అంతర్జాతీయ టీ20లలో కెప్టెన్‌ రోహిత్‌ శర్మ, విరాట్‌ కోహ్లి, రవీంద్ర జడేజా శకం టీ20 ప్రపంచకప్‌-2024తో ముగిసింది. ఈ మెగా ఈవెంట్‌ తర్వాత ఈ ముగ్గురూ టీమిండియా తరఫున పొట్టి ఫార్మాట్‌కు వీడ్కోలు పలికారు.ఈ నేపథ్యంలో టీ20లలో భారత జట్టు కొత్త కెప్టెన్‌ ఎవరా అన్న అంశంపై క్రికెట్‌ వర్గాల్లో చర్చ జరుగుతోంది. ఈ క్రమంలో టీమిండియా మాజీ సెలక్టర్‌ సబా కరీం తన అభిప్రాయాలు పంచుకున్నాడు.తన దృష్టిలో టీమిండియాకు ముందుకు నడిపే సామర్థ్యం ఇద్దరు స్టార్లకు ఉందన్న ఈ మాజీ వికెట్‌ కీపర్‌.. కొత్త కోచ్‌ గౌతం గంభీర్‌, సెలక్టర్ల నిర్ణయం పైనే అంతా ఆధారపడి ఉందని పేర్కొన్నాడు.ఈ మేరకు సబా కరీం మాట్లాడుతూ.. ‘‘రోహిత్‌ శర్మ అంతర్జాతీయ టీ20ల నుంచి రిటైర్‌ అయ్యాడు. ఇకపై అతడు టీమిండియా తరఫున పొట్టి ఫార్మాట​ ఆడడు.కాబట్టి అతడి వారసుడి ఎంపికపైనే ప్రస్తుతం అందరి దృష్టి పడింది. నా దృష్టిలో ఇద్దరికి ఆ అవకాశం ఉంది. లాజికల్‌గా చూస్తే హార్దిక్‌ పాండ్యానే కెప్టెన్‌ను చేయాలి.ఎందుకంటే టీ20 ప్రపంచకప్‌-2024లో అతడిని వైస్‌ కెప్టెన్‌గా నియమించింది బోర్డు. గతంలోనూ రోహిత్‌ గైర్హాజరీలో అతడు సారథిగా వ్యవహరించాడు.రానున్న రెండేళ్లలో మరోసారి టీమిండియా పొట్టి వరల్డ్‌కప్‌ ఆడనుంది. అప్పటికి పూర్తి స్థాయిలో జట్టు సన్నద్ధం కావాలి. ముఖ్యంగా కెప్టెన్‌ విషయంలో సరైన నిర్ణయం తీసుకోవాలి.సూర్యకుమార్‌ యాదవ్‌ గురించి కూడా చర్చ జరగాల్సిన ఆవశ్యకత ఉంది. స్వదేశంలో ఆస్ట్రేలియాతో సిరీస్‌లో అతడు కెప్టెన్‌గా వ్యవహరించి జట్టును గెలిపించాడు.కచ్చితంగా అతడు కూడా టీమిండియా టీ20 కెప్టెన్‌గా సరైన ఆప్షనే అనిపిస్తాడు. వీరిద్దరిలో ఎవరిని సారథిని చేయాలన్న అంశంపై సెలక్టర్లు, కొత్త కోచ్‌ నిర్ణయం తీసుకుంటారు’’ అని పేర్కొన్నాడు. తానైతే ఇద్దరికీ కెప్టెన్‌ అయ్యే అర్హత ఉందని చెబుతానంటూ సబా కరీం సోనీ స్పోర్ట్స్‌తో వ్యాఖ్యానించాడు.

Ex-Selector Comments On MS Dhoni: ‘‘ఎంఎస్‌ ధోని.. రంజీ ట్రోఫీ సెకండ్‌ సీజన్‌లో ఆడుతున్నపుడు తనను తొలిసారి కలిశాను. అప్పుడు అతడు బిహార్‌ జట్టుకు ఆడుతూ ఉండేవాడు. బ్యాటింగ్‌ చేయడంతో పాటు కీపర్‌గానూ వ్యవహరించేవాడు. స్పిన్నర్‌ అయినా పేసర్‌ అయినా దూకుడుగానే బ్యాటింగ్‌ చేసేవాడు.  కానీ.. వికెట్‌ కీపర్‌గా తన ఫుట్‌వర్క్‌ విషయంలో మెరుగుపడాల్సి ఉందనుకున్నాను. అదే విషయాన్ని అతడితో చర్చించాను. నాడు నేర్చుకున్న పాఠాలను నేటికీ ధోని పాటిస్తున్నాడు. ధోని కెరీర్‌లో అదొక టర్నింగ్‌ పాయింట్‌ అని చెప్పవచ్చు’’ అని టీమిండియా మాజీ సెలక్టర్‌ సబా కరీం అన్నాడు. కెరీర్‌ తొలినాళ్లలో వికెట్‌ కీపింగ్‌ విషయంలో కాస్త ఇబ్బంది పడ్డ ధోని.. ప్రస్తుతం ప్రపంచంలోనే మేటి కీపర్లలో ఒకడిగా ఎదిగాడని పేర్కొన్నాడు. భారత జట్టు మాజీ సారథి మహేంద్ర సింగ్‌ ధోని గురించి జియో సినిమా షోలో పలు ఆసక్తికర విషయాలను మాజీ వికెట్‌ కీపర్‌ సబా కరీం పంచుకున్నాడు. ‘‘కెన్యాలో ఇండియా-ఏ, పాకిస్తాన్‌-ఏ, కెన్యా- ఏ జట్ల మధ్య జరిగిన ట్రై సిరీస్‌ ధోని కెరీర్‌లో రెండో టర్నింగ్‌ పాయింట్‌. దినేశ్‌ కార్తిక్‌ జాతీయ జట్టుకు ఆడుతున్న క్రమంలో ధోనికి ఈ సిరీస్‌ ఆడే అవకాశం వచ్చింది. అక్కడ తను వికెట్‌ కీపర్‌గా సేవలు అందించాడు. ఇక బ్యాటింగ్‌ గురించి ప్రత్యేకంగా చెప్పేదేముంది! అత్యద్భుతంగా బ్యాటింగ్‌ చేసి మా నమ్మకాన్ని నిలబెట్టాడు’’ అని సబా కరీం.. ధోనిపై ప్రశంసలు కురిపించాడు. నేను గంగూలీకి చెప్పాను.. కానీ.. ఇక 2004లో ధోని పాకిస్తాన్‌ టూర్‌ మిస్సవడానికి గల కారణాన్ని కూడా సబా కరీం ఈ సందర్భంగా బయటపెట్టాడు. ‘‘కెన్యాలో అద్భుత ప్రదర్శన తర్వాత అతడి పేరు మారుమ్రోగిపోయింది. అప్పుడు నేను కలకత్తాలో ఉన్నాను. నాడు సౌరవ్‌ గంగూలీ కెప్టెన్‌గా ఉన్నాడు.  ఒక వికెట్‌ కీపర్‌ ఉన్నాడు.. అతడు అద్భుత నైపుణ్యాలు కలిగి ఉన్నాడని గంగూలీతో చెప్పాను. జట్టులోకి తీసుకుంటే బాగుంటుందని కూడా అన్నాను. కానీ దురదృష్టవశాత్తూ.. ఎందుకో సౌరవ్‌ అప్పుడు అప్‌కమింగ్‌ ఆటగాడిపై నమ్మకం ఉంచలేకపోయాడు.  ధోనిని మేము అప్పుడు జాతీయ జట్టుకు సెలక్ట్‌ చేయలేదు. అయితే, ఆ తర్వాత వెంటనే టీమిండియాలోకి వచ్చాడు’’ అని సబా కరీం చెప్పుకొచ్చాడు. కాగా 2004లో బంగ్లాదేశ్‌ టూర్‌కు ఎంపికైన ధోని.. తొలి మ్యాచ్‌లో నిరాశపరిచినా అనతికాలంలోనే కెప్టెన్‌గా ఎదిగాడు. ఇక మిగిలిందంతా చరిత్రే!! చదవండి: వారణాసి అమ్మాయి.. వెస్టిండీస్‌ క్రికెటర్‌ భార్య! భోజ్‌పురీలో మాట్లాడగలదు.. ఇంకా!

వెస్టిండీస్‌ గడ్డపై టీమిండియా జైత్ర యాత్రను కొనసాగిస్తోంది. టెస్టు సిరీస్‌ను సొంతం చేసుకున్న భారత జట్టు.. ఇప్పడు వన్డే సిరీస్‌ విజయం దిశగా దూసుకెళ్తోంది. మూడో వన్డేల సిరీస్‌ను గెలుపుతో ఆరంభించిన భారత్‌ మరో ఆసక్తికర పోరుకు సిద్దమైంది. బార్బోడస్‌ వేదికగా విండీస్‌తో రెండో వన్డేలో రోహిత్‌ సేన అమీతుమీ తెల్చుకోనుంది. ఇక ఇది ఇలా ఉండగా.. తొలి వన్డేలో హాఫ్‌ సెంచరీతో చెలరేగిన టీమిండియా యువ వికెట్‌ కీపర్‌ ఇషాన్‌పై భారత మాజీ ఆటగాడు సబా కరీం ప్రశంసల వర్షం కురిపించాడు. కిషన్‌కు ఓపెనర్‌గానే కాకుండా మిడిలార్డర్‌లో రాణించే సత్తా ఉందని అతడు కొనియాడాడు. కాగా విండీస్‌తో జరిగిన తొలి వన్డేలో కెప్టెన్‌ రోహిత్‌ శర్మ.. కిషన్‌ను ఓపెనర్‌గా ప్రమోట్‌ చేశాడు. ఓపెనర్‌గా వచ్చిన కిషన్‌ 52 పరుగులతో కీలక ఇన్నింగ్స్‌ ఆడాడు.  ఈ నేపథ్యంలో కరీం జియో సినిమాతో మాట్లాడుతూ.. "కిషన్‌ భారత ఇన్నింగ్స్‌ను ప్రారంభిస్తాడని అస్సలు నేను ఊహించలేదు. కానీ తనకు వచ్చిన అవకాశాన్ని కిషన్‌ చక్కగా ఉపయోగించుకున్నాడు. అతడి ఇన్నింగ్స్‌ జట్టులో తన విలువను మరింత పెంచింది. ప్రస్తుతం పంత్‌ అందుబాటులో లేడు కాబట్టి రాహుల్‌ను ప్రధాన వికెట్‌ కీపర్‌గా పరిగిణలోకి తీసుకుంటారని నాకు తెలుసు. అయితే రాహుల్‌ కూడా తన ఫిట్‌నెస్‌తో పోరాడతున్నాడు. కాబట్టి కిషన్‌ను బ్యాకప్‌ వికెట్‌ కీపర్‌గా పరిగణలోకి తీసుకోవాలి. అతడికి వికెట్‌ కీపింగ్‌తో పాటు ఓపెనింగ్‌, మిడిలార్డర్‌లో బ్యాటింగ్‌ చేసే సత్తా కూడా ఉంది. అతడికి జట్టులో రెగ్యూలర్‌గా అవకాశాలు ఇవ్వాలి. వరల్డ్‌కప్‌కు బ్యాకప్‌ ఓపెనర్‌గా అతడిని ఎంపిక చేయాలని" చెప్పుకొచ్చాడు. చదవండి: MLC 2023: జూనియర్‌ 'ఏబీడీ' సూపర్‌ ఇన్నింగ్స్‌.. ఫైనల్‌కు చేరిన ముంబై ఇండియన్స్‌ టీ​మ్‌

IPL 2023- Virat Kohli- Rohit Sharma: ఐపీఎల్‌-2023లో ఇప్పటి వరకు తమ అద్భుత బ్యాటింగ్‌తో క్రికెట్‌ ప్రేమికులను అమితంగా ఆకట్టుకున్న క్రికెటర్లు అంటే.. టక్కున గుర్తొచ్చే పేర్లు.. సూర్యకుమార్‌ యాదవ్‌, యశస్వి జైశ్వాల్‌. రాయల్‌ చాలెంజర్స్‌ బెంగళూరుతో మ్యాచ్‌లో ముంబై ఇండియన్స్‌ బ్యాటర్‌ సూర్య ఆడిన విధ్వంసకర ఇన్నింగ్స్‌ ఎవరూ అంత తేలికగా మర్చిపోలేరు. పరుగుల సునామీ సృష్టించిన సూర్య ఆర్సీబీతో మంగళవారం (మే 9) నాటి మ్యాచ్‌లో 35 బంతుల్లో 7 ఫోర్లు, ఆరు సిక్సర్ల సాయంతో ఈ మిస్టర్‌ 360 ప్లేయర్‌ 83 పరుగులు సాధించాడు. ప్రత్యర్థి జట్టు బౌలర్లపై విరుచుకుపడుతూ పరుగుల సునామీ సృష్టించి ముంబైకి విజయం అందించి ప్లే ఆఫ్స్‌ రేసులో ముందుకు తీసుకువచ్చాడు. సరికొత్త రికార్డుతో యశస్వి ఇలా ఇక ప్రఖ్యాత ఈడెన్‌ గార్డెన్స్‌ మైదానంలో కోల్‌కతా నైట్‌ రైడర్స్‌తో  గురువారం (మే 11) నాటి మ్యాచ్‌లో రాజస్తాన్‌ రాయల్స్‌ యువ ఓపెనర్‌ యశస్వి జైశ్వాల్‌ ఇన్నింగ్స్‌ గురించి ఎంత చెప్పినా తక్కువే! 13 బంతుల్లో అర్ధ శతకం సాధించి సరికొత్త రికార్డు సృష్టించాడీ 21 ఏళ్ల ముంబై బ్యాటర్‌. మొత్తంగా 47 బంతులు ఎదుర్కొని 13 ఫోర్లు, 5 సిక్సర్ల సాయంతో ఏకంగా 98 పరుగులు రాబట్టాడు. సెంచరీ మిస్‌.. మనసులు గెలిచాడు కీలక మ్యాచ్‌లో ఆఖరి వరకు అజేయంగా నిలిచి బౌండరీ బాది రాజస్తాన్‌ను విజయతీరాలకు చేర్చిన యశస్వి.. కేవలం రెండు పరుగుల తేడాతో సెంచరీ మిస్‌ కావడం మ్యాచ్‌ చూస్తున్న ప్రతీ ఒక్కరి మనసును మెలిపెట్టిందనడంలో అతిశయోక్తి లేదు. ఈ నేపథ్యంలో విజయానంతరం యశస్వి మాట్లాడుతూ.. వ్యక్తిగత రికార్డుల గురించి తాను ఆలోచించలేదని, జట్టు రన్‌రేటు పెంచడమనే విషయమే తన మైండ్‌లో ఉందని చెప్పడం మరోసారి అభిమానుల హృదయాలను గెలిచింది. రోహిత్‌, కోహ్లి పనైపోయింది! నేపథ్యంలో యశస్వి అద్భుత ఇన్నింగ్స్‌పై ప్రశంసల వర్షం కురుస్తోంది. ఈ క్రమంలో టీమిండియా మాజీ వికెట్‌ కీపర్‌ బ్యాటర్‌, మాజీ సెలక్టర్‌ సబా కరీం చేసిన ట్వీట్‌ నెట్టింట చర్చనీయాంశంగా మారింది.  ‘‘జైశ్వాల్‌, స్కై(సూర్యకుమార్‌ యాదవ్‌) బ్యాటింగ్‌ చూస్తుంటే రోహిత్‌ శర్మ, విరాట్‌ కోహ్లి నుంచి టీ20 క్రికెట్‌ మూవ్‌ ఆన్‌ అయినట్లు కనిపిస్తోంది’’ అని ట్వీట్‌ చేసిన సబా కరీం.. అనిల్‌ కుంబ్లే, హర్షా కుంబ్లేలను ట్యాగ్‌ చేశాడు. ఇందుకు నెటిజన్లు మిశ్రమంగా స్పందిస్తున్నారు. ‘మీరు చెప్పిందే సరైందే! ప్రస్తుతం రోహిత్‌, కోహ్లి టీ20 క్రికెట్‌లో మునుపటిలా తమదైన ముద్ర చూపలేకపోతున్నారు’’ అంటూ కొంతమంది సబాకు మద్దతు ప్రకటిస్తున్నారు. మరికొంత మంది మాత్రం.. ‘‘లీగ్‌ క్రికెట్‌కు, అంతర్జాతీయ క్రికెట్‌కు చాలా తేడా ఉంటుంది.  ఇలా మాట్లాడటం సరికాదు యశస్వి, సూర్యను ప్రశంసించడంలో తప్పులేదు. కానీ.. టీమిండియాను ఒంటిచేత్తో ఎన్నో మ్యాచ్‌లలో గెలిపించిన రోహిత్‌- కోహ్లిలను తక్కువ చేయకూడదు. కెప్టెన్‌ రోహిత్‌ పరుగులు రాబట్టడంలో ఇబ్బంది పడుతున్నాడన్న మాట వాస్తవం. కానీ కోహ్లి ఆసియా టీ20 కప్‌-2022, టీ20 ప్రపంచకప్‌-2022లో ఆడిన ఇన్నింగ్స్‌ ఎలా మర్చిపోతారు. ఆసియాకప్‌లో సెంచరీ చేసిన కోహ్లిని టీ20 ఫార్మాట్‌లో ఇక తనదైన ముద్ర చూపలేకపోవచ్చని ఎలా అంటారు? ఐపీఎల్‌-2023లోనూ కోహ్లి తన హవా చూపిస్తున్నాడు కదా!’’ అని సబా కరీంకు చురకలు అంటిస్తున్నారు. కాగా ఐపీఎల్‌-2023లో యశస్వి జైశ్వాల్‌ ఇప్పటి వరకు 12 ఇన్నింగ్స్‌లో 167.15 స్ట్రైక్‌రేటుతో 575 పరుగులు సాధించాడు.   ఇక సూర్య 186.13 స్ట్రైక్‌రేటుతో 376 పరుగులు చేయగా.. ఆర్సీబీ బ్యాటర్‌ కోహ్లి 11 ఇన్నింగ్స్‌లో 133.75 స్ట్రైక్‌రేటుతో 420 పరుగులు సాధించాడు. ముంబై ఇండియన్స్‌ సారథి రోహిత్‌ శర్మ మాత్రం స్థాయికి తగ్గట్లు రాణించలేకపోతున్నాడు. ఇప్పటి వరకు ఆడిన 11 ఇన్నింగ్స్‌లో అతడు చేసిన పరుగులు 191. ఈ ఓపెనర్‌ బ్యాటర్‌ నమోదు చేసిన అత్యధిక స్కోరు: 65. ఈ నేపథ్యంలో సబా కరీం ఈ మేరకు ట్వీట్‌ చేయడం గమనార్హం. చదవండి: జైస్వాల్‌ సెంచరీ చేయకుండా అడ్డుకున్న సుయాశ్‌.. ఏకి పారేసిన ఆకాశ్‌ నాకే ఎందుకిలా? వెక్కి వెక్కి ఏడ్చా.. గుండు చేసుకున్నా: సూయశ్‌ శర్మ Up Above The World So High Like A Diamond His Name Is SKY 🤩#TATAIPL | #MIvRCB | @surya_14kumar | @mipaltan pic.twitter.com/EgUDqe7aao — IndianPremierLeague (@IPL) May 9, 2023 The Yashasvi effect❤️‍🔥 - FASTEST 50 in #TATAIPL history!! 🤯💪#KKRvRR #IPL2023 #IPLonJioCinema | @rajasthanroyals @ybj_19 pic.twitter.com/WgNhYJQiUN — JioCinema (@JioCinema) May 11, 2023 When one sees Jaiswal and SKY bat, it is amply clear that T20 game has moved on from Rohit sharma and Virat Kohli!!@anilkumble1074 @bhogleharsha — Syed Saba Karim (@SyedSabaKarim5) May 11, 2023

