కథానాయకుడు, ప్రతినాయకుడు అనే వ్యత్యాసం చూపకుండా పాత్ర నచ్చితే నటించడానికి సిద్ధమవుతున్న అరుదైన నటుడు విజయ్‌ సేతుపతి. తాజాగా బిగ్‌బాస్‌ రియాల్టీ గేమ్‌నూ యాంకరింగ్‌ చేస్తున్న ఈయన ఇప్పుడు నూతన చిత్రంలో నటించడానికి సిద్ధం అయ్యారు. ఈయన జంటగా జాతీయ ఉత్తమ నటి అవార్డు గ్రహీత నటి నిత్యామీనన్‌ నటిస్తున్నారు. వీరిద్దరూ కలిసి నటిస్తున్న తొలి చిత్రానికి పాండిరాజ్‌ కథ, దర్శకత్వం బాధ్యతలను నిర్వహించారు. ఈయన ఇంతకుముందు పసంగ, మెరీనా. కేడి బిల్లా కిలాడి రంగ, పసంగ –2, ఇది నమ్మ ఆలు, కథాకళి, కడైకుట్టి సింగం వంటి పలు విజయవంతమైన చిత్రాలను తెరకెక్కించారు. కాగా ఈయన తన తాజా చిత్రాన్ని విజయ్‌ సేతుపతి, నిత్యామీనన్‌ జంటగా తెరకెక్కిస్తున్నారు. ఇంకా పేరు నిర్ణయించని ఈ చిత్రం షూటింగ్‌ మంగళవారం తిరుచెందూరులో పూజా కార్యక్రమాలతో ప్రారంభమైంది. అక్కడ సముద్రతీరంలో విజయ్‌ సేతుపతి తదితర నటీనటులతో సన్నివేశాలను తదుపరి తూత్తుకుడి రామేశ్వరం ప్రాంతాల్లో షూటింగులు నిర్వహించనున్నట్లు యూనిట్‌ వర్గాలు తెలిపారు. ఈ చిత్రానికి సంబంధించిన పూర్తి వివరాలను త్వరలో వెల్లడించనున్నట్లు వారు పేర్కొన్నారు.

అందం, అభినయం పరంగా తెలుగు ప్రేక్షకుల్లోనూ ప్రత్యేక స్థానం సంపాదించుకున్న మలయాళ బ్యూటీ నిత్యా మీనన్‌ తెలుగు సినిమా అంగీకరించి దాదాపు రెండేళ్లయింది. ప్రస్తుతం తమిళంలో ‘కాదలిక్క నేరమిల్లయ్, డియర్‌ ఎక్సెస్‌’ సినిమాలు చేస్తున్నారు. ఇవి తెలుగులోనూ విడుదలయ్యే అవకాశం ఉంది. మరి... నిత్యా మీనన్‌ స్ట్రయిట్‌ తెలుగు సినిమా సంగతి ఏంటి? అంటే... ఆమె ఓ తెలుగు సినిమా అంగీకరించారనే ప్రచారం జరుగుతోంది. నితిన్‌ హీరోగా వేణు శ్రీరామ్‌ దర్శకత్వంలో రూపొందుతున్న ‘తమ్ముడు’ సినిమాలో అతిథి పాత్రకు సై అన్నారట నిత్య. గతంలో నితిన్, నిత్యా మీనన్‌ జంటగా నటించిన ‘ఇష్క్, గుండెజారి గల్లంతయ్యిందే’ చిత్రాలు మంచి విజయాన్ని సొంతం చేసుకున్నాయి. అలా హిట్‌ పెయిర్‌ అనిపించుకున్నారు. తాజాగా నితిన్‌ హీరోగా రూ΄÷ందుతున్న ‘తమ్ముడు’లో సప్తమీ గౌడ కథానాయికగా నటిస్తున్నారు. నటి లయ ఓ కీలక పాత్ర చేస్తున్నారు. ఇందులో ఉన్న కీలకమైన అతిథి పాత్రకు నిత్యా మీనన్‌ని తీసుకున్నారని సమాచారం.

ప్రముఖ ఓటీటీ ఆహాలో సూపర్ హిట్ అయిన షోలలో తెలుగు ఇండియన్ ఐడల్  ఒకటి. . యంగ్ సింగర్స్‌కు తమ ట్యాలెంట్‌ నిరూపించుకోవడానికి ఈ సింగింగ్‌ షో మంచి వేదికగా నిలిచింది.ఈ షోకి  సింగర్ శ్రీరామచంద్ర హోస్ట్ గా.. మ్యూజిక్ డైరెక్టర్ తమన్, హీరోయిన్ నిత్యామీనన్.. సింగర్ కార్తీక్ జడ్జీలుగా వ్యవహరించి సందడి చేశారు. అంతేకాదు గ్రాండ్‌ ఫినాలేకి మెగాస్టార్‌ చిరంజీవి గెస్ట్‌గా వచ్చి అలరించారు. త్వరలోనే ఈ సింగింగ్‌ షో రెండో సీజన్‌ రాబోతుంది.   తాజాగా ఆహా తెలుగు ఇండియన్ ఐడల్ సీజన్ 2 కర్టెన్‌ రైజర్ ప్రోగ్రాం వేడుకగా జరిగింది. ఈ కార్యక్రమానికి సీఈవో అజిత్‌ ఠాకూర్‌, ప్రముఖ సింగర్లు, ఎస్‌.ఎస్‌. తమన్‌, కార్తీక్‌, గీతామాధురి, హేమచంద్ర తదితరలు హాజరయ్యారు. ఇక సీజన్‌ 1కి శ్రీరామచంద్ర వ్యాఖ్యాతగా వ్యవహరిస్తే.. రెండో సీజన్‌ని హేమచంద్ర హోస్ట్‌ చేయనున్నారు. ఇక జడ్జీల విషయానికొస్తే… సింగర్‌ నిత్యామీనన్‌ ప్లేస్‌లో ట్యాలెంటెడ్‌ సింగర్ గీతా మాధురి రానుంది. View this post on Instagram A post shared by ahavideoin (@ahavideoin)

తమిళసినిమా: దక్షిణాది సినిమాల్లో నటి నిత్యామీనన్‌కు నేమ్, ఫేమ్‌ ఉన్నాయని ప్రత్యేకంగా చెప్పాల్సిన అవసరం ఉండదు. నిత్యామీనన్‌ ఏ పాత్ర పోషించినా అందులో సహజత్వం ఉట్టి పడుతుంది. అలాగే ఏది పడితే ఆ పాత్ర ఒప్పుకోదు. అదే ఆమెలో ప్లస్, మైనస్‌ కూడా. నటనకు అవకాశం ఉన్న పాత్రలే అంగీకరించి పేరు తెచ్చుకుంటోంది. అలాగే కొన్ని మంచి ప్రాతలను కూడా నిరాకరించడం వల్ల అవకాశాలను కోల్పోతోంది. అందుకే అన్ని భాషల్లో కలిపి 6 నెలలకో, ఏడాదికో ఈమె నటించిన చిత్రాలు విడుదల అవుతుంటాయి. అంతెందుకు ఇటీవల ఈ భామ ధనుష్‌కు జంటగా తిరుచ్చిట్రంఫలం చిత్రంలో నటింంది. ఇందులో నటి రాశీఖన్నా, ప్రియాభవాని శంకర్‌ ఉన్నా, ఇలా మెరిసి అలా వెళ్లిపోతారు. ఇంకా చెప్పాలంటే ఆ చిత్ర కథకు నిత్యామీనన్‌ పాత్రే ప్రధాన బలం, చిత్రం విడుదలైన తరువాత ఆమెకు అంత మంచి పేరు వచ్చింది కూడా. దీంతో అవకాశాలు నిత్యామీనన్‌ తలుపులను తడుముతున్నాయి. అయితే ఆమె దర్శక నిర్మాతలకు కలిసే అవకాశం కూడా ఇవ్వడం లేదనే టాక్‌ కోలీవుడ్‌లో వైరల్‌ అవుతోంది. అసలు కారణం ఏమిటని ఆరా తీస్తే నిత్యామీనన్‌ తన కాల్‌షీట్స్‌ అన్ని ఒక ప్రముఖ బాలీవుడ్‌ సంస్థ చేతిలో పెట్టిందని తెలిసింది. నిత్యామీనన్‌ కాల్‌షీట్స్‌ కోసం ఆ సంస్థను కలవడం అంత సులభం కాదనే మాట వినిపిస్తోంది. దీంతో నిత్యామీనన్‌ అసలు ఎందుకిలా చేసింది అనే ప్రశ్న తలెత్తుతోంది. నిత్య ఎందుకిలా చేసింది?

Modern Love Hyderabad: Amazon Prime Announces Release Date: ప్రస్తుతం ఓటీటీల హవా కొనసాగుతోంది. సొంతగా సినిమాలు, వెబ్‌ సిరీస్‌ల నిర్మిస్తూ యంగ్‌ అండ్‌ న్యూ టాలెంట్‌ను ప్రోత్సహిస్తున్నాయి. దీంతో చిన్న హీరోలు, నటీనటులంతా ఓటీటీ మూవీస్‌, వెబ్‌ సిరీస్‌లపై ఆసక్తి చూపుతున్నారు. ఓటీటీల్లో ప్రముఖంగా చెప్పుకునే వాటిలో ఒకటి అమెజాన్‌ ప్రైమ్‌ వీడియో. అమెజాన్‌ ప్రైమ్ ఒరిజినల్స్ పేరుతో అనేక సినిమాలు, వెబ్‌ సిరీస్‌లు నిర్మిస్తూ అలరిస్తోంది. తాజాగా 'మోడ్రన్‌ లవ్ హైదరాబాద్' అనే వెబ్‌ సిరీస్ రానుంది.  ఇందులో హీరోయిన్ నిత్యా మీనన్, రీతూ వర్మ, హీరో ఆది పినిశెట్టి, బిగ్‌బాస్‌ నాలుగో సీజన్‌ విన్నర్‌ అభిజిత్‌తోపాటు సీనియర్ నటి సుహాసిని, కోమలి కీలక పాత్రలు పోషిస్తున్నారు. 6 ఎపిసోడ్స్‌గా రానున్న ఈ వెబ్‌ సిరీస్‌కు నలుగురు డైరెక్టర్లు నగేష్‌, వెంకటేష్ మహా, ఉదయ్ గుర్రాల, దేవిక బహుదానం దర్శకత్వం వహిస్తున్నారు. ఈ సిరీస్‌ అమెజాన్ ప్రైమ్ వీడియోలో జులై 8 నుంచి స్ట్రీమింగ్ కానుంది. కాగా నెల క్రితం అమెజాన్‌ సంస్థ 'మోడ్రన్‌ లవ్‌ ముంబై' పేరుతో సిరీస్‌ను విడుదల చేసింది. అంతకుముందు ఏప్రిల్‌ 28న 'మోడ్రన్ లవ్‌ చెన్నై' కూడా రిలీజ్ కాగా ఇప్పుడు హైదరాబాద్ నేపథ్యంలో ఈ వెబ్‌ సిరీస్‌ తెరకెక్కింది.  చదవండి: బుల్లితెర నటి ఆత్మహత్య.. అతడే కారణమని తండ్రి ఆరోపణ bringing you 6 heartfelt stories of love all the way from Hyderabad 😍#ModernLoveOnPrime, July 8 #SICProductions @nareshagastya @hasinimani @komaleeprasad @MenenNithya #RevathyAshaKelunni #UlkaGupta #NareshVijayaKrishna @Abijeet #MalavikaNair @AadhiOfficial @riturv pic.twitter.com/lK7OdTzOv6 — amazon prime video IN (@PrimeVideoIN) June 22, 2022

