Daughters Day

‘‘ఆడవాళ్లకు నిజమైన స్వాతంత్య్రం అంటే నేను నమ్మేది ఏంటంటే... ఒక ఆడపిల్ల రాత్రి పూట ఒంటరిగా నడవగలిగిన రోజు, చీకటి పడ్డాక పార్కులో కూర్చోగలిగిన రోజు, తనకు నచ్చిన దుస్తులు ధరించగలిగిన రోజు, ఎలాంటి భయం లేకుండా పబ్లిక్‌ ట్రాన్స్‌పోర్ట్‌ ఉపయోగించగలిగిన రోజు, అలానే పబ్లిక్‌ ప్లేస్‌లో ఉన్నప్పుడు ఎలాంటి ప్రమాదం పొంచి ఉందో అని ఆలోచించని రోజు... నిజమైన ‘డాటర్స్‌ డే’. ఆ రోజునే మనం నిజమైన డాటర్స్‌ డేని జరుపుకోవాలి’’ అని కృతీ సనన్‌ సోషల్‌ మీడియా వేదికగా పేర్కొన్నారు. ఆదివారం ‘డాటర్స్‌ డే’ని పురస్కరించుకుని ఆమె ఈ విధంగా అన్నారు. ఇంకా సమాజంలో ఆడపిల్లల భద్రత గురించి ఆమె షేర్‌ చేసుకున్న కొన్ని విషయాలు ఈ విధంగా... ‘‘మీ కూతురు మీకు ఫోన్‌ చేసి ‘నన్ను కొందరు పురుషులు వెంబడిస్తున్నట్లు అనిపిస్తోంది’ అని చెబుతున్నట్లు ఊహించుకోండి, రాత్రిపూట ఒంటరిగా నడుస్తూ, భయంతో వెనక్కి తిరిగి చూసుకోవడం... ఇంటికి చేరేలోపే మీ కూతురి ఫోన్‌ స్విచ్ఛాఫ్‌ అయిపోవడం... ఇలాంటి పరిస్థితులను ఒక్కసారి ఊహించుకుని చూడండి... వీటి గురించి లోతుగా ఆలోచించండి. అప్పుడు మన ఆడపిల్ల భద్రత లేని సమాజంలో ఉన్న విషయం ఇంకా బాగా అర్థం అవుతుంది. ఆడపిల్ల ఇంటికి క్షేమంగా చేరిన తర్వాత కుటుంబ సభ్యులకు ‘నేను ఇంటికి వచ్చేశాను’ అని ఫోన్‌ చేసి చెప్పాల్సిన అవసరం లేని రోజు రావాలి. అలాంటి సురక్షితమైన ప్రపంచాన్ని కూతుళ్లుకు అందించాల్సిన బాధ్యత మన మీద ఉంది. ఆడపిల్ల బయటకు వెళ్లినప్పుడు లైవ్‌ లొకేషన్‌ షేర్‌ చేయడం, పెప్పర్‌ స్ప్రే వెంట తీసుకెళ్లడం, నడవడానికి బదులుగా క్యాబ్‌ బుక్‌ చేసుకోవడం, కేవలం సేఫ్‌గా భావించడం కోసం ఎవరికైనా ఫోన్‌ చేయడం... ఇవన్నీ కూడా తన జీవనశైలిలో భాగం చేసుకునేలా మనమే ఆమెను బలవంతం చేశాం’’ అంటూ కృతీ సనన్‌ షేర్‌ చేసిన పోస్ట్‌ వైరల్‌గా మారింది. కృతి చెప్పినది అక్షరాలా నిజం అని కొందరు, ఆడపిల్లల భద్రత విషయంలో ప్రపంచం చాలా మారాలని కొందరు నెటిజన్లు స్పందించారు.