బోర్డర్ గవాస్కర్ ట్రోఫీ-2023తో అంతర్జాతీయ క్రికెట్‌లోకి అడుగుపెట్టిన ఆంధ్రా వికెట్‌ కీపర్‌ బ్యాటర్‌ కేఎస్ భరత్ పర్వాలేదనపించాడు. తొలి మూడు టెస్టులో పెద్దగా ఆకట్టుకోపోయిన భరత్‌.. ఆఖరి టెస్టులో మాత్రం 44 పరుగులతో కీలక ఇన్నింగ్స్‌ ఆడాడు. బ్యాటింగ్‌ విషయం పక్కన పెడితే.. వికెట్ల వెనుక మాత్రం భరత్‌ అద్భుతంగా రాణించాడు. రివ్యూల విషయంలో కూడా కెప్టెన్‌ రోహిత్‌ శర్మకు విలువైన సూచనలు చేశాడు. ఈ నేపథ్యంలోనే  భరత్‌ను ఆస్ట్రేలియాతో జరగనున్న వరల్డ్ టెస్ట్ ఛాంపియన్‌షిప్ ఫైనల్ మ్యాచ్‌లోనూ కొనసాగించాలని అభిప్రాయాలు వ్యక్తమవుతున్నాయి. మరి కొంత మంది అతడి స్థానంలో కేఎల్‌ రాహుల్‌ను వికెట్‌ కీపర్‌గా అవకాశం ఇవ్వాలని సూచిస్తున్నారు. కాగా ఆసీస్‌తో జరిగిన తొలి రెండు టెస్టుల్లో రాహుల్‌ తీవ్రంగా నిరాశ పరిచాడు. దీంతో అతడు ఆఖరి రెండు టెస్టులకు జట్టులో స్థానం కోల్పోయాడు. అతడి స్థానంలో జట్టులోకి వచ్చిన యువ ఓపెనర్‌ శుబ్‌మన్‌ గిల్‌ అదరగొట్టాడు. దీంతో వరల్డ్ టెస్ట్ ఛాంపియన్‌షిప్ ఫైనల్‌కు భారత జట్టులో రాహుల్‌ చోటు దక్కడం ప్రస్తుతం ప్రశ్నర్థకంగా మారింది. ఈ నేపథ్యంలో భారత మాజీ సెలెక్టర్ సబా కరీమ్ తన అభిప్రాయాలను వెల్లడించాడు. కెఎస్ భరత్‌ అద్భుతమైన ఆటగాడని, అతడికి మరిన్ని అవకాశాలు టీమిండియా అవకాశాలు ఇవ్వాలని కరీం సూచించాడు. హిందూస్తాన్‌ టైమ్స్‌తో కరీం మాట్లాడుతూ.. "డబ్ల్యూటీసీ ఫైనల్‌ జట్టులో ఎవరు ఉంటారన్నది మేనేజ్‌మెంట్‌ నిర్ణయిస్తోంది. అయితే  ఇటీవలి కాలంలో భారత జట్టు మేనేజ్‌మెంట్ చాలా మంది యువ ఆటగాళ్లకు  అవకాశం ఇచ్చింది. అది భారత క్రికెట్‌కు శుభసూచికం. ముఖ్యంగా కేఎస్‌ భరత్‌ వంటి ఆటగాడు టీమిండియా తరపున అరంగేట్రం చేయడం చాలా సంతోషంగా ఉంది. అయితే అరంగేట్ర సిరీస్‌లోనే ఎవరూ అద్భుతాలు సృష్టించలేరు కదా. కాబట్టి కెఎస్ భరత్‌కి మరిన్ని అవకాశాలు ఇవ్వాలి. భారత పరిస్థితుల్లో రాణించడం అంత సులభం కాదు. అతడు స్టంప్‌ల వెనుక కూడా చాలా చురుకుగా ఉన్నాడు. భరత్‌ నెమ్మదిగా తన ఆటతీరును మార్చుకుంటున్నాడు. కాబట్టి అతడికి కాస్త సమయం ఇస్తే అతడు అద్భుతాలు సృష్టిస్తాడు. ఒక వేళ డబ్ల్యూటీసీ ఫైనల్‌ జట్టులో కేఎల్‌ రాహుల్‌ ఉన్న భరత్‌నే వికెట్‌ కీపర్‌గా కొనసాగించాలి అని అతడు పేర్కొన్నాడు. కాగా  లండన్‌లోని ప్రఖ్యాత ఓవల్‌ మైదానంలో జూన్‌ 7- 11 వరకు భారత్‌-ఆస్ట్రేలియా మధ్య వరల్డ్ టెస్ట్ ఛాంపియన్‌షిప్ ఫైనల్‌ జరగనుంది.

టీమిండియా వెటరన్‌ ఓపెనర్‌ శిఖర్‌ ధావన్‌ టీ20 కెరీర్‌కు దాదాపు ఎండ్‌ కార్డ్‌ పడినట్లే. గతేడాది జూలైలో భారత్‌ తరపున ధావన్‌ తన అఖరి టీ20 మ్యాచ్‌ ఆడాడు. అప్పటి నుంచి అతడిని భారత సెలక్టర్లు పక్కన పెట్టారు. కాగా ధావన్‌ టీ20లకు దూరంగా ఉన్నప్పటికీ.. వన్డేల్లో మాత్రం చోటు దక్కించుకుంటున్నాడు. ధావన్‌ ప్రస్తుతం సౌతాఫ్రికాతో జరుగుతోన్న వన్డే సిరీస్‌లో భారత జట్టుకు కెప్టెన్‌గా వ్యవహరిస్తున్నాడు. రోహిత్‌ సారథ్యంలోని భారత సీనియర్‌ జట్టు టీ20 ప్రపంచకప్‌-2022 కోసం ఆస్ట్రేలియాకు వెళ్లడంతో ధావన్‌కు కెప్టెన్సీ బాధ్యతలు అప్పజెప్పారు. ఇక ఇది ఇలా ఉండగా..  వన్డే వరల్డ్‌కప్‌-2023 భారత్‌ వేదికగా జరగనుంది. ఈ మెగా ఈవెంట్‌కు భారత జట్టులో ధావన్‌కు ఖచ్చితంగా చోటు దక్కుతుందని టీమిండియా మాజీ సెలెక్టర్‌ సబా కరీం థీమా వ్యక్తం చేశాడు. అదే విధంగా రోహిత్‌తో కలిసి భారత ఇన్నింగ్స్‌ను శిఖర్‌ ప్రారంభిస్తాడని కరీం జోస్యం చెప్పాడు. ఇండియా న్యూస్‌తో కరీం మాట్లాడుతూ.. "వన్డే ప్రపంచకప్‌కు భారత జట్టులో శిఖర్ ధావన్‌కు స్థానం దాదాపు ఖారారైంది. అతడు అద్భుతమైన ఆటగాడు. అతడు విఫలమైన మ్యాచ్‌లు ఒకటి లేదా రెండు మాత్రమే ఉంటాయి. ప్రపంచకప్‌లో రోహిత్‌ శర్మ, ధావన్‌ను ఓపెనర్లుగా ఉండాలని సెలక్టర్లు ఇప్పటికే నిర్ణయించారని నేను భావిస్తున్నాను" పేర్కొన్నాడు. చదవండి: Ravindra Jadeja: తన క్రష్‌ ఏంటో చెప్పిన జడేజా.. షాకైన అభిమానులు

టీ20 ప్రపంచకప్‌-2022 ఆస్ట్రేలియా వేదికగా జరగనున్న సంగతి తెలిసిందే. ఈ మెగా ఈవెంట్‌లో పాల్గొనే జట్లు అన్నీ తమ సన్నాహాకాలను కూడా ప్రారంభించాయి. ఇక ఈ టోర్నీకి దాదాపు నెల రోజుల సమయం ఉన్నప్పటకీ.. క్రికెట్‌ నిపుణులు, మాజీలు మాత్రం టోర్నీ విజేతలను ముందుగానే అంచనా వేస్తున్నారు. తాజాగా ఈ జాబితాలోకి భారత మాజీ ఆటగాడు సబా కరీం చేరాడు. ఈ ఏడాది టీ20 ప్రపంచకప్‌ను గెలిచే సత్తా అతిథ్య ఆస్ట్రేలియాకు ఉంది అని అతడు జోస్యం చెప్పాడు. కాగా టీ20 ప్రపంచకప్‌-2022లో ఆస్ట్రేలియా డిఫెండింగ్‌ ఛాంపియన్స్‌గా బరిలోకి దిగనుంది. గతేడాది దుబాయ్‌ వేదికగా జరిగిన ఫైనల్లో న్యూజిలాండ్‌ను ఓడించి తొలి సారి టీ20 ప్రపంచకప్‌ టైటిల్‌ను ఆసీస్‌ ముద్దాడింది. ఇక ఇది ఇలా ఉండగా.. బ్యాటింగ్‌ పరంగా ప్రస్తుతం ఆస్ట్రేలియా పటిష్టంగా కన్పిస్తోంది అని కరీమ్ అభిప్రాయపడ్డాడు. ఈ క్రమంలో స్పోర్ట్స్‌18తో కరీం మాట్లాడూతూ.. "ఈ ఏడాది టీ20 ప్రపంచకప్‌ను ఆస్ట్రేలియా మళ్లీ సొంతం చేసుకుంటుందని భావిస్తున్నాను. ఆస్ట్రేలియా ప్రస్తుతం టీ20 క్రికెట్‌లో అద్భుతంగా రాణిస్తోంది. ముఖ్యం వారు తమ సొంత గడ్డపై ఆడనున్నారు. అది వారికి బాగా కలిసి వస్తుంది. అదే విధంగా ఆసీస్‌ ప్రస్తుతం కొత్త లూక్‌లో కన్పిస్తోంది. ఇటువంటి మెగా టోర్నమెంట్‌లలో విజయం సాధించడానికి తగ్గట్టుగా తమ జట్టును ఆసీస్‌ తాయారు చేసుకుంది. ఇక ఆస్ట్రేలియాలో గ్రౌండ్‌లు పెద్దగా ఉంటాయి. కాబట్టి ప్రతీ జట్టుకు పవర్‌ హిట్టర్‌లు అవసరం. ఆసీస్‌ జట్టులో టిమ్‌ డేవిడ్‌, గ్లెన్‌ మాక్స్‌వెల్‌ వంటి హిట్టర్లు ఉన్నారు. కాగా ప్రస్తుతం మిచెల్‌ మార్ష్‌, స్టోయినిస్‌ జట్టుకు దూరంగా ఉన్నారు. వారిద్దరూ తిరిగి మళ్లీ జట్టులోకి వస్తే ఆసీస్‌కు ప్రపంచకప్‌లో ఇక తిరుగుండదు" అని పేర్కొన్నాడు.  కాగా ఆస్ట్రేలియా జట్టు ప్రస్తుతం మూడు టీ20ల సిరీస్‌ నిమిత్తం భారత్‌లో పర్యటిస్తోంది. మొహాలీ వేదికగా జరిగిన తొలి టీ20లో విజయం సాధించిన ఆసీస్‌.. ఈ సిరీస్‌లో 1-0తేడాతో ముందుంజలో ఉంది. ఇక నాగ్‌పూర్‌ వేదికగా ఇరు జట్లు మధ్య రెండో టీ20 శుక్రవారం జరగనుంది. చదవండి: T20 WC 2022: పంత్‌కు కచ్చితంగా తుది జట్టులో చోటు ఇవ్వాల్సిందే: ఆసీస్‌ దిగ్గజం

T20 World Cup 2022- Team India- Rahul Dravid: ఆసియా కప్‌-2022 టోర్నీలో డిపెండింగ్‌ చాంపియన్‌గా బరిలోకి దిగిన టీమిండియా కనీసం ఫైనల్‌ కూడా చేరుకుండానే ఇంటిబాట పట్టడం అభిమానులను తీవ్ర నిరాశకు గురిచేసింది. పొట్టి ఫార్మాట్‌లో వరుస విజయాలతో దూసుకుపోతూ హాట్‌ ఫేవరెట్‌గా మెగా ఈవెంట్‌లో అడుగుపెట్టిన రోహిత్‌ సేన.. అనవసర తప్పిదాలతో భారీ మూల్యం చెల్లించుకున్న సంగతి తెలిసిందే. జట్టు ఎంపిక మొదలు తుది జట్టు కూర్పు వరకు కొన్నిసార్లు మేనేజ్‌మెంట్‌ తీసుకున్న నిర్ణయాలు ఫ్యాన్స్‌తో పాటు విశ్లేషకులను ఆశ్చర్యానికి గురిచేశాయి. వరుస విజయాలు.. కానీ అసలు పోరులో చేతులెత్తేశారు! కాగా.. కెప్టెన్‌ రోహిత్‌.. హెడ్‌కోచ్‌గా రాహుల్‌ ద్రవిడ్‌ పగ్గాలు చేపట్టిన తర్వాత జరిగిన మొట్టమొదటి మెగా టోర్నీ ఇది. ఈ ఈవెంట్‌కు ముందు.. వీరిద్దరి నేతృత్వంలో టీమిండియా టీ20 ఫార్మాట్‌లో దుమ్ములేపిన విషయం తెలిసిందే. వరుస విజయాలతో ప్రపంచ రికార్డులు సృష్టించింది. కానీ.. టీ20 ప్రపంచకప్‌-2022కు సన్నాహకంగా భావించిన ఆసియా కప్‌ ఈవెంట్లో మాత్రం చతికిలపడింది.  ఇదిలా ఉంటే.. ఓవైపు దాయాది పాకిస్తాన్‌.. మరోవైపు పెద్దగా అంచనాలు లేకుండా బరిలోకి దిగిన పొరుగు దేశం శ్రీలంక ఫైనల్‌కు చేరుకున్నాయి. ఈ నేపథ్యంలో టీమిండియా మాజీ సెలక్టర్‌ సబా కరీం.. టీమిండియా హెడ్‌కోచ్‌ రాహుల్‌ ద్రవిడ్‌ను ఉద్దేశించి కీలక వ్యాఖ్యలు చేశాడు. హనీమూన్‌ పీరియడ్‌ అయిపోయింది.. ఆసియా కప్‌లో టీమిండియా ప్రదర్శన ద్రవిడ్‌కు కష్టకాలం తెచ్చిపెట్టిందని.. భవిష్యత్తులో అతడు మరిన్ని కఠిన సవాళ్లు ఎదుర్కోవాల్సి ఉందన్నాడు. అదే విధంగా రానున్న రెండు మెగా ఐసీసీ ఈవెంట్లలో గెలిస్తేనే కోచ్‌గా అతడికి సంతృప్తి దొరుకుతుందని పేర్కొన్నాడు.  ఈ మేరకు స్పోర్ట్స్ 18తో మాట్లాడుతూ.. ‘‘తన హనీమూన్‌ పీరియడ్‌ అయిపోయిందని రాహుల్‌ ద్రవిడ్‌కు తెలుసు. జట్టును అత్యుత్తమ స్థితిలో నిలిపేందుకు తన వంతు కృషి చేస్తున్నాడు. అప్పుడే ద్రవిడ్‌కు సంతృప్తి కానీ అతడి ప్రయత్నాలు అందుకు సరిపోవడం లేదు. నిజంగా రాహుల్‌ ద్రవిడ్‌కు ఇది కష్టకాలం. టీ20 వరల్డ్‌కప్‌, వన్డే వరల్డ్‌కప్‌ రూపంలో రెండు మెగా ఐసీసీ ఈవెంట్లు ముందున్నాయి. ఈ రెండు టోర్నీల్లో ఇండియా గెలిస్తేనే రాహుల్‌ ద్రవిడ్‌కు సంతృప్తి దొరుకుతుంది’’ అని సబా కరీం పేర్కొన్నాడు. అదే విధంగా తన మార్గదర్శనంలో సెనా(SENA- సౌతాఫ్రికా, ఇంగ్లండ్‌, న్యూజిలాండ్‌, ఆస్ట్రేలియా) దేశాల్లో టీమిండియా టెస్టు సిరీస్‌లు గెలిస్తే ద్రవిడ్‌ సంతోషడతాడంటూ చెప్పుకొచ్చాడు. చదవండి: రవీంద్ర జడేజాపై బీసీసీఐ తీవ్ర ఆగ్రహం