టైటిల్‌ : భీమ్లా నాయక్‌ నటీనటులు : పవన్‌ కల్యాణ్‌, రానా, నిత్యా మీనన్‌,సంయుక్త మీనన్‌, మురళీ శర్మ తదితరులు  నిర్మాణ సంస్థ : సితార ఎంటర్టైన్మెంట్స్  నిర్మాత: సూర్యదేవర నాగవంశీ దర్శకత్వం :సాగర్‌ కె చంద్ర సంగీతం : తమన్‌ సినిమాటోగ్రఫీ : రవి కె. చంద్రన్‌ ఎడిటర్‌: నవీన్‌ నూలి విడుదల తేది : ఫిబ్రవరి 25, 2022 ‘వకీల్‌ సాబ్‌’ మూవీ తర్వాత పవన్‌ కల్యాణ్‌ నటించిన తాజా చిత్రం ‘భీమ్లా నాయక్‌’. మరో కీలక పాత్రలో యంగ్‌ హీరో రానా నటించారు. ఈ చిత్రానికి సాగర్ కె చంద్ర దర్శకత్వం వహించగా.. మాటల మాంత్రికుడు త్రివిక్రమ్ శ్రీనివాస్ డైలాగ్స్‌, స్క్రీన్‌ ప్లే అందించారు. మలయాళంలో ఘన విజయం సాధించిన అయ్యప్పనుమ్‌ కొషియుమ్‌ మూవీకి రీమేక్‌గా తెరకెక్కిన ఈ చిత్రంలో నిత్యా మీనన్‌, సంయుక్త మీనన్ లు హీరోయిన్లుగా నటించారు. కరోనా కారణంగా పలుమార్లు వాయిదా పడిన ఈ చిత్రం.. ఎట్టకేలకు ఈ శుక్రవారం(ఫిబ్రవరి 25) ప్రేక్షకుల ముందుకు వచ్చింది. మరి ఈ చిత్రం ప్రేక్షకులను ఏ మేరకు ఆకట్టుకుంది? రివ్యూలో చూద్దాం.   భీమ్లా నాయక్‌ కథేంటంటే..? భీమ్లా నాయక్‌(పవన్‌ కల్యాణ్‌).. కర్నూలు జిలా హఠకేశ్వర్‌ మండలం పోలీస్టేషన్‌లో నిజాయితిపరుడైన ఎస్సై. డేనియల్‌ శేఖర్‌ ఓ రిటైర్డ్‌ ఆర్మీ ఆఫీసర్‌. అతని తండ్రి(సముద్ర ఖని) వరంగల్‌  మాజీ ఎంపీ. రాజకీయ పలుకుబడి ఉన్న డేనియల్‌ శేఖర్‌ ఓ రోజు రాత్రి పీకల దాకా తాగి, అడవి గుండా వెళ్తూ మద్యం బాటిళ్లతో పోలీసులకు చిక్కుతాడు. ఈ సందర్భంగా డేనియల్‌కు, పోలీసుకు వాగ్వాదం జరుగుంది. పోలీసులపై దాడి చేసిన డేనియల్‌ను అక్కడే విధులు నిర్వహిస్తున్న భీమ్లా నాయక్‌ అరెస్ట్‌ చేస్తాడు. దీంతో డేనియల్‌ అహం దెబ్బతింటుంది. తనను అరెస్ట్‌ చేసిన భీమ్లా నాయక్‌ని ఎలాగైనా దెబ్బ కొట్టాలని భావిస్తాడు. ఆయన చేసిన కుట్రలో భాగంగా భీమ్లా నాయక్‌ ఉద్యోగం పోతుంది. అంతేకాదు అతని భార్య సుగుణ(నిత్యా మీనన్‌) కూడా అరెస్ట్‌ కావాల్సి వస్తోంది. అసలు భీమ్లా నాయక్‌ ఉద్యోగం ఎందుకు పోయింది? తన ప్రతీకారం తీర్చుకునే క్రమంలో డేనియల్‌ శేఖర్‌ ఎలాంటి తప్పులు చేశాడు? సస్పెండ్‌ అయిన తర్వాత భీమ్లా నాయక్‌ ఎలాంటి నిర్ణయాలు తీసుకున్నాడు? అహంకారి అయిన మాజీ సైనికాధికారికి, ఆత్మ గౌరవం ఉన్న పోలీసు అధికారికి మధ్య జరిగిన పోరులో ఎవరు విజయం సాధించారు? భీమ్లా నాయక్‌ నుంచి డేనియల్‌ శేఖర్‌ని ఆయన భార్య (సంయుక్త మీనన్‌)ఎలా రక్షించుకుంది? అనేదే మిగతా కథ. ఎవరెలా చేశారంటే..? నిజాయితీపరుడైన ఎస్సై భీమ్లా నాయక్‌ పాత్రలో పవన్‌ ఒదిగిపోయాడు. ఇక బాగా పొగరు ఉన్న రాజకీయ నేత, రిటైర్డ్‌ ఆర్మీ అధికారి డేనియల్‌ శేఖర్‌గా రానా అద్భుత నటనను కనబరిచాడు. రాజకీయ అండదండలు ఉన్న వ్యక్తి ఏవిధంగా అయితే యాటిట్యూడ్‌ చూపిస్తాడో.. అచ్చం అలానే రానా తెరపై కనిపించాడు. ఈగో దెబ్బతింటే.. ఎంతకైనా తెగించే పాత్ర తనది. ప్రతి సీన్‌లో పవన్‌ కల్యాణ్‌తో పోటాపోటీగా నటించాడు. ఇక భీమ్లా నాయక్‌ భార్య సుగుణ పాత్రలో నిత్యా మీనన్‌ పరకాయ ప్రవేశం చేసింది. మాతృకతో పోలిస్తే.. ఇందులో సుగుణ పాత్రకు స్క్రీన్‌ స్పెస్‌ ఎక్కువ. అంతేకాదు కొన్ని కీలక సన్నివేశాలు కూడా ఆమె పాత్రకు అతికించారు. డేనియల్‌ శేకర్‌ భార్యగా సంయుక్త మీనన్‌ పర్వాలేదనిపించింది. సీఐ కోదండరాంగా మురళీ శర్మ, బార్‌ ఓనర్‌ నాగరాజుగా రావు రమేశ్‌, డేనియల్‌ శేఖర్‌ తండ్రి, మాజీ ఎంపీగా సముద్ర ఖని తదితరులు తమ పాత్రల పరిధిమేర నటించారు.  ఎలా ఉందంటే..? మలయాళం బ్లాక్‌ బస్టర్‌ మూవీ ‘అయ్యప్పనుమ్‌ కొషియుమ్‌’ రీమేక్‌ మూవీయే ‘భీమ్లా నాయక్‌’. ఇద్దరు బలమైన వ్యక్తుల అహం దెబ్బ తింటే ఎలాంటి పరిణామాలు చోటు చేసుకుంటాయనేదే ‘అయ్యప్పనుమ్‌ కొషియుమ్‌’మూవీ స్టోరీ. ఇదే కథను తీసుకొని, కొన్ని మార్పులు చేసి ‘భీమ్లా నాయక్‌’ చిత్రాన్ని తెరకెక్కించారు. అయితే వాటిలో కొన్ని సినిమాకు అనుకూలంగా మారగా, కొన్ని ప్రతికూలంగా మారాయి. ముఖ్యంగా కొన్ని యాక్షన్స్‌ సీన్స్‌ అయితే అతిగా అనిపిస్తాయి. అలాగే సెకండాఫ్‌లో వచ్చే ప్లాష్‌ బ్యాక్‌ స్టోరీ అతికించినట్లుగా అనిపిస్తుంది. మాతృకలో మాదిరే పవన్‌, రానా పాత్రలను పరిచయం చేసిన దర్శకుడు.. వారి నేపథ్యాన్ని మాత్రం మరింత బలంగా చూపించారు. తండాకు సంబంధించిన సీన్స్‌, హీరో ప్లాష్‌బ్యాక్‌ సీన్స్‌..మాతృకలో ఉండవు. రావు రమేశ్‌ కామెడీ పంచులు, నిత్యామీనన్‌ సరదా సన్నివేశాలతో ఫస్టాఫ్‌ అంతా ఫీల్‌గుడ్‌గా సాగుతుంది. భీమ్లా నాయక్‌ సస్పెండ్‌తో ఫస్టాఫ్‌ ముగుస్తుంది. ఇక సెకండాఫ్‌లో ఓరిజినల్‌ కథలో చాలా మార్పులు చేశారు. పవన్‌, రానాల మధ్య వచ్చే ప్రతి సన్నివేశం ఆసక్తికరంగా ఉంటుంది. ఇరువురి మధ్య వచ్చే డైలాగ్స్‌ కూడా ఆకట్టుకుంటాయి. అదేసమయంలో కొన్ని యాక్షన్‌ సీన్స్‌లో డోస్‌ ఎక్కువైందనే ఫీలింగ్‌ కలుగుతోంది. క్లైమాక్స్‌లో వచ్చే యాక్షన్‌ సీన్‌ అయితే కాస్త సిల్లీగా అనిపించినా.. ట్విస్ట్‌ మాత్రం ఆకట్టుకుంటుంది. త్రివిక్రమ్‌ డైలాగ్స్‌, స్క్రీన్‌ ప్లే బాగుంది. ఈ సినిమాకు మరో ప్రధాన బలం తమన్‌ సంగీతం. పాటలతో పాటు చక్కటి నేపథ్య సంగీతాన్ని అందించాడు. రవి కె. చంద్రన్‌ సినిమాటోగ్రఫి బాగుంది. అడవి అందాలను తెరపై చక్కగా చూపించాడు. నవీన్‌ నూలి ఎడిటింగ్‌ క్రిస్పీగా ఉంది. నిర్మాణ విలువలు సినిమా స్థాయికి తగినట్లుగా ఉన్నాయి. 

Bheemla Nayak Movie 4th Song "Adavi Thalli Mata" Released: పవర్‌ స్టార్‌ పవన్‌ కల‍్యాణ్‌, రానా దగ్గుబాటి మల్టీసారర్‌గా వస్తున్న చిత్రం 'భీమ్లా నాయక్‌'. ఈ  సినిమాకు సాగర్‌ కె చంద్ర దర్శకత్వ వహించగా తమన్‌ స్వరాలు సమకూరుస్తున్నారు. ఇప్పటికే ఈ చిత్రం నుంచి రిలీజైన పోస్టర్స్‌, పాటలు, గ్లింప్స్‌ అదరగొడుతున్నాయి. ఈ సినిమాకు మాటల మాంత్రికుడు డైలాగ్స్‌ రాస్తున్న సంగతి తెలిసిందే. సంక్రాంతి కానుకగా జనవరి 12న ప్రేక్షకుల ముందుకు రానున్న ఈ సినిమా ప్రమోషన్స్‌ జోరు పెంచారు దర్శకనిర్మాతలు. అందులో భాగంగా తాజాగా 'భీమ్లా నాయక్' ఫోర్త్ సింగిల్‌ సాంగ్‌ విడుదల చేశారు మేకర్స్‌.  అయితే ఫోర్త్‌ సింగిల్‌ అయిన 'అడవి తల్లి మాట' పాటను డిసెంబర్‌ 1న విడుదల చేయాల్సింది. అక్షరయోధుడు సిరివెన్నెల సీతారామ శాస్త్రి మృతికి సంతాపంగా ఆ పాట రిలీజ్‌ను ఆపేసారు. చివరికీ ఇవాళ (డిసెంబర్‌ 4, శనివారం) ఉదయం 10.08 గంటలకు విడుదల చేయనున్నట్లు ప్రకటించారు. చెప్పినట్టే ఇవాళ సాంగ్‌ను రిలీజ్‌ చేశారు మేకర్స్‌. ఈ 'అడవి తల్లి మాట' పాటను రామజోగయ్య శాస్త‍్రి రచించారు. దుర్గవ్వ, సాహితి చాగంటి తమదైన గాత్రంతో పాడి ఆకట్టుకున్నారు. మలయాళంలో బ్లాక్‌ బస్టర్‌ హిట్‌గా నిలిచిన 'అయ్యప్పనుమ్‌ కోషియమ్‌' సినిమాకు తెలుగు రీమేక్‌గా 'భీమ్లా నాయక్‌' తెరకెక్కుతోంది. 

