సిరీస్లో కూడా ఐరెన్ మాన్కి ఫుల్ ఫ్యాన్ ఫాలోయింగ్, అయితే అవెంజ‌న్ ఎండ్ గేమ్ లో ఐరన్ మ్యాన్ క్యారెక్టర్ కూడా ముగిసిపోతుంది. అయితే అవెంజ‌ర్స్ ఎండ్ గేమ్ త‌రువాత వ‌చ్చిన మార్వెల్ సూప‌ర్ హీరో సినిమాల్లో ఐరెన్ మ్యాన్ తిరిగివ‌స్తాడ‌నే ఊహాగానాలు వినిపిస్తున్నాయి. చదవండి: అతడే నా భర్త, ఇంట్లో చెప్పే పెళ్లి చేసుకుంటాను: రష్మిక ఆసక్తికర వ్యాఖ్యలు వాటికి మ‌రింత ఊతం ఇచ్చే రీతిన మార్వెల్ స్టూడియోస్ వారి నుంచి వ‌స్తున్న డాక్ట‌ర్ స్ట్రేంజ్ మల్టీవ‌ర్స్ ఆఫ్ మ్యాడ్ నెస్ చిత్రంలో ఐరన్ మాన్ తిరిగి వ‌స్తున్నాడ‌ని తెలిసింది. ఈ పాత్ర‌ను ప్ర‌ముఖ ప్ర‌ఖ్యాత హాలీవుడ్ యాక్ష‌న్ హీరో టామ్ క్రూజ్ పోషిస్తున్నారు అనే వార్తలు ఇప్పుడు అంత‌టా ప్ర‌చారంలో ఉన్నాయి. తాజాగా విడుద‌లైన డాక్ట‌ర్ స్ట్రేంజ్ మ‌ల్టీవ‌ర్స్ ట్రైల‌ర్ విడుద‌లై సోష‌ల్ మీడియాలో ట్రెండ్ అవుతుంది. మే 6న ఈ సినిమా ప్ర‌పంచ‌వ్యాప్తంగా విడుద‌ల అవ్వ‌నుంది.

ప్రేక్షకులను అద్భుతంగా అలరించే హాలీవుడ్​ యాక్షన్​ చిత్రాల్లో మిషన్​ ఇంపాజిబుల్​ సిరీస్​ ఒకటి. ప్రముఖ హాలీవుడ్​ యాక్షన్​ హీరో టామ్​ క్రూజ్​ హీరోగా నటించే ఈ ఫ్రాంచైజీకి క్రేజ్​ ఎక్కువే. ఈ సినిమాల్లో టామ్​ చేసే యాక్షన్​ సీక్వెన్స్​, సాహసాలు ఆడియెన్స్​ను సీటుకు కట్టిపడేస్తాయి. ఇక ఈథన్ హంట్​ (సిరీస్​లో టామ్​ క్రూజ్​ పాత్ర పేరు) తరచుగా మార్చే గెటప్పులు ఆహా అనిపిస్తాయి. అంతేకాకుండా ఈ ఫ్రాంచైజీలోని ప్రతినాయకుల విలనిజం, హీరోయిన్లు గ్లామర్​ అదనపు ఆకర్షణ. అయితే ఇంతగా అలరించే ఈ సిరీస్​లో వచ్చే సినిమాలు మళ్లీ వాయిదా పడి అభిమానులకు నిరాశకు గురిచేశారు.  (చదవండి: అత్యధిక నిడివి ఉన్న చిత్రం ఇదేనట !.. భారీగా అంచనాలు) ఈ సిరీస్​లో ఇదివరకు 6 సినిమాలు వచ్చి ప్రేక్షకులను విపరీతంగా అలరించాయి. ఇప్పుడు కొత్తగా 7, 8 సినిమాలు వరుస పెట్టి రానున్న సంగతి తెలిసిందే. మిషన్​ ఇంపాజిబుల్​ 7వ సినిమాను సెప్టెంబర్​ 2022లో థియేటర్లలో విడుదల చేసేందుకు మేకర్స్ ప్లాన్​ చేశారు. ఆ తర్వాత జూలై 2023లో ఎనిమిదవ చిత్రాన్ని రిలీజ్​ చేద్దామనుకున్నారు. కానీ కొవిడ్​ కారణంగా ఈ సినిమాలు మరింత ఆలస్యం కానున్నాయి. ఈ విషయాన్ని పారామౌంట్ పిక్చర్స్​, స్కైడాన్స్​ నిర్మాణ సంస్థలు శుక్రవారం (జనవరి 21) ఒక ప్రకటనలో తెలిపాయి.  (చదవండి: 'స్క్విడ్‌ గేమ్‌' మళ్లీ రానుంది.. ఈసారి ఎలాంటి గేమ్‌ ?) అనేక పరిశీలనల తర్వాత ఆలోచించుకుని కరోనా ఉధృతి నేపథ్యంలో ఈ సినిమాలు వాయిదా వేస్తున్నట్లు ప్రకటించాయి. ఈ సిరీస్​లోని 7వ చిత్రాన్ని జూలై 14, 2023న, 8వ మూవీని జూన్​ 28, 2024న విడుదల చేయనున్నట్లు వెల్లడించాయి. ఇక ఈ సినిమాలు ఆ తేదీల్లో విడుదలవుతాయో లేదా కరోనా కారణంగా ఇంకా వాయిదా పడతాయో చూడాలి.  (చదవండి: ఆస్కార్‌ బరిలో 'నో టైమ్‌ టు డై'.. 4 విభాగాలకు నామినేట్‌)

హాలీవుడ్‌ మూవీ సిరీస్‌ ‘మిషన్‌ ఇంపాజిబుల్‌’ (ఎమ్‌ఐ)కి ఉన్న క్రేజ్‌ అంతా ఇంత కాదు. ప్రపంచవ్యాప్తంగా అభిమానులు ఉన్నారు. ఆ సినిమాల్లోని హీరో తన అసిస్టెంట్స్‌తో కలిసి చేసే సాహసాలు అబ్బురపరిచేలా ఉంటాయి. అందుకే సిరీస్‌లోని మరో సినిమా రిలీజ్‌ అవుతుందంటేనే ఎప్పుడెప్పుడా అభిమానులు ఎదురుచూస్తుంటారు.  హాలీవుడ్‌ స్టార్‌ నటుడు టామ్‌క్రూజ్‌ హీరోగా నటిస్తున్నా ‘మిషన్‌ ఇంపాజిబుల్‌’ సిరీస్‌లో ఆరు సినిమాలు విడుదలై మంచి విజయాన్ని సొంతం చేసుకున్నాయి. ఆ సిరీస్‌లో వస్తున్నా తాజా చిత్రం ‘మిషన్‌ ఇంపాజిబుల్‌ 7’. క్రిస్టోఫర్ మెక్ క్వారీ దర్శకత్వం వహిస్తున్నాడు. క‌రోనా వ‌ల్ల ప‌లుమార్లు వాయిదా ప‌డుతూ వచ్చిన.. ఏడో పార్ట్‌ షూటింగ్‌ తాజాగా పూర్తి అయ్యింది. ఈ విషయాన్ని మేకర్స్‌ సోషల్‌ మీడియా ద్వారా వెల్లడించారు. కాగా ఈ సినిమాను వచ్చే ఏడాది సెప్టెంబర్‌లో ప్రేక్షకుల ముందుకు తీసుకొచ్చేందుకు మేకర్స్‌ ప్లాన్‌ చేస్తున్నారు. ఈ పార్ట్‌తోపాటు ఎమ్‌ఐ 8ని కూడా త్వరగా పూర్తి చేసి 2023లో విడుదల చేయాలని మూవీ టీం భావించింది. కోవిడ్‌ ఆంక్షల నేపథ్యంలో ఎమ్‌ఐ 7 చిత్రీకరణ, విడుదల ఆలస్యం, ఇతర కారణాల వల్ల ఆ మూవీ కూడా ఆలస్యం అవుతోంది. కాగా ఇటీవల ‘ఎమ్‌ఐ 7’ షూటింగ్‌ ఇంగ్లండ్‌ బర్మింగ్‌హమ్‌లో జరిగింది. టామ్‌క్రూజ్‌ కాస్ట్‌లీ కారును మూవీ టీం బస చేసిన హోటల్‌లో బయట పార్క్‌ చేయగా ఎవరో దొంగిలించారు. పోలీసులకు సమాచారం అందించగా కారుకు ఉన్న ట్రాకింగ్‌ సిస్టమ్‌ ద్వారా దగ్గరలోకి ఓ విలేజ్‌లో గుర్తించారు. కోట్ల విలువ చేసే కారు దొరికినా అందులోని లగేజీ, నగదు పోయినట్లు తెలిసింది.