ఆసియాకప్‌-2022 సూపర్‌-4లో భాగంగా డూ ఆర్‌ డై  మ్యాచ్‌లో శ్రీలంకతో తలపడేందుకు భారత్‌ సిద్దమైంది. ఈ మ్యాచ్‌ దుబాయ్‌ వేదికగా మంగళవారం సాయంత్రం 7:30 గంటలకు ప్రారంభం కానుంది. కాగా భారత్‌ తమ సూపర్‌-4 తొలి మ్యాచ్‌లో పాక్‌ చేతిలో ఓటమి పాలవ్వడంతో ఈ మ్యాచ్‌ కీలకంగా మారింది. భారత్‌ ఫైనల్‌కు చేరాలంటే వరుసగా శ్రీలంక, ఆఫ్గానిస్తాన్‌పై విజయం సాధించాలి. ఇక గత మ్యాచ్‌లో పాక్‌పై జట్టులో నాలుగు మార్పులతో బరిలోకి దిగిన టీమిండియా.. శ్రీలంకతో మ్యాచ్‌లో జట్టులో ఏమైనా మార్పులు చేస్తుందా లేదా అదే జట్టుతో ఆడుతోందా అన్న ఆసక్తి అందరిలో నెలకొంది. ఈ క్రమంలో శ్రీలంకతో కీలక పోరుకు టీమిండియా ప్లేయింగ్‌ ఎలెవన్‌లో వెటరన్ ఆఫ్ స్పిన్నర్ రవిచంద్రన్ అశ్విన్‌ని ఎంపిక చేయాలని భారత మాజీ క్రికెటర్‌ సబా కరీం సూచించాడు. కాగా ఈ మెగా ఈవెంట్‌లో ఇప్పటి వరకు అశ్విన్‌ కేవలం బెంచ్‌కే పరిమితమయ్యాడు. ఈ నేపథ్యంలో ఇండియా స్పోర్ట్స్‌ న్యూస్‌తో కరీం మాట్లాడుతూ.. శ్రీలంకతో జరిగే కీలక మ్యాచ్‌కు హుడా స్థానంలో అశ్విన్‌ను జట్టులోకి తీసుకోవాలి. ఈ మ్యాచ్‌లో హార్దిక్ పాండ్యాతో కలిపి ఆరుగురు బౌలర్లతో బరిలోకి దిగాలి. అశ్విన్‌ అద్భుతమైన ఆఫ్‌ స్పిన్నర్‌. అతడికి కీలక సమయాల్లో వికెట్లు తీసే సత్తా ఉంది అని" కరీం పేర్కొన్నాడు. శ్రీలంకతో మ్యాచ్‌కు భారత తుది జట్టు (అంచనా).. కేఎల్‌ రాహుల్, రోహిత్ శర్మ(కెప్టెన్‌), విరాట్ కోహ్లి, సూర్యకుమార్ యాదవ్, దీపక్ హుడా, హార్దిక్ పాండ్యా, దినేశ్‌ కార్తీక్‌ (వికెట్‌ కీపర్‌), అక్షర్‌ పటేల్‌, భువనేశ్వర్ కుమార్, రవి బిష్ణోయ్, అర్షదీప్‌ సింగ్ చదవండి: Asia Cup 2022: 'శ్రీలంకతో కీలక పోరు.. చాహల్‌ను పక్కన పెట్టి అతడిని తీసుకోండి'

ఆసియాకప్‌-2022 టోర్నీ మధ్య నుంచి భారత్‌ స్టార్‌ ఆల్‌రౌండర్‌ రవీంద్ర జడేజా గాయం కారణంగా తప్పుకున్న సంగతి తెలిసిందే. దీం‍తో అతడి స్థానంలో స్టాండ్‌బైగా ఉన్న అక్షర్‌ పటేల్‌ను బీసీసీఐ ఎంపిక చేసింది. అయితే బీసీసీఐ తీసుకున్న ఈ నిర్ణయాన్ని భారత మాజీ ఆటగాడు సబా కరీమ్ తప్పుబట్టాడు. అక్షర్‌ పటేల్‌ బదులగా పేసర్‌ దీపక్‌ చహర్‌ను జట్టులోకి తీసుకోవాల్సింది అని కరీమ్‌ అభిప్రాయపడ్డాడు. ఈ క్రమంలో ఇండియా న్యూస్‌తో కరీమ్‌ మాట్లాడుతూ.. ఈ మెగా ఈవెంట్‌ తొలి రెండు మ్యాచ్‌ల్లో భారత పేసర్లు ప్రధాన పాత్ర పోషించారు. పాకిస్తాన్‌తో సూపర్‌-4 మ్యాచ్‌లో ముగ్గురు పేసర్లతో బరిలోకి దిగడం మనం చూశాం. కాబట్టి గాయపడిన జడేజా స్థానంలో పేసర్‌ దీపక్ చాహర్‌ను ఎంపిక చేయాల్సింది. చాహర్‌  టీ20 స్పెషలిస్టు. అతడికి కొత్త బంతితో వికెట్లు తీసే సత్తా ఉంది. అతడు జట్టులో ఉంటే పాకిస్తాన్‌ అంత పెద్ద టార్గెట్‌ను చేధించేది కాదు. కాగా ఇప్పటికే భారత జట్టులో ముగ్గురు స్పిన్నర్లు ఉన్నారు. ఇప్పుడు అక్షర్‌ రూపంలో నాలుగో స్పిన్నర్‌ను ఎందుకు జట్టులోకి తీసుకున్నారో నాకు అర్ధం కావడం లేదని పేర్కొన్నాడు. ఇక  ఆసియాకప్‌ సూపర్‌-4లో భాగంగా మంగళవారం శ్రీలంకతో భారత్‌ తాడోపేడో తెల్చుకోనుంది. చదవండి: కోహ్లిపై మండిపడ్డ బీసీసీఐ.. మళ్లీ అగ్గి రాజేసిన రన్‌ మెషీన్‌ వ్యాఖ్యలు 

Asia Cup 2022 Super 4 - India Vs Pakistan: ఆసియా కప్‌-2022 టోర్నీ తుది అంకానికి చేరుకుంటోంది. గ్రూప్‌- ఏ నుంచి టీమిండియా- పాకిస్తాన్‌, గ్రూప్‌- బి నుంచి అఫ్గనిస్తాన్‌- శ్రీలంక సూపర్‌-4కు చేరుకున్నాయి. ఈ క్రమంలో గ్రూప్‌- బిలోని అఫ్గన్‌- లంక జట్టు షార్జా వేదికగా సూపర్‌-4 స్టేజ్‌లో శనివారం మొదటి మ్యాచ్‌ ఆడనున్నాయి. మరో బిగ్‌ సండే ఆ మరుసటి రోజే మరో బిగ్‌ మ్యాచ్‌ జరుగనుంది. దుబాయ్‌ వేదికగా ఇండియా- పాకిస్తాన్‌ తలపడనున్నాయి. ఈ మెగా ఈవెంట్‌ తాజా ఎడిషన్‌లో దాయాదులు ముఖాముఖి పోటీపడటం ఇది రెండోసారి. ఫైనల్‌కు చేరే క్రమంలో కీలకమైన పోరులో చిరకాల ప్రత్యర్థుల మ్యాచ్‌పై భారీ అంచనాలు నెలకొన్నాయి. ముఖ్యంగా భారత తుది జట్టు కూర్పు ఎలా ఉంటుందన్న అంశంపై క్రీడావర్గాల్లో ఆసక్తికర చర్చ నడుస్తోంది. సబా కరీం వాళ్లిద్దరికీ అవకాశం ఇవ్వాలి! ఈ నేపథ్యంలో టీమిండియా మాజీ సెలక్టర్‌ సబా కరీం కీలక వ్యాఖ్యలు చేశాడు. యువ బౌలర్లు ఆవేశ్‌ ఖాన్‌, అర్ష్‌దీప్‌ సింగ్‌కు పాక్‌ మ్యాచ్‌లో అవకాశం ఇవ్వాలని అభిప్రాయపడ్డాడు. కాగా హాంగ్‌ కాంగ్‌తో మ్యాచ్‌లో ఈ ఇద్దరు యువ పేసర్లు తేలిపోయిన విషయం తెలిసిందే. పసికూనతో మ్యాచ్‌లో ఆవేశ్‌ ఖాన్‌ ఏకంగా 53 పరుగులు ఇవ్వగా.. అర్ష్‌దీప్‌ 44 పరుగులు సమర్పించుకుని చెరో వికెట్‌ తీశారు. వీరిద్దరి బౌలింగ్‌లో హాంగ్‌ కాంగ్‌ బ్యాటర్లు ఏకంగా 97 పరుగులు రాబట్టారు. దీంతో వీళ్లిద్దరి ఆట తీరుపై తీవ్ర స్థాయిలో విమర్శలు వెల్లువెత్తాయి. వీళ్లను నమ్ముకుంటే కీలక మ్యాచ్‌లలో నట్టేట ముంచుతారనే అభిప్రాయాలు వ్యక్తమయ్యాయి. సమస్య అదే! అందుకే మునుపటి జట్టుతోనే ఈ నేపథ్యంలో సబా కరీం మాత్రం ఆవేశ్‌ ఖాన్‌, అర్ష్‌దీప్‌ సింగ్‌లకు అండగా నిలిచాడు. ఇండియా న్యూస్‌తో మాట్లాడుతూ.. ‘‘ఆవేశ్‌ ఖాన్‌, అర్ష్‌దీప్‌ సింగ్‌లు ఇప్పుడిప్పుడే తమను తాము నిరూపించుకుంటున్నారు. వాళ్లు మరింత అనుభవం గడించాల్సి ఉంది. అంతేగానీ.. ఒకటీ రెండు ప్రదర్శనల కారణంగా వారిని తుది జట్టు నుంచి తప్పించడం సరికాదు.  ఫామ్‌తో సంబంధం లేకుండా జట్టులో కచ్చితంగా ముగ్గురు సీమర్లు ఉండాల్సిందే. కాబట్టి గత మ్యాచ్‌లో ఆడించిన జట్టుతోనే ముందుకు వెళ్లాలి. పాకిస్తాన్‌తో మ్యాచ్‌లో మునుపటి జట్టును కొనసాగించాలి. ఎందుకంటే.. ముగ్గురు స్పిన్నర్లతో బరిలోకి దిగితే.. కచ్చితంగా ఒకరికి పవర్‌ ప్లేలో ఒకటీ లేదంటే రెండు ఓవర్లు ఇవ్వాలి. అయితే, పాకిస్తాన్‌తో మ్యాచ్‌ కాబట్టి రిస్క్‌ తీసుకోకూడదు. పాక్‌తో గత మ్యాచ్‌లో పేసర్లు అద్బుతంగా ఆడారు. అందుకే మార్పుల్లేకుండానే సూపర్‌-4 మొదటి మ్యాచ్‌ ఆడితే మంచిది’’ అని అభిప్రాయపడ్డాడు. కాగా ఆసియా కప్‌ 15 ఎడిషన్‌లో పాకిస్తాన్‌తో ఆరంభ మ్యాచ్‌లో ఆవేశ్‌ ఖాన్‌ రెండు ఓవర్లు బౌలింగ్‌ చేసి 19 పరుగులు ఇచ్చాడు. ఒక వికెట్‌(ఫఖర్‌ జమాన్‌) తన ఖాతాలో వేసుకున్నాడు. మరోవైపు.. అర్ష్‌దీప్‌ సింగ్‌ 3.5 ఓవర్ల బౌలింగ్‌లో 33 పరుగులు ఇచ్చి 2 వికెట్లు తీశాడు. చదవండి: Asia Cup 2022: మరోసారి తలపడనున్న భారత్‌-పాక్‌.. సూపర్‌-4 షెడ్యూల్‌ ఇదే Asia Cup 2022: రోహిత్‌, బాబర్‌ సేనలకు భారీ షాక్‌ var request = 'https://www.sakshi.com/knowwidget/kwstr_4771481161.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

Asia Cup 2022- Rishabh Pant: ఆసియా కప్‌-2022 టోర్నీలో టీమిండియా యువ వికెట్‌ కీపర్‌ బ్యాటర్‌ రిషభ్‌ పంత్‌కు తుది జట్టులో స్థానం దక్కకపోవచ్చని మాజీ సెలక్టర్‌ సబా కరీం అభిప్రాయపడ్డాడు. మిగిలిన మ్యాచ్‌లలో కూడా టీమిండియా.. దినేశ్‌ కార్తిక్‌తోనే బరిలోకి దిగుతుందని అంచనా వేశాడు. కాగా మెగా ఈవెంట్‌లో పాకిస్తాన్‌తో తొలి మ్యాచ్‌ ఆడిన భారత తుది జట్టులో చోటు దక్కలేదన్న సంగతి తెలిసిందే. పంత్‌ను కాదని! పంత్‌ను కాదని అనుభవజ్ఞుడైన, ఫినిషర్‌గా ఆకట్టుకుంటున్న దినేశ్‌ కార్తిక్‌(డీకే) వైపే యాజమాన్యం మొగ్గుచూపింది. అందుకు తగ్గట్టుగానే వికెట్‌ కీపర్‌ డీకే.. పాక్‌తో మ్యాచ్‌లో ఆకట్టుకున్నాడు. ప్రత్యర్థి జట్టు కీలక ఆటగాళ్లు ఇచ్చిన క్యాచ్‌లను ఒడిసిపట్టడంలో ఏమాత్రం నిర్లక్ష్యం చేయలేదు. ఫఖర్‌ జమాన్‌, ఇఫ్తికర్‌ అహ్మద్‌, నవాజ్‌లను పెవిలియన్‌కు పంపడంలో తన వంతు పాత్ర పోషించాడు. ఆకట్టుకున్న జడేజా! మరోవైపు ఆల్‌రౌండర్‌ రవీంద్ర జడేజా నాలుగో స్థానంలో బరిలోకి దిగి అదరగొట్టాడు. 29 బంతుల్లో 2 ఫోర్లు, 2 సిక్సర్ల సాయంతో 35 పరుగులు చేశాడు. తద్వారా జట్టు విజయంలో కీలకంగా మారాడు ఈ లెఫ్ట్‌ హ్యాండ్‌ బ్యాటర్‌. ఈ నేపథ్యంలో సబా కరీం.. పంత్‌ గురించి కీలక వ్యాఖ్యలు చేశాడు. ఈ ఎడమచేతి వాటం గల బ్యాటర్‌కు మున్ముందు అవకాశాలు కష్టతరంగా మారే అవకాశం ఉందని అభిప్రాయం వ్యక్తం చేశాడు. పంత్‌కు చోటు కష్టమే! ఈ మేరకు సబా కరీం మాట్లాడుతూ.. ‘‘టీ20లలో భారత తుది జట్టులో పంత్‌కు చోటు కష్టంగా కనిపిస్తోంది. పూర్తిగా కాకపోయినా.. ఆసియా కప్‌ వరకైనా టీమిండియా దినేశ్‌ కార్తిక్‌నే వికెట్‌ కీపర్‌గా కొనసాగించే అవకాశం ఉంది. ఎందుకంటే నాలుగో స్థానంలో రవీంద్ర జడేజాను పంపాలని నిర్ణయించుకున్నారు. జడ్డూ సైతం పాక్‌తో మ్యాచ్‌లో తనదైన ఆట తీరుతో ఆకట్టుకున్నాడు. అంతేకాదు నాలుగో స్థానానికి తాను సరిపోతానని నిరూపించాడు. ఐదో స్థానంలోనూ ఈ లెఫ్టాండర్‌ రాణించగలడు. ఇక లోయర్‌ ఆర్డర్‌ గురించి చెప్పనవసరం లేదు. ఇలాంటి పరిస్థితుల్లో మరో లెఫ్టాండర్‌ బ్యాటర్‌ పంత్‌కు అవకాశం ఇవ్వాలంటే డీకే తన స్థానాన్ని త్యాగం చేయాల్సి ఉంటుంది. కానీ.. అతడిని వికెట్‌ కీపర్‌గా ఆడిస్తున్నారు. రాహుల్‌ను తప్పిస్తే తప్ప! ఫినిషర్‌గానూ పని పూర్తి చేయగలడు. కాబట్టి ప్రస్తుత పరిస్థితుల్లో రిషభ్‌ పంత్‌కు తుది జట్టులో చోటు దక్కే అవకాశమే కనిపించడం లేదు’’ అని చెప్పుకొచ్చాడు. ఓపెనర్‌ కేఎల్‌ రాహుల్‌ పేలవ ఫామ్‌ కొనసాగితే.. ఓపెనర్‌ స్థానం ఖాళీ అయితే తప్ప పంత్‌కు ఛాన్స్‌ రాదని అభిప్రాయపడ్డాడు. అయితే, పాక్‌తో మ్యాచ్‌కు ముందు సబా కరీం తన అభిప్రాయాలు పంచుకుంటూ.. రిషభ్‌ పంత్‌ను ఎక్స్‌ ఫ్యాక్టర్‌గా అభివర్ణించిన విషయం తెలిసిందే. ఈ నేపథ్యంలో తన ప్రస్తుత వ్యాఖ్యలను సమర్థించుకుంటూ.. ‘‘ఒంటిచేత్తో మ్యాచ్‌ను గెలిపించగల సత్తా ఉన్న ప్లేయర్‌ను పక్కన పెడతారని ఎవరూ అనుకోరు. నాకైతే దినేశ్‌ కార్తిక్‌ కంటే ఇప్పటికీ తనే బెటర్‌ అనిపిస్తాడు’’ అని పేర్కొన్నాడు. అయితే, కొన్నిసార్లు జట్టు ప్రయోజనాల దృష్ట్యా కొంతమంది ఆటగాళ్లు త్యాగం చేయాల్సి ఉంటుందని పరోక్ష వ్యాఖ్యలు చేశాడు. ఇక హాంకాంగ్‌తో టీమిండియా ఆసియా కప్‌ ఈవెంట్‌లో దుబాయ్‌ వేదికగా బుధవారం(ఆగష్టు 31)తమ రెండో మ్యాచ్‌ ఆడనుంది.  చదవండి: Asia Cup 2022: శ్రీలంకతో మ్యాచ్‌! మాకు చావో రేవో తేల్చుకోవాల్సిన పరిస్థితి..