Satyadev At Skylab Trailer Launch Event: ‘‘స్కైలాబ్‌’ చిత్రం బాగా వచ్చింది. ఈ ట్రైలర్‌ను చూస్తుంటే నాకు నన్నే కొత్తగా, నా నటనలోని మరో కోణాన్ని చూపించే ప్రయత్నం చేశాడు దర్శకుడు విశ్వక్‌’’ అని సత్యదేవ్‌ అన్నారు. నిత్యామీనన్, సత్యదేవ్, రాహుల్‌ రామకృష్ణ ప్రధాన పాత్రల్లో విశ్వక్‌ ఖండేరావు దర్శకత్వంలో తెరకెక్కిన చిత్రం ‘స్కైలాబ్‌’. రవికిరణ్‌ సమర్పణలో పృథ్వీ పిన్నమరాజు నిర్మించిన ఈ చిత్రం డిసెంబరు 4న విడుదల కానుంది. హీరోయిన్‌ నిత్యామీనన్‌ ఈ సినిమాకు సహ నిర్మాత. ఈ సినిమా ట్రైలర్‌ను శనివారం విడుదల చేశారు. ఈ సందర్భంగా సత్యదేవ్‌ మాట్లాడుతూ–‘‘ఈ సినిమా వల్ల పృథ్వీ, విశ్వక్‌ అనే ఇద్దరు ప్యాషనేట్‌ నిర్మాతలు ఇండస్ట్రీకి వస్తున్నందుకు హ్యాపీ. మా ట్రైలర్‌ విజువల్స్‌ చూసి పూరీ జగన్నాథ్‌గారు కాల్‌ చేసి కెమెరామ్యాన్‌ ఆదిత్యను అభినందించారు’’ అన్నారు. ‘‘స్కైలాబ్‌ నాకు స్పెషల్‌ మూవీ. ఈ సినిమా నిర్మాణంలో భాగమైనందుకు గర్వంగా ఉంది. విశ్వక్, పృథ్వీ భవిష్యత్‌లో మరిన్ని సినిమాలు చేయాలి’’ అన్నారు నిత్యామీనన్‌. ‘‘ఈ సినిమా అందరికీ నచ్చుతుంది’’ అన్నారు రాహుల్‌ రామకృష్ణ. ‘‘నిత్యామీనన్, సత్యదేవ్, రాహుల్‌లతో పని చేయడం నా అదృష్టం’’ అన్నారు విశ్వక్‌. ‘‘మానవీయ విలువలే ముఖ్యం అని చెప్పే చిత్రమిది’’ అన్నారు రవికిరణ్‌. ‘‘ఈ చిత్రంతో నిర్మాతగా నేను తొలి అడుగు వేస్తున్నాను’’ అన్నారు పృథ్వీ. ఎడిటర్‌ రవితేజ, కెమెరామ్యాన్‌ ఆదిత్య పాల్గొన్నారు.   

పవర్‌ స్టార్‌ ప‌వ‌న్ క‌ల్యాణ్‌- రానా దగ్గుబాటి ప్రధాన పాత్రల్లో సాగ‌ర్ కె చంద్ర తెర‌కెక్కిస్తున్న చిత్రం ‘భీమ్లా నాయ‌క్’. మలయాళం హిట్‌ మూవీ ‘అయ్యప్పనుమ్ కోషియం’కు తెలుగు రీమేక్‌ ఇది. ఇప్పటికే ఈ మూవీకి  సంబంధించి విడుద‌లైన ఫస్ట్‌లుక్, ప్రచారా చిత్రాలు, ఫస్ట్‌ సింగిల్‌ ప్రేక్ష‌కులను బాగా ఆకట్టుకున్నాయి. ఇందులో పవన్‌కు జోడిగా నిత్యామీనన్‌ నటిస్తున్న సంగతి తెలిసిందే. వీరిద్దరికి సంబంధించిన ఓ పాటను దసరా కానుకగా పవన్‌ ఫ్యాన్‌ కోసం విడుదల చేయబోతున్నట్లు ఇటీవల మేకర్స్‌ ప్రకటించిన సంగతి తెలిసిందే. చెప్పినట్లుగా చిత్రం బృందం నిన్న సాంగ్‌ ప్రోమో వదిలి శుక్రవారం(అక్టోబర్‌ 15)న పూర్తి సాంగ్‌ను విడుదల చేశారు.  ‘అంత ఇష్టం ఏందయ్యా..’ అంటూ సాగే పాట సీని ప్రియులకు బాగా ఆకట్టుకుంటుంది. ప్రముఖ గేయ రచయిత  రామ జోగయ్య శాస్త్రీ రాసిన ఈ పాటను సింగర్‌ చిత్ర ఆలపించారు. ఇందులో పవన్‌ కల్యాణ్‌ పోలీసు ఆఫీసర్‌గా టైటిల్‌ రోల్‌ పోషిస్తుండగా..  రానా కీలక పాత్రలో నటిస్తున్నాడు. ఈ మూవీ వచ్చే ఏడాది సంక్రాంతి కానుకగా జనవరి 12న ప్రేక్షకుల ముందుకు రాబోతోంది.   

పవర్‌ స్టార్‌ ప‌వ‌న్ క‌ల్యాణ్‌- రానా దగ్గుబాటి ప్రధాన పాత్రల్లో సాగ‌ర్ కె చంద్ర తెర‌కెక్కిస్తున్న చిత్రం ‘భీమ్లా నాయ‌క్’. మలయాళం హిట్‌ మూవీ ‘అయ్యప్పనుమ్ కోషియం’కు తెలుగు రీమేక్‌ ఇది. ఇప్పటికే ఈ మూవీకి  సంబంధించి విడుద‌లైన ఫస్ట్‌లుక్, ప్రచారా చిత్రాలు, ఫస్ట్‌ సింగిల్‌ ప్రేక్ష‌కులను బాగా ఆకట్టుకున్నాయి. ఇందులో పవన్‌కు జోడిగా నిత్యామీనన్‌ నటిస్తున్న సంగతి తెలిసిందే. వీరిద్దరికి సంబంధించిన ఓ పాటను ఈ నెల 15వ తేదీన విడుదల చేయబోతున్నట్లు ఇటీవల మేకర్స్‌ ప్రకటించారు. God bless…. Here's the glimpse into the other side of #BheemlaNayak♥️#AnthaIshtamPromo ➡️ https://t.co/kCXPWlckMk Full Song out tomorrow at 10:19am✨ 🎹 @MusicThaman 🎤 @KSChithra @pawankalyan @RanaDaggubati #Trivikram @saagar_chandrak @MenenNithya @dop007 @vamsi84 — RamajogaiahSastry (@ramjowrites) October 14, 2021 చెప్పినట్టుగానే రేపు సాంగ్‌ను విడుదల చేయబోతున్నారు మేకర్స్‌. ఈ నేపథ్యంలో ఈ రోజు(అక్టోబర్‌ 14) ఈ పాటకు సంబంధించిన ప్రోమో వదిలారు. ఈ సందర్భంగా రేపు ఫుల్‌ సాంగ్‌ రిలీజ్‌ చేయబోతున్నట్లు చిత్ర బృందం స్పష్టం చేసింది. ‘అంత ఇష్టం ఏందయ్యా..’ అంటూ సాగే పాటను ప్రముఖ గేయ రచయిత రామ జోగయ్య శాస్త్రీ రాయగా.. సింగర్‌ చిత్ర ఆలపించారు. ఇందులో పవన్‌ కల్యాణ్‌ పోలీసు ఆఫీసర్‌గా టైటిల్‌ రోల్‌ పోషిస్తుండగా..  రానా కీలక పాత్రలో నటిస్తున్నాడు. ఈ మూవీ వచ్చే ఏడాది సంక్రాంతి కానుకగా జనవరి 12న ప్రేక్షకుల ముందుకు రాబోతోంది.   

నవ్వులు చిందిస్తున్న ఫోటోని ఇన్‌స్టాలో షేర్‌ చేసింది ‘వకీల్‌సాబ్‌’ ఫేమ్‌ అనన్య  స్నేహితులను మిస్‌ అవుతున్నామంటూ.. గతంలో ఫ్రెండ్స్‌తో కాఫీ తాగిన ఫోటోని అభిమాలనుతో పంచుకుంది నిత్యామీనన్‌ 10లోపు ఇంటికెళ్లండి చెబుతున్న యాంకర్‌ శ్యామల నిన్ను నువ్వు ప్రేమించుకుంటేనే ఇతరును ప్రేమించగలుతావని అంటున్నాడు బిగ్‌బాస్‌ ఫేమ్‌ అఖిల్‌  పాత జ్ఞాపకాల్లోకి వెళ్లింది హీరోయిన్‌ భూమిక. 2018లో దిగిన త‌న ఫొటోని అభిమానుల‌తో పంచుకుంది View this post on Instagram A post shared by Ananya Nagalla (@ananya.nagalla) View this post on Instagram A post shared by Varsha Bollamma (@varshabollamma) View this post on Instagram A post shared by Nithya Menen (@nithyamenen) View this post on Instagram A post shared by syamala Anchor (@syamalaofficial) \ View this post on Instagram A post shared by Faria Abdullah (@fariaabdullah) View this post on Instagram A post shared by Lavanya T (@itsmelavanya) View this post on Instagram A post shared by Shraddha Das (@shraddhadas43) View this post on Instagram A post shared by Bhumika Chawla (@bhumika_chawla_t) View this post on Instagram A post shared by Adah Sharma (@adah_ki_adah) View this post on Instagram A post shared by Eesha Rebba (@yourseesha) View this post on Instagram A post shared by 𝐀𝐊𝐇𝐈𝐋𝐒𝐀𝐑𝐓𝐇𝐀𝐊 (@akhilsarthak_official) View this post on Instagram A post shared by Anupama Parameswaran (@anupamaparameswaran96)