హాలీవుడ్‌ స్టార్‌ నటుడు టామ్‌ క్రూజ్‌కు చెందిన ఓ లగ్జరీ కారు సినీ ఫక్కీలో చోరీకి గురైంది. అడ్వాన్స్‌డ్‌ టెక్నాలజీ ఉన్న కారును పక్కా స్కెచ్‌తో అవలీలగా ఎత్తుకెళ్లిపోయారు. దాదాపు కోటి రూపాయలకు పైగా విలువ చేసే ఆ బీఎండబ్ల్యూ కారును..  చివరికి ఎలాగోలా ట్రేస్‌ చేయగలిగిన పోలీసులు. కానీ..  కారులో విలువైన లగేజీ, కొంత డబ్బును మాత్రం ఎత్తుకెళ్లిపోయారు. ప్రస్తుతం బర్మింగ్‌హమ్‌(ఇంగ్లండ్‌)లో మిషన్‌ ఇంపాజిబుల్‌ ఏడో పార్ట్‌ షూటింగ్‌ జరుగుతోంది. ఓ లగ్జరీ హోటల్‌లో సినిమా యూనిట్‌ బస చేసింది. అయితే కారు బయట పార్కింగ్‌ చేసిన కాస్ట్‌లీ కారును దొంగలు ఎత్తుకెళ్లిపోయారు.  చాలా తెలివిగా..  మోడ్రన్‌ డే కారులు కీలెస్‌గా, ఇగ్నిషన్‌ ఫోబ్స్‌తో వస్తున్నాయి. ఇది దొంగలకు అనుకూలంగా మారుతోంది. వైర్‌లెస్‌ ట్రాన్స్‌మీటర్లను ఉపయోగించి దొంగతనాలకు పాల్పడుతున్నారు. ఇదే తీరులో టామ్‌ క్రూజ్‌ కారు చోరీకి గురైంది. కారుకు దగ్గరగా నిలబడ్డ దొంగలు.. ఫ్రీక్వె‍న్సీ మీటర్ల ద్వారా ఫోబ్‌ సిగ్నల్‌ను క్యాప్చర్‌ చేయగలిగారు. అదే టైంలో ఒరిజినల్‌ ఫోబ్‌ను రేడియో ఫ్రీక్వెన్సీ ఆధారంగా పని చేయకుండా చేశారు. అటుపై దర్జాగా కారును వేసుకుని వెళ్లిపోయారు. కారు చోరీకి గురైందని గుర్తించిన టామ్‌ క్రూజ్‌ బాడీగార్డులు.. పోలీసులకు సమాచారం అందించారు. ట్రాకింగ్‌ సిస్టమ్‌ ఆధారంగా ట్రేస్‌ చేసి..  స్మెత్‌విక్‌ విలేజ్‌లో కారును గుర్తించారు. అయితే కారు దొరికినప్పటికీ.. అందులో లగేజీ, కొంత డబ్బు మాయమైనట్లు తెలుస్తోంది. దాదాపు లక్ష పౌండ్లు విలువ(మన కరెన్సీలో కోటి రూపాయలు) చేసే బీఎండబ్ల్యూ ఎక్స్‌7.. 4.4 లీటర్‌ V8 ఇంజిన్‌, 523 హార్స్‌ పవర్‌ ఇంజిన్‌, నాలుగు సెకన్లలో 96 కిలోమీటర్ల స్పీడ్‌ను అందుకునే సామర్థ్యం ఉంది. టాప్‌​ స్పీడ్‌ 249 కిలోమీటర్లు. ఇక కరోనా కారణంగా ఆలస్యమవుతూ వస్తున్న.. MI-7 వచ్చే ఏడాది సమ్మర్‌లో రిలీజ్‌ కానుంది.

హాలీవుడ్‌ చిత్రం ‘మిషన్‌ ఇంపాజిబుల్‌ 7’ చిత్రీకరణ కరోనా కారణంగా నిలిచిపోయింది. టామ్‌ క్రూజ్‌ నటిస్తున్న ఈ యాక్షన్‌ స్పై ఫిల్మ్‌కి క్రిస్టోఫర్‌ మెక్వారీ దర్శకత్వం వహిస్తున్నారు. కొన్ని రోజులుగా ఈ సినిమా చిత్రీకరణ యూకేలో జరుగుతోంది. అయితే రెగ్యులర్‌ కోవిడ్‌ టెస్టుల్లో భాగంగా చిత్రబృందానికి కరోనా పరీక్షలు చేయగా కొంతమందికి పాజిటివ్‌ నిర్ధారణ అయింది. పాజిటివ్‌ వచ్చినవారి సంఖ్య 10మందికి పైనే ఉందని హాలీవుడ్‌ మీడియా చెబుతోంది. దీంతో ‘మిషన్‌ ఇంపాజిబుల్‌ 7’ షూటింగ్‌ను జూన్‌ 14 వరకు నిలిపి వేశారు. ఇక గత ఏడాది అక్టోబరులో కూడా ఈ చిత్రబృందంలో 12 మందికి కరోనా వచ్చి, షూటింగ్‌ నిలిచిపోయింది. ఇప్పుడు కరోనా వల్ల మరోసారి షూటింగ్‌ ప్లాన్‌ ఇంపాజిబుల్‌ (అసాధ్యం) అయింది. ఈ ఏడాది విడుదల కావాల్సిన ‘మిషన్‌ ఇంపాజిబుల్‌ 7’ సినిమా కరోనా సెకండ్‌ వేవ్‌ కారణంగా వచ్చే ఏడాది వేసవికి వాయిదా పడింది.

హాలీవుడ్ స్టార్​ హీరో టామ్​ క్రూజ్​కి కరోనా బారినపడ్డాడా?.. అవుననే అంటున్నాయి హాలీవుడ్ వర్గాలు. మిషన్​ ఇంపాజిబుల్ 7 షూటింగ్​ను అర్థాంతరంగా ఆపేయడంతో ఈ ఊహాగానాలకు తెరలేపాయి. టామ్​తో పాటు చిత్రయూనిట్​లోని కొందరు కరోనా బారినపడ్డట్లు ఆ కథనాలు ఉటంకించాయి. అయితే కొన్ని బ్రిటిష్​ టాబ్లాయిడ్స్​ మాత్రం కేవలం సిబ్బంది మాత్రమే కరోనా బారిన పడిందని, క్రూజ్​తో సహా మిగతా వాళ్లంతా ఐసోలేషన్​కి వెళ్లారని ప్రస్తావించడం విశేషం.  కాగా, కొందరు సిబ్బందికి పాజిటివ్​ తేలడంతో షూటింగ్​కు నిలిపివేసినట్లు పారామౌంట్ పిక్చర్స్​ గురువారం అధికారికంగా ప్రకటించింది. జూన్​ 14న తిరిగి షూటింగ్ ప్రారంభిస్తామని ఆ ప్రకటనలో పేర్కొంది. అయితే టామ్​ క్రూజ్​ ఆరోగ్య స్థితిపై మాత్రం ఎలాంటి ప్రకటన చేయలేదు. ఒక నైట్​క్లబ్​లో షూటింగ్ జరగాల్సి ఉండగా.. ముగ్గురు డ్యాన్సర్లకు కరోనా పాజిటివ్‌గా తేలింది. దీంతో చిత్రయూనిట్​కు కరోనా పరీక్షలు నిర్వహించగా.. పదకొండు మంది కరోనా బారినపడ్డట్లు తెలుస్తోంది. అయితే ఇందులో టామ్​ క్రూజ్​ ఉన్నాడా? లేదా? అనేది మాత్రం నిర్ధారించలేదు. దీంతో హాలీవుడ్​ ప్రముఖ వెబ్​సైట్స్​ క్రూజ్​ సైతం పాజిటివ్​ బారినపడ్డాడని కథనాలు ప్రచురించాయి. అయితే బ్రిటన్​ మీడియా హౌజ్​లు మాత్రం టామ్​ ఓ లగ్జరీ హోటల్​లో ఐసోలేషన్​లో ఉన్నట్లు తెలిపాయి.  ఇక వచ్చే ఏడాది రిలీజ్​ కావాల్సిన మిషన్​ ఇంపాజిబుల్​ 7.. ఇప్పటికే షూటింగ్ ఆలస్యమైంది. పోయినేడాది ఇటలీలో జరిగాల్సిన షెడ్యూల్ కరోనాతో ఆలస్యమైంది. మొన్నీమధ్యే టామ్​ క్రూజ్​, కోవిడ్ రూల్స్​ బ్రేక్​ చేసిన సిబ్బందిపై మండిపడినట్లు ఓ ఆడియో క్లిప్​ వైరల్ అయ్యింది కూడా. అయితే తాను నిర్లక్ష్యంగా ఉన్న కొందరిపైనే అరిచానని టామ్​ క్రూజ్ క్లారిటీ ఇచ్చాడు కూడా. కాగా, 58 ఏళ్ల క్రూజ్​ ఆరోగ్య స్థితిపై ఆయన సిబ్బంది స్పందించాల్సి ఉంది. చదవండి: సంచలనం: నగ్నంగా నన్ను చేసి..  