Asia Cup 2022: క్రికెట్‌ ప్రేమికులు ఆసక్తిగా ఎదురుచూస్తున్న మెగా టోర్నీకి సమయం ఆసన్నమైంది. ఆసియా కప్‌-2022 ఆరంభానికి కౌంట్‌డౌన్‌ మొదలైంది. దుబాయ్‌ వేదికగా ఆగష్టు 27న ఈ ప్రతిష్టాత్మక ఈవెంట్‌కు తెరలేవనుంది. ఇక ఆసియా కప్‌ ట్రోఫీని అందుకున్న జట్టుకు టీమిండియాకు పేరున్న విషయం తెలిసిందే.  భారత జట్టు ఇప్పటివరకు అత్యధిక ఏడుసార్లు విజేతగా నిలిచింది. ఇక ఈసారి కూడా ఈ డిఫెండింగ్‌ చాంపియన్‌ ఫేవరెట్‌గానే బరిలోకి దిగుతోంది. కెప్టెన్ రోహిత్‌ శర్మ, విరాట్‌ కోహ్లి, దినేశ్‌ కార్తిక్‌, కేఎల్‌ రాహుల్‌ వంటి సీనియర్లతో పాటు యువ ఆటగాళ్లు రిషభ్‌ పంత్‌, అర్ష్‌దీప్‌ సింగ్‌ తదితరులు జట్టులో చోటుదక్కించుకున్నారు. ఈ నేపథ్యంలో టీమిండియా మాజీ సెలక్టర్‌ సబా కరీం ఆసక్తికర వ్యాఖ్యలు చేశాడు. తానైతే తుది జట్టులో వికెట్‌ కీపర్‌గా దినేశ్‌ కార్తిక్‌కు మాత్రం అవకాశం ఇవ్వనని పేర్కొన్నాడు. రిషభ్‌ పంత్‌కే ఆ ఛాన్స్‌ ఇస్తానని స్పష్టం చేశాడు. మెగా టోర్నీలో పంత్‌ టీమిండియాకు ఎక్స్‌ ఫ్యాక్టర్‌(కీలక ఆటగాడు) కాగలడని అభిప్రాయపడ్డాడు. కాగా ఐపీఎల్‌-2022లో ఆర్సీబీ ఫినిషర్‌గా అద్భుత ప్రదర్శన కనబరిచి వెటరన్‌ బ్యాటర్‌ దినేశ్‌ కార్తిక్‌ భారత జట్టులోకి పునరాగమనం చేసిన విషయం తెలిసిందే. ఈ క్రమంలో పంత్‌తో పాటు డీకేకు కూడా వికెట్‌ కీపర్‌గా అవకాశాలు వస్తున్నాయి.  ఈ నేపథ్యంలో సబా కరీం స్పోర్ట్స్‌ ఓవర్‌ ది టాప్‌ షోలో మాట్లాడుతూ.. ‘‘తుదిజట్టులో ఒకే ఒక వికెట్‌ కీపర్‌ బ్యాటర్‌ ఉండాలి కదా! కేఎల్‌ రాహుల్‌, విరాట్‌ కోహ్లితో పాటు రిషభ్‌ పంత్‌ ఎంతో కీలకం. కాబట్టి దినేశ్‌ కార్తిక్‌ బదులు నేను పంత్‌కే నా జట్టులో స్థానం ఇస్తాను. టీమిండియాలో తను కీలక బ్యాటర్‌. ఈ టోర్నీలో అతడు అద్భుతమైన ప్రదర్శనతో ఆకట్టుకుంటాడని భావిస్తున్నా’’ అని తెలిపాడు. టీ20 ప్రపంచకప్‌-2022కు ముందు ఈ మెగా టోర్నీ ఆడటం అతడికి ఉపకరిస్తుందని అభిప్రాయపడ్డాడు. చదవండి: Rohit Sharma: షాట్లతో అలరించిన రోహిత్‌, కోహ్లి! మరీ ఇంత హైప్‌ అవసరం లేదు! ఆఫ్రిది లేకున్నా మాకు ఆ ముగ్గురు ఉన్నారు.. భారత బ్యాటర్లకు సవాల్‌! ముందు అరంగేట్రం చేయనివ్వు! var request = 'https://www.sakshi.com/knowwidget/kwstr_4771481161.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

వెస్టిండీస్‌తో జరుగుతోన్న టీ20 సిరీస్‌కు టీమిండియా స్టార్‌ బ్యాటర్‌ విరాట్‌ కోహ్లి దూరం కావడంతో అతడి స్థానంలో శ్రేయస్‌ అయ్యర్‌ బ్యాటింగ్‌ వస్తున్న సంగతి తెలిసిందే. అయితే మూడో స్థానంలో బ్యాటింగ్‌కు వస్తున్న శ్రేయస్‌ అయ్యర్‌( 0 ,10,24) ఆడిన మూడు మ్యాచ్‌ల్లో అయ్యర్‌ పూర్తిగా నిరాశపరిచాడు. ఈ క్రమంలో అయ్యర్‌ స్థానంలో దీపక్‌ హుడాకు అవకాశం ఇవ్వాలని మాజీలు క్రికెట్‌ నిపుణులు సూచిస్తున్నారు. ఐర్లాండ్‌ సిరీస్‌లో మూడో స్థానంలో బ్యాటింగ్‌కు వచ్చిన దీపక్‌ హుడా అదరగొట్టాడు. ఈ సిరీస్‌లో అతడు అద్భుతమైన సెంచరీ కూడా సాధించాడు. ఈ నేపథ్యంలో భారత మాజీ ఆటగాడు సబా కరీమ్ కీలక వాఖ్యలు చేశాడు. ఆసియాకప్‌లో టీమిండియా బ్యాకప్ నంబర్ త్రీ బ్యాటర్‌గా శ్రేయాస్ అయ్యర్, దీపక్ హుడాలో ఎవరు ఉండాలనేది సెలక్టర్లు నిర్ణయించడానికి ఇదే సరైన సమయమని కరీం అభిప్రాయపడ్డాడు. ఇండియా న్యూస్ స్పోర్ట్స్‌తో కరీం మాట్లాడుతూ.. "విరాట్‌ కోహ్లి జట్టులో ఉంటే  అతడే  సహజంగా నంబర్ 3లో బ్యాటింగ్‌కు వస్తాడు. ఒక వేళ కోహ్లి అందుబాటులో లేకపోతే అతడికి బ్యాకప్ బ్యాటర్‌గా ఎవరు ఉండాలో సెలెక్టర్లు నిర్ణయించే సమయం ఆసన్నమైంది. సెలెక్టర్లు శ్రేయస్‌ అయ్యర్‌ కొనసాగించాలని అనుకుంటే అతడికి ప్రతీ మ్యాచ్‌లోనూ అవకాశాలు ఇవ్వాలి. అతడు తన ఫామ్‌ను తిరిగి పొందుతాడని ఆశిస్తున్నాను. అయితే జట్టు మేనేజేమెంట్‌ ప్రయోగాలు చేయాలని భావిస్తే దీపక్‌ హుడాకు కూడా ఛాన్స్‌ ఇవ్వడానికి ఇదే సరైన సమయం. హుడా బ్యాట్‌తో బాల్‌తోనూ అద్భుతంగా రాణించగలడు. అది జట్టుకు చాలా ఉపయోగపడుతుంది. అయితే అతడిని నాలుగో స్థానానికి భారత్‌ సిద్దం చేస్తున్నట్లు ఉంది. ఎందుకంటే ఒకట్రెండు ఓవర్లలో ఓపెనర్ల వికెట్లను భారత్‌ కోల్పోతే ఇన్నింగ్స్‌ చక్కదిద్దే సత్తా  హుడాకి ఉంది" అని పేర్కొన్నాడు. చదవండి: India Probable XI: ఓపెనర్‌గా ఇషాన్‌ కిషన్‌.. అవేష్‌ ఖాన్‌కు నో ఛాన్స్‌!

India Vs West Indies 3rd T20- Suryakuma Yadav: వెస్టిండీస్‌తో మూడో టీ20లో అదిరిపోయే ప్రదర్శనతో ఆకట్టుకున్నాడు టీమిండియా బ్యాటర్‌ సూర్యకుమార్‌ యాదవ్‌. కెప్టెన్‌ రోహిత్‌ శర్మకు జోడీగా ఓపెనర్‌గా బరిలోకి దిగి ఫోర్లు, సిక్సర్లతో చెలరేగి 76 పరుగులు సాధించాడు. తద్వారా భారత్‌ విజయంలో కీలక పాత్ర పోషించి ప్లేయర్‌ ఆఫ్‌ ది మ్యాచ్‌గా నిలిచాడు సూర్య. కాగా నాలుగో స్థానంలో అద్భుతంగా రాణించే ఈ ముంబై బ్యాటర్‌ను విండీస్‌ పర్యటనలో ఓపెనర్‌గా పంపడంపై మాజీ క్రికెటర్లు విమర్శలు గుప్పిస్తున్న సంగతి తెలిసిందే. మొదటి రెండు మ్యాచ్‌లలో ఓపెనర్‌గా సూర్య నిరాశపరచడం(వరుసగా 24,11)తో మాజీ సారథి క్రిష్టమాచారి శ్రీకాంత్‌ సహా పలువురు మేనేజ్‌మెంట్‌ నిర్ణయాన్ని తప్పుబడుతున్నారు. అయితే, రోహిత్‌ శర్మ మాత్రం ఎప్పటికప్పుడు తమ నిర్ణయాన్ని సమర్థించుకుంటూనే ఉన్నాడు. టీ20 వరల్డ్‌కప్‌-2022 సన్నాహకాల్లో భాగంగానే ప్రయోగాలు చేస్తున్నట్లు వెల్లడించాడు. ఈ నేపథ్యంలో మూడో టీ20లో సూర్య రాణించడంతో టీమిండియా, ఫ్యాన్స్‌ ఖుషీ అవుతుండగా.. భారత జట్టు మాజీ సెలక్టర్‌, వికెట్‌ కీపర్‌ సబా కరీం మాత్రం భిన్నంగా స్పందించాడు. సబా కరీం నాలుగో స్థానంలో వస్తేనే! ఈ మ్యాచ్‌లో సూర్య ఓపెనర్‌గా రాణించినా.. బ్యాటింగ్‌ ఆర్డర్‌లో నాలుగో స్థానమే అతడికి అత్యుత్తమమైందని పేర్కొన్నాడు. ముఖ్యంగా ఐసీసీ టోర్నీల్లో సూర్యను మిడిలార్డర్‌లో ఆడిస్తేనే ఫలితం బాగుంటుందని అభిప్రాయపడ్డాడు. ఈ మేరకు ఇండియా న్యూ స్పోర్ట్స్‌తో సబా కరీం మాట్లాడుతూ.. ‘‘ఐసీసీ ఈవెంట్లలో బ్యాటింగ్‌ ఆర్డర్‌లో నాలుగో స్థానం అనేది అత్యంత కీలకమైనది. అక్కడ సూర్యకుమార్‌ లాంటి ఆటగాడి అవసరం ఎంతగానో ఉంటుంది. పేసర్లనైనా.. స్పిన్నర్లనైనా అతడు సమర్థవంతంగా ఎదుర్కోగలడు. మెరుగైన స్ట్రైక్‌ రేటుతో బ్యాటింగ్‌ చేయగలడు. ఇప్పటికీ తను నాలుగో స్థానానికి మాత్రమే సరైనవాడని నేను బలంగా నమ్ముతున్నాను’’ అని పేర్కొన్నాడు.  అవును మిడిలార్డర్‌లో అయితేనే! టీమిండియా మరో మాజీ క్రికెటర్‌ రితీందర్‌ సోధి సైతం అంతర్జాతీయ క్రికెట్‌లో ఇప్పటికే పలు అద్భుత ఇన్నింగ్స్‌ ఆడి సూర్యకుమార్‌ తానేంటో నిరూపించుకున్నాడన్నాడు. అతడు అత్యుత్తమ మిడిలార్డర్‌ బ్యాటర్‌ అని కొనియాడాడు. నాలుగో స్థానంలో బ్యాటింగ్‌కు దిగితేనే సూర్య మరింత గొప్పగా రాణించగలుగుతాడని అభిప్రాయపడ్డాడు. కాగా ఇంగ్లండ్‌ పర్యటనలో భాగంగా సూర్యకుమార్‌ యాదవ్‌ ఆఖరిదైన మూడో టీ20లో సెంచరీ సాధించి ప్రపంచ రికార్డు సృష్టించిన సంగతి తెలిసిందే. ఇక విండీస్‌ టూర్‌లో భాగంగా మూడో టీ20లో అద్భుత బ్యాటింగ్‌తో టీమిండియాను విజయతీరాలకు చేర్చాడు. దీంతో 7 వికెట్ల తేడాతో గెలుపొందిన రోహిత్‌ సేన ఐదు మ్యాచ్‌ల సిరీస్‌లో 2-1తో ఆధిక్యంలో నిలిచింది.  ఇరు జట్ల మధ్య శనివారం(ఆగష్టు 6) నాలుగో టీ20 మ్యాచ్‌ జరుగనుంది. వెస్టిండీస్‌ వర్సెస్‌ ఇండియా మూడో టీ20: ►వేదిక: వార్నర్‌ పార్క్‌, సెయింట్‌ కిట్స్‌, వెస్టిండీస్‌ ►టాస్‌: ఇండియా- బౌలింగ్‌ ►వెస్టిండీస్‌ స్కోరు: 164/5 (20) ►ఇండియా స్కోరు: 165/3 (19) ►విజేత: ఏడు వికెట్ల తేడాతో ఇండియా గెలుపు ►ఐదు మ్యాచ్‌ల సిరీస్‌లో 2-1తో ఇండియా ముందంజ ►ప్లేయర్‌ ఆఫ్‌ ది మ్యాచ్‌: సూర్యకుమార్‌ యాదవ్‌(44 బంతుల్లో 8 ఫోర్లు, 4 సిక్సర్ల సాయంతో 76 పరుగులు) చదవండి: Rohit Sharma Retired-Hurt: రోహిత్‌ శర్మ రిటైర్డ్‌ హర్ట్‌.. బీసీసీఐ కీలక అప్‌డేట్‌.. ఆసియా కప్‌కు దూరమయ్యే చాన్స్‌! This elegant knock from @surya_14kumar won India the game. Spectacular batting! Watch all the action from the India tour of West Indies LIVE, exclusively on #FanCode 👉 https://t.co/RCdQk12YsM@BCCI @windiescricket #WIvIND #INDvsWIonFanCode #INDvsWI pic.twitter.com/Z7XHntlaFS — FanCode (@FanCode) August 2, 2022

India Tour of England 2022: ఇంగ్లండ్‌తో రీషెడ్యూల్డ్‌ టెస్టు నేపథ్యంలో టీమిండియా కేఎల్‌ రాహుల్‌ సేవలను కోల్పోవడం పెద్ద ఎదురుదెబ్బేనని భారత మాజీ క్రికెటర్‌, మాజీ సెలక్టర్‌ సబా కరీం అన్నాడు. గతేడాది ఈ కర్ణాటక బ్యాటర్‌ ఇంగ్లండ్‌ గడ్డ మీద మంచి స్కోరు నమోదు చేశాడని కొనియాడాడు. అలాంటి మేటి ఆటగాడు ఇప్పుడు జట్టుకు దూరం కావడం తీరని లోటు అని పేర్కొన్నాడు. అప్పుడు కోహ్లి సారథ్యంలో.. ఈ క్రమంలో కెప్టెన్‌ రోహిత్‌ శర్మపై మరింత ఒత్తిడి పెరుగుతుందని, ఓపెనర్‌గా మరింత మెరుగ్గా రాణించాల్సిన ఆవశ్యకత ఉందని అభిప్రాయపడ్డాడు. కాగా విరాట్‌ కోహ్లి సారథ్యంలోని భారత జట్టు గతేడాది ఆగష్టులో ఇంగ్లండ్‌లో పర్యటించిన సంగతి తెలిసిందే. ఐదు మ్యాచ్‌ల సిరీస్‌లో భాగంగా మొదటి టెస్టు డ్రా కాగా.. రెండో టెస్టులో కేఎల్‌ రాహుల్‌ సెంచరీ(129)తో చెలరేగడంతో కోహ్లి సేన విజయం సాధించింది.  ఇక మూడో మ్యాచ్‌లో ఇంగ్లండ్‌ ఇన్నింగ్స్‌ 76 పరుగులతో విజయం సాధించగా.. నాలుగో టెస్టులో రోహిత్‌ శర్మ అద్భుత శతక ఇన్నింగ్స్‌(127) కారణంగా ఆతిథ్య జట్టుపై గెలుపొంది టీమిండియా 2-1 ఆధిక్యం సాధించింది. అయితే, కోవిడ్‌ కారణంగా ఐదో టెస్టు నిరవధికంగా వాయిదా పడగా.. ఈ ఏడాది జూలై 1న రీషెడ్యూల్‌ చేశారు. అదరగొట్టిన ఓపెనింగ్‌ జోడి.. అప్పటికి ఇప్పటికి పరిస్థితులు మారాయి. ఇంగ్లండ్‌తో సిరీస్‌ తర్వాత దక్షిణాఫ్రికాలో ఎదురైన పరాభవం నేపథ్యంలో విరాట్‌ కోహ్లి కెప్టెన్సీకి గుడ్‌ బై చెప్పిన సంగతి తెలిసిందే. ఈ క్రమంలో రోహిత్‌ శర్మ ప్రస్తుత మ్యాచ్‌ నుంచి టీమిండియా టెస్టు జట్టు సారథ్య బాధ్యతలు చేపట్టనున్నాడు. ఇక ఈ సిరీస్‌లో భారత్‌ నమోదు చేసిన విజయాల్లో ఓపెనర్లు రోహిత్‌ శర్మ, కేఎల్‌ రాహుల్‌ది కీలక పాత్ర అనడంలో సందేహం లేదు. కేఎల్‌ రాహుల్‌(PC: BCCI) రాహుల్‌ లేడు కాబట్టి.. ఈ నేపథ్యంలో సబా కరీం మాట్లాడుతూ.. ‘‘ఈ కీలక సమయంలో భారత్‌ స్టార్‌ ఆటగాడి సేవలను కోల్పోయింది. కేఎల్‌ రాహుల్‌ లేకపోవడం పెద్ద లోటు. గతేడాది టీమిండియా ఇంగ్లండ్‌ మీద గెలిచిన రెండు మ్యాచ్‌లలో అతడు అద్భుత ప్రదర్శనతో ఆకట్టుకున్నాడు.  గెలుపులో తన వంతు సహాయం చేశాడు. కాబట్టి ఈసారి అతడి సేవలను భారత జట్టు తప్పకుండా మిస్సవుతుంది’’ అని అభిప్రాయపడ్డాడు. రాహుల్‌ స్థానంలో శుబ్‌మన్‌ గిల్‌ రోహిత్‌తో ఓపెనింగ్‌ చేసే అవకాశాలు ఉన్నాయని అంచనా వేశాడు.  ఈసారి మరింత మెరుగ్గా.. ఇక రోహిత్‌ శర్మ గురించి ప్రస్తావిస్తూ.. ‘‘రాహుల్‌ గైర్హాజరీతో రోహిత్‌కు బాధ్యత రెట్టింపు అయింది. గతేడాది అతడు రాహుల్‌తో కలిసి భారత్‌కు శుభారంభాలు అందించాడు. ఈసారి కూడా అదే స్థాయిలో రాణించాల్సి ఉంది. ఓపెనింగ్‌ జోడి బ్యాట్‌ ఝులిపిస్తేనే టీమిండియా మంచి స్కోరు నమోదు చేయగలదు’’ అని సబా కరీం ఇండియా న్యూస్‌తో తన అభిప్రాయాన్ని పంచుకున్నాడు. కాగా ఈ సిరీస్‌లో రాహుల్‌ 39.37 సగటుతో 315 పరుగులు చేయగా.. రోహిత్‌ శర్మ 368 పరుగులతో అత్యధిక స్కోరు సాధించిన బ్యాటర్‌గా నిలిచాడు. ఇక జూలై 1 నుంచి ఎడ్జ్‌బాస్టన్‌ వేదికగా ఐదో టెస్టు జరుగనుంది. ఇందుకోసం ఇప్పటికే ఇంగ్లండ్‌ చేరుకున్న భారత జట్టు ప్రాక్టీసులో తలమునకలైంది. చదవండి: Ind Vs Eng: విరాట్ కోహ్లికి కరోనా పాజిటివ్..? Practice 🔛 Strength and Conditioning Coach, Soham Desai, takes us through Day 1⃣ of #TeamIndia's practice session in Leicester as we build up to the #ENGvIND Test. 💪 pic.twitter.com/qxm2f4aglX — BCCI (@BCCI) June 21, 2022