హనుమంతుడు మనవాడే అంటూ భార్య సురేఖతో కలిసి ఆంజనేయస్వామి విగ్రహం దగ్గర దిగిన ఫోటోని అభిమానులతో పంచుకున్నాడు మెగాస్టార్‌ చిరంజీవి అందరికి ధన్యవాదాలు తెలియజేస్తున్న హారిక పెళ్లికూతురిగా ముస్తాబైన నిత్యామీనన్‌, చూస్తే వావ్‌ అనాల్సిందే మెంటల్‌ హెల్త్‌పై ఫోకస్‌ పెట్టండి అంటున్న రష్మీ గౌతమ్‌ చంద్రుడి సోదరిని అంటూ నటి శోభిత దూళిపాళ్ల ఒక బ్లాక్‌ అండ్‌ వైట్‌ ఫొటో షేర్‌ చేసింది. View this post on Instagram A post shared by Hebah Patel (@ihebahp) View this post on Instagram A post shared by Chiranjeevi Konidela (@chiranjeevikonidela) View this post on Instagram A post shared by Ritu Varma (@rituvarma) View this post on Instagram A post shared by Himaja💫 (@itshimaja) View this post on Instagram A post shared by D E E P T H I R E D D Y 🇮🇳 (@deepthi_sunaina) View this post on Instagram A post shared by Varalaxmi Sarathkumar (@varusarathkumar) View this post on Instagram A post shared by Alekhya Harika (@alekhyaharika_) View this post on Instagram A post shared by Nikita Sharma (@nikitasharma_official) View this post on Instagram A post shared by Suma K (@kanakalasuma) View this post on Instagram A post shared by disha patani (paatni) (@dishapatani) View this post on Instagram A post shared by Payal Rajput (@rajputpaayal) View this post on Instagram A post shared by M Monal Gajjar (@monal_gajjar) View this post on Instagram A post shared by Tejaswi Madivada (@tejaswimadivada) View this post on Instagram A post shared by RGV (@rgvzoomin) View this post on Instagram A post shared by Nithya Menen (@nithyamenen) View this post on Instagram A post shared by Regina Cassandra (@reginaacassandraa) View this post on Instagram A post shared by Poonam kaur (@puunamkhaur) View this post on Instagram A post shared by Rashmi Gautam (@rashmigautam) View this post on Instagram A post shared by Sobhita Dhulipala (@sobhitad)

'అలా మొదలైంది' సినిమాతో తెలుగు ప్రేక్షకులను పలకరించింది నిత్యా మీనన్‌. తర్వాత చేసిన 'ఇష్క్‌'‌ సినిమాతో యూత్‌కు ఫేవరెట్‌ హీరోయిన్‌గా మారిపోయింది. 'జబర్దస్త్‌' చిత్రంతో కాస్త తడబడ్డ నిత్య 'గుండె జారి గల్లంతయ్యిందే'తో మరోసారి కుర్రకారుల గుండెల్ని కొల్లగొట్టింది. View this post on Instagram A post shared by Nithya Menen (@nithyamenen) తెలుగుతో పాటు తమిళం, మలయాళం, హిందీ, కన్నడ సినిమాల్లో తన నటనతో, మధుర గాత్రంతో ప్రేక్షకులను కట్టిపడేసిన నిత్య తాజాగా పెళ్లి గెటప్‌లో దర్శనమిచ్చింది. తెల్లగా మెరిసిపోతున్న పెళ్లి గౌను ధరించి ఆమె ఫొటోలకు పోజిచ్చింది. వేలికి ఉంగరం, మెడకు చోకర్‌తో సింప్లీ సూపర్బ్‌ అనిపించుకుంటున్న ఈ ఫొటోలు చూసి పెళ్లి పీటలెక్కుతుందేమోనని తప్పులో కాలేయకండి. ఇది కేవలం ఫొటోషూట్‌ మాత్రమే..   View this post on Instagram A post shared by Nithya Menen (@nithyamenen) వైట్‌ డ్రెస్సులో చిరునవ్వులు చిందిస్తున్న నిత్య ఫొటోలు ప్రస్తుతం నెట్టింట వైరల్‌గా మారాయి. వెడ్డింగ్‌ డ్రెస్‌లో నిత్యను చూసిన అభిమానులు మా దిష్టే తగిలేలా ఉందంటూ కామెంట్లు చేస్తున్నారు. 'కొంపదీసి పెళ్లి చేసుకుంటున్నా అంటూ షాకింగ్‌ వార్తలు చెప్పి మా గుండెను ముక్కలు చేయొద్దు' అని కొందరు ఫ్యాన్స్‌ వేడుకుంటున్నారు. కాగా గతేడాది 'బ్రీత్‌: ఇన్‌టూ ద షాడోస్'‌ వెబ్‌ సిరీస్‌లో నటించిన నిత్య ప్రస్తుతం 'నవరస' అనే తమిళ సిరీస్‌లో తళుక్కున మెరవనుంది. మరోవైపు తెలుగులో 'గమనం'తో పాటు, మలయాళంలో '19 1 ఏ', మలయాళంలో 'కోలాంబి' సినిమాలు చేస్తోంది. View this post on Instagram A post shared by Nithya Menen (@nithyamenen) View this post on Instagram A post shared by Nithya Menen (@nithyamenen) View this post on Instagram A post shared by Nithya Menen (@nithyamenen) View this post on Instagram A post shared by Nithya Menen (@nithyamenen) చదవండి: Actor Sai Kiran: నేను భయపడుతుంటే, కూల్‌గా ఎలా ఉన్నారు?

శ్రియ, నిత్యా మీనన్‌  ప్రధాన పాత్రల్లో తెరకెక్కిన చిత్రం ‘గమనం’. లేడీ డైరెక్టర్‌ సుజనా రావు దర్శకత్వం వహించిన ఈ సినిమా తెలుగు, తమిళ, కన్నడ, మలయాళం, హిందీ భాషల్లో పాన్‌ ఇండియా ఫిల్మ్‌గా రూపొందింది. రమేష్‌ కరుటూరి, వెంకీ పుషడపు, జ్ఞానశేఖర్‌ వీఎస్‌ నిర్మించారు. ఈ చిత్రంలో గాయని శైలపుత్రీ దేవి అనే పాత్ర పోషిస్తోన్న నిత్యా మీనన్‌ ఫస్ట్‌ లుక్‌ పోస్టర్‌ను హీరో శర్వానంద్‌ ఆవిష్కరించారు. నిర్మాతలు మాట్లాడుతూ– ‘‘రియల్‌ లైఫ్‌ డ్రామాగా ‘గమనం’ రూపొందుతోంది. ఇటీవల విడుదల చేసిన శ్రియ ఫస్ట్‌ లుక్‌ పోస్టర్‌కు మంచి స్పందన వచ్చింది. ఇప్పటికే షూటింగ్‌ పూర్తయిన ఈ చిత్రం ప్రస్తుతం పోస్ట్‌ ప్రొడక్షన్‌ పనులు జరుపుకుంటోంది’’ అన్నారు. ఈ చిత్రానికి మాటలు: సాయిమాధవ్‌ బుర్రా, సంగీతం: ఇళయరాజా, కెమెరా: జ్ఞానశేఖర్‌ వీఎస్‌.

సాక్షి, చెన్నై : తమిళనాడు మాజీ ముఖ్యమంత్రి జయలలిత జీవిత చరిత్ర ఆధారంగా తెరకెక్కుతున్న పలు చిత్రాల నిర్మాణాలకు ఎట్టకేలకు లైన్‌ క్లియర్‌ అయ్యాయి. ప్రముఖ నటి రమ్యకృష్ణ క్వీన్‌కు, నటి కంగనా రనౌత్‌ తలైవికి, నిత్యా మీనన్‌ ది ఐరన్‌ లేడీ చిత్రాలకు ఆటంకాలు తొలిగిపోయాయి. వీటి నిర్మాణాలను నిర్భయంగా జరుపుకోవచ్చు. అందుకు స్వయంగా మద్రాసు హైకోర్టునే పచ్చజెండా ఊపింది.  దర్శకుడు విజయ్‌... జయలలిత బయోపిక్‌ను తలైవి పేరుతో నాలుగు భాషల్లో తెరకెక్కిస్తున్న విషయం, అందులో జయలలిత పాత్రలో బాలీవుడ్‌ సంచలన నటి కంగనారనౌత్‌ నటిస్తున్న విషయం తెలిసిందే. అదేవిధంగా మహిళా దర్శకురాలు ప్రియదర్శిని దీ ఐరన్‌ లేడీ పేరుతో చిత్రాన్ని తెరకెక్కించడానికి సన్నాహాలు చేస్తున్నారు. అందులో జయలలితగా నటి నిత్యామీనన్‌ నటించనున్న సంగతి విదితమే. ఇకపోతే దర్శకుడు గౌతమ్‌ మీనన్‌ జయలలిత జీవిత చరిత్రను నటి రమ్యకృష్ణ  టైటిల్‌ పాత్రలో క్వీన్‌ అనే వెబ్‌ సిరీస్‌ను రూపొందించారు. కాగా వీటిని తన అనుమతి లేకుండా రూపొందించడాన్ని నిషేధించాలని జయలలిత సోదరుడి కుమార్తె దీప మద్రాసు హైకోర్టులో పిటిషన్‌ దాఖలు చేశారు. ఈ పిటిషన్‌పై ఇప్పటికే ఒకసారి విచారణ జరిగింది. దీప పిటిషన్‌కు సమాధానం ఇస్తూ పిటిషన్‌ను దాఖలు చేయాల్సిందిగా దర్శకుడు గౌతమ్‌మీనన్‌కు, విజయ్‌కు కోర్టు సమన్లు జారీ చేసింది.  గురువారం న్యాయమూర్తులు సెంథిల్‌కుమార్, రామమూర్తిల సమక్షంలో విచారణకు వచ్చింది. ఇరు తరఫు వాదనలు విన్న న్యాయమూర్తులు జయలలిత బయోపిక్‌ను చిత్రాలుగా తెరకెక్కించడాన్ని నిషేధించలేం అని తీర్పునిచ్చారు. అయితే దర్శక నిర్మాతలు ఇది కల్పిత సన్నివేశాలతో రూపొందించినట్లు టైటిల్‌ కార్డులో ప్రకటించాలని ఆదేశించారు. కాగా ఇప్పటికే పూర్తి అయిన రమ్యకృష్ణ నటించిన వెబ్‌ సిరీస్‌ క్వీన్‌ శనివారం నుంచి ఆన్‌లైన్‌లో ప్రసారం కానుంది.

తమ వివాహబంధానికి పరోక్షంగా సహాయపడిన నిత్యామీనన్‌కు నటి నజ్రియా కృతజ్ఞతలు తెలిపారు. రాజా రాణి, నైయ్యాండి వంటి చురుకైన పాత్రల్లో నటించి తమిళ అభిమానుల హృదయాలను కొల్లగొట్టిన నజ్రియా కెరీర్‌ శిఖరాగ్రాన ఉన్న సమయంలోనే నటుడు ఫహద్‌ ఫాజిల్‌ను వివాహమాడి సెటిలయ్యారు. వీరి ప్రేమ కలిసి రావడంతో చిత్రాలను తనకు వదిలిపెట్టిన విషయాన్ని నిత్యామీనన్‌ ప్రస్తుతం వెల్లడించారు. ఆమె మాట్లాడుతూ ‘బెంగళూరు డేస్‌’మలయాళ చిత్రంలో తనను కథానాయకిగా నటించేందుకు అడిగారన్నారు. వేరే చిత్రాల్లో బిజీగా ఉండడంతో ఆ చిత్రాన్ని అంగీకరించలేకపోయానన్నారు. ఆ అవకాశం నజ్రియాకు దక్కిందని, ఫహద్‌ ఫాజిల్‌ హీరోగా నటించినట్లు తెలిపారు. ఆ సమయంలోనే నజ్రియాకు ఫహద్‌కు మధ్య ప్రేమ చిగురించిందన్నారు. తనకు వచ్చిన అవకాశాన్ని విడిచిపెట్టడంతో వారి వివాహబంధానికి దారితీసినట్లు గొప్పగా చెబుతుంటారని తెలిపారు.