దిల్ వాలే దుల్హనియా లేజాయేంగే(డీడీఎల్‌జే).. ఈ ఒక్క సినిమా బాలీవుడ్ నే కాదు భారతీయ చిత్రపర్రిశ్రమ స్థాయినే మరో లెవల్‌కి తీసుకెళ్లిందని చెప్పాలి. 1995 అక్టోబర్ 20న విడుదలైన ఈ సినిమా.. అప్పట్లోసెన్సెష‌న‌ల్ క్రియేట్ చేసింది. షారుక్ ఖాన్, కాజోల్ జంటగా నటించిన ఈ రొమాంటిక్ లవ్ స్టొరీపై  ఇప్పటికీ ప్రేక్షకుల్లో ఆదరణ తగ్గలేదు. టీవీలో ప్రసారమైన ప్రతిసారీ కొంచె సేపు అయినా కళ్లప్పగించి ఈ సినిమాను చూస్తారంటే అతిశయోక్తి కాదు. అంతలా మాయ చేశాడు దర్శకుడు దర్శకుడు ఆదిత్య చోప్రా.  ఆయన మేకింగ్‌ స్టైల్‌కి ప్రతి ఒక్కరు ఫిదా అయ్యారు. మహారాష్ట్రలో ఒక థియేటర్‌లో ఈ సిసిమా 1009 రోజులు ఆడిందంటే ఈ మూవీ క్రేజ్‌ ఎంత ఉందో అర్థం చేసుకోవచ్చు. ఇక ఈ సినిమా షారుఖ్‌ ఖాన్‌ సినీ జీవితాన్నే మార్చేసింది. బాలీవుడ్‌లో ఆయన స్టార్‌ హీరోగా మారడానికి ఈ సినిమా ఒక కారణం.  అయితే ఈ సినిమాకి తొలుత షారుఖ్‌ని హీరోగా అనుకోలేదట డైరెక్టర్‌ ఆదిత్య చోప్రా. హాలీవుడ్ నటుడు టామ్ క్రూజ్‌తో ఈ సినిమాని ఇండో-అమెరికన్‌ ప్రాజెక్ట్‌గా తీర్చిదిద్దాలనుకున్నాడట. హీరో పాత్రని ఇండియన్‌ కాకుండా ఫారన్‌ యువకుడిగా రాసుకున్నాడట. స్రిప్ట్‌ అంతా సిద్దం చేసుకొని నిర్మాత యశ్‌ చోప్రాకు వినిపించాడట. కానీ ఆయన దీనికి అంగీకరించలేదట. యశ్‌ చోప్రా సలహా మేరకు కథను అంతా మార్చి రాజ్‌ పాత్రని సృష్టించాడట. ఆ తర్వాత షారూఖ్‌కి వినిపించి సినిమాను తెరకెక్కించినట్లు ఓ ఇంటర్యూలో ఆదిత్య చెప్పారు. ఇదే విషయాన్ని కాజోల్‌ కూడా ఓ సందర్భంలో చెప్పింది. 

ప్రపంచ వ్యాప్తంగా విపరీతమైన ఫ్యాన్‌ ఫాలోయింగ్‌ ఉన్న హీరో, హాలీవుడ్‌ యాక్షన్‌ స్టార్‌ టామ్‌ క్రూజ్‌ అంతర్జాతీయ స్టార్‌గా ప్రపంచానికి పరిచయమై నేటికి సరిగ్గా 35 ఏళ్లు. 1986 మే 16న టోనీ స్కాట్‌ దర్శకత్వంలో ట్రామ్‌ క్రూజ్‌ నటించిన యాక్షన్‌ సినిమా ‘టాప్‌గన్‌’ ప్రపంచ వ్యాప్తంగా విడుదలై సంచలనం సృష్టించింది. అప్పట్లో టాప్‌గన్‌ ప్రేక్షకుల మనసులు దోచుకుని.. 353 మిలియన్‌ డాలర్లు వసూలు చేసింది. అయితే టాప్‌గన్‌ విడుదలై 35 ఏళ్లు అవుతున్న సందర్భంగా ఈ సినిమాను అమెరికా వ్యాప్తంగా ఉన్న థియేటర్లలో తిరిగి విడుదల చేశారు. డాల్బీ సినిమా ఏఎమ్‌సీ థియేటర్లలో 150  స్క్రీన్‌లపై సినిమాను విడుదల చేశారు. ఇప్పటి లేటెస్ట్‌ సినిమా టెక్నాలజీ డాల్బీ అట్మాస్, డాల్బీ విజన్, ఆడియోను జోడించించడమే కాకుండా.. ట్రామ్‌క్రూజ్, టాప్‌గన్‌ నిర్మాత జెర్రీ బ్రుక్‌హైమర్‌ల ఇంటర్య్వూలతో పాటు 35 ఏళ్ల టామ్‌ క్రూజ్‌ లెగసీని వివరిస్తూ అదనపు సమాచారాన్ని అందించడం విశేషం. కరోనా మహమ్మారి కారణంగా థియేటర్లకు వెళ్లడానికి భయపడే వాళ్ల కోసం ప్రత్యేకంగా డిజిటల్, 4కే అల్ట్రా హెచ్‌డీ, బ్లూ రేలలో టాప్‌గన్‌ను అందుబాటులో ఉంచారు.  ఇన్నేళ్ల తర్వాత ‘టాప్‌గన్‌’కు సీక్వెల్‌గా  ‘టాప్‌గన్‌ మావెరిక్‌’ను తెరకెక్కించారు. నిరుడే  ఈ సినిమా విడుదల కావాల్సి ఉండగా.. కోవిడ్‌–19 కారణంగా వాయిదా పడి ఈ ఏడాది నవంబర్‌లో విడుదలకు సన్నాహమవుతోంది. చదవండి: బాత్రూంలో ప్రియాంక చర్చలు: వేరే చోటే లేదా?  షారుక్‌ ఖాన్‌కి ఓ కథ చెప్పాం. ఆయనకు నచ్చింది

హాలీవుడ్‌ బాక్సాఫీస్‌పై కూడా కరోనా ఎఫెక్ట్‌ పడింది. దీంతో సినిమాలు వాయిదా పడుతున్నాయి. తాజాగా యాక్షన్‌ హీరో టామ్‌ క్రూజ్‌ నటించిన ‘టాప్‌ గన్‌: మ్యావరిక్‌’, ‘మిషన్‌: ఇంపాజిబుల్‌ 7’ చిత్రాల రిలీజ్‌లు వాయిదా పడ్డాయి. 1986లో టామ్‌ క్రూజ్‌ నటించిన ‘టాప్‌ గన్‌’కు సీక్వెల్‌గా ‘టాప్‌ గన్‌: మ్యావరిక్‌’ చిత్రం రూపొందింది. ఈ సినిమాను తొలుత ఈ ఏడాది జూలై 2న విడుదల చేయాలనుకున్నారు. ఇప్పుడు నవంబరు 19కి వాయిదా వేశారు. అలాగే ‘మిషన్‌: ఇంపాజిబుల్‌ 7’ చిత్రం 2022 నవంబరు 4 నుంచి 2023 జూలై 7కి వాయిదా పడింది. వీటితో పాటుగా ఈ ఏడాది జూలై 23న విడుదలకు షెడ్యూల్‌ అయిన ‘స్నేక్‌ ఐస్‌’ చిత్రం ఈ ఏడాది అక్టోబరు 22కి పోస్ట్‌పోన్‌ అయ్యింది. వీటితో పాటు మరికొన్ని హాలీవుడ్‌ చిత్రాలు వాయిదా పడుతున్నాయి. మరోవైపు కరోనా కారణంగా ఇప్పటికే ఇండియన్‌ మూవీస్‌ రిలీజ్‌లు వాయిదాల మీద వాయిదాలు పడుతున్నాయి. తాజాగా హాలీవుడ్‌ సినిమాలు కూడా ఇదే బాటలో నడుస్తుండటంతో ఎంటైర్‌ ఫిల్మ్‌ ఇండస్ట్రీ కరోనా కారణంగా మరోసారి కుదేలయ్యే అవకాశం ఉన్నట్లుగా కనబడుతోంది.  చదవండి: ఛత్తీస్‌గఢ్ ఎన్‌కౌంటర్.. చిరంజీవి, రానా మూవీలకు బిగ్‌ షాక్‌!

జెమ్స్‌ కామెరూన్‌ ‘అవతార్‌–2’ కోసం ప్రపంచం ఆసక్తిగా ఎదురుచూస్తుంది. సినిమా కోసమే కాదు షూటింగ్‌కు సంబంధించిన విషయాలను తెలుసుకోవడానికి కూడా ఆసక్తి ప్రదర్శిస్తున్నారు సినీ అభిమానులు. ఈ సినిమాలో టైటానిక్‌ ఫేమ్‌ కెట్‌ విన్‌స్లేట్‌ ‘రోనల్‌’ అనే కీలక పాత్ర పోషించింది. ఊపిరి బిగపట్టి  నీటి అడుగు భాగంలో 7 నిమిషాల 14 సెకన్ల సీన్‌ ఒకటి చేసినప్పుడు కొన్ని నెలల క్రితం ఆ ఫోటోను సోషల్‌ మీడియాలో చూసి అభిమానులు ఆహా, ఓహో అన్నారు. ఈ సీన్‌కు సంబంధించి తన అనుభవాన్ని తాజాగా ‘అబ్జర్వర్‌’ మ్యాగజైన్‌ కు ఇచ్చిన ఇంటర్వ్యూలో పంచుకుంది కెట్‌ విన్‌స్లేట్‌. ‘మది స్తంభించిపోయింది. కనిపిస్తున్న నీటిబుడగలను చూడడం తప్ప ఏ ఆలోచనా లేదు. ఒక దశలో నేను చనిపోయానా? అవును... నేను చనిపోయాను...అనుకున్నాను’ అని చెప్పింది. భయం సంగతి ఏమిటో గానీ ‘మిషన్‌ ఇంపాజిబుల్‌’ సినిమా కోసం టామ్‌క్రూజ్‌ ఆరునిమిషాల అరసెకను పాటు ఊపిరిబిగపట్టిన రికార్డ్‌ను కెట్‌ విన్‌స్లేట్‌ బ్రేక్‌ చేసింది. చదవండి: వైరల్‌: టైటానిక్‌ మరో క్లైమాక్స్ సీన్‌‌ వీడియో!