స్వదేశంలో  శ్రీలంకతో జరిగిన టీ20 సిరీస్‌ను భారత్‌ 3-0 తేడాతో క్లీన్‌ స్వీప్‌ చేసిన సంగతి తెలిసిందే. అయితే ఈ సిరీస్‌లో టీమిండియా కెప్టెన్‌గా రోహిత్‌ శర్మ అద్భుతంగా రాణించినప్పటికీ.. బ్యాటర్‌గా పూర్తిగా విఫలమయ్యాడు. ఈ సిరీస్‌లో మూడు మ్యాచ్‌లు ఆడిన రోహిత్‌ కేవలం 50 పరుగులు మాత్రమే సాధించాడు. ఈ క్రమంలో రోహిత్‌ శర్మపై భారత మాజీ క్రికెటర్ సబా కరీమ్ ఆసక్తికర వాఖ్యలు చేశాడు. తన బ్యాటింగ్‌ కారణంగానే రోహిత్‌ జట్టులో ఉన్నడాని, కెప్టెన్సీ అనేది కేవలం అదనపు బాధ్యత అని కరీమ్ అభిప్రాయపడ్డాడు. రోహిత్ శర్మ తన బ్యాటింగ్ కారణంగా జట్టు ప్లేయింగ్‌ ఎలెవన్‌లో ఉన్నాడు. "కెప్టెన్సీ అనేది కేవలం అదనపు బాధ్యత మాత్రమే. రోహిత్‌ బ్యాటింగ్‌పై పట్టును కోల్పోకూడదు. జట్టును నడిసించే అదనపు బాధ్యత కారణంగా కెప్టెన్లు బ్యాటింగ్‌లో రాణించలేకపోయిన సందర్భాలు కూడా ఉన్నాయి. రోహిత్ విషయంలో ఇది జరగకూడదు. రోహిత్‌కు కెప్టెన్‌గా ఇది ప్రారంభ దశ మాత్రమే. జట్టుకు తన బ్యాటింగ్‌ ఎంతో అవసరమో అతడు గ్రహించాలి.  ఆస్ట్రేలియాలో జరగనున్న టీ20 ప్రపంచకప్‌-2022లో రోహిత్‌ ప్రదర్శన చాలా కీలకం. అక్కడి గ్రౌండ్‌లు చాలా పెద్దవిగా ఉంటాయి. ప్రత్యర్ధి జట్టులో అత్యత్తుమ బౌలర్లు ఉంటారు. కాబట్టి వారిని ఎదుర్కొని రోహిత్‌ ఈ మెగా టోర్నమెంట్‌లో రాణించాలి" అని సబా కరీమ్ పేర్కొన్నాడు. చదవండి: IPL 2022: గుజరాత్ టైటాన్స్‌కు భారీ షాక్‌.. స్టార్‌ ఆటగాడు దూరం

Test Captaincy- Cannot Have Captain Who Gets Injured Start Of Series: టీమిండియా టెస్టు కెప్టెన్సీ నుంచి విరాట్‌ కోహ్లి వైదొలిగిన తర్వాత ఆ స్థానాన్ని భర్తీ చేయగల ఆటగాడు ఎవరా అన్న అంశంపై భిన్నాభిప్రాయాలు వినిపిస్తున్నాయి. పరిమిత ఓవర్ల కెప్టెన్‌ రోహిత్‌ శర్మ పేరు దాదాపు ఖాయమైపోగా... భారత మాజీ క్రికెటర్లు కొందరు ఈ నిర్ణయం సరైంది కాదని అభిప్రాయపడతున్నారు. వయసు, ఫిట్‌నెస్‌ దృష్ట్యా హిట్‌మ్యాన్‌ సరైన ఆప్షన్‌ కాదేమోనని పేర్కొంటున్నారు. టీమిండియా మాజీ వికెట్‌ కీపర్‌, మాజీ సెలక్టర్‌ సబా కరీం కూడా ఇదే మాట అంటున్నారు. ఓ యూట్యూట్‌ చానెల్‌తో మాట్లాడిన ఆయన.. టీమిండియా టెస్టు కెప్టెన్సీ అంశం గురించి కీలక వ్యాఖ్యలు చేశారు. మూడు ఫార్మాట్లకు అందుబాటులో ఉంటాడా? ‘‘రోహిత్‌ శర్మ తన అద్భుత ప్రదర్శనతో ఎంతో పేరు సంపాదించాడు. తను జట్టుకు ప్రధాన బలం. అయితే తన ముందున్న అసలైన సవాల్‌ ఏమిటంటే.. ఫిట్‌నెస్‌. అవును... అతడు ఫిట్‌గా ఉంటాడో లేదో తెలియదు. కెప్టెన్సీ విషయం పక్కనపెడితే.. అసలు రోహిత్‌కు మూడు ఫార్మాట్లకు అందుబాటులో ఉండటమే అతి పెద్ద టాస్క్‌. ఇప్పటికే ఎన్నోసార్లు గాయపడ్డాడు. ఇప్పుడిప్పుడే రిహాబిలిటేషన్‌ సెంటర్‌ నుంచి తిరిగి వస్తున్నాడు. ఒకవేళ టెస్టు కెప్టెన్‌గా అతడిని నియమించాలని అనుకుంటే ముందుగా... ఫిట్‌నెస్‌ కోచ్‌, ఫిజియోతో చర్చించాలి. టెస్టు సిరీస్‌కు ముందు తరచుగా గాయపడే ఆటగాడిని సారథిని చేయడం సరికాదు కదా’’ అని పేర్కొన్నారు. ఇక రోహిత్‌ శర్మను వన్డే, టీ20, టెస్టు ఫార్మాట్లకు కెప్టెన్‌ చేసినా.. అది స్వల్పకాలానికి పరిమితమవుతుందని సబా కరీం అభిప్రాయపడ్డారు. ‘‘2023 టీమిండియాకు అత్యంత ముఖ్యమైనది. వన్డే వరల్డ్‌కప్‌ ఆడాల్సి ఉంది. వరల్డ్‌ టెస్టు చాంపియన్‌షిప్‌ సైకిల్‌ కూడా ఇదే ఏడాది ముగుస్తుంది. ఈ నేపథ్యంలో కెప్టెన్‌ ఎంపిక విషయంలో ఆచితూచి వ్యవహరించాలి. రోహిత్‌ను అన్ని ఫార్మాట్లకు సారథిని చేసినా.. భవిష్యత్తును దృష్టిలో పెట్టుకుని సరైన నాయకుడిని ఎంపిక చేయాలి. ప్రస్తుతానికి రోహిత్‌ ఒక్కడే ఆప్షన్‌. ఎందుకంటే.. కేఎల్‌ రాహుల్‌, రిషభ్‌ పంత్‌ వంటి ఆటగాళ్లు ఇంకా పరిణతి చెందాల్సి ఉంది. వాళ్లను నాయకులుగా తీర్చిదిద్దడానికి కాస్త సమయం పడుతుంది’’ అని సబా కరీం చెప్పుకొచ్చారు. కాగా దక్షిణాఫ్రికా పర్యటనకు ముందు రోహిత్‌ శర్మను వన్డే కెప్టెన్‌గా, టెస్టు వైస్‌ కెప్టెన్‌గా బీసీసీఐ ప్రమోట్‌ చేసిన సంగతి తెలిసిందే. అయితే, టూర్‌ ఆరంభానికి ముందే అతడు గాయపడ్డాడు. ఈ క్రమంలో టెస్టు సిరీస్‌ ఓటమి తర్వాత కోహ్లి సారథ్య బాధ్యతల నుంచి తప్పుకోవడం, రోహిత్‌ గైర్హాజరీలో కేఎల్‌ రాహుల్‌ నేతృత్వం వహించిన వన్డే సిరీస్‌లో టీమిండియా వైట్‌వాష్‌కు గురికావడం వంటి పరిణామాలు జరిగాయి. ఇక ఇప్పుడు స్వదేశంలో వెస్టిండీస్‌తో పరిమిత ఓవర్ల సిరీస్‌ నేపథ్యంలో రోహిత్‌ ఫిట్‌నెస్‌ అంశం, కెప్టెన్సీ మరోసారి చర్చనీయాంశమయ్యాయి.   చదవండి: IND vs WI: అత‌డు వ‌చ్చేశాడు.. టీమిండియాకు ఇక తిరుగు లేదు: పాక్‌ మాజీ కెప్టెన్‌

వాండరర్స్‌: దక్షిణాఫ్రికాతో రెండో టెస్ట్‌కు ముందు టీమిండియా కెప్టెన్‌ విరాట్‌ కోహ్లి చివరి నిమిషంలో అనూహ్యంగా తప్పుకోవడంతో తాత్కాలిక సారధిగా బాధ్యతలు చేపట్టిన కేఎల్‌ రాహుల్‌పై భారత మాజీ క్రికెటర్‌ సబా కరీం ప్రశంసల వర్షం కురింపించాడు. రాహుల్‌ ఇటీవలి కాలంలో ఫార్మాట్లకతీతంగా అద్భుతంగా రాణిస్తున్నాడని, టీమిండియా సారధ్య బాధ్యతలు చేపట్టేందుకు అతనికి అన్ని అర్హతలు ఉన్నాయని పొగడ్తలతో ముంచెత్తాడు. రానున్న దశాబ్ద కాలం రాహుల్‌దేనని కొనియాడాడు. భవిష్యత్తులో అతను తిరుగులేని నాయకుడిగా ఎదుగుతాడని ఆశాభావం వ్యక్తం చేశాడు. టీమిండియా రెగ్యులర్‌ కెప్టెన్లు కోహ్లి(టెస్ట్‌), రోహిత్‌(వన్డే, టీ20)ల గైర్హాజరీలో రాహుల్‌కు సారధ్య బాధ్యతలు అప్పజెప్పడం సరైన నిర్ణయమని అభిప్రాయపడ్డాడు. టెక్నిక్‌తో పాటు దూకుడును ప్రదర్శించడంలో రాహుల్‌ దిట్ట అని.. ప్రస్తుతం కెరీర్‌ అత్యుత్తమ దశలో కొనసాగుతున్నాడని, ఇదే ఫామ్‌ను కొనసాగిస్తే భవిష్యత్తులో అతనికి తిరుగుండదని ఆకాశానికెత్తాడు. బ్యాటర్‌గానే కాకుండా సారధిగా కూడా అతను ఇదివరకే నిరూపించుకున్నాడని, ఐపీఎల్‌లో పంజాబ్‌ కెప్టెన్‌గా వ్యవహరంచిన తీరే ఇందుకు నిదర్శమన్నాడు. భవిష్యత్తులో రాహుల్‌ను అన్ని ఫార్మాట్లలో కెప్టెన్‌గా నియమిస్తే.. జట్టును తిరుగులేని శక్తిగా నిలబెట్టడంతో పాటు క్రికెట్‌ చరిత్రలో అత్యుత్తమ బ్యాటర్‌గా అవతరిస్తాడని జోస్యం చెప్పాడు. ఈ క్రమంలో ఎవరికీ సాధ్యం కాని ఎన్నో రికార్డులు నెలకొల్పుతాడని ఆశాభావం వ్యక్తం చేశాడు.  ఇదిలా ఉంటే, దక్షిణాఫ్రికాతో జరుగుతున్న రెండో టెస్ట్‌లో టీమిండియా టాస్‌ గెలిచి బ్యాటింగ్‌ ఎంచుకుంది. కోహ్లి స్ధానంలో విహారి జట్టులోకి వచ్చాడు. తొలి రోజు లంచ్‌ విరామం సమయానికి టీమిండియా 3 వికెట్లు కోల్పోయి 53 పరుగులు చేసింది. పుజారా(3), రహానే(0)లు వైఫల్యాల పరంపరను కొనసాగించగా.. మయాంక్‌(37 బంతుల్లో 26; 5 ఫోర్లు) కాస్త పర్వాలేదనిపించినా నిలదొక్కుకునే సమయంలో అవుటయ్యాడు. క్రీజ్‌లో రాహుల్‌(74 బంతుల్లో 19; 4 ఫోర్లు), విహారి(12 బంతుల్లో 4) ఉన్నారు. సఫారీ బౌలర్లలో ఒలివర్‌ 2, జన్సెన్‌ ఓ వికెట్‌ పడగొట్టారు.  చదవండి: టీమిండియా టెస్ట్‌ కెప్టెన్‌గా కేఎల్‌ రాహుల్‌.. ఇది ప్రతి ఆటగాడి కల!

Saba Karim Praises KL Rahul: టీమిండియా స్టార్‌ ఆటగాడు కేఎల్‌ రాహుల్‌పై మాజీ క్రికెటర్‌ సబా కరీం ప్రశంసల జల్లు కురిపించాడు. టీ20, వన్డే, టెస్టు.. మూడు ఫార్మాట్లలోనూ అద్భుతంగా రాణిస్తున్నాడని.. దక్షిణాఫ్రికా పర్యటన నేపథ్యంలో టెస్టు జట్టు వైస్‌ కెప్టెన్‌గా అతడి ఎంపిక నూటికి నూరుపాళ్లు సరైందే అన్నాడు. టెస్టుల్లో వైస్‌ కెప్టెన్‌గా ప్రమోషన్‌ పొందిన పరిమిత ఓవర్ల సారథి రోహిత్‌ శర్మ గాయం కారణంగా సిరీస్‌కు దూరమైన సంగతి తెలిసిందే. ఈ క్రమంలో అతడి స్థానంలో విరాట్‌ కోహ్లికి డిప్యూటీగా కేఎల్‌ రాహుల్‌ను ఎంపిక చేశారు సెలక్టర్లు.  ఈ విషయంపై స్పందించిన మాజీ సెలక్టర్‌ సబా కరీం.. బీసీసీఐ సరైన సమయంలో సరైన నిర్ణయం తీసుకుందన్నాడు. ఈ మేరకు అతడు మాట్లాడుతూ.. ‘‘దక్షిణాఫ్రికా సిరీస్‌ నేపథ్యంలో ఆచితూచి.. అన్ని విధాలుగా ఆలోచించి కేఎల్‌ రాహుల్‌ను టీమిండియా వైస్‌ కెప్టెన్‌గా ఎంపిక చేస్తున్నట్లు ప్రకటించారు. విరాట్‌ కోహ్లికి కూడా రోహిత్‌ గైర్హాజరీలో ఇదే కరెక్ట్‌ ఛాయిస్‌. నిజానికి భవిష్యత్తులో కేఎల్‌ రాహుల్‌ కెప్టెన్‌ అయ్యే అవకాశాలు ఉన్నాయి. ఐపీఎల్‌లో పంజాబ్‌ కింగ్స్‌ సారథిగా తానేమిటో నిరూపించుకున్నాడు. అంతేకాదు మూడు ఫార్మాట్లలోనూ తన ముద్ర వేస్తున్నాడు. అందుకే భవిష్యత్తును దృష్టిలో పెట్టుకునే నాయకుడిని తయారు చేసే పనిలో భాగంగానే ఈ నియామకం జరిగి ఉండవచ్చు’’ అని ఈ మాజీ వికెట్‌ కీపర్‌ చెప్పుకొచ్చాడు. ఇక ఇప్పటికే రాహుల్‌ పరిమిత ఓవర్ల వైస్‌ కెప్టెన్‌గా వ్యవహరిస్తున్న సంగతి తెలిసిందే. కాగా డిసెంబరు 26 నుంచి భారత్‌- దక్షిణాఫ్రికా మధ్య తొలి టెస్టు ఆరంభం కానుంది.  చదవండి:  SA Vs Ind: ఓవైపు భారత్‌తో సిరీస్‌.. మరోవైపు హెడ్‌కోచ్‌పై విచారణ Ashes Series 2nd Test: చివరి రోజు 69.5 ఓవర్ల పాటు బ్యాటింగ్‌... 50.4 ఓవర్లు ఎదుర్కొంది ఆ ఇద్దరే!