అలనాటి అందాల నటి సావిత్రి జీవిత కథ ఆధారంగా తెరకెక్కిన సినిమా మహానటి. ఈ సినిమాలో సావిత్రి పాత్రలో కనిపించిన కీర్తి సురేష్ అద‍్భుతంగా నటించిందన్న ప్రశంసలు దక్కాయి. అయితే ముందుగా ఈ పాత్ర నిత్యమీనన్‌ దగ్గరకే వెళ్లిందట. కానీ అనివార్య కారణాల వల్ల నిత్య మహానటి సినిమాలో నటించలేకపోయింది. అయితే తాజాగా సావిత్రి పాత్ర మరోసారి నిత్యను వెతుక్కుంటూ వచ్చిందట. నందమూరి బాలకృష్ణ తన తండ్రి ఎన్టీఆర్‌ జీవిత కథ ఆధారంగా యన్‌.టి.ఆర్‌ సినిమాను తెరకెక్కిస్తున్న సంగతి తెలిసిందే. ప్రతిష్టాత్మకంగా తెరకెక్కుతున్న ఈ సినిమాలో సావిత్రి పాత్రకు నిత్యమీనన్‌ను సంప్రదించినట్టుగా తెలుస్తోంది. మాయబజార్‌, మిస్సమ్మ, రక్తసంబంధం లాంటి అద్భుత చిత్రాలకు సంబంధించిన సన్నివేశాలను యన్‌.టి.ఆర్‌లో చూపిస్తున్నారు. ఈ సీన్స్‌లో సావిత్రిగా నిత్య మీనన్‌ కనిపించనుంది. ప్రస్తుతానికి అధికారిక ప్రకటన లేకపోయినా.. నిత్య మీనన్‌, సావిత్రి పాత్రలో కనిపించటం కన్ఫమ్‌ అన్న టాక్‌ వినిపిస్తోంది.

సాక్షి, తమిళ సినిమా : ఇద్దరు అందాలభామలతో కలిసి ఆడిపాడేందుకు ‘సైకో’ సిద్ధమవుతున్నడు. ఉదయనిధి స్టాలిన్‌ ప్రధాన పాత్రలో దర్శకుడు మిష్కిన్‌ ‘సైకో’ తెరకెక్కిస్తుండగా.. దీనికి మేస్ట్రా ఇళయరాజా సంగీతమందిస్తున్నారు. ఈ చిత్రంలో ఉదయనిధికి జోడీగా ఇద్దరు నటించబోతున్నారు. మణిరత్నం కంపెనీ హీరోయిన్‌గా ముద్రపడిన అదితిరావ్‌ హైదరి, సంచలన నటి నిత్యామీనన్‌లే ఉదయనిధితో రొమాన్స్‌ చేయనున్నారు. వైవిధ్యభరిత కథా చిత్రాల దర్శకుడు మిష్కిన్‌. ఇటీవల తుప్పరివాలన్‌ చిత్రంతో విజయాన్ని అందుకున్న ఈ దర్శకుడు ఆ మధ్య పిశాచి అనే థ్రిల్లర్‌ కథను సక్సెస్‌ఫుల్‌గా తెరకెక్కించారు.  సవరకత్తి అనే మధ్య తరగతి కుటుంబానికి చెందిన ఇతివృత్తంతో సినిమా రూపొందించి ప్రశంసలు అందుకున్నారు. తాజాగా సైకో అంటూ భయ పెట్టడానికి మిష్కిన్‌ రెడీ అవుతున్నారు. ఇందులో ఉదయనిధిస్టాలిన్‌ జంటగా అదితిరావ్‌ హైదరి, నిత్యామీనన్‌ను ఎంచుకున్నారు. మరో దర్శకుడు రామ్‌ ప్రధాన పాత్ర పోషించనున్న ఈ చిత్రానికి ప్రముఖ ఛాయాగ్రాహకుడు పీసీ. శ్రీరామ్, ఇళయరాజా పనితనాన్ని ఉపయోగించుకుంటున్నారు. ఈ చిత్రాన్ని డబుల్‌ మీనింగ్‌ ప్రొడక్షన్స్‌ పతాకంపై అరుళ్‌మొళి మాణిక్యం నిర్మించనున్నారు. నిర్మాత మాట్లాడుతూ సాధారణ చిత్రాలకు భిన్నంగా మంచి క్లాసికల్‌ చిత్రాలు చేయడంలో దర్శకుడు మిష్కిన్‌ దిట్ట అన్నారు. అదే సమయంలో ప్రేక్షకులను థియేటర్లకు ఎలా రప్పించాలన్నది తెలిసిన దర్శకుడాయన అని పేర్కొన్నారు. సైకో చిత్రం సైకలాజికల్‌ థ్రిల్లర్‌ కథా చిత్రంగా ఉంటుందని నిర్మాత అరుణ్‌మొళి మాణిక్యం తెలిపారు. చిత్రం త్వరలో సెట్‌పైకి వెళ్లనుందని చెప్పారు.

మహానటి సినిమాతో తెలుగు ప్రేక్షకులకు దగ్గరయ్యారు దుల్కర్‌ సల్మాన్‌. వైవిధ్యమైన పాత్రలను చేస్తూ మాలీవుడ్‌లో స్టార్‌గా ఎదిగారు. తాజాగా దుల్కర్‌ నటించిన ఓ మలయాళ మూవీని తెలుగులోకి ‘అతడే’ సినిమాగా డబ్‌ చేశారు. ఇక ఇదే వరుసలో దుల్కర్‌ నటించిన మరొక మూవీ కూడా విడుదల కానుంది.  పాత్రకు ప్రాధాన్యమున్న సినిమాలే చేస్తూ తనకంటూ ఓ గుర్తింపును సాధించిన హీరోయిన్‌ నిత్యా మీనన్‌. చివరగా ‘అ!’ సినిమాతో తెలుగు ప్రేక్షకులను పలకరించారు. ఉస్తాద్‌ హోటల్‌ అని మలయాళంలో ఎప్పుడో రిలీజ్‌ అయిన ఈ సినిమాను ‘జనతా హోటల్‌’గా తెలుగులో విడుదల చేస్తున్నారు. ఈ సినిమాకు సంబంధించిన పోస్టర్స్‌ను రిలీజ్‌ చేశారు. ఈ మూవీ త్వరలోనే విడుదల కానుంది. 

సాక్షి, సినిమా : యువ నటుడు శాంతను భాగ్యరాజ్‌ సైతం ఇద్దరమ్మాయిలతో సరసాలకు సిద్ధం అవుతున్నట్లు కోలీవుడ్‌ వర్గాల సమాచారం. మంచి బ్రేక్‌ కోసం చాలా కాలంగా ఎదురు చూస్తున్న హీరోలలో శాంతను భాగ్యరాజ్‌ ఒకరు. తన తండ్రి కే.భాగ్యరాజ్‌ సహా పలువురు దర్శకత్వంలో నటించినా ఆశించిన విజయాన్ని ఇప్పటి వరకూ అందుకోలేదు. అలాంటిదిప్పుడు దర్శకుడు మిష్కిన్‌ను నమ్ముకున్నారు. ఈ దర్శకుడి కథా చిత్రాలు వైవిధ్యంగా ఉంటాయి. అదే సమయంలో కమర్షియల్‌ ఫార్ములాను మిస్‌ కావు. ఇటీవల మిష్కిన్‌ దర్శకత్వం వహించిన తుప్పరివాలన్, ఆయన నటించి, నిర్మించిన సవరకత్తి చిత్రాలు మంచి పేరును తెచ్చుకున్నాయి.  తాజాగా మిష్కిన్‌ శాంతను భాగ్యరాజ్‌ హీరోగా చిత్రాన్ని తెరకెక్కించడానికి సిద్ధం అవుతున్నారు. లిబ్రా ప్రొడక్షన్‌ సంస్థ నిర్మించనున్న ఇందులో శాంతనుకు జంటగా  నిత్యామీనన్, సాయిపల్లవిలను నటింపజేసే ప్రయత్నాలు జరుగుతున్నట్లు తాజా సమాచారం. వీరిలో నటి నిత్యామీనన్‌ శాంతనుకు జంటగా నటించడానికి సుముఖంగా ఉన్నట్లు సమాచారం. ఇక సాయిపల్లవితోనూ చర్చలు జరుగుతున్నాయట. అయితే ఈ అమ్మడిప్పుడు తమిళంతో పాటు తెలుగు చిత్రాలతో బిజీగా ఉంది. త్వరలోనే ఈ చిత్రానికి సంబంధించిన పూర్తి వివరాలు వెలువడే అవకాశం ఉంది.  ఈ చిత్రంలో నటించే అవకాశం రావడం గురించి నటుడు శాంతను భాగ్యరాజ్‌ మాట్లాడుతూ ఈ చిత్రం తన సినీ జీవితంలో చాలా ముఖ్యమైన చిత్రంగా నిలుస్తుందనే నమ్మకాన్ని వ్యక్తం చేశారు. లిబ్రా ప్రొడక్షన్‌ సంస్థలో మిష్కిన్‌ దర్శకత్వంలో నటించడానికి ఆసక్తిగా ఎదురుచూస్తున్నానని అన్నారు. ఇదో సూపర్‌ హీరో కథా చిత్రం అని జరుగుతున్న ప్రచారం గురించి ఆయన స్పందిస్తూ అది అసత్య ప్రచారం అని అన్నారు. ఈ చిత్రం కథ చాలా వ్యత్యాసంగా ఉంటుందని శాంతను భాగ్యరాజ్‌ చెప్పారు. 

తమిళసినిమా: నటి నిత్యామీనన్‌ రూటే వేరని చెప్పవచ్చు. చాలా వరకూ లవ్లీ పాత్రలు చేసిన ఈ మాలీవుడ్‌ భామ ఆ తరువాత నటనకు అవకాశం ఉన్న పాత్రలకు ప్రాధాన్యత నిస్తోందనే చెప్పవచ్చు. ఆ మధ్య కాంచన 2 చిత్రంలో దివ్యాంగురాలిగా నటించి మెప్పించిన నిత్యామీనన్, మణిరత్నం దర్శకత్వం చిత్రం కాదల్‌ కణ్మణి చిత్రంలో హీరోతో పెళ్లి చేసుకోకుండానే సహజీవనం చేసే పాత్రలో నటించి అలరించింది. అదే విధంగా మెర్శల్‌ చిత్రంలో విజయ్‌కు జంటగా పల్లెటూరి అమ్మాయిగా నటించడానికి బరువు కూడా పెరిగింది. ఇక ఇటీవల తెలుగు చిత్రం ‘అ’లో లెస్బియన్‌ పాత్రలో నటించి అందరినీ ఆశ్చర్య పరిచింది. ఈ పాత్రలో నటించిన నిత్యామీనన్‌ను విమర్శించిన వారూ లేకపోలేదు. అలాంటి విమర్శలను డోంట్‌కేర్‌ అంటున్న నిత్యామీనన్‌ మాట్లాడుతూ అవకాశాలు చాలానే వస్తున్నాయని, అయితే వాటిలో ఒకటి రెండు చిత్రాలే తన వల్ల నటించడం అవుతుందని అంది. కారణం సాధారణ హీరోయిన్‌ పాత్రలను తాను కోరుకోవడంలేదని చెప్పింది.  ఇక షూటింగ్‌ స్పాట్‌లో తన పాత్రను డెవలప్‌ చేసుకునే విషయంలోనూ, సంభాషణల గురించి దర్శకుడితో చర్చిస్తానని చెప్పింది. ఎందుకంటే తనకు దర్శకత్వం వహించాలన్న ఆసక్తి ఉందని చెప్పింది. అందుకే సినిమాకు సంబంధించిన అన్ని విషయాల గురించి తెలుసుకోవడంపై శ్రద్ధ చూపిస్తున్నానని అంది. భవిష్యత్‌లో కచ్చితంగా మెగాఫోన్‌ పడతానని, అయితే సొంతంగా చిత్రం నిర్మాణం చేపట్టే పొరపాటును మాత్రం చేయనని అంటోంది. మరి ఈమె దర్శకత్వం వహించే చిత్రాన్ని నిర్మాతగా ఎవరు ముందుకొస్తారో చూడాలి. 