హాలీవుడ్‌ స్టార్‌ హీరో టామ్‌ క్రూస్ ప్రధాన పాత్రలో‌ నటిస్తూ, నిర్మిస్తున్న చిత్రం మిషన్‌ ఇంపాజిబుల్‌ 7. ఈ సినిమా ప్రస్తుతం షూటింగ్‌ జరుపుకుంటోంది. యాక్షన్‌ సన్నివేశాల చిత్రీకరణలో బిజీగా గడుపుతోంది చిత్ర బృందం. ఈ నేపథ్యంలో సినిమా షూటింగ్‌కు సంబంధించిన విషయాలు బయటకు పొక్కుతుండటంతో టామ్‌ క్రూస్‌ గరంగరంగా ఉన్నారు. కొద్దిరోజుల క్రితం షూటింగ్‌లో కోవిడ్‌ 19 ప్రోటోకాల్స్‌ పాటించటం లేదని తెలిపే ఓ వీడియో ఆన్‌లైన్‌లో లీక్‌ అయింది. ( బట్టలు విప్పటానికి మాల్దీవులకెళ్లాలా?) దీంతో టామ్‌ క్రూస్‌ ఓ ఇద్దరు సెట్‌ సభ్యులపై ఆగ్రహం వ్యక్తం చేశారు. వారిపై నోరుపారేసుకున్నారు. రెండు రోజుల క్రితం ఇందుకు సంబంధించిన ఓ ఆడియో క్లిప్‌ కూడా ఆన్‌లైన్‌లో విడుదలైంది. దీంతో మరింత ఆగ్రహానికి గురయ్యారాయన. కొంతమంది సెట్‌ సభ్యులపై తిట్ల దండకం మొదలెట్టారు. టామ్‌ తిట్లు భరించలేక ఐదుగురు సెట్‌ సభ్యులు సినిమా నుంచి తప్పుకున్నారు.

రిస్క్‌ తీసుకోవడం హాలీవుడ్‌ నటుడు టామ్‌ క్రూజ్‌కి మహా సరదా. తన సినిమాలో స్టంట్లన్నీ దాదాపు స్వయంగానే చేస్తారు. అవసరమైతే ప్రయాణిస్తున్న విమానం మీద నిల్చుంటారు. ఎల్తైన కట్టడం బూర్జ్‌ ఖలీఫా మీద ఫైటింగ్స్‌ చేస్తారు. తాజాగా ఓ సినిమా చిత్రీకరణను ఏకంగా అంతరిక్షంలోనే చేయాలనుకుంటున్నారు. దాదాపు పన్నెండు వందల కోట్ల బడ్జెట్‌తో యూనివర్శల్‌ పిక్చర్స్‌ ఈ చిత్రాన్ని నిర్మించనుంది. ఇందుకోసం అక్టోబర్‌ 2021లో అంతరిక్ష యానం చేయనున్నారు టామ్‌ క్రూజ్‌. ఈ చిత్రదర్శకుడు డౌగ్‌ లిమన్‌తో కలసి ఈ ప్రయాణం చేయనున్నారు టామ్‌. చిత్రీకరణ ఎప్పుడు ప్రారంభిస్తారో ఇంకా ప్రకటించలేదు.

‘‘మిషన్‌ ఇంపాజిబుల్‌’’ నటుడు, హాలీవుడ్‌ యాక్షన్‌ స్టార్‌ టామ్‌ క్రూజ్‌ మరోసారి అద్భుతమైన స్టంట్లతో ప్రేక్షకులను అలరించేందుకు సిద్ధమవుతున్నట్లు తెలుస్తోంది. ఎమ్‌ఐ సిరీస్‌-7లో భాగంగా ఒళ్లు గగొర్పొడిచే విన్యాసాలతో ఆకట్టుకోనున్నట్లు కనిపిస్తోంది. ఇటీవల నార్వేలో చేసిన షూటింగ్‌ వీడియోలను బట్టి టామ్‌ క్రూజ్‌ మరోసారి అదిరే ఫీట్లతో సందడి చేయడం ఖాయమనిపిస్తోంది. ఇందులో కొండ అంచుల వద్ద గల ర్యాంప్‌పై నుంచి బైక్‌పై దూసుకువచ్చిన క్రూజ్‌.. అమాంతం లోయలోకి దూకిన దృశ్యాలు ప్రస్తుతం నెట్టింట హల్‌చల్‌ చేస్తున్నాయి. అదే విధంగా యూకే షూట్‌కు సంబంధించిన మరో వీడియో ఇటీవల లీకైన సంగతి తెలిసిందే. ఇందులో కూడా అతడు మోటార్‌ సైకిల్‌పై స్టంట్స్‌ చేస్తూ కనిపించాడు. కాగా గతంలోనూ టామ్‌ క్రూజ్‌ ఇలాంటి యాక్షన్‌ సన్నివేశాల్లో నటించి మెప్పించిన సంగతి తెలిసిందే. ఇక మిషన్‌ ఇంపాజిబుల్‌ సిరీస్‌లో వస్తున్న 7వ చిత్రానికి క్రిస్టోఫర్‌ మాక్వారీ దర్శకత్వం వహిస్తున్న విషయం తెలిసిందే. ఈ సినిమా షూటింగ్‌ ఎక్కువ శాతం‌ ఇటలీలో చేయాలని భావించినా.. కరోనా వైరస్‌ కారణంగా వాయిదా పడింది. అయితే ప్రస్తుతం అన్‌లాక్‌ ప్రక్రియ మొదలైన నేపథ్యంలో ఇటీవల షూటింగ్‌ ప్రారంభించి యూకే, నార్వేలో పలు యాక్షన్‌ సీన్స్‌ షూట్‌ చేసినట్లు తెలుస్తోంది. ఇక 7వ భాగాన్ని 2021 నవంబర్‌ 19న, 8వ భాగాన్ని 2022 నవంబర్‌ 4న విడుదల కానున్నట్లు సమాచారం.

టామ్‌ క్రూజ్‌ ముఖ్య పాత్రలో తెరకెక్కుతున్న హాలీవుడ్‌ యాక్షన్‌ చిత్రం ‘మిషన్‌ ఇంపాసిబుల్‌ 7’.  క్రిస్టోఫర్‌ మాక్వారీ దర్శకత్వం వహిస్తున్నారు. ‘మిషన్‌ ఇంపాసిబుల్‌’ సిరీస్‌లో వస్తున్న 7వ చిత్రమిది. ఈ సినిమా ఎక్కువ శాతం షూటింగ్‌ ఇటలీలో జరగాలి. కరోనా వైరస్‌ కారణంగా ఈ చిత్రం   షూటింగ్‌ వాయిదా పడిన సంగతి తెలిసిందే. షూటింగ్స్‌ మళ్లీ ఎప్పుడు ప్రారంభం అవుతాయో ఎవరికీ స్పష్టంగా తెలియదు. దాంతో మిషన్‌ రిలీజ్‌ డేట్స్‌ మారాయి. ముందుగా 7వ భాగాన్ని 2021 జులైలో, 8వ భాగాన్ని 2022 ఆగస్ట్‌లో విడుదల చేయాలనుకున్నారు. తాజాగా 7వ భాగాన్ని 2021 నవంబర్‌ 19న, 8వ భాగాన్ని 2022 నవంబర్‌ 4న విడుదల చేయబోతున్నట్టు నిర్మాణ సంస్థ పారమౌంట్‌ పిక్చర్స్‌ తెలిపింది.

తన కొత్త సినిమా కోసం జూన్‌ నెలను టార్గెట్‌ చేసుకున్నారు హాలీవుడ్‌ యాక్షన్‌ స్టార్‌ టామ్‌  క్రూజ్‌. అయితే అయన గురి మారింది. కరోనా వైరసే  అందుకు కారణం.  టామ్‌ క్రూజ్‌ని యాక్షన్‌ స్టార్‌ని చేసిన చిత్రం ‘టాప్‌ గన్‌’. 1986లో ఈ సినిమా విడుదలయింది.  30 ఏళ్ల తర్వాత ఈ సినిమాకు సీక్వెల్‌గా ‘టాప్‌ గన్‌ మావెరిక్‌’ తెరకెక్కుతోంది. ఈ సినిమాను జూన్‌ 24న విడుదల చేయాలనుకున్నారు. కరోనా వైరస్‌ ప్రభావంతో డిసెంబర్‌ 23కి వాయిదా వేశారు.