టీమిండియా దక్షిణాఫ్రికాలో అడుగు పెట్టింది. ఈ పర్యటనలో భాగంగా మూడు టెస్ట్‌లు, మూడు వన్డేలు భారత్‌ ఆడనుంది. కాగా ఇంతవరకు సఫారీ గడ్డపై ఒక్క టెస్ట్‌ సిరీస్‌ కూడా భారత్‌ గెలవలేదు. దక్షిణాఫ్రికాలో 7 టెస్ట్ సిరీస్‌లు ఆడిన భారత్‌ 6 సిరీస్‌లో ఓటమిచెందింది. ఒక్క సిరీస్‌ డ్రాగా ముగిసింది. ఈ క్రమంలో తొలిసారిగా టెస్ట్‌ సిరీస్‌ గెలచి చరిత్ర సృష్టించాలని కోహ్లి సేన ఊవ్విళ్లూరుతోంది. సెంచూరియన్‌ వేదికగా డిసెంబర్ 26న దక్షిణాఫ్రికా-భారత్‌ తొలి టెస్ట్‌ ప్రారంభం కానుంది. ఈ నేపథ్యంలో టీమిండియా మాజీ ఆటగాడు సబాకరీం ఆసక్తికర వాఖ్యలు చేశాడు. దక్షిణాఫ్రికా గడ్డపై భారత్‌ తొలి టెస్ట్‌ సిరీస్‌ను కచ్చితంగా కైవసం చేసుకుంటుందని  సబాకరీం జోస్యం చెప్పాడు. ఇటీవలి కాలంలో ప్రోటీస్ జట్టు పెద్దగా రాణించకపోవడం, భారత్‌కు కలిసొస్తోంది అని అతడు అభిప్రాయపడ్డాడు. "రానున్న టెస్ట్‌ సిరీస్‌లో భారత్‌ 2-0 కానీ, 2-1 తేడాతో తప్పనిసరిగా విజయం సాధిస్తుంది. ఇక వన్డేల్లో భారత జట్టు గురించి ప్రత్యేకంగా చెప్పన అవసరంలేదు. ప్రస్తుత జట్టు అత్యుత్తమైనది. జట్టులో అనుభవజ్ఞులైన ఆటగాళ్లు ఉన్నారు. అంతేకాకుండా జట్టులో కొంత మంది యువ ఆటగాళ్లు ఉన్నారు. వారు కూడా ప్రస్తుతం అద్బుతంగా రాణిస్తున్నారు. కాగా ఇటీవలి కాలంలో ప్రోటీస్ జట్టు పెద్దగా రాణించకపోవడంతో, విజయం సాధించడానికి భారత్‌కు ఇదే సువర్ణ అవకాశం" అని కరీం పేర్కొన్నాడు. చదవండి: Steve Smith: 'అర్ధరాత్రి పడుకోకుండా ఇదేం పని బాబు'.. వీడియో వైరల్‌

టీమిండియా ఆల్‌రౌండర్‌ హార్ధిక్‌ పాండ్యా గత కొద్ది కాలంగా పేలవ ప్రదర్శన కొనసాగిస్తున్నాడు. టీ20 ప్రపంచకప్‌-2021లో హార్ధిక్‌ ఘోరంగా విఫలమయ్యాడు. దీంతో స్వదేశంలో న్యూజిలాండ్‌తో జరిగిన టీ20 సిరీస్‌కు అతడిని ఎంపిక చేయలేదు. ప్రస్తుత పరిస్ధితుల దృష్ట్యా అతడి అంతర్జాతీయ భవిష్యత్తు ప్రశ్నార్థకంగా మారింది. జట్టులో స్పెషలిస్ట్‌  ఆల్‌రౌండర్‌గా ఉన్న హార్ధిక్‌ స్ధానాన్ని ఎవరు భర్తీ చేస్తారన్న ప్రశ్న  అందరిలో మొదలైంది. ఈ క్రమంలో టీమిండియా యువ ఆల్‌రౌండర్‌ వెంకేటేశ్‌ అయ్యర్‌ పేరును భారత మాజీ ఆటగాడు సబా కరీం తెరపైకి తీసుకొచ్చాడు. జట్టులో హార్ధిక్‌ స్ధానాన్ని భర్తీ చేసే సత్తా అయ్యర్‌కు ఉందని అతడు అభిప్రాయపడ్డాడు. విజయ్‌ హాజారే ట్రోఫీలో  వెంకేటేశ్‌ అయ్యర్‌ అద్భుతంగా రాణిస్తున్నాడని అతడు కొనియాడాడు. అదే విధంగా రోహిత్ శర్మ, రాహుల్‌కు బ్యాకప్ ఓపెనర్‌గా రుతురాజ్ గైక్వాడ్‌ను ఎంపిక చేయాలని అతడు సూచించాడు. "వైట్-బాల్ ఫార్మట్లో వెంకటేష్ అయ్యర్, రుతురాజ్ గైక్వాడ్ బారత సీనియర్‌ జట్టు జట్టులోకి ఎంపిక అవుతారని నేను భావిస్తున్నాను. 2023 ప్రపంచకప్‌ దృష్ట్యా ఈ ఇద్దరు ఆటగాళ్లు వీలైనంత త్వరగా జట్టులో భాగం కావాలి. రోహిత్ శర్మ, రాహుల్‌కు బ్యాకప్ ఓపెనర్‌గా రుతురాజ్ గైక్వాడ్‌కు అవకాశం ఇవ్వాలి. మరోవైపు, విజయ్ హజారే ట్రోఫీలో 5 స్ధానంలో బ్యాటింగ్‌కు వచ్చి అయ్యర్ అద్భుతమైన ప్రదర్శన చేస్తున్నాడు. ప్రస్తుతం హార్దిక్ పాండ్యా స్థానంలో అయ్యర్ సరైన ఆటగాడు" అని కరీమ్‌ యూట్యాబ్‌ ఛానల్‌లో పేర్కొన్నాడు. ఇక  విజయ్ హజారే ట్రోఫీలో వెంకటేశ్ అయ్యర్..  112, 71, 151 పరుగులతో సత్తాచాటాడు. మరోవైపు రుతురాజ్ గైక్వాడ్ కూడా హ్యాట్రిక్ సెంచరీలు నమోదు చేసి నాలుగు మ్యాచ్‌ల్లోనే ఏకంగా 435 పరుగులతో టాప్ స్కోరర్‌గా కొనసాగుతున్నాడు. చదవండి: 6 Wickets In A Over: క్రికెట్‌ చరిత్రలో అరుదైన ఘట్టం.. ఒకే ఓవర్లో ఆరు వికెట్లు

దక్షిణాఫ్రికాతో త్వరలో జరగనున్న వన్డే సిరీస్‌కు శిఖర్‌ ధావన్‌ ఎంపిక చేయవచ్చని వార్తలు వినిపిస్తున్నాయి. ఈ క్రమంలో భారత మాజీ వికెట్‌ కీపర్‌ సబా కరీమ్ ఆసక్తికర వాఖ్యలు చేశాడు. దక్షిణాఫ్రికాతో వన్డేలకు శిఖర్ ధావన్‌ను భారత్ మినహాయించాలని సబా కరీమ్ అభిప్రాయపడ్డాడు. ఇప్పటికే టీమిండియా ఓపెనింగ్‌ స్ధానానికి తీవ్రమైన పోటీ నెలకొంది, ఈ నేపథ్యంలో ధావన్‌ జట్టుకు దూరం ఉండడం బెటర్‌ అని కరీమ్ తెలిపాడు. “ఒక వేళ ధావన్ జట్టులో ఉన్నప్పటికీ, అతడికి ప్లేయింగ్ ఎలెవన్‌లో చోటు దొరుకుతుందా ? కేఎల్ రాహుల్, రోహిత్ శర్మ టెస్టులు, టీ20ల్లో ఓపెనర్లు కావడంతో వన్డేల్లోనూ  ఓపెనింగ్ చేస్తారని నేను భావిస్తున్నాను. ధావన్‌ను జట్టులోకి తీసుకుంటే డగౌట్‌లో కూర్చుండబెట్టడం తప్ప మరో ఉపయోగం లేదు. అతడిని దక్షిణాఫ్రికాతో సిరీస్‌కు సెలెక్టర్లు ఎంపిక చేయరని నేను భావిస్తున్నాను" అని కరీమ్ యూట్యూబ్‌ ఛానల్‌లో పేర్కొన్నాడు. "ధావన్‌కి మళ్లీ జాతీయ జట్టుకు ఆడే అవకాశం రావడం చాలా కష్టం. కానీ ఇటువంటి సీనియర్‌ ఆటగాడికి మరో అవకాశం ఇవ్వాలని నేను ఇప్పటికీ భావిస్తున్నాను. మరి సెలెక్టర్లు, టీమ్ మేనేజ్‌మెంట్ ఎటువంటి నిర్ణయం తీసుకుంటారో వేచి చూడాలి. అయితే ప్రస్తుతం జరుగుతున్న విజయ్‌ హాజారే ట్రోఫిలో కూడా ధావన్‌ వరుసగా విఫలం అవుతున్నాడు. అతడికి ఇంకా ఈ టోర్నీలో ఒక మ్యాచ్ మాత్రమే ఉంది అని " అతడు పేర్కొన్నాడు. ఇక శ్రీలంక పర్యటనలో భారత యువ జట్టుకు శిఖర్‌ ధావన్‌ సారథ్యం వహించాడు. టీ20 ప్రపంచకప్‌-2021, స్వదేశాన న్యూజిలాండ్‌తో జరిగిన టీ20 సిరీస్‌లో కూడా ధావన్‌కు చోటు దక్కలేదు. ప్రస్తుతం రోహిత్-రాహుల్ ఓపెనింగ్‌ జోడి అద్బుతంగా రాణిస్తున్నారు. అంతే కాకుండా యువ ఆటగాళ్లు రుతురాజ్ గైక్వాడ్,పృథ్వీ షా,  వెంకటేష్ అయ్యర్‌లు దేశవాలీ క్రికెట్‌లో అద్బుతంగా రాణిస్తున్నారు. దీంతో  శిఖర్‌ దావన్‌ అంతర్జాతీయ కెరీర్‌ సందిగ్ధంలో పడింది. చదవండి: David Warner: యాషెస్‌ సిరీస్‌లో ఆస్ట్రేలియాకు బిగ్‌షాక్‌.. డేవిడ్‌ వార్నర్‌కు గాయం

Virat Kohli has been sacked as ODI captain due to his inability to win an ICC trophy: టీమిండియా వన్డే కెప్టెన్‌గా రోహిత్‌ శర్మను నియమిస్తున్నట్లు బీసీసీఐ ప్రకటించిన సంగతి తెలిసిందే. దీంతో కెప్టెన్‌గా వన్డేల్లో విరాట్‌ కోహ్లి శకం ముగిసింది. ఈ క్రమంలో భారత మాజీ ఆటగాడు సాబా కరీం అసక్తికర వాఖ్యలు చేశాడు. టీ20 క్రికెట్‌లో భారత కెప్టెన్సీ నుంచి తప్పకున్న కోహ్లి, వన్డేల్లో సారధిగా కొనసాగాలని భావించాడని కరీం తెలిపాడు. ఒక్క ఐసీసీ ట్రోఫీని కూడా గెలవలేకపోవడమే కోహ్లీని వన్డే కెప్టెన్‌గా తొలగించడానికి ప్రాధాన కారణమని కరీం అభిప్రాయపడ్డాడు. "నిజం చెప్పాలంటే కోహ్లి ఉద్వాసనకు గురయ్యాడు. టీ20 కెప్టెన్సీ భాధ్యతలనుంచి తప్పుకున్నప్పడు.. వన్డే కెప్టెన్సీ గురించి కోహ్లి ఎటువంటి ప్రకటన చేయలేదు. దాని అర్ధం ఏంటింటే.. అతను వన్డే కెప్టెన్‌గా కొనసాగాలని భావించాడు. కానీ కోహ్లి సారథ్యంలో ఇంతవరకు భారత్‌ ఒక్క ఐసీసీ ట్రోఫి కూడా గెలవలేదు. ఇదే అతడి కెప్టెన్సీను కోల్పోవడానికి ప్రధాన కారణమైంది" అని సాబా కరీం పేర్కొన్నాడు. భారత ప్రధాన కోచ్ రాహుల్ ద్రవిడ్ లేదా బీసీసీఐకి చెందిన ఏదైనా అధికారి కోహ్లితో  కెప్టెన్సీ గురించి మాట్లాడి ఉంటారని సాబా కరీం అభిప్రాయపడ్డాడు. ద్రవిడ్.. కోహ్లితో మాట్లాడి ఈ నిర్ణయం తీసుకుని ఉంటారని కరీం తెలిపాడు. కాగా అంతకు ముందు భారత టీ20 ప్రపంచకప్ తర్వాత కోహ్లీ కెప్టెన్సీ బాధ్యతల నుంచి వైదొలగాలని నిర్ణయించుకోవడంతో రోహిత్‌ని పూర్తిస్థాయి టీ20 కెప్టెన్‌గా నియమించారు. చదవండి: David Warner Wife Candice: నా భర్తకు దూరంగా... నాతో పాటు నా పిల్లలు కూడా... వెక్కి వెక్కి ఏడుస్తూ..

saba karim comments on virat kohli and Rohit sharma:  టీ20ప్రపంచకప్‌-2021లో నవంబరు 3న కీలక మ్యాచ్‌లో ఆఫ్ఘనిస్తాన్‌తో భారత్‌ తలపడనుంది. ఈ నేపథ్యంలో టీమిండియా మాజీ వికెట్ కీపర్ సబా కరీమ్‌ ఆసక్తికర వాఖ్యలు చేశాడు. భారత స్టార్‌ ఆటగాళ్లు రోహిత్‌ శర్మ, విరాట్‌ కోహ్లి  ఇద్దరూ కలిసి బ్యాటింగ్ చేస్తున్నప్పుడు జట్టు క్లిష్ట పరిస్థితిలో పడుతుందని అభిప్రాయపడ్డాడు. ఎందుకంటే వాళ్లు ఇద్దరూ ఇన్నింగ్స్‌ను నెమ్మదిగా ఆరంభిస్తారని, వాళ్లు ఆటను వేగవంతం చేయడానికి చాలా సమయం పడుతుందని అతడు తెలిపాడు. "భారత్‌కు ఒక పెద్ద సమస్య ఏమిటంటే.. రోహిత్ శర్మ, విరాట్ కోహ్లి ఇద్దరూ ఒకేలా ఆడతారు. వాళ్ల ఇన్నింగ్స్‌ను నెమ్మదిగా ప్రారంభిస్తారు. వారు మధ్యలో బౌండరీలు లేదా సిక్సర్లు కొట్టడం ద్వారా ఇన్నింగ్స్‌ను వేగవంతం చేయడానికి ప్రయత్నిస్తారు. ఇద్దరూ ఒకేసారి క్రీజులో ఉన్నప్పుడు సమస్య తలెత్తుతుంది. ఎవరూ రిస్కు తీసుకోవడానికి సాహసం చేయరు. కాబట్టి.. సహజంగానే అప్పుడు స్ట్రైక్ రేట్ తగ్గుతుంది. వాళ్ల స్ట్రైక్‌రేట్‌ను మెరుగుపరచకుండానే ఇద్దరూ చాలా బంతులను ఎదుర్కొంటారు. ఇది జట్టుని ఇబ్బందికరమైన స్థితిలో పడేస్తుంది. టీ20 క్రికెట్‌లో వేగవంతంగా ఆడే ఆటగాళ్లు కావాలి. ముఖ్యంగా భారత్ ఆరంభంలో వికెట్లు కోల్పోయినప్పుడు, వారిద్దరూ నిలదొక్కుకోవడానికి  ప్రయత్నిస్తారు. అందుకోసం చాలా బంతులును వినియోగించుకుంటారు. కేవలం  సింగిల్స్ తీయడం ద్వారా  స్ట్రైక్ రోటేట్ చేస్తే  ఓవర్‌లో ఆరు పరుగులు కూడా పొందలేరు. కాబట్టి  బౌండరీలు వచ్చే విధంగా ఆడాలి"  అని సబా కరీమ్‌ యూట్యూబ్‌ ఛానల్‌లో పేర్కొన్నాడు. చదవండి: అనుష్క శర్మ 88 బంతుల్లో 52 పరుగులు.. వైరలవుతున్న బీసీసీఐ ట్వీట్‌ 

Saba Karim Comments On Virat Kohli: వచ్చే నెల ఆరంభం కానున్న టీ20 ప్రపంచకప్‌లో విజేతలు, జట్టు సమ తుల్యతలపైన మాజీలు, క్రికెట్‌ నిపుణులు ఇప్పటి నుంచే అంచనాలు వేస్తున్నారు. అయితే ఈ జాబితాలో భారత మాజీ వికెట్‌ కీపర్‌  సబా కరీమ్‌  ముందున్నాడు. టీ20 ప్రపంచకప్‌లో విరాట్ కోహ్లీ  భారత్‌ తరపున ఓపెనర్‌గా ఇన్నింగ్స్‌ను ప్రారంభిస్తే బాగుంటుందని కరీమ్‌ అభిప్రాయపడ్డాడు. అతడు విరాట్‌ కోహ్లి గురించి మాట్లడూతూ.. "టీ20 విజయాల్లో టీమిండియా తరుపున కోహ్లి కీలక పాత్ర పోషించాడు. గతంలో అతడు టీ20 ఫార్మాట్‌లో ఓపెనింగ్‌ చేయాలనే కోరికను కూడా వ్యక్తం చేశాడు. ప్రస్తుతం జరగుతున్న  ఐపీఎల్‌ సెకెండ్‌ ఫేజ్‌లో అద్భుతమైన ఫామ్‌లో ఉన్నందున  ప్రపంచ కప్‌లో  కోహ్లి టీమిండియా తరుపున ఇన్పింగ్స్‌ ఆరంభించే  అవకాశాలు ఎక్కువగా ఉన్నాయి" అని కరీమ్‌ పేర్కొన్నాడు. కాగా ఐపీఎల్ రెండో దశలో ఆర్సీబీ రెండు వరుస ఓటముల తర్వాత ముంబైపై విజయం సాధించి గాడిలో పడింది. ఈ విజయంలో సారథి కోహ్లి 51 పరుగులతో కీలక పాత్ర పోషించాడు. రెండు వరుస కోహ్లీ వరుసగా రెండు అర్ధ సెంచరీలు సాధించి అధ్బుతమైన ఫామ్‌లో ఉన్నాడు. టీ20 వరల్డ్‌కప్‌ ముగిసిన తర్వాత కోహ్లి.. పొట్టి ఫార్మాట్‌ కెప్టెన్సీని వదులుకోనున్నట్లు ప్రకటించిన సంగతి తెలిసిందే. ఈ క్రమంలో వైస్‌ కెప్టెన్‌, ఓపెనర్‌ రోహిత్‌ శర్మ టీమిండియా టీ20 ఫార్మాట్‌ పగ్గాలు చేపట్టే అవకాశం ఉంది.  చదవండి: పూల్‌లో ఎంజాయ్‌ చేస్తున్న ఆర్సీబీ ఆటగాళ్లు.. ఫోటోలు వైరల్‌ Virat Kohli: ఆ విషయం అర్థమైనట్లుంది.. అందుకే కెప్టెన్సీ వదులుకుని మరీ..