కెరీర్ స్టార్టింగ్ నుంచి విలక్షణ పాత్రలతో తనకంటూ ప్రత్యేక గుర్తింపు తెచ్చుకున్న మలయాళీ ముద్దుగుమ్మ నిత్యమీనన్. ఇటీవల ఆచితూచి సినిమాలు చేస్తున్న ఈ ముద్దుగుమ్మ తిరిగి ఫాంలోకి వచ్చేందుకు రెడీ అవుతోంది. ఇప్పటికే నాని నిర్మాతగా మారి రూపొందిస్తున్న అ! సినిమాలో కీలక పాత్రలో నటిస్తోంది ఈ బ్యూటి. ఈ సినిమా తరువాత బహు భాషా చిత్రంగా తెరకెక్కనున్న ఓ ఆసక్తికర చిత్రంలో నటించేందుకు అంగీకరించింది. సినిమాటోగ్రాఫర్ నిజార్ షఫీ దర్శకుడిగా మారి రూపొందిస్తున్న సినిమాలో నిత్యమీనన్ కీలక పాత్ర పోషించనుందట. ముందుగా ఈ పాత్రకు అంజలిని తీసుకున్నారన్న ప్రచారం జరిగినా.. చిత్రయూనిట్ నిత్య మీనన్ రను తీసకునేందుకు ఇంట్రస్ట్ చూపిస్తున్నారన్న ప్రచారం జరుగుతోంది. ఇప్పటికే కథ విన్న నిత్య, ఈ సినిమాలో నటించేందుకు సుముఖంగానే ఉందన్న టాక్ వినిపిస్తోంది. నలుగురు హీరోయిన్లు నటించనున్న ఈ సినిమాలో ఇతర పాత్రల్లో అనీషా ఆంబ్రోస్, అదితి ఆర్య, నందిత శ్వేతలు నటించనున్నారు.


 గ్లామర్ షోకు నో చెప్పినా.. సౌత్ ఇండస్ట్రీలో స్టార్ స్టేటస్ అందుకున్న అతి కొద్ది మందిలో నిత్యామీనన్ ఒకరు. కెరీర్ స్టార్టింగ్ నుంచి చాలెంజింగ్ రోల్స్ ఎంచుకుంటూ తనకంటూ ప్రత్యేక గుర్తింపు తెచ్చుకుంది ఈ మలయాళీ బ్యూటి. సినిమా రేంజ్తో సంబంధం లేకుండా తన పాత్రకు ఉన్న ఇంపార్టెన్స్ను బట్టే నిత్య సినిమాలు ఎంచుకునేది. తన నటనతో ఎన్నో సినిమాలకు ఘనవిజయాలు అందించిన నిత్యామీనన్, కొంత కాలంగా వెండితెర మీద కనిపించటం మానేసింది.
 
 సందీప్ కిషన్ సరసన హీరోయిన్గా నటించిన 'ఒక అమ్మాయి తప్ప' సినిమా తరువాత నిత్యా మీనన్ ఒక్క సినిమాలో కూడా కనిపించలేదు. అంతేకాదు కొంత మంది దర్శకులు నిత్యతో సినిమా చేసేందుకు సంప్రదించే ప్రయత్నం చేసినా.. ఆమె నో చెప్పేసిందిట. భారీ రెమ్యూనరేషన్ డిమాండ్ చేస్తున్న కారణంగానే నిత్యామీనన్కు సినిమాలు రావటం లేదన్న ప్రచారం జరుగుతున్నా.. అసలు కారణం వేరే ఉందంటున్నాయి ఇండస్ట్రీ వర్గాలు.
 
 తన స్వీయ దర్శకత్వంలో ఓ సినిమా చేసేందుకు ప్లాన్ చేస్తున్న నిత్యామీనన్, ఆ సినిమా పనులకు ఎక్కువ టైం ఇచ్చేందుకే వేరే ఆఫర్స్ను అంగీకరించటం లేదంటున్నారు. ప్రస్తుతానికి నిత్యామీనన్ దర్శకత్వం వహించబోయే సినిమాకు సంబంధించి ఎలాంటి అధికారిక ప్రకటనా లేదు. కెరీర్ మంచి ఫామ్లో ఉన్నఇలాంటి సమయంలో దర్శకత్వం వైపు అడుగులేయటం అంత కరెక్ట్ కాదంటున్నారు విశ్లేషకులు. మరి నిత్య నిజంగానే దర్శకత్వం కోసమే సినిమాలు కాదంటుందా.? అసలు విషయం తెలియాలంటే మరికొద్ది రోజులు వెయిట్ చేయాల్సిందే.


 పొగరుబోతుగా పేరు తెచ్చుకున్న నటి నిత్యామీనన్  కు ఇప్పుడు చాలా బెంగ పట్టుకుందట. ఇంతకు ముందు అవకాశాలు లేకపోయినా పర్వాలేదు హాయిగా ఇంట్లో కూర్చుంటాను కానీ అందుకోసం ఎవరినీ అడగను అని బింకాలు తీసిన ఈ అమ్మడు ఇప్పుడు ఆ అవకాశాలు రాకపోవడంతో చాలా ఇదైపోతోందట. మార్కెట్‌ ఉన్నప్పుడు మాటలు వేరు, అది లేనప్పుడు మాటలు వేరని నిత్యామీనన్ ను చూస్తే అర్థం అవుతుంది కదూ. ఈ కేరళ కుట్టికి అవకాశాలు అడపాదడపా వస్తున్నా అవి రెండవ హీరోయిన్  పాత్రలే కావడంతో ఇందుకు కారణం ఏమిటని తన సన్నిహితుల వద్ద చెప్పుకుని బాధ పడిపోతోందట. తనకు అందం తక్కువా? అభినయ ప్రతిభ లేదా? అంటూ వాపోతోందట.
 నిజం చెప్పాలంటే మణిరత్నం చిత్రం ఓ కాదల్‌ కణ్మణి తరువాత నిత్యామీనన్  సోలో నాయకిగా నటించిన చిత్రాలు లేవనే చెప్పాలి. చాలా మందికి చెప్పినట్లే తన గోడును కాంచన–2 చిత్రంలో వైవిధ్యభరిత పాత్రలో నటించే అవకాశాన్ని కల్పించిన లారెన్స్  వద్ద చెప్పుకుందట. అందుకు ఆయన అన్న మాట ఇంత బొద్దుగా ఉంటే ఎవరు మాత్రం కథానాయకి అవకాశాలు ఇస్తారు? ముందు బరువు తగ్గే ప్రయత్నం చేయండి అని చెప్పారట. కథానాయికలకు శారీరక అందం చాలా ముఖ్యం అని, సన్నగా, నాజూగ్గా ఉంటేనే అవకాశాలు వస్తాయని అన్నారట. అంతే కాదు స్లిమ్‌గా, గ్లామరస్‌గా ఎలా తయారవ్వాల్లో హిందీ నటి అనుష్కాశర్మను అడిగి తెలుసుకోండి అని ఉచిత సలహా కూడా ఇచ్చారట. దీంతో అమ్మడు ఇప్పుడు బరువు తగ్గి అందాన్ని పెంచుకునే పనిలో పడ్డారట.


  కథల ఎంపికలో విక్టరీ వెంకటేశ్ ఇప్పుడు వైవిధ్యం కనబరుస్తున్నారు. కథానాయకుడిగా మూడు దశాబ్దాల అనుభవాన్ని రంగరించడంతో పాటు వయసునూ దృష్టిలో పెట్టుకుని కథలను ఎంపిక చేసుకుంటున్నారు. కథానాయికగా వైవిధ్యమైన పాత్రలకు ఓటేస్తున్న నటి నిత్యా మీనన్. ఇప్పుడు వీరిద్దరూ జోడీ కడుతున్నారు. వెంకటేశ్ కథానాయకుడిగా ‘నేను శైలజ’ ఫేమ్ కిశోర్ తిరుమల దర్శకత్వంలో తెరకెక్కనున్న చిత్రం ‘ఆడాళ్ళూ.. మీకు జోహార్లు’.
  
  ఇందులో వెంకీ సరసన నిత్యా మీనన్ నటించనున్నారు. ‘‘వయసులో వ్యత్యాసం గల ఇద్దరి మనసులు కలిస్తే.. ప్రేమలో పడితే...’’ అనే కథాంశంతో రూపొందనున్న చిత్రమిది. మల్టీడైమన్షన్ ఎంటర్‌టైన్‌మెంట్స్ ప్రై.లి. సమర్పణలో పీఆర్ సినిమాస్ పతాకంపై పూస్కూర్ రామ్మోహనరావు ఈ చిత్రాన్ని నిర్మించనున్నారు. ‘‘ప్రేమ, వినోదం, భావోద్వేగాలను మేళవించి చక్కటి కుటుంబ కథా చిత్రంగా దర్శకుడు స్క్రిప్ట్ సిద్ధం చేశారు. వెంకటేశ్ నుంచి ప్రేక్షకులు ఆశించే అంశాలన్నీ చిత్రంలో ఉంటాయి. నవంబర్‌లో చిత్రీకరణ ప్రారంభిస్తాం’’ అన్నారు నిర్మాత.
  


 తన కొత్త సినిమా ప్రమోషన్ కోసం హీరో సందీప్ కిషన్ ట్విట్టర్‌ మీద పడ్డాడు. దాంతో పాటు ఫ్యాన్స్‌కు మంచి బహుమతి కూడా ఆఫర్ చేశాడు. తాను వేసిన ప్రశ్నకు మంచి సమాధానం చెప్పినవాళ్లకు ఆ బహుమతి ఇస్తానన్నాడు. సందీప్ సరసన నిత్యామీనన్‌ హీరోయిన్‌గా నటించిన 'ఒక్క అమ్మాయి తప్ప' సినిమా మరో నాలుగు రోజుల్లో విడుదల కానుంది. కొత్త దర్శకుడు తాడినాడ రాజసింహ దర్శకత్వంలో అంజిరెడ్డి ప్రొడక్షన్స్ బ్యానర్‌పై నిర్మించిన ఈ సినిమా కోసం టాలీవుడ్, కోలీవుడ్ జంటలన్నింటినీ సందీప్ కిషన్ వాడుకున్నాడు.
 
 అమల - నాగార్జునతో మొదలుపెట్టి మహేష్ - నమ్రత వరకు నాలుగు జంటలను తీసుకున్న సందీప్.. తన సినిమా విడుదలయ్యే జూన్ 10వ తేదీని సింబాలిక్‌గా చూపిస్తూ, ఆరోజు ఒక ప్రతిజ్ఞ చేయాలని.. 'ఆల్ ఇండియన్స్ ఆర్ మై బ్రదర్స్ అండ్ సిస్టర్స్' అని చెబుతూ.. 'ఒక్క అమ్మాయి తప్ప' అని ప్రతి ఒక్కరూ అనుకుంటారన్న రీతిలో తన ప్రమోషన్ డిజైన్ చేయించాడు. బాలీవుడ్, కోలీవుడ్ జంటల ఫొటోలను రెండు కాఫీ కప్పుల మీద ముద్రించి... 'ఆ ఒక్క అమ్మాయి తప్ప' అంటూ వరుస ట్వీట్లు చేశాడు. నాగార్జున - అమల, మహేష్ - నమ్రత, సూర్య - జ్యోతిక, అజిత్ - షాలిని జంటల ఫొటోలను పోస్ట్ చేసి.. మీ ఒక్క అమ్మాయి ఎవరు అన్న ప్రశ్న సంధించాడు. మంచి సమాధానం చెప్పినవాళ్లకు తనతో కలిసి సినిమా చూసే అవకాశం ఉంటుందని కూడా చెప్పాడు. మరి ఆ లక్కీ ప్రేక్షకులు ఎవరో చూడాలి.
  