ఇప్పుడిప్పుడే మహిళలు ధైర్యంగా ముందుకు వచ్చి తమ పట్ల జరిగిన అన్యాయాలను వెల్లడిస్తున్నారు. ఈ వేధింపులు కేవలం మన దేశానికి మాత్రమే పరిమితం కాలేదు. ప్రపంచంలో అన్ని చోట్ల మహిళలు ఈ వేధింపులకు గురవుతున్నారు. ఈ క్రమంలో ఇలాంటి వేధింపుల నుంచి తప్పించుకోవడం కోసమే తాను ప్రముఖ హాలీవుడ్‌ నటుడు టామ్‌ క్రూజ్‌ను పెళ్లి చేసుకున్నానని అంటున్నారు నటి నికోల్‌ కిడ్మన్‌. 22 ఏళ్ల వయసులోనే నికోల్‌ టామ్‌ క్రూజ్‌ను పెళ్లిచేసుకున్నారు. ఆ తర్వాత కొన్ని కారణాల వల్ల నికోల్‌, టామ్‌ విడాకులు తీసుకున్నారు. వీరు విడాకులు తీసకుని ఇప్పటికి 17 ఏళ్లు అవుతోంది. టామ్‌తో విడిపోయాక అతని గురించి కానీ, అతనితో తనకు కలిగిన సంతానం గురించి కానీ నికోల్‌ ఎప్పుడూ మాట్లాడలేదు. కానీ ఇటీవల ఓ ఇంటర్వ్యూలో నికోల్‌ తన మాజీ భర్త గురించి సానుకూలంగా స్పందించారు. ‘నేను చాలా చిన్న వయసులోనే వివాహం చేసుకున్నాను. అయితే ఈ వివాహం నాకు రక్షణ కల్పించింది. టామ్‌ క్రూజ్‌ లాంటి పవర్‌ఫుల్‌ వ్యక్తిని వివాహం చేసుకోవడం వల్ల లైంగిక వేధింపుల లాంటి ప్రమాదాలు నా దరికి రాలేదు.  నా స్నేహితుల్లో చాలా మంది గృహహింస బాధితులే. కానీ టామ్‌ క్రూజ్‌ నన్ను చాలా బాగా చూసుకునేవాడు. టామ్‌తో వివాహం నాకొక రక్షక కవచంలా నిలిచిందని చెప్పగలను’ అన్నారు. ఇప్పుడు నాకు మరొకరితో వివాహమైంది. కాబట్టి నా మాజీ భర్త గురించి ఇంతకంటే ఏమీ చెప్పలేను అని వెల్లడించారు నికోల్‌. విడాకుల అనంతరం నికోల్‌, కీత్‌ అర్బన్‌ అనే వ్యక్తిని  వివాహం చేసుకున్నారు.

సెకండ్‌ టాప్‌గన్‌ బాక్సాఫీస్‌ గురి తప్పి ఏడాది వెనక్కి వెళ్లింది. హాలీవుడ్‌ యాక్షన్‌ హీరో టామ్‌ క్రూజ్‌ కథానాయకుడిగా జోసెఫ్‌ కోకిన్క్సీ దర్శకత్వంలో రూపొందుతున్న చిత్రం ‘టాప్‌ గన్‌: మేవరిక్‌’. దాదాపు 30ఏళ్ల క్రితం టామ్‌ క్రూజ్‌ హీరోగానే వచ్చిన ‘టాప్‌ గన్‌’ సినిమాకు ఇది సీక్వెల్‌. ఈ సినిమా షూటింగ్‌ ఈ ఏడాది మేలో ప్రారంభమైంది. ముందు ఈ సినిమాను వచ్చే ఏడాది జూలైలో విడుదల చేయాలనుకున్నారు. కానీ ఇప్పుడు 2020 జూన్‌లో రిలీజ్‌ చేయనున్నట్లు చిత్రబృందం అధికారికంగా ప్రకటించిందని హాలీవుడ్‌లో టాక్‌ వినిపిస్తోంది. ఇదిలా ఉంటే ‘టాప్‌ గన్‌’ వచ్చి 30 ఏళ్లయింది. ఫస్ట్‌ పార్ట్‌ను సెకండ్‌ పార్ట్‌కి కనెక్ట్‌ చేయాలి. లేటెస్ట్‌ టెక్నాలజీ, గ్రాఫిక్స్‌ వర్క్‌ను దృష్టిలో పెట్టుకునే ఈ సినిమాను వాయిదా వేశారని వినికిడి.

హాలీవుడ్‌ ఐకాన్‌ టామ్‌ క్రూజ్‌ తన తదుపరి చిత్రం మిషన్‌ ఇంపాజిబుల్‌-ఫాలౌట్‌ క్లైమాక్స్‌ను చిత్రీకరించేందుకు టీమ్‌తో కలసి కశ్మీర్‌కు విచ్చేశారు. అయితే, అది నిజమైన కశ్మీర్‌ కాదు. న్యూజిలాండ్‌లోని ఓ గ్రామంలో ఏర్పాటుచేసిన కశ్మీర్‌ సెట్. ఈ చిత్రంలోని హెలికాప్టర్‌ ఛేజ్‌ సీన్‌ను చిత్రీకరించేందుకు ప్రపంచంలో న్యూజిలాండ్‌ మినహా ఏ దేశం అనుమతి ఇవ్వలేదు. దీంతో కశ్మీర్‌ సెట్‌ను న్యూజిలాండ్‌లో వేసి మరి చిత్రీకరణ జరుపుతున్నారు. కేవలం కశ్మీర్‌తోనే కాకుండా భారతీయ ఆర్మీ ప్రస్తావన కూడా ఈ చిత్రంలో ఉంది. అంటే ఇంపాజిబుల్‌-ఫాలౌట్‌కు భారత్‌కు ఏదో ప్రత్యేక సంబంధాన్ని తెరపై చూపబోతున్నారన్నమాట. ఈ చిత్రానికి క్రిస్టోఫర్ మెక్‌క్వారీ దర్శకత్వం వహిస్తున్నారు. ఇంపాజిబుల్‌ సిరీస్‌ ఓ దర్శకుడు రెండోసారి దర్శకత్వం చేయడం ఇదే తొలిసారి. మెక్‌క్వారీ తొలుత మిషన్‌ ఇంపాజిబుల్‌-రోగ్‌ నేషన్‌కు దర్శకత్వం వహించారు.

హాలీవుడ్‌ యాక్షన్‌ హీరో టామ్‌ క్రూజ్‌ దాదాపు 32 ఏళ్ల తర్వాత మళ్లీ ‘టాప్‌ గన్‌’ పట్టుకున్నారు. ఆయన గన్‌ పట్టుకోకుండా ఉన్న మూవీ ఆల్మోస్ట్‌ ఇంపాజిబుల్‌. మరి.. 30 ఏళ్ల తర్వాత ప్రత్యేకంగా గన్‌ పట్టుకోవడం ఏంటీ? అని ఆలోచించకండి. అందుకనే కదా ‘టాప్‌ గన్‌’ అన్నాం. టోనీ స్కాట్‌ దర్శకత్వంలో 1986లో టామ్‌ క్రూజ్‌ హీరోగా వచ్చిన చిత్రం ‘టాప్‌ గన్‌’. ఇప్పుడీ చిత్రానికి సీక్వెల్‌ ‘టాప్‌గన్‌ 2’ను స్టార్ట్‌ చేశారు. ఈ సీక్వెల్‌కు జోసెఫ్‌ కొసిన్సి్క దర్శకత్వం వహిస్తారట. ‘టాప్‌గన్‌’లో యాక్షన్‌ సీక్వెన్స్‌ అదరగొట్టిన టామ్‌ క్రూజ్‌ ఇప్పుడు లేటెస్ట్‌ వెపన్స్‌తో ప్రేక్షకులను అలరిస్తారని ఊహించవచ్చు. ఈ సినిమాను వచ్చే ఏడాది రిలీజ్‌ చేయాలనుకుంటున్నారు. ఈ సంగతి ఇలా ఉంచితే.. టామ్‌ క్రూజ్‌ నటించిన ‘మిషన్‌ ఇంపాజిబుల్‌: ఫాలౌట్‌’ వచ్చే నెల 27న రిలీజ్‌ కానుంది.

సాక్షి, సినిమా : ‘మిషన్‌ ఇంపాజిబుల్‌’ ఈ పేరు వినగానే ప్రసిద్ధ నటుడు టామ్‌ క్రూజ్‌ చేసే అద్భుత సాహసాలు, యాక్షన్‌ సన్నివేశాలు గుర్తుకొస్తాయి. మిషన్‌ ఇంపాజిబుల్‌ సిరీస్‌లో కొత్త సినిమా ‘మిషన్‌ ఇంపాజిబుల్‌-ఫాలౌట్‌’  అధికారిక ట్రైలర్‌ గురువారం విడుదలైంది. టామ్‌ క్రూజ్‌, సూపర్‌మ్యాన్‌ సినిమాలో హీరోగా నటించిన హెన్రీ కావిల్‌లు యాక్షన్‌ సీన్స్‌లో అదరగొట్టినట్లు ట్రైలర్‌ను బట్టి అర్థం అవుతోంది. న్యూక్లియర్‌ వార్‌ నుంచి ప్రపంచాన్ని రక్షించేందుకు ఈథన్‌ హంట్‌ పాత్రలో (టామ్‌ క్రూజ్‌) తన కార్యకలాపాలను ప్రారంభిస్తాడు. ఈ నేపథ్యంలో అతనికి ఎదురైన సవాళ్లను గురించి చిత్రాన్ని తెరకెక్కించారు. షూటింగ్‌లో భవనంపై నుంచి దూకుతూ క్రూజ్‌ గాయపడిన విషయం తెలిసిందే. ఇందుకు సంబంధించిన సీన్‌ను కూడా టీం ట్రైలర్‌లో ఉంచింది. ఈ ఏడాది జులై 27న మిషన్‌ ఇంపాజిబుల్‌-ఫాలౌట్‌ ప్రపంచవ్యాప్తంగా విడుదల కానుంది.