Saba Karim Questions Hardik Pandyas T20 World Cup Selection..  టీమిండియా ఆర్‌రౌండర్‌ హార్దిక్‌ పాండ్యాపై టీమిండియా మాజీ వికెట్‌ కీపర్‌ సబా కరీమ్‌ ఆసక్తికర వ్యాఖ్యలు చేశాడు. ఫిట్‌గా లేని హార్దిక్‌ను టి20 ప్రపంచకప్‌కు ఎందుకు ఎంపిక చేశారో అర్థం కావడం లేదని పేర్కొన్నాడు. కేల్‌నీతి యూట్యూబ్‌ చానెల్‌కు ఇచ్చిన ఇంటర్య్వూలో మాజీ సెలక్టర్‌ మాట్లాడాడు.  చదవండి: T20 World Cup: ఆ ఇద్దరిని ఎంపిక చేయాల్సింది: ఎమ్మెస్కే ప్రసాద్‌ ''హార్దిక్‌ మంచి ఆల్‌రౌండర్‌ అన్న విషయం తెలిసిందే. కాని అతని ఎంపికలోనే క్లారిటీ లేదు. పాండ్యా ఫిట్‌గా లేడని నా అభిప్రాయం. ఒకవేళ అతను ఫిట్‌గా ఉంటే అది నిరూపించుకోవాలి. ఐపీఎల్‌ 2021 సెకండ్‌ఫేజ్‌లో ముంబై రెండు మ్యాచ్‌లు ఆడగా.. ఆ రెండు మ్యాచ్‌లకు అతను దూరంగా ఉన్నాడని తెలిసింది. ఫిట్‌నెస్‌ లేమి అనేది ఐపీఎల్‌లో అతనికి సమస్య తేకపోవచ్చు. కానీ టి20 ప్రపంచకప్‌లో ఇది పెద్ద సమస్య అవుతుంది. ఎందుకంటే అతను టీమిండియాకు ఫ్రంట్‌లైన్‌ ఆల్‌రౌండర్‌. గాయంతో బాధపడుతున్నప్పుడు జట్టులోకి ఎలా తీసుకుంటారు. రూల్స్‌ ప్రకారం హార్దిక్‌ ఎస్‌సీఏకు వెళ్లి ఫిట్‌నెస్‌ నిరూపించుకొని తిరిగి రావాలి. ప్రతీ ఆటగాడి విషయంలో ఇదే వర్తిస్తుంది. మరి పాండ్యా విషయంలో అదెందుకు జరగలేదు. దీనికి బీసీసీఐ సమాధానం చెప్పాలి'' అంటూ తెలిపాడు. ఇక అక్టోబరు 17 నుంచి నవంబరు 14 వరకు యూఏఈ, ఒమన్‌ వేదికగా టి20 ప్రపంచకప్‌ జరగనుంది. టీమిండియా తన తొలి మ్యాచ్‌ను అక్టోబర్‌ 24న పాకిస్తాన్‌తో ఆడనుంది. చదవండి: బౌండరీ కొట్టగానే శ్రీశాంత్‌ స్టైల్‌ను దింపేశాడు..

Saba Karim Comments On Shreyas Iyer: కొత్త క్రికెటర్లు వచ్చి, కాస్త మెరుగ్గా ఆడినంత మాత్రాన కీలక ఆటగాళ్లను పక్కన పెట్టడం సరికాదని టీమిండియా మాజీ వికెట్‌ కీపర్‌ సబా కరీం అన్నాడు. ఆరు నెలల క్రితం మంచి ఫాంలో ఉన్న క్రికెటర్‌.. గాయాల బారిన పడి కోలుకున్న తర్వాత కూడా సదరు ఆటగాడికి ప్రాధాన్యత ఇవ్వకపోవడం సరికాదని సెలక్టర్ల తీరును తప్పుబట్టాడు. టీమిండియా ఆటగాడు శ్రేయస్‌ అయ్యర్‌ పట్ల సెలక్షన్‌ కమిటీ వ్యవహరించిన తీరును ప్రస్తావిస్తూ సబా కరీం ఈ విధంగా స్పందించాడు. శ్రేయస్‌ అయ్యర్‌ను స్టాండ్‌ బై ప్లేయర్‌గా ఎంపిక చేయడం పట్ల అభ్యంతరం వ్యక్తం చేశాడు. కాగా ఇంగ్లండ్‌తో స్వదేశంలో జరిగిన వన్డే సిరీస్‌లో భాగంగా మొదటి మ్యాచ్‌లో శ్రేయస్‌ అయ్యర్‌ గాయపడిన సంగతి తెలిసిందే. ఈ క్రమంలో కోలుకున్న అతడు ఐపీఎల్‌-2021 సీజన్‌ రెండో దశకు అందుబాటులోకి వచ్చాడు. ఢిల్లీ క్యాపిటల్స్‌ తరఫున బరిలోకి దిగి బుధవారం నాటి సన్‌రైజర్స్‌ హైదరాబాద్‌ మ్యాచ్‌లో  47 పరుగులతో (41 బంతులు, 2 ఫోర్లు, 2 సిక్సర్లు) రాణించి అజేయంగా నిలిచాడు.  ఇక ఐపీఎల్‌ సంగతి ఇలా ఉంటే... వచ్చే నెలలో జరుగనున్న టీ20 వరల్డ్‌కప్‌నకు ఎంపిక చేసిన జట్టులోని ప్రధాన ఆటగాళ్ల జాబితాలో శ్రేయస్‌కు చోటు దక్కలేదన్న సంగతి తెలిసిందే. స్టాండ్‌ బై ప్లేయర్‌గా అతడిని ఎంపిక చేశారు. ఈ పరిణామాల నేపథ్యంలో... సెలక్టర్‌గా సేవలు అందించిన సబా కరీం ఓ యూట్యూబ్‌ చానెల్‌తో మాట్లాడుతూ.. ‘‘ సెలక్టర్లు ప్రతీ విషయాన్ని క్షుణ్ణంగా గుర్తుపెట్టుకోవాలి. ఆటగాళ్ల ఎంపిక ప్రక్రియలో ఆచితూచి వ్యవహరించాలి. నిజానికి తాను టీ20 ప్రపంచకప్‌లో భాగం కాలేకపోతున్నానన్న విషయం జీర్ణించుకోవడం శ్రేయస్‌ అయ్యర్‌కు కష్టంగా అనిపించవచ్చు. ఎందుకంటే ఇంగ్లండ్‌తో సిరీస్‌ సమయంలో తను టాపార్డర్‌లో కీలక ఆటగాడిగా ఉన్నాడు. మంచి ప్రదర్శన కనబరిచాడు. అయితే, దురదృష్టవశాత్తూ తొలి వన్డే తర్వాత గాయపడ్డాడు. అందులో తన తప్పేం ఉంది. కోలుకున్న తర్వాత కూడా అతడికి ప్రాధాన్యం ఇవ్వకపోవడం సరికాదు.  గతంలో మెరుగ్గా రాణించిన ఆటగాళ్లను మర్చిపోవడం దారుణం. ఆర్నెళ్ల క్రితం కీలక ఆటగాడిగా ఉన్న వ్యక్తిని పక్కన పెట్టడం ఏమిటి? కొత్త ఆటగాళ్లు వచ్చి.. కాసిన్ని పరుగులు చేస్తే సరిపోతుందా? వాళ్ల కోసం టాప్‌ ప్లేయర్‌ను పక్కనపెట్టడం సరికాదు. ఐపీఎల్‌ రూపంలో శ్రేయస్‌ అయ్యర్‌కు మంచి అవకాశం దొరికింది. సెలక్టర్ల నిర్ణయం తప్పని నిరూపించే ఛాన్స్‌ అతడికి ఉంది. త్వరలోనే శ్రేయస్‌ కచ్చితంగా భారత టీ20 జట్టులోకి వస్తాడని నాకు పూర్తి నమ్మకం ఉంది’’ అని చెప్పుకొచ్చాడు. నిజానికి తన రాకతో ఢిల్లీ క్యాపిటల్స్‌ జట్టు పరిపూర్ణమైందని సబా కరీం శ్రేయస్‌పై ప్రశంసలు కురిపించాడు. టీమిండియా టీ20 ప్రపంచకప్‌ జట్టు: విరాట్‌ కోహ్లి(కెప్టెన్‌), రోహిత్‌ శర్మ(వైస్‌ కెప్టెన్‌), కేఎల్‌ రాహుల్‌, సూర్యకుమార్‌ యాదవ్‌, రిషబ్‌ పంత్‌(వికెట్‌కీపర్‌), ఇషాన్‌ కిషన్‌(వికెట్‌కీపర్‌), హార్ధిక్‌ పాండ్యా, రవీంద్ర జడేజా, రాహుల్‌ చాహర్‌, రవిచంద్రన్‌ అశ్విన్‌, అక్షర్‌ పటేల్‌, వరుణ్‌ చక్రవర్తి, బుమ్రా, భువనేశ్వర్‌ కుమార్‌, మహ్మద్‌ షమీ ఉన్నారు. స్టాండ్‌ బై ప్లేయర్స్‌: శ్రేయస్‌ అయ్యర్‌, శార్దూల్‌ ఠాకూర్‌, దీపక్‌ చహార్‌. చదవండి: Shreyas Iyer: ఆ నిజాన్ని అస్సలు జీర్ణించుకోలేకపోయా.. ఇప్పుడు కూడా

Saba Karim Comments On Saurabh Tiwari: ఐపీఎల్ 2021 సెకెండ్‌ ఫేజ్‌లో భాగంగా ఆదివారం జరిగిన మ్యాచ్‌లో ముంబై ఇండియన్స్‌పై చెన్నై సూపర్ కింగ్స్‌ 20 పరుగుల తేడాతో విజయం సాధించింది. అయితే ముంబై బ్యాట్స్‌మన్‌లో సౌరభ్ తివారీ(50) పోరాట పటిమను చూపిస్తూ అర్ధసెం‍చరీతో ఆజేయంగా నిలిచాడు. అయినప్పటకీ ముంబైను విజయతీరాలకు చేర్చలేకపోయాడు. ఈ సందర్భంగా సౌరభ్ తివారీపై భారత మాజీ వికెట్ కీపర్ సబా కరీమ్ ఆసక్తికర వాఖ్యలు చేశాడు. తివారీ చాలా ప్రతిభ కలిగిన ఆటగాడు అని.. అతడు తన ఫిట్‌నెస్‌పై దృష్టి సారించాలని సబా కరీమ్ తెలిపాడు. "నేను తివారీ ఫిటినెస్‌లో ఎటువంటి మార్పులను చూడలేదు.  అతడు ఆడటం ప్రారంభించిన రోజు నుంచి తన టాలెంట్‌ని మేము చూశాము. నిన్న కూడా అతడు ఎంత ప్రతిభావంతుడో చూశాం. కానీ తివారీ డైట్‌  మీద దృష్టి పెట్టాలి, ఫిట్‌నెస్ స్థాయిలను కూడా మెరుగుపరచాలి" కరీమ్  పేర్కొన్నాడు. చెన్నై సూపర్ కింగ్స్‌పై హాఫ్‌ సెంచరీ సాధించందినందకు తివారీను అతడు ప్రశంసించాడు. అంతర్జాతీయ క్రికెటర్ కావాలని లక్ష్యంగా పెట్టుకుంటే చాలా కష్టపడాల్సి ఉంటుందిని కరీమ్‌ అన్నాడు. కాగా 2010లో భారత్‌ తరుపున  అంతర్జాతీయ క్రికెట్‌లో ఆరేంగట్రం చేసిన సౌరభ్ తివారీ కేవలం 3 వన్డేలు మాత్రమే ఆడాడు. చదవండి: IPL 2021 2nd Phase RCB Vs KKR: ఆర్సీబీకి ఆదిలోనే భారీ షాక్‌.. కెప్టెన్‌ కోహ్లి(5) ఔట్‌

Saba Karim Comments On Virat Kohli: ‘‘తమ కెరీర్‌లో మేజర్‌ టైటిల్‌ గెలవాలని ప్రతి ఆటగాడు కోరుకుంటాడు. కానీ అందరికీ అది సాధ్యం కాదు. ఉదాహరణకు.. సచిన్‌ టెండుల్కర్‌ విషయాన్నే తీసుకోండి. కప్‌ గెలవడానికి తను ఎన్నో వరల్డ్‌కప్‌ ఈవెంట్లలో ఆడాడు. కొన్నిసార్లు మనం దేనినైతే సాధించాలని తహతహలాడతామో.. అది మనకు సాధ్యం కాకపోవచ్చు. అదొక గుణపాఠంగా మిగులుతుంది. బహుశా.. విరాట్‌ ఈ విషయాన్ని అర్థం చేసుకున్నట్లు అనిపిస్తోంది’’ అని టీమిండియా మాజీ వికెట్‌ కీపర్‌ సబా కరీం అన్నాడు. ఐపీఎల్‌-2021 సీజన్‌ తర్వాత ఆర్సీబీ కెప్టెన్సీ బాధ్యతల నుంచి తప్పుకొంటున్నట్లు విరాట్‌ కోహ్లి ప్రకటించిన నేపథ్యంలో ఈ మేరకు వ్యాఖ్యలు చేశాడు.  కాగా 2013 నుంచి బెంగళూరు జట్టు కెప్టెన్‌గా వ్యవహరిస్తున్న కోహ్లి.. ఒక్కసారి కూడా టైటిల్‌ గెలవలేదన్న సంగతి తెలిసిందే. 2016లో ఫైనల్‌ చేరినా సన్‌రైజర్స్‌ చేతిలో ఓడి రన్నరప్‌గా నిలిచింది. ఇక ఈ సీజన్‌ తొలి అంచెలో మంచి ప్రదర్శనే కనబరిచినప్పటికీ.. చివరి ఫలితం ఎలా ఉంటుందనేది ఇప్పుడే చెప్పడం కాస్త కష్టం. ఈ నేపథ్యంలో కోహ్లి ప్రకటన క్రీడా వర్గాల్లో చర్చనీయాంశమైంది. కొంతమంది అతడికి మద్దతు పలుకుతుండగా..  టోర్నీ ముగిసిన తర్వాత ఈ విషయాన్ని వెల్లడిస్తే బాగుండని మరికొందరు విమర్శిస్తున్నారు. ఇక ఈ విషయంపై స్పందించిన సబా కరీం ఖేల్‌నీతి అనే యూట్యూబ్‌ చానెల్‌తో మాట్లాడుతూ కీలక వ్యాఖ్యలు చేశాడు.  ‘‘టైటిల్‌ గెలవాలని కోహ్లి కోరుకున్నాడు. కానీ అది జరుగలేదు. అయితే, కెప్టెన్‌గా కాకుండా బ్యాట్స్‌మెన్‌గా తన సేవలు జట్టుకు ఎక్కువ అవసరమని భావించి ఉండవచ్చు.  కనీసం అలాగైనా ట్రోఫీ అందించాలని భావిస్తున్నాడేమో. ఈ నిర్ణయం ప్రకటించే ముందు తను బాగా ఆలోచించుకుని ఉంటాడు. టీమిండియాకు అన్ని ఫార్మాట్లలో, ఐపీఎల్‌లో ఆర్సీబీకి కెప్టెన్సీ బ్యాటింగ్‌పై ప్రభావం చూపిందనే విషయం అర్థం చేసుకున్నాడు. బ్యాట్‌ను ఝలిపించాలని భావిస్తున్నట్లు ఉన్నాడు. అంతర్జాతీయ క్రికెట్‌లో తన కెరీర్‌ను మరింత కాలం పాటు పదిలం చేసుకునే క్రమంలో.. ఈ నిర్ణయం తీసుకుని ఉంటాడు’’ అని అభిప్రాయపడ్డాడు. కాగా టీ20 వరల్డ్‌కప్‌ తర్వాత టీమిండియా పొట్టి ఫార్మాట్‌ సారథ్య బాధ్యతల నుంచి వైదొలగుతానని కోహ్లి ప్రకటించిన సంగతి తెలిసిందే.  చదవండి: T20 World Cup 2021: సెమీస్‌ చేరే జట్లు ఇవే.. నాలుగో స్థానం కోసం వాటి మధ్య పోటీ!