 
 Mee Okka Ammayi Evaru ?? :) the best ans will get to watch the film with me :) #OkkaAmmayiThappa #June10th pic.twitter.com/2TkKOPemZ8
 — Sundeep Kishan (@sundeepkishan) 6 June 2016
  
  
 
 Mee Okka Ammayi Evaru ?? :) the best ans will get to watch the film with me :) #OkkaAmmayiThappa #June10th pic.twitter.com/qvg4v45Ruv
 — Sundeep Kishan (@sundeepkishan) 6 June 2016
  
 
 Mee Okka Ammayi Evaru ?? :) the best ans will get to watch the film with me :) #OkkaAmmayiThappa #June10th pic.twitter.com/ZlxXNLKKz4
 — Sundeep Kishan (@sundeepkishan) 6 June 2016
  
  
 
 Mee Okka Ammayi Evaru ?? :) the best ans will get to watch the film with me :) #OkkaAmmayiThappa #June10th pic.twitter.com/iDYfUftEmx
 — Sundeep Kishan (@sundeepkishan) 6 June 2016


 మళయాల భామ నిత్యామీనన్ మల్టీ టాలెంటెడ్ హీరోయిన్గా ఇప్పటికే మంచి గుర్తింపు తెచ్చుకుంది. సౌత్ ఇండస్ట్రీలో అవార్డ్ విన్నింగ్ నటిగా గుర్తింపు తెచ్చుకున్న ఈ బ్యూటీ, విభిన్న పాత్రలతో అలరిస్తోంది. అంతేకాదు తెలుగు, తమిళ భాషల్లో సొంతంగా డబ్బింగ్ చెప్పుకోవటంతో పాటు అప్పుడప్పుడు గాయనిగా కూడా ఆకట్టుకుంటోంది.
 
 ఇలా మల్టీ టాలెంటెడ్ హీరోయిన్గా గుర్తింపు తెచ్చుకున్న ఈ భామ, ఇప్పుడు ప్రయోగానికి రెడీ అవుతోంది. త్వరలోనే దర్శకురాలిగా కూడా తన ప్రతిభ చూపించడానికి ప్లాన్ చేసుకుంటుంది. చాలా కాలంగా కథలు రాసే అలవాటు ఉన్న ఈ బ్యూటీ, ప్రస్తుతం తను డైరెక్ట్ చేయబోయే సినిమాకు కథను రెడీ చేసే పనిలో బిజీగా ఉందట.
 
 నటిగా కొనసాగుతూనే దర్శకత్వ శాఖలోని మెళకువలు తెలుసుకునే పనిలో ఉంది నిత్యామీనన్. అయితే  నటిగా మంచి ఫాంలో ఉన్న సమయంలో డైరెక్టర్ గా మారితే యాక్టింగ్ కెరీర్ కష్టాల్లో పడే అవకాశం ఉందంటున్నారు విశ్లేషకులు. మరి నిత్యా దర్శకురాలిగా మారటానికి మరికొంత సమయం తీసుకుంటుందా..? లేక రిస్క్ తీసుకుంటుందా..? చూడాలి.


 ఏప్రిల్ 8వ తేదీ.. టాలీవుడ్ అభిమానులు డబుల్ కాదు.. త్రిబుల్ బొనాంజా చేసుకోవాల్సిన రోజు. ఎందుకంటే.. ఈరోజు ఒకరు కాదు.. ఇద్దరు కాదు.. ఏకంగా ముగ్గురు తారల బర్త్డే ఉంది. స్టైలిష్ స్టార్ అల్లు అర్జున్ తన పుట్టినరోజున విభిన్నంగా ట్విట్టర్ ఖాతా తెరిచి ప్రారంభించాడు. దాంతో బన్నీ పుట్టినరోజు విషయం అందరికీ బాగానే తెలిసిపోయింది.
 
 ఇక ఇప్పటికే అతిథిపాత్రతో తెరంగేట్రం చేసి, హీరోగా ముందుకొస్తున్న అక్కినేని అఖిల్ బర్త్డే కూడా ఇదే రోజు. ఆ సందర్భంగా అఖిల్ తొలి సినిమాకు నిర్మాతగా వ్యవహరిస్తున్న హీరో నితిన్.. ఆ సినిమా టీజర్ను విడుదల చేశాడు. ఇక వరుసపెట్టి హిట్ సినిమాల హీరోయిన్గా పేరొందిన నిత్యామీనన్ పుట్టిన రోజు కూడా ఏప్రిల్ 8వ తేదీనే. ముగ్గురి పుట్టినరోజూ ఒకే తేదీన కావడంతో.. అభిమానులు సంబరాలు చేసుకుంటున్నారు.
 
 కొసమెరుపు: వీళ్లు ముగ్గురే కాదండోయ్.. పవర్స్టార్ పవన్ కల్యాణ్ కొడుకు అకిరా నందన్ పుట్టింది కూడా ఏప్రిల్ 8వ తేదీనే. ఈ సందర్భంగా హీరో రాంచరణ్ అకిరాకు ఫేస్బుక్లో శుభాకాంక్షలు తెలిపాడు. జూనియర్ పవర్స్టార్కు అభినందనలు.. బోలెడన్ని ప్రేమాభిమానాలు అంటూ పోస్ట్ చేశాడు.


 చిన్న వయసులో తల్లిపాత్ర పోషించాలంటే హీరోయిన్లు ససేమిరా అంటారు. కానీ, నిత్యామీనన్ మాత్రం తాను ఆ పాత్రను చేయడానికి సిద్ధం అంటూ ముందుకొచ్చింది. త్వరలో ఆమె చేయబోతున్న ఓ తెలుగు సినిమాలో తల్లి పాత్ర పోషించి అందరినీ ఆశ్చర్యంలో ముంచెత్తనుంది. ఇప్పటికే దాదాపు అన్ని దక్షిణభారత భాషల్లోను నటించి, తెలుగులో కూడా మంచి హిట్లు సాధించిన ఈ మళయాళ కుట్టి.. 'ఓనమాలు' దర్శకుడు క్రాంతిమాధవ్ దర్శకత్వంలో రాబోతున్న ఓ సినిమాలో తల్లి పాత్ర పోషించబోతోంది. ఐస్ క్రీం సినిమాలో నటించిన తేజస్వి ఈ సినిమాలో నిత్య కూతురిగా నటిస్తుందట.
 
 సినిమా స్క్రిప్టు వినగానే నిత్యామీనన్ చాలా ఆనందంగా, ఆసక్తిగా స్పందించిందని, ఇలాంటి ప్రయోగాత్మక పాత్రలు చేయడానికి తానెప్పుడూ సిద్ధమేనని చెప్పిందని చిత్రం యూనిట్ వర్గాలు తెలిపాయి. ఏదో మూసపాత్రలు చేసుకుంటూ గ్లామర్ ఒలికించడం కాకుండా.. విభిన్నమైన పాత్రలు చేయడం తనకు ఇష్టమని, ఇలాంటి అవకాశాలు ఎప్పుడో వస్తాయంటూ వెంటనే ప్రాజెక్టు ఆమోదించిందని అన్నారు.
 
 ఈ సినిమాలో శర్వానంద్ హీరోగా చేస్తున్నాడు. వీళ్లిద్దరూ ఇంతకుముందు ఏమిటో ఈ మాయ సినిమాలో చేశారు. ఇప్పుడు రెండోసారి ఇద్దరూ జంటగా నటిస్తున్నారు. ఈ సినిమాలో శర్వా ఓ క్రీడాకారుడి పాత్ర పోషిస్తాడట.


  మణిరత్నం చిత్రం చూసి రెండేళ్లు దాటిపోయింది. ఈ ప్రఖ్యాత దర్శకుడు తదుపరి చిత్రానికి ప్రయత్నాలు మొదలెట్టి కూడా ఏడాదిన్నర పైనే అయ్యిం ది. మణిరత్నం తదుపరి చిత్రానికి ఇంత గ్యాప్ రావడం, ఇంత చర్చ జరగడం బహుశ ఇప్పుడే కావచ్చు. కారణాలేమైనా ఆయన తాజా చిత్రం సెట్ కావడానికి ఈ సారి ఎక్కువ సమయమే పట్టింది. మొదట టాలీవుడ్ స్టార్స్ నాగార్జున, మహేష్‌బాబు, ఐశ్వర్యరాయ్, శ్రతిహాసన్‌లతో తమిళ, తెలుగు భాషల్లో భారీ మల్టీస్టార్ చిత్రం తీయాలని సంకల్పించారు.
  
  ఆ తరువాత ఆ ప్రయత్నం వర్క్‌అవుట్ కాలేదు. తొలుత తెలుగులో చిత్రం తెరకెక్కించనున్నట్లు ప్రచారం జరిగింది. చివరికి ఆ చిత్రం అటకెక్కింది. ఆ తరువాత మణిరత్నం అలప్పాయదే చిత్రం తరహాలో ఒక యూత్‌ఫుల్ చిత్రం చే యనున్నట్లు వార్తలు వెలువడ్డాయి. ఈ చిత్రంలో మలయాళ సూపర్‌స్టార్ మమ్ముట్టి వారసుడు దుల్కర్ సల్మాన్, కోలీవుడ్ సూపర్ హీరో కమలహాసన్ కుమార్తె శ్రుతిహాసన్ హీరో హీరోయిన్లుగా నటించనున్నట్లు న్యూస్‌హాట్‌గా ప్రచారమైంది.
  
  ఇటీవల బాలీవుడ్ బ్యూటీ అనియాభట్ మణిరత్నం తాజా చిత్రం హీరోయిన్ ప్రచారం ఊదరగొట్టారు. తాజాగా మలయాళకుట్టి నిత్యామీనన్‌ను మణిరత్నం చిత్రంలో నటింప చేయడానికి చర్చలు జరుగుతున్నట్లు సమాచారం. ఇలా మణిరత్నం తాజా చిత్రం గురించి ఎవరికి తెలిసింది వారు ప్రచారం చేసుకుంటూ పోతున్నారు. ఆయన మాత్రం గుంభనంగా అన్నీ గమనిస్తూనే తనపని తాను చేసుకుపోవడం గమనార్హం.
  
  


 ఓ వైపు అగ్ర తారగా కొనసాగుతూ, మరో వైపు తోటి కథానాయికలకు ప్లేబ్యాక్ పాడటం నిజంగా అరుదైన విషయమే. ఈ విధానానికి తెరలేపింది నిత్యామీనన్ అనే అనాలి. ఆ మధ్య ఓ సినిమా కోసం తోటి కథానాయికకు ప్లేబ్యాక్ పాడారామె. ఇప్పుడు ఆ ట్రెండ్‌ని కొనసాగించే పనిలో ఉన్నారు శ్రుతీహాసన్. ఇటీవలే ‘అలా మొదలైంది’ తమిళ రీమేక్ కోసం అందులో కథానాయికగా నటిస్తున్న రకుల్ ప్రీత్‌సింగ్‌కి ప్లేబ్యాక్ పాడారు శ్రుతి. త్వరలో ‘ఒక్కడు’ బాలీవుడ్ రీమేక్ ‘తేవర్’ సినిమా కోసం అందులో కథానాయికగా నటిస్తున్న సోనాక్షీ సిన్హాకు తన గాత్రాన్ని అరువు ఇవ్వబోతున్నారు.
  