ఆగస్టు నెల. 2017. ‘మిషన్‌ ఇంపాజిబుల్‌ 6’ షూటింగ్‌ జరుగుతోంది. టామ్‌ క్రూయిజ్‌ ఒక బిల్డింగ్‌ మీద నుంచి పరిగెత్తుకుంటూ వస్తున్నాడు. ఆ యాక్షన్‌ సీన్‌కు అనుగుణంగా ఆయనకు వైర్లు కట్టి ఉంచారు. పరిగెత్తుకుంటూ వచ్చి క్రూయిజ్‌ ఒక బిల్డింగ్‌ మీది నుంచి ఇంకో బిల్డింగ్‌ మీదకు దూకాలి. క్రూయిజ్‌ పరిగెత్తుకుంటూ వస్తున్నాడు. ఒక్క ఉదుటున గాల్లో ఎగిరి పక్క బిల్డింగ్‌ మీద లాండ్‌ అవ్వబోతున్నాడు. చిన్న గ్యాప్‌. అంతే పక్క బిల్డింగ్‌ మీద ల్యాండ్‌ అవ్వాల్సిన వాడు కాస్తా ఆ గోడకు గట్టిగా గుద్దుకున్నాడు. ముందు పాదం గట్టిగా గోడను తాకింది. ఆ తర్వాత బాడీ కూడా. చుట్టూ కెమేరాలున్నాయి. వైర్లతో కట్టి ఉంచారు కాబట్టి క్రూయిజ్‌ కిందపడడు. అలాగే అంత పెద్ద దెబ్బ తగిలినా వెంటనే లేచి, ఆ బిల్డింగ్‌పైకి అడుగుపెట్టి మళ్లీ పరిగెడుతూ ఆ సీన్‌ పూర్తి చేశాడు క్రూయిజ్‌. అప్పటికే చీలమండకు పెద్ద గాయమైంది. ఈ సీన్‌ అయితే పూర్తి చేశాడు కానీ, ఆ తర్వాత కొంతకాలం పాటు షూటింగ్‌ అంతా పక్కన పెట్టాల్సినంత పరిస్థితి వచ్చింది. ఇప్పుడిప్పుడే మళ్లీ కోలుకోవడంతో షూట్‌ మళ్లీ మొదలుపెట్టారు. జూలై 27న ఎలాగైనా సినిమాను ప్రేక్షకుల ముందుకు తెచ్చేందుకు టీమ్‌ పనులన్నీ వేగవంతం చేసింది. ఈ సంఘటన జరిగి ఇన్ని నెలలయ్యాక టామ్‌ క్రూయిజ్, ఆ వీడియోను విడుదల చేస్తూ అసలు విషయం చెప్పుకొచ్చాడు. ఈ సందర్భంగానే సినిమాకు ‘మిషన్‌ ఇంపాజిబుల్‌ : ఫాల్‌ ఔట్‌’ అన్న పేరును ఖరారు చేసినట్టు తెలిపాడు. అంతపెద్ద దెబ్బ తగిలినా, తన పనిపట్ల టామ్‌ క్రూయిజ్‌ చూపించిన డెడికేషన్‌కు ఫ్యాన్స్‌ అయితే ఫిదా అయిపోయారు. ‘ఇది చిన్న విషయమేలే!’ అన్నట్టు క్రూయిజ్‌ నవ్వి ఊరుకుంటున్నాడు కానీ, ఆయన వయసు ఇప్పుడు 55! ఇదేం చిన్న విషయమైతే కాదు!!

సాక్షి, హైదరాబాద్‌ : సోషల్‌ మీడియా వేదికగా సినీ నటుల అభిమానుల మధ్య వాగ్వాదం జరగడం సహజమే. కానీ ఇందుకు హాలీవుడ్‌ హీరో ఎఫ్‌బీ పేజీ వేదిక కావడమే ఇక్కడ విచిత్రం. తాజాగా హాలీవుడ్‌ హీరో అమెరికన్‌ నటుడు టామ్‌ క్రూజ్‌ ఓ ఫొటోను తన ఎఫ్‌బీ అకౌంట్‌లో షేర్‌ చేశాడు. అయితే ఈ పోస్ట్‌కు టాలీవుడ్‌ హీరో మహేశ్‌ బాబు అభిమాని ఒకరు టామ్‌ క్రూజ్‌ కన్నా మహేశ్‌ బాబు అందగాడని, ఏ విషయంలోనైనా ఎక్కువేనని కామెంట్‌ చేశాడు. ఈ కామెంట్‌పై ఎన్టీఆర్‌, పవన్‌ కళ్యాణ్‌ అభిమానులు సైతం స్పందించడంతో రచ్చ మొదలైంది. మహేశ్‌ బాబు డ్యాన్స్‌పై వారు కామెంట్‌ చేయగా ఆయన అభిమానులు ఘాటుగా స్పందించారు. డ్యాన్స్‌ గురించి మాట్లాడటం కాదు కానీ మహేశ్‌ బాబు కేవలం 23 సినిమాలు చేసి 8 నంది అవార్డులు, 5 ఫిల్మ్‌ఫేర్‌ అవార్డులు, 21 టీఎస్‌ఆర్‌, 23 సంజయ్‌ దత్త్‌ అవార్డులు గెలుచుకున్నాడని బదులిస్తున్నారు. దీంతో ఈ వాగ్వాదం సోషల్‌ మీడియా వేదికగా తారా స్థాయికి చేరింది. ఇప్పుడి ఈ పోస్ట్‌ నెట్టింట్లో హల్‌చల్‌ చేస్తోంది.


 లండన్‌ :
 సినిమా షూటింగ్లో స్టంట్‌ చేస్తుండగా జరిగిన ప్రమాదంలో హాలీవుడ్ స్టార్ హీరో టామ్ క్రూజ్కు గాయాలయ్యాయి. దీంతో 'మిషన్ ఇంపాజిబుల్ సిరీస్'లోని ఆరో భాగం షూటింగ్‌ ఆగిపోయింది. ఓ భారీ భవంతిపైనుంచి మరో భవంతి పైకి దూకే స్టంట్‌ చేస్తుండగా ఈ ప్రమాదం చోటు చేసుకుంది. పరిగెత్తుకుంటూ వచ్చి మరో భవంతిపైకి దూకే సమయంలో జరిగిన చిన్న తప్పిదంతో నేరుగా వెళ్లి భవంతి గోడను ఢీకొట్టాడు. దీంతో అతని మోకాలి చిప్పకి బలమైన గాయమైంది. వెంటనే షూటింగ్‌ను నిలిపివేసి టామ్‌ను ఆసుపత్రికి తరలించారు. టామ్ కోలుకున్న తర్వాత షూటింగ్‌ తిరిగి ప్రారంభించనున్నట్టు పారామౌంట్‌ పిక్చర్స్‌ వెల్లడించింది.  
 
 భారీ స్టంట్లు చేయడంలో 55 ఏళ్ల  టామ్‌ ఎప్పుడూ ముందుంటాడు. మిషన్ ఇంపాజిబుల్ సిరీస్’లోని అయిదో భాగం 'రోగ్ నేషన్'లో విమానం టేకాఫ్‌ అవుతుండగా.. దాని తలుపు పట్టుకుని వేలాడే సీన్లోనూ టామ్‌ ప్రాణాలకు తెగించి స్టంట్‌ చేశాడు. ఘోస్ట్ ప్రొటోకాల్’లో కూడా దుబాయ్‌లోని ప్రపంచంలో ఎత్తయిన  బిల్డింగ్ బూర్జ్ ఖలీఫా టవర్ పై రిస్కీ స్టంట్స్ చేసి అభిమానులను ఆశ్చర్యపరిచారు టామ్.


 బాలీవుడ్‌ అందాల రాశులు ఇప్పుడు హాలీవుడ్‌లో అడుగుపెట్టేందుకు తహతహలాడుతున్నారు. ఇప్పటికే దీపికా పదుకోనే, ప్రియాంక చోప్రా హాలీవుడ్ ఆఫర్లతో తమ సత్తా చాటారు. 'ట్రిపుల్ ఎక్స్: జాండర్‌ కేగ్ రిటర్న్స్ ' షూటింగ్‌ దీపిక బిజీగా ఉండగా.. 'బేవాచ్‌' సెట్స్‌లో ప్రియాంక హల్‌చల్‌ చేస్తోంది. ఈ ఇద్దరు భామలు ఇలా హాలీవుడ్‌ కలల వెంట సాగుతుండగానే మరో బాలీవుడ్ సుందరీని బంపర్‌ ఆఫర్‌ వరించింది.  హాలీవుడ్‌ టాప్ హీరో టామ్ క్రూయిజ్ నటిస్తున్న 'ద మమ్మీ' సినిమాకుగాను హ్యుమా ఖురేషి ఎంపికైంది. ద గ్యాంగ్స్ ఆఫ్ వస్సీపూర్‌ చిత్రంతో వెలుగులోకి వచ్చిన ఖురేషి 'మమ్మీ' సినిమా మూడోపార్టులో నటించనుంది. ఇందుకు సంబంధించిన ఆడిషన్‌లో ఆమె సక్సెస్ అయిందని ఆమె అధికార ప్రతినిధి ఒక ప్రకటనలో తెలిపారు.
 ఇప్పటికే 'ద మమ్మీ', 'ద మమ్మీ-2' చిత్రాలు ప్రపంచవ్యాప్తంగా భారీ కలెక్షన్లతో సంచలన విజయాలు సాధించాయి. ఈ సినిమాకు సీక్వెల్‌గా వస్తున్న మూడోపార్టులో టామ్ క్రూయిజ్‌ సరసన ఖురేషి నటించనుందని విశ్వసనీయవర్గాలు చెప్తున్నాయి. ఈ సినిమాలో హాలీవుడ్ హీరోయిన్ సోఫియా బౌటెల్లా కూడా నటించనుంది. ఖురేషి ప్రస్తుతం ఓ హిందీ సినిమాలో నటిస్తుండగా.. టామ్‌ 'మిషన్ ఇంపాజిబుల్' సిరీస్‌లో తదుపరి చిత్రం కోసం సిద్ధమవుతున్నాడు.