Saba Karim Picks His Semifinalists: క్రికెట్‌ అభిమానులను అలరించేందుకు రెండు మెగా ఈవెంట్లు సిద్ధమవుతున్నాయి. ఇండియన్‌ ప్రీమియర్‌ లీగ్‌, టీ20 వరల్డ్‌కప్‌ రూపంలో రానున్న రెండున్నర నెలల కాలం కావాల్సినంత వినోదం లభించనుంది. ఈ నేపథ్యంలో సెప్టెంబరు 19 నుంచి ఆరంభం కానున్న ఐపీఎల్‌- 2021 విజేత గురించి అంచనా వేస్తున్న మాజీ క్రికెటర్లు.. టీ20 ప్రపంచకప్‌ విన్నర్‌పై కూడా తమ అభిప్రాయాలు పంచుకుంటున్నారు. టీమిండియా మాజీ క్రికెటర్‌, కామెంటేటర్‌ ఆకాశ్‌ చోప్రా ఇప్పటికే టాప్‌- 4 జట్లను ప్రకటించగా.. భారత జట్టు మాజీ వికెట్‌ కీపర్‌ సబా కరీం సైతం ఈ జాబితాలో చేరాడు.  డిఫెండింగ్‌ చాంపియన్‌ వెస్టిండీస్‌కు అగ్రతాంబూలం వేసిన సబా కరీం.. ఇంగ్లండ్‌, టీమిండియాకు కూడా సెమీస్‌ చేరే అవకాశాలు ఎక్కువగా ఉన్నట్లు పేర్కొన్నాడు. ఇక నాలుగో స్థానం కోసం దక్షిణాఫ్రికా, న్యూజిలాండ్‌ మధ్య పోటాపోటీ ఉంటుందని అభిప్రాయపడ్డాడు. స్పోర్ట్స్‌ తక్‌తో మాట్లాడుతూ ఈ మేరకు వ్యాఖ్యలు చేశాడు. ఈ సందర్భంగా.. గత టీ20 ప్రపంచకప్‌ టైటిల్‌ గెలిచిన కీరన్‌ పొలార్డ్‌ సారథ్యంలోని వెస్టిండీస్‌... ఈసారి కూడా ఆ ఫలితాన్ని పునరావృతం చేసే అవకాశం ఉంది. ఇతర జట్లకు గట్టి పోటీనిస్తుంది.  ఇక 2016లో పొట్టి ఫార్మాట్‌ మెగా ఈవెంట్‌లో ఫైనల్‌ చేరిన ఇంగ్లండ్‌.. 2019 వన్డే వరల్డ్‌ కప్‌ గెలిచి మంచి జోరు మీద ఉంది. టీమిండియా విషయానికొస్తే... టీ20 ప్రపంచకప్‌ తర్వాత ఈ ఫార్మాట్‌ కెప్టెన్సీకి విరాట్‌ కోహ్లి గుడ్‌ బై చెప్పనున్న నేపథ్యంలో భారత జట్టు కూడా తమ సత్తా చాటేందుకు సిద్ధమవుతోంది. ఈ మూడూ సెమీస్‌ చేరడం ఖాయం అనుకుంటే.. దక్షిణాఫ్రికా, న్యూజిలాండ్‌ మధ్య నాలుగో స్థానం కోసం పోటీ తప్పదు. అయితే, సౌతాఫ్రికాకే ఎక్కువ ఛాన్సులు ఉన్నాయి’’ అని సబా కరీం చెప్పుకొచ్చాడు. కాగా ఇటీవల శ్రీలంక పర్యటనలో భాగంగా దక్షిణాఫ్రికా టీ20 సిరీస్‌ను 3–0తో క్లీన్‌స్వీప్‌ చేసిన సంగతి తెలిసిందే. చదవండి: IPL 2021 Phase 2: ఆకాష్‌ చోప్రా ఆర్సీబీ జట్టు ఇదే!

Saba Karim Comments On IPL 2021: క్రికెట్‌ ప్రేమికులకు కావాల్సినంత వినోదాన్ని అందించేందుకు రెండు మెగా ఈవెంట్లు సిద్ధంగా ఉన్నాయి. యూఏఈ వేదికగా సెప్టెంబరు 19 నుంచి ఇండియన్‌ ప్రీమియర్‌ లీగ్‌ రెండో అంచె ప్రారంభం కానున్న సంగతి తెలిసిందే. ఇక క్యాష్‌ రిచ్‌లీగ్‌ ముగిసిన రెండు రోజులకే అంటే అక్టోబరు 17 నుంచి ఐసీసీ టీ20 వరల్డ్‌ కప్‌ మొదలుకానుంది. ఈ క్రమంలో మెగా టోర్నీని దృష్టిలో పెట్టుకుని ఇంగ్లండ్‌ ఆల్‌రౌండర్‌ క్రిస్‌ వోక్స్‌ వంటి పలువురు విదేశీ స్టార్లు ఐపీఎల్‌కు దూరమైన సంగతి తెలిసిందే. ఈ నేపథ్యంలో మరి టీమిండియా ఆటగాళ్ల నిర్ణయం ఎలా ఉండబోతోంది అన్న అంశం ఆసక్తికరంగా మారింది. ఈ క్రమంలో టీమిండియా మాజీ వికెట్‌ కీపర్‌ సబా కరీం కీలక వ్యాఖ్యలు చేశాడు. ఐపీఎల్‌ టైటిల్‌ లక్ష్యంగా బరిలోకి దిగుతున్న ఫ్రాంఛైజీలు.. టీ20 ప్రపంచకప్‌ దృష్ట్యా ఆటగాళ్లకు విశ్రాంతినిచ్చే అవకాశమే లేదని పేర్కొన్నాడు. ఖేల్‌నీతి అనే యూట్యూబ్‌ చానెల్‌తో మాట్లాడుతూ.. ‘‘ఒక్కసారి ఆలోచించండి. ప్లే ఆఫ్‌నకు చేరుకున్న తర్వాత ముంబై ఇండియన్స్‌ బుమ్రాను పక్కనపెడుతుందా? విశ్రాంతి కల్పిస్తుందా? అస్సలు అలా చేయదు. ముంబై అనే కాదు..ఢిల్లీ, ఆర్సీబీ.. ఏ జట్టైనా అలా చేయడానికి ఇష్టపడదు. టైటిల్‌ నెగ్గడమే ఫ్రాంఛైజీల లక్ష్యం. కాబట్టి టీ20 ప్రపంచకప్‌ కోసం ఆటగాళ్లకు రెస్ట్‌ ఇచ్చే పరిస్థితి ఉండదు’’ అని అభిప్రాయపడ్డాడు. కాగా టీ20 వరల్డ్‌కప్‌ కోసం బీసీసీఐ ప్రకటించిన జట్టులోని టీమిండియా ఆటగాళ్లలో దాదాపు అందరూ ఐపీఎల్‌ ఆడుతున్న వాళ్లేనన్న సంగతి ప్రత్యేకంగా చెప్పనక్కర్లేదు. భారత టీ20 ప్రపంచకప్‌ జట్టు: విరాట్‌ కోహ్లి(కెప్టెన్‌), రోహిత్‌ శర్మ(వైస్‌ కెప్టెన్‌), కేఎల్‌ రాహుల్‌, సూర్యకుమార్‌ యాదవ్‌, రిషబ్‌ పంత్‌(వికెట్‌కీపర్‌), ఇషాన్‌ కిషన్‌(వికెట్‌కీపర్‌), హార్ధిక్‌ పాండ్యా, రవీంద్ర జడేజా, రాహుల్‌ చాహర్‌, రవిచంద్రన్‌ అశ్విన్‌, అక్షర్‌ పటేల్‌, వరుణ్‌ చక్రవర్తి, బుమ్రా, భువనేశ్వర్‌ కుమార్‌, మహ్మద్‌ షమీ. స్టాండ్‌ బై ప్లేయర్స్‌: శ్రేయస్‌ అయ్యార్‌, శార్దూల్‌ ఠాకూర్‌, దీపక్‌ చహార్‌ చదవండి: T20 World Cup 2021: ‘పాకిస్తాన్‌తో తలపడే నా జట్టు ఇదే’.. అతడికి చోటివ్వని గౌతీ!

న్యూఢిల్లీ: టీమిండియా కెప్టెన్లలో మహేంద్ర సింగ్‌ ధోనిది ప్రత్యేక స్థానం. విజయవంతమైన సారథిగా.. బ్యాట్స్‌మెన్‌గా.. వికెట్‌ కీపర్‌గా చరిత్రలో తనకంటూ సుస్థిర స్థానం సంపాదించుకున్నాడు. భారత్‌కు మూడు ఐసీసీ ట్రోఫీలు సంపాదించి పెట్టిన ఒకే ఒక్క కెప్టెన్‌గా ఘనత సాధించాడు. ‘క్రికెట్‌ దేవుడు’ సచిన్‌ టెండుల్కర్‌ తర్వాత అంతటి క్రేజ్‌ ధోని సొంతం అనడంలో ఎలాంటి అతిశయోక్తి లేదు. అలాంటి అద్భుతమైన ఆటగాడికి, తనలాంటి మరెంతో మంది దిగ్గజ క్రికెటర్లను తగిన రీతిలో సత్కరించుకోవడం బీసీసీఐ బాధ్యత అని టీమిండియా మాజీ వికెట్‌ కీపర్‌ సబా కరీం అన్నాడు. ధోని జెర్సీ నంబరు 7కు రిటైర్మెంట్‌ ఇవ్వాలని అభిప్రాయపడ్డారు. కాగా సచిన్‌ టెండుల్కర్‌ ఉపయోగించిన జెర్సీ నంబరు 10ను యువ ఆటగాడు శార్దూల్‌ ఠాకూర్‌ ఉపయోగించడం పట్ల విమర్శలు వెల్లువెత్తిన సంగతి తెలిసిందే. దిగ్గజ ఆటగాడు ఉపయోగించిన ఈ నంబరును శార్దూల్‌కు కేటాయించడం వివాదానికి దారి తీసింది. ఈ నేపథ్యంలో సబా కరీం మాట్లాడుతూ... ‘‘కేవలం ఎంఎస్‌ ధోని గురించి మాత్రమే నేను ఆలోచించడం లేదు. అలాంటి ఎంతో మంది లెజెండ్స్‌ ఉపయోగించిన జెర్సీ నంబర్లు వారికి మాత్రమే చెందినవిగా భావించాలి. తద్వారా భారత క్రికెట్‌కు వారు అందించిన సేవలకు తగిన గుర్తింపు ఇచ్చినట్లు అవుతుంది.  వారిని సముచిత రీతిలో గౌరవించుకునే క్రమంలో.. వాటిని ఇతరులు వాడుకునేందుకు అనుమతి ఇవ్వకూడదు’’ అని పేర్కొన్నాడు. కాగా గతేడాది ఆగస్టులో ధోని అంతర్జాతీయ క్రికెట్‌కు గుడ్‌ బై చెప్పిన సంగతి తెలిసిందే. ఇక ఈ విషయం గురించి సబా కరీం మాట్లాడుతూ.. ‘‘తను ఇప్పుడు ఇంటర్నేషనల్‌ క్రికెట్‌కు ప్రాతినిథ్యం వహించకపోవచ్చు. కానీ, చెన్నై సూపర్‌కింగ్స్‌ వంటి జట్టు తరఫున ఎంతో మంది ఆటగాళ్లను తీర్చిదిద్దుతున్నాడు. తన సేవలు ఇలాగే కొనసాగుతాయనడంలో ఎలాంటి సందేహం లేదు. టీమిండియా మెరుగైన భవిష్యత్తుకు తన వంతు సాయం చేయడంలో ధోనీ ముందే ఉంటాడు’’ అని చెప్పుకొచ్చాడు.

ముంబై: దేశవాళీ క్రికెట్‌ సీజన్‌ను కరోనా మింగేయనుంది. దేశంలో వైరస్‌ విలయతాండవం అంతకంతకూ పెరిగిపోతోంది. ఆటలకు బాటలే పడట్లేదు. దీంతో ప్రస్తుత కరోనా సీజన్‌లో దేశవాళీ టోర్నీలను రెండుకే పరిమితం చేయాలని భారత క్రికెట్‌ నియంత్రణ మండలి (బీసీసీఐ) నిర్ణయించింది. 2020–21లో సీనియర్ల కోసం రంజీ ట్రోఫీ... కుర్రాళ్ల కోసం అండర్‌–19 వినూ మన్కడ్‌ ట్రోఫీల ను మాత్రమే నిర్వహిస్తారు. దులీప్, దేవధర్, విజయ్‌ హజారే, సీకే నాయుడు (అండర్‌–23) టోర్నీలు అసాధ్యమేనని బోర్డు భావించింది. వీలు ను బట్టి ముస్తాక్‌ అలీ టి20 టోర్నీకి చోటిచ్చింది. రంజీ కూడా ఇపుడున్న ఎలైట్, ప్లేట్‌ కాకుండా పాత పద్ధతిలోనే నిర్వహించే అవకాశముంది. అంటే ఐదు జోన్ల (నార్త్, ఈస్ట్, వెస్ట్, సౌత్, సెంట్రల్‌)లోని జట్ల మధ్య లీగ్‌ మ్యాచ్‌లు జరుగుతాయి. తదుపరి జోన్‌ విజేతలకు (పాయింట్ల పట్టికలో జోన్‌ టాపర్‌) నాకౌట్‌ పద్ధతిలో నిర్వహించి విజేతను తేలుస్తారు. సాబా కరీమ్‌ రాజీనామా మరోవైపు బీసీసీఐ జనరల్‌ మేనేజర్‌ (క్రికెట్‌ ఆపరేషన్స్‌) పదవికి సాబా కరీమ్‌ రాజీనామా చేశాడు.  ఇటీవల బోర్డు సీఈఓ రాహుల్‌ జోహ్రి కూడా తన పదవికి గుడ్‌బై చెప్పిన సంగతి తెలిసిందే. దీంతో బీసీసీఐలో కొత్త ప్రొఫెషనల్స్‌ టీమ్‌ రాబోతుందనే చర్చ మొదలైంది. భారత మాజీ వికెట్‌ కీపర్‌ అయిన సాబా కరీమ్‌ క్రికెట్‌ ఆపరేషన్స్‌ మేనేజర్‌గా ముఖ్యంగా దేశవాళీ క్రికెట్‌ బాధ్యతల్ని నిర్వర్తించేవాడు.

న్యూఢిల్లీ: భారత క్రికెట్‌ ఆపరేషన్స్‌ జీఎంగా, మహిళల క్రికెట్‌ జట్టుకు ఇన్‌ఛార్జిగా ఉన్న మాజీ క్రికెటర్‌ సాబా కరీం నిర్లక్ష్యంగా వ్యవహరించడంపై బీసీసీఐ సీరియస్‌ అయ్యింది. వెస్టిండీస్‌ పర్యటనకు వెళ్లిన భారత మహిళా క్రికెట్‌ జట్టు సభ్యులకు డైలీ అలెవన్స్‌(డీఏ) రూపంలో ఇవ్వాల్సిన నగదును ఇవ్వకుండా సాబా కరీం అలసత్వం ప్రదర్శించాడు. దాంతో తమ అకౌంట్‌లో నగదు ఉంటుందనుకుని భావించిన భారత మహిళా క్రికెట్‌ జట్టు బృందం.. తమ అకౌంట్‌లు చూసుకుని ఒక్కసారిగా షాకయ్యింది. భారత క్రికెట్‌ జట్ల ఫైనాన్షియల్‌ వ్యవహారాలన్నీ గత నెల 18 వరకూ వినోద్‌ రాయ్‌ నేతృత్వంలోని క్రికెట్‌ పరిపాలక కమిటీ(సీఓఏ) చూసేది. అయితే బీసీసీఐ అధ్యక్ష ఎన్నికల నేపథ్యంలో దాన్ని సాబా కరీంకు అప్పచెప్పింది. దీనిపై సెప్టెంబర్‌ 23వ తేదీనే కరీంకు మెయిల్‌ పంపారు. అయితే అక్టోబర్‌ 24వరకూ ఫైనాన్షియల్‌ వ్యవహారాలకు సంబంధించి సాబా కరీం ఏమీ పట్టించుకోలేదు. ఈ క్రమంలోనే భారత మహిళా జట్టు.. వెస్టిండీస్‌ పర్యటనకు వెళ్లడంతో నగదు సమస్య తలెత్తింది. ఈ విషయాన్ని వెంటనే బీసీసీఐకు తెలియజేయడంతో కొత్త నియమించబడ్డ కార్యవర్గం జోక్యంతో డీఏను ఆగమేఘాలపై బదిలీ చేయాల్సివచ్చింది. కాగా, ఈ వ్యవహారాన్ని చూడాల్సిన సాబా కరీంపై బీసీసీఐ సీరియస్‌ అయ్యింది.  విదేశీ పర్యటనకు భారత మహిళా క్రికెట్‌ జట్టు వెళ్లిన తరుణంలో ఇలాగేనా వ్యవహరించేది అంటూ బీసీసీఐ సీనియర్‌ అధికారి ఒకరు మండిపడ్డారు. ‘ ఇది చాలా సున్నితంగా పరిష్కరించాల్సిన విషయం. మన అమ్మాయిలు విదేశీ గడ్డపై అడుగుపెట్టినప్పుడు కనీసం వారి అకౌంట్‌లో ఒక్క రూపాయి కూడా లేకుండా పంపుతారా. దీనికి ఎవరు బాధ్యత వహిస్తారు. సెప్టెంబర్‌ 18 నుంచే ఫైనాన్స్‌ వ్యవహారాలు సీఓఏ నుంచి క్రికెట్‌ ఆపరేషన్స్‌ జీఎం సాబా కరీం చేతికి వస్తే.. అక్టోబర్‌ 24వ తేదీ వరకూ ఎందుకంత నిర్లక్ష్యం వహించారు. భారత మహిళా క్రికెటర్లకు డీఏ ఇవ్వవపోవడం వారి ఇబ్బందులు పడ్డారు’ అని సదరు అధికారి సీరియస్‌ అయ్యారు. విండీస్‌ పర్యటనలో భారత మహిళల జట్టు మూడు వన్డేల సిరీస్‌తో పాటు ఐదు టీ20ల సిరీస్‌ ఆడనుంది.