 అమిత్ శర్మ దర్శకత్వంలో అర్జున్‌కపూర్, సోనాక్షి జంటగా ఈ చిత్రం రూపొందుతోన్న విషయం తెలిసిందే. ఈ చిత్ర సంగీత దర్శకుడు సాజిత్ ఫర్హాద్... కథానుగుణం వచ్చే ఓ రొమాంటిక్ సాంగ్‌ని ఏదైనా ఫ్రెష్ గొంతుతో పాడిస్తే బావుంటుందని భావించారట. వెంటనే ఆయనకు శ్రుతీహాసన్ గుర్తొచ్చారట. శ్రుతి ముందు ఈ ప్రపోజల్ ఉంచడంతో మారు మాట్లాడకుండా, ఆ పాట పాడటానికి అంగీకారం తెలిపారట శ్రుతీహాసన్. త్వరలోనే ఈ పాటను రికార్డ్ చేయనున్నారు. అంటే శ్రుతి గానం, సోనాక్షి అభినయం... ప్రేక్షకులకు డబుల్ ధమాకా అనమాట.


 ఎన్నో ఆశలతో టెలివిజన్ రంగంలోకి అడుగుపెట్టిన ఓ అమ్మాయి... అక్కడ ఎలాంటి సమస్యలను ఎదుర్కొంది? అనే కథాంశంతో మలయాళంతో రూపొందిన చిత్రం ‘తలసమయమ్ ఒరు పెన్‌కుట్టి’. నిత్యామీనన్, ఉన్ని ముకుందన్, శ్వేతామీనన్ ప్రధాన పాత్రధారులు. టి.కె.రాజీవ్‌కుమార్ దర్శకుడు. ఈ చిత్రం తెలుగులో ‘ఈ వేళలో’ పేరుతో విడుదల కానుంది. వల్లభనేని అశోక్‌కుమార్ ఈ అనువాద చిత్రానికి నిర్మాత. జీవితా రాజశేఖర్ సమర్పకురాలు. శ్రీశరత్ స్వరాలందించిన ఈ చిత్రం పాటలను హైదరాబాద్‌లో విడుదల చేశారు. జయసుధ ఆడియో సీడీని ఆవిష్కరించి సముద్రాల గోవిందరాజులుకు అందించారు.


  ప్రేమ, పెళ్లి అనేవి నా వ్యక్తిగత విషయాలని ఈ అంశాల గురించి బహిరంగంగా వెల్లడించడం జరగదని అంటున్నారు నిత్యామీనన్. నటిగా మంచి పేరు తెచ్చుకున్న ఈ మలయాళ ముద్దుగుమ్మకు పొగరుబోతు అనే పేరు కూడా ఉంది. అలాంటి అహంకారపు చర్యలతోనే కొంత కాలం మలయాళ చిత్ర పరిశ్రమ నిత్యామీనన్‌ను బ్యాన్ చేసింది. ప్రస్తుతం మళ్లీ మాతృ భాషలో నటించడం మొదలెట్టిన ఈ అమ్మడు తాజాగా పాడటంపై మోహం పెంచుకున్నారనే ప్రచారం జరుగుతోంది. దీనిపై నిత్యా మీనన్ స్పందిస్తూ ప్రస్తుతం పలువురు హీరోయిన్లు పాడటంపై దృష్టి సారిస్తున్నారని గుర్తుచేశారు.
  
  అలాంటి వారిలో తానూ ఉన్నానని చెప్పారు. అయితే దీన్ని తాను వృత్తిగా స్వీకరించలేదని స్పష్టం చేశారు. అభిమానులు తాను పాడాలని కోరుకుంటున్నారని చెప్పారు. అయితే ఆసక్తి ఎలా ఉన్నా దర్శక నిర్మాతలు కావాలనుకుంటేనే పాడతానన్నారు. తనకు ఎవరితోనూ అధికంగా బాతాఖానీ కొట్టడం ఇష్టం ఉండదని అదే విధంగా వృత్తిపరమయిన అనుభవం ఉన్నవారితోనే నటిస్తానని అన్నారు. సహ నటీనటులతో మంచి అండర్ స్టాండింగ్ ఉంటేనే సన్నివేశం పండుతుందనే అభిప్రాయాన్ని వ్యక్తం చేశారు. బాలీవుడ్ ప్రవేశం ఆలోచన ఉందా? అని అడుగుతున్నారని అయితే హిందీ చిత్రాల్లో నటించాలనే ఆసక్తి తనకు లేదని చెప్పారు.
  
  మరీ మంచి పాత్ర అని తన మనసుకు అనిపించే పాత్ర వస్తే బాలీవుడ్ చిత్ర రంగ ప్రవేశానికి రెడీ అవుతానన్నారు. అయితే ఇదంతా జరుగుతుందా అన్నది తెలియదని అన్నారు. అలాగే ఎవరినయినా ప్రేమించారా? పెళ్లి ఎప్పుడు అని అడుగుతున్నారని ఆమె గుర్తుచేశారు. ప్రేమ, పెళ్లి అనేవి తన వ్యక్తిగత విషయాలన్నారు. వాటి గురించి బహిరంగ పరచాల్సిన అవసరం లేదనే అభిప్రాయాన్ని వ్యక్తం చేశారు. ఎందుకంటే ఈ అంశాలు తన మనసుకు సంబంధించినవని నిత్యామీనన్ అంటున్నారు.
  


 ప్రేమలో నిజాయితీ ఉంటే... ప్రేమికులు భౌతికంగా విడిపోయినా.. కచ్చితంగా మళ్లీ కలుస్తారు. శర్వానంద్, నిత్యామీనన్ జంటగా, క్రాంతి మాధవ్ దర్శకత్వంలో రూపొందుతోన్న చిత్రం కథ  సింపుల్‌గా ఇదే. పరిణతి చెందిన ప్రేమ కథాంశంతో రూపొందుతోన్న ఈ సినిమాకు కె.ఎ.వల్లభ నిర్మాత. తొలి షెడ్యూల్ పూర్తి చేసుకున్న ఈ చిత్రం గురించి సమర్పకుడు కె.ఎస్.రామారావు చెబుతూ- ‘‘మా క్రియేటివ్ కమర్షియల్ సంస్థ నుంచి వచ్చిన మంచి సినిమాల జాబితాలో చేరే సినిమా ఇది. దర్శకుడు కావ్యంలా సినిమాను తీర్చిదిద్దుతున్నారు.
  
  విశాఖ సముద్ర తీరంలో 50 లక్షల భారీ వ్యయంతో వేసిన సెట్‌లో తీసిన సన్నివేశాలు హైలైట్‌గా నిలుస్తాయి. తొలి షెడ్యూల్‌తో యాభై శాతం టాకీ, ఒక పాట చిత్రీకరణ పూర్తయింది. జూన్ తొలివారంలో రెండో షెడ్యూల్ ఉంటుంది’’ అని తెలిపారు. ప్రేమ, కుటుంబ బంధాలకు పెద్దపీట వేస్తూ తెరకెక్కిస్తున్న ఈ సినిమాలో శర్వా, నిత్యాల జంట కొత్తగా ఉంటుందని, ‘కృష్ణం వందే జగద్గురుమ్’ ఫేం బుర్రా సాయిమాధవ్ సంభాషణలు కథకు ప్రాణం పోశాయని క్రాంతిమాధవ్ చెప్పారు. ఈ చిత్రానికి సంగీతం: గోపీసుందర్, కెమెరా: జ్ఞానశేఖర్, కూర్పు: మధుసూదనరెడ్డి.
  


 చెన్నై : పాడమని నన్నడగవలెనా..పరవశించి నే పాడనా! అంటున్నారు ఈ తరం కథా నాయికలు. పాతతరం తారామణులు తమ పాత్రలకు తామే గాత్రాన్ని ఇచ్చేవారు.  సంగీత ప్రవేశం లేకపోవడం, రాగస్వరాలు పలకలేకపోవడం తదితర కారణాలతో ప్లేబ్లాక్ సింగర్స్ వచ్చారు. తాజాగా హీరోయిన్లు పాడడంపై ఆసక్తి పెంచుకుంటున్నారు. విశేషం ఏమిటంటే పరభాషా తారామణులు సైతం పాడేస్తున్నారు. ఇటీవల నటి ఆండ్రియా, రమ్యా నంబీశన్, మమతా మోహన్‌దాస్ తదితర హీరోయిన్లు నటనతో పాటు పాడడానికి ప్రాముఖ్యమిస్తున్నారు.
  
  ఇప్పటికే నటి శ్రుతిహాసన్ గాయనిగా రంగ ప్రవేశం చేశారు. తాజాగా తానేమి తక్కువ తిన్నానా అంటూ గాన రంగంలోకి ప్రవేశించింది నటి నిత్యామీనన్. ఈ మలయాళ బ్యూటీ తమిళంలో నటిస్తున్న తాజా చిత్రంలో ఒక పాట పాడిందట. దీనిపై ఆమె మాట్లాడుతూ తమిళంలో తొలిసారిగా పాడినా, మలయాళంలో ఇప్పటికే పలు పాటలు పాడానని తెలిపారు. కోలీవుడ్‌లో గాయనిగా లభించే ఆదరణను బట్టి తదుపరి తమిళంలో పాడే విషయం ఆలోచిస్తానని చెప్పారు. నటి మేఘ్నారాజ్ కూడా కన్నడంలో ఒక చిత్రంలో పాడారట. అయితే వీరంతా తమ పాత్రలకు డబ్బింగ్ చెప్పుకునే విషయంలో కూడా ఆసక్తి చూపాలని సినీ వర్గాలంటున్నాయి.


 బలాత్కార సన్నివేశంలో నటించడానికి సంకోచించానని నటి నిత్యామీనన్ పేర్కొంది. మలయాళంలో మంచి విజయాన్ని సాధించిన ‘22 ఫిమేల్ కొట్టాయం’ చిత్రం తమిళం, తెలుగు భాషల్లో పునర్ నిర్మాణమతోంది. సీనియర్ నటి శ్రీప్రియ దర్శకత్వం వహిస్తున్న ఈ చిత్రం తమిళంలో ‘22 మాలిని పాళయం కోట్టై’ పేరుతో రూపొందుతోంది. ఇది మహిళలపై బలాత్కారం ఇతివృత్తంతో తెరకెక్కుతున్న చిత్రం. హీరోయిన్‌గా నిత్యామీనన్ నటిస్తోంది. ఆమె మాట్లాడుతూ ఈ చిత్రంలో నటించమని శ్రీప్రియ అడిగినప్పుడు సంశయించానంది. 
  
 అయితే మహిళా దర్శకురాలి దర్శకత్వంలో నటించడం వలన తన సంకోచం పోయిందని చెప్పింది. మహిళలపై బలాత్కారానికి పాల్పడేవారు ఈ చిత్రం చూస్తే అలాంటి చర్యలకు పాల్పడరని అంది. ఈ చిత్రం విడుదలైన తర్వాత మానవ మృగాల్లో తప్పకుండా మార్పు వస్తుందని ఆశాభావం వ్యక్తం చేసింది. ఈ చిత్రం కోసం బలాత్కార సన్నివేశాన్ని చిత్రీకరిస్తున్న సమయంలోనే ముంబయిలో మహిళ ఫొటో జర్నలిస్టుపై అత్యాచారం జరగడం దిగ్భ్రాంతిని కలిగించిందని నిత్యామీనన్ పేర్కొంది.