 ఒకరి దగ్గర కోట్లాది రూపాయల డబ్బు ఉండొచ్చు. వేసుకోవడానికి వందలకొద్దీ కోట్లుండొచ్చు.. ఖరీదైన బంగళాలు, విలాసాలకు బోలెడంత డబ్బు ఉండొచ్చు. ఇంకొకరి దగ్గర ఇవేవీ లేకున్నా ఒక్క అమ్మ ఉంటే చాలు! అవును. అమ్మతో కలిసుండటం, అమ్మను కలిగి ఉండటంలోని గొప్పతనాన్ని 'మేరే పాస్ మా హ:' అనే ఒకేఒక్క డైలాగ్ తో సోదరుడు అమితాబ్ కు తెలియజేస్తాడు 'దీవార్' సినిమాలో శశీకపూర్. ఆ డైలాగ్ బాలీవుడ్ లో ఎంత ఫేమసో,  కొందరు హాలీవుడ్ హీరోల నిజజీవితాల్లోనూ అంతే.
 
 అమ్మ ఒడి అంటే... ఒక పాఠశాల. ఆ పాఠశాలలో ఎన్నో కథలు వినిపిస్తాయి. అవి కథలు మాత్రమే కాదు... జీవితాన్ని సక్రమమైన దారిలో నిర్మించుకోవడానికి అవసరమైన సాధనాలు. అలా అమ్మ కూచులుగా జీవితం ప్రారంభించి, అమ్మే ఇన్ స్పిరేషన్ గా విజయాలు సాధించామంటున్నారు ప్రముఖ హాలీవుడ్ హీరోలు టామ్ క్రూస్, బ్రాడ్ పిట్, జానీ డెప్, లియోనార్డో తదితరులు. తల్లిచాటు కొడుకులుగా పేరుపొందిన వీళ్లు తమ మాతృమూర్తులతో కలిసున్నప్పటి ఫొటోలివి.
 
 
 


 లండన్: హాలీవుడ్ స్టార్ హీరో టామ్ క్రూజ్ కూతురు ఇసబెల్లా క్రూజ్.. తన బాయ్ ఫ్రెండ్ ను రహస్యంగా పెళ్లాడారు. ఈ వివాహానికి టామ్ క్రూజ్ సహా అతని మాజీ భార్య నికోల్ కిడ్ మన్ లు హాజరుకాలేదని, అయితే వివారాలు మాత్రం తెలుసుకున్నారని  లండన్ కు చెందిన 'విమెన్స్ డే' మ్యాగజైన్ కథనాన్ని ప్రచురించింది. ఆ వివరాల ప్రకారం..
 
 లండన్ లో హెయిర్ స్టైలిస్ట్ గా పనిచేస్తోన్న టామ్ కూతురు ఇసబెల్లా (22 ఏళ్లు).. ఏడాదికాలంగా మాక్స్ పార్కర్ అనే ఐటీ కన్సల్టెంట్ తో డేటింగ్ చేస్తోంది. కాగా, ఈ జంట.. నెలరోజుల కిందట వివాహం చేసుకుంది. లండన్ లోని ప్రఖ్యాత డోర్చెస్టర్ స్టార్ హోటల్ లో అతికొద్దిమంది మాత్రమే పాల్గొన్న ఈ కార్యక్రమానికి వధువు తల్లిదండ్రులు  టామ్ క్రూజ్, నికోల్ కిడ్ మన్ లు హాజరుకాలేదు.
 
 అయితే కూతురి వివాహం గురించి టామ్ క్రూజ్ కు ముందే తెలుసని, వేడుక జరిగిన తీరుపై ఆయన ఆరా తీశారని 'విమెన్స్ డే' పేర్కొంది. అటు నికోల్ కిడ్ మన్ కూడా లండన్ లోనే ఉన్నప్పటికీ వివాహానికి హాజరయింది లేనిది తెలియరాలేదు. ఇసబెల్లా సోదరుడు కానర్ కూడా పెళ్లికి వెళ్లలేదు. నిజానికి ఇసబెల్లా టామ్ క్రూజ్ దత్తపుత్రిక. క్రూజ్, నికోల్ కిడ్ మన్ లు భార్యాభర్తలుగా కలిసున్న కాలంలో (1992 నుంచి 2001 వరకు) ఇసబెల్లాను దత్తత తీసుకున్నారు. ఈమెకాకుండా క్రూజ్ కు మరో ఇద్దరు పిల్లలున్నారు.


 కొలంబియా: మినీ విమానం కూలిన సంఘటనలో ప్రముఖ హాలీవుడ్ నటుడు టామ్ క్రూజ్ తదుపరి చిత్రంలో పనిచేస్తున్నఇద్దరు మృతి చెందారు. ఈ సంఘటన కొలంబియాలో శుక్రవారం చోటు చేసుకుంది. క్రూజ్ నటిస్తున్న 'మినా' చిత్ర షూటింగ్ జరుగుతున్న ప్రాంతం నుంచి వెళుతుండగా ఈ ప్రమాదం చోటుచేసుకుంది.
 ఈ ప్రమాదంలో మరో వ్యక్తికి తీవ్రగాయాలయ్యాయ్యాయని కొలంబియా ఏవియేషన్ అథారిటీ వెల్లడించింది. ప్రమాదం జరిగిన సమయంలో క్రూజ్ విమానంలో లేడని అధికారులు తెలిపారు. వాతావరణం అనుకూలించక పోవడం వల్లే విమానం కూలి ఉండొచ్చని అధికారులు భావిస్తున్నారు. క్రూజ్ తరుపరి చిత్రం 'మినా' చిత్రీకరణ కోసం ఈ మినీ విమానాన్ని వాడుతున్నారు.
  


 ‘‘విమానం టేకాఫ్ అవుతూ ఉంటే దాని తలుపు పట్టుకుని వేలాడాలి. ఈ చిత్రానికి ఇది కీలకమైన ఘట్టం. చేసేటప్పుడు ఏ మాత్రం తేడా జరిగినా ప్రాణాలు గాల్లోకే. కానీ, వేరే మార్గం లేదు. చేస్తేనే బాగుంటుంది’’ అని హీరో టామ్ క్రూజ్‌తో అన్నారు దర్శకుడు క్రిస్టఫర్ మెక్వైర్. ‘మిషన్ ఇంపాజిబుల్ సిరీస్’లోని అయిదో భాగం ‘రోగ్ నేషన్ ’కి ఆయన దర్శకత్వం వహిస్తున్నారు. టామ్ క్రూజ్ హీరో. దర్శకుడు చెప్పిన రిస్కీ సీన్‌కు ‘ఊహూ’ అనకుండా టామ్ క్రూజ్ ‘ఓకే’ అనేశారు. ఎలాగైనా సరే, ఒకే టేక్‌లోనే పూర్తి చేస్తే చాలనుకున్నారు చిత్ర బృందం.  దర్శకుడు క్రిస్టఫర్ ‘యాక్షన్’ అనగానే విమానం టేకాఫ్ అయింది.
  
  గాల్లో ఎగురుతోంది. మానిటర్‌లో ఇదంతా చూస్తున్న దర్శకుడు సంతృప్తి చెంది, షాట్ ఓకే అనుకుని ‘కట్’ చెప్పారు. విమానం ల్యాండ్ అయ్యాక సీన్ చూసుకున్న టామ్ క్రూజ్ ఏ మాత్రం కన్విన్స్ కాలేదు. ‘ఇంకోసారి చేస్తా’ అన్నారు. ఈసారి కూడా ఆయనకు సంతృప్తి కలగలేదు. అలా మొత్తం ఏడు టేక్‌లు తీసుకున్నారు. సీన్ ఓకే అయింది. యూనిట్ మొత్తం హమ్మయ్య అని ఊపిరి పీల్చుకుంది.
  
   ‘‘విమానం ఎగిరే కొద్దీ గాలి నన్ను బాగా వెనక్కు తన్నింది. గాలి శక్తేంటో ఇప్పుడు తెలిసింది. విమానం నేల మీద ల్యాండ్ అయ్యేంత వరకూ నేను దాన్ని పట్టుకుని వేలాడాల్సిందే’’ అని ఆ సీన్ గురించి టామ్ వివరించారు.  ఈ సిరీస్‌లో గత భాగం ‘ఘోస్ట్ ప్రొటోకాల్’లో కూడా దుబాయ్‌లోని ప్రపంచంలో ఎత్తయిన  బిల్డింగ్ బూర్జ్ ఖలీఫా టవర్ పై రిస్కీ స్టంట్స్ చేసి అభిమానులను ఆశ్చర్యపరిచారు టామ్.
  


 ఈరోజు మీతో పాటు పుట్టినరోజు జరుపుకుంటున్న ప్రముఖులు:
 టామ్ క్రూజ్ (నటుడు); హర్భజన్‌సింగ్ (క్రికెటర్)
  
 ఈరోజు పుట్టిన రోజు జరుపుకుంటున్న వారి సంవత్సర సంఖ్య 9. చిరకాలంగా ఆస్తి కొనాలనుకుంటున్న వారి కోరిక ఈ సంవత్సరం తప్పక తీరుతుంది. కళాకారులకు అభివృద్ధికరంగా, ప్రోత్సాహకరంగా ఉంటుంది. సన్మానాలు, సత్కారాలు పొందుతారు. నిరుద్యోగులకు ఉద్యోగం లభిస్తుంది. గత సంవత్సరం ప్రారంభించిన వ్యాపారాలు లాభాల బాటలో పడతాయి. సమాజంలో మీ మాటకు విలువ పెరుగుతుంది. రాజకీయ నాయకులకు పదవులు లభిస్తాయి. కోర్టు వ్యవహారాలు, ఆస్తి తగాదాలు ఒక కొలిక్కి వస్తాయి. ఆధునిక వాహనాలు కొంటారు. అయితే వాటిని నడిపేటప్పుడు జాగ్రత్తగా ఉండటం మంచిది. ఎందుకంటే మీ పుట్టిన తేదీ 3 కావడం వల్ల మీపై కుజగ్రహ ప్రభావం ఉంటుంది. దీనివల్ల కొద్దిపాటి అనారోగ్య సమస్యలు, వాహన ప్రమాదాలు, పదునైనా ఆయుధాల వల్ల రక్తస్రావం వంటివి తలెత్తవచ్చు. దూకుడుగా,  వ్యవహరించడం వల్ల వివాదాలు తలెత్తవచ్చు.
 
  లక్కీ డేస్: 1,4,6,9; లక్కీ కలర్స్: వయొలెట్, రోజ్, ఆరంజ్, రెడ్; లక్కీ డేస్: ఆది, సోమ, మంగళ, శుక్రవారాలు; సూచనలు: మాట లలోనూ, చేతలలోనూ సంయమనం పాటించాలి. దక్షిణామూర్తిని పూజించాలి. సుబ్రహ్మణ్యేశ్వరునికి అభిషేకం చేయించాలి. రక్తదానం చేయడం, చేయించడం, అనాథలకు బెల్లం పాయసం వితరణ చేయడం, ప్రసిద్ధమైన దర్గా లు లేదా చర్చిలను సందర్శించడం,  మతగ్రంథాలను పఠించడం మంచిది.
  - డా. మహమ్మద్ దావూద్  జ్యోతిష, సంఖ్యాశాస్త్ర నిపుణులు
  
  


 అది టామ్ క్రూజ్ నటిస్తున్న  ‘మిషన్ ఇంపాజిబుల్’ షూటింగ్ లొకేషన్. దర్శకుడు యాక్షన్ అని చెప్పగానే టామ్ నీళ్లల్లోకి దూకేశారు. సమయం గడుస్తోంది. చిత్ర బృందం అంతా చాలా టెన్షన్‌గా ఉంది. ఒకటి...రెండు...ఇలా ఆరో నిమిషం కాగానే దర్శకుడు క్రిస్టోఫర్ మెక్వైర్ ‘కట్’ చెప్పగానే టామ్ బయటకు వచ్చేశారు. ఇందులో వింతేముంది అనుకుంటున్నారా? ఆరు నిమిషాల నిడివి ఉన్న ఈ షాట్‌ను కేవలం సింగిల్ టేక్‌లో తీశారు. మామూలుగా ఎవరైనా  కేవలం నీటి అడుగున 22 సెకన్ల పాటు ఊపిరి బిగబట్టి ఉంటారన్నది సైన్స్.
 
   కానీ టామ్ మాత్రం ఆరు నిమిషాల పాటు ఉండి, చిత్ర బృందాన్ని ఆశ్చర్యపరిచారు. ‘మిషన్ ఇంపాజిబుల్’ ఫ్రాంచైస్‌లో ఇప్పటిదాకా ఒళ్లు గగుర్పొడిచే యాక్షన్ సన్నివేశాల్లో నటించిన టామ్... దర్శకుడు క్రిస్టోఫర్ ఈ సన్నివేశం గురించి చెప్పగానే వెంటనే గ్రీన్ సిగ్నల్ ఇచ్చారు. ఎటువంటి ఆధారం లేకుండా విమానం మీద టామ్ చేసిన యాక్షన్ సన్నివేశాలు ఇప్పటికే యూట్యూబ్‌లో హల్‌చల్ చేస్తున్నాయి. మరి.. ఈ సినిమాలో ఇంకెన్ని ప్రత్యేకతలు ఉన్నాయో తెలియాలంటే జూలై 31 వరకూ ఆగాల్సిందే.
  


  భూమికి 5 వేల అడుగుల ఎత్తులో సైనిక విమానంపై హీరో సాహసోపేతమైన స్టంట్స్.. చూస్తేనే రోమాలు నిక్కబొడుస్తాయి.. మరి అవి నిజంగా చేస్తేనో.. ఈ ఫొటోలోని సీన్ అదే. హాలీవుడ్ యాక్షన్ హీరో టామ్ క్రూజ్ మిషన్ ఇంపాజిబుల్-5 చిత్రం కోసం డూప్ లేకుండా చేసిన స్టంట్స్ తాలూకు ఫొటో ఇది. వేగంగా దూసుకుపోతున్న సైనిక విమానంపై కేవలం రెండు తాళ్ల సపోర్టుతో నిలబడి స్టంట్స్ చేయడమంటే మాటలా మరి. ఈ మధ్య బ్రిటన్‌లో ఈ సన్నివేశాలను చిత్రీకరించారు. సినిమాల్లో ఓ నటుడు డూప్ లేకుండా చేసిన అత్యంత సాహసవంతమైన స్టంట్ ఇదేనని చెబుతున్నారు.


 ఎంతవారలైనా కాంత దాసులే అన్నాడో కవి. లిండ్సే లోహాన్ వెంట పడుతున్న హాలీవుడ్ సూపర్‌స్టార్ టామ్‌క్రూజ్‌ను చూస్తుంటే ఎవరికైనా గుర్తుకొస్తుందేమో ఈ కోట్. ఈ నెలారంభంలో లండన్ హాట్‌స్పాట్ చిల్టర్న్ ఫైర్‌హౌస్‌లో కనిపించినప్పటి నుంచీ అందాల తార లిండ్సేను వదలడం లేదట టామ్. ఒక సూపర్‌స్టార్ తన కోసం అంతగా ఇదైపోతుంటే తట్టుకోలేక దగ్గరై... ఆనక అతనే లోకమై.. తెగ ఎంజాయ్ చేసేస్తోందట ఈ ముద్దుగుమ్మ. మరి అతగాడు మాత్రం కూల్‌గా ఎలా ఉంటాడు..! తన కోసం ఇంతగా పరితపిస్తున్న సుందరిని తన ‘ఆప్షనల్- వైవ్స్’ లిస్ట్‌లో పెట్టేశాడట!


 స్టార్‌వార్‌‌స-7 ఎపిసోడ్‌లో హాలీవుడ్ సూపర్‌స్టార్ టామ్ క్రూయిస్ అతిథిపాత్ర పోషించనున్నాడు. స్టార్‌వార్‌‌స దర్శకుడు జేజే అబ్రామ్స్ సన్నిహితుడు కావడంతో టామ్ ఇందులో గెస్ట్‌రోల్‌కు అంగీకరించి నట్లు హాలీవుడ్ సమాచారం. వారం రోజులుగా లండన్‌లో ఉంటున్న టామ్ క్రూయిస్ ఈ విషయమై జేజే అబ్రామ్స్‌తో పాటు ‘స్టార్‌వార్‌‌స’ బృందంలోని కొందరు ముఖ్యులతో చర్చలు కూడా జరిపినట్లు భోగట్టా.


 జీవితంలో ఏదేదో సాధించాలనే కల అందరికీ ఉంటుంది. కొంతమందే ఆ కలను నెరవేర్చుకోగలుగుతారు. మరి.. సోనాక్షీ సిన్హా తన కలను నెరవేర్చుకుంటారో లేదో చెప్పలేం కానీ.. ఆమె కల ఏంటో మాత్రం తెలుసుకుందాం. బాలీవుడ్‌లో మంచి ఫామ్‌లో ఉన్న కథానాయికల్లో ఒకరైన సోనాక్షీ ఇటీవల హాలీవుడ్ చిత్రం ‘రియో 2’లోని ఓ పాత్రకు డబ్బింగ్ చెప్పారు.. అది మంచి అనుభూతినిచ్చిందని సోనాక్షీ తెలిపారు. అలాగే తన కల గురించి చెబుతూ - ‘‘ప్రస్తుతం బాలీవుడ్‌లో నా కెరీర్ చాలా బాగుంది.
  
   ఇతర భాషల నుంచి అవకాశాలు వచ్చినా అంగీకరించేంత తీరిక లేదు. కానీ, హాలీవుడ్ స్టార్స్ జార్జ్ క్లూనీ, బ్రాడ్ పిట్, టామ్ క్రూజ్ సరసన అవకాశం వస్తే మాత్రం సద్వినియోగం చేసేసుకుంటా. ఎందుకంటే, నాకు ఈ ముగ్గురూ అంటే చాలా ఇష్టం. వాళ్లు నటించిన సినిమాలను ఇష్టపడి చూస్తుంటాను. ఆ సినిమాల్లో మనం నటించి ఉంటే ఎంత బాగుండేది? అని కూడా అనుకుంటాను. వెండితెరపై వారి సరసన నటిస్తున్న కథానాయికల స్థానంలో సరదాగా నన్ను నేను ఊహించుకుని చూసుకుంటాను. అంత అభిమానం’’ అని చెప్పారు. ప్రస్తుతం ఆమె హిందీలో ‘హాలిడే’, ‘తేవర్’ చిత్రాల్లో నటిస్తూ బిజీగా ఉన్నారు.