తాము చదువుకోలేక ఎదుర్కొన్న కష్టాలు తమ బిడ్డ పడకూడదని ఆ తల్లిదండ్రులు అనుకున్నారు. తాము చిందించిన ప్రతీ చెమట చుక్కను కూతుళ్ల భవిష్యత్తుకు పునాదిగా మార్చారు. మరికొందరు తల్లిదండ్రులు కొడుకు లేడని బాధపడలేదు. కూతుళ్లనే కుమారులుగా భావిస్తూ ఉన్నతస్థానాలకు వెళ్లాలని ఆశపడ్డారు. వారి నమ్మకాన్ని కూతుళ్లు నిలబెట్టారు. ఉన్నతస్థానాలకు ఎదిగి తల్లిదండ్రుల పేరు నిలబెట్టారు. నేడు (ఆదివారం) కూతుళ్ల దినోత్సవం (డాటర్స్‌ డే) సందర్భంగా ఉమ్మడి వరంగల్‌ జిల్లాలో తల్లిదండ్రుల కల నెరవేర్చిన కూతుళ్లు, కూతుళ్ల కోసం కష్టపడిన తల్లిదండ్రులపై ప్రత్యేక కథనాలు. కమర్షియల్‌ టాక్స్‌లో అసిస్టెంట్‌ కమిషనర్‌గా..హన్మకొండ: జిల్లాలోని నర్మెట మండలం బొమ్మకూర్‌ తండాకు చెందిన గిరిజన రైతు నున్సావత్‌ హరిసింగ్‌–లత దంపతుల కుమార్తె దివ్య తన తండ్రి కోరికను నెరవేర్చారు. పూటగడవని పరిస్థితుల్లో తాను ఉన్నత స్థితికి చేరుకోవాలనే ఆశ నెరవేరలేదని కాంట్రాక్ట్‌ ఉద్యోగిగా పనిచేస్తున్నట్లు తరచూ తన కుమార్తెకు హరిసింగ్‌ చెబుతుండేవాడు. దీంతో తండ్రి ఆశయాలను నెరవేర్చాలనే దృఢ సంకల్పంతో కూతురు దివ్య గత ఏడాది గ్రూప్‌–1లో ర్యాంక్‌ సాధించి ప్రస్తుతం కమర్షియల్‌ టాక్స్‌ విభాగంలో అసిస్టెంట్‌ కమిషనర్‌గా హైదరాబాద్‌ మియాపూర్‌లో విధులు నిర్వహిస్తున్నారు ఆమె. దీంతో తల్లితండ్రులు తమ కూతురు సాధించిన విజయం చూసి గర్వపడుతున్నారు. కూతురును చూసి గర్వపడుతున్నాం..హన్మకొండ : నిన్నుచూసి మేము తల్లిదండ్రులుగా ఎంతో గర్వపడుతున్నాం. కూతురు సహనా రెడ్డి చిన్ననాటి జ్ఞాపకాలను నెమరు వేసుకుంటూ ఆనందం పొందుతున్నాం. విద్య అనేది భవిష్యత్‌ను మార్చే శక్తి అని ధృడంగా నమ్మి మా కూతురును చదివించాం. కాకతీయ యూనివర్సిటీలో బీటెక్‌ పూర్తి చేసి, ఇండియన్‌ స్కూల్‌ ఆఫ్‌ బిజినెస్‌ స్కూల్‌ ఎంబీఏ పూర్తి చేసింది. మా ఆనందం.. ఆశలకు ప్రతీక అయిన నీవు. భవిష్యత్‌లో మరిన్ని ఉన్నత శిఖరాలను అధిరోహించాలని, నేటి సమాజానికి మార్గదర్శకురాలిగా నిలవాలని కోరుకుంటున్నాం.– గోపు రేణుక–సమ్మిరెడ్డి, హనుమకొండ

తాము చదువుకోలేక ఎదుర్కొన్న కష్టాలు తమ బిడ్డ పడకూడదని ఆ తల్లిదండ్రులు అనుకున్నారు. తాము చిందించిన ప్రతీ చెమట చుక్కను కూతుళ్ల భవిష్యత్తుకు పునాదిగా మార్చారు. మరికొందరు తల్లిదండ్రులు కొడుకు లేడని బాధపడలేదు. కూతుళ్లనే కుమారులుగా భావిస్తూ ఉన్నతస్థానాలకు వెళ్లాలని ఆశపడ్డారు. వారి నమ్మకాన్ని కూతుళ్లు నిలబెట్టారు. ఉన్నతస్థానాలకు ఎదిగి తల్లిదండ్రుల పేరు నిలబెట్టారు. నేడు (ఆదివారం) కూతుళ్ల దినోత్సవం (డాటర్స్‌ డే) సందర్భంగా ఉమ్మడి వరంగల్‌ జిల్లాలో తల్లిదండ్రుల కల నెరవేర్చిన కూతుళ్లు, కూతుళ్ల కోసం కష్టపడిన తల్లిదండ్రులపై ప్రత్యేక కథనాలు.కన్నవారి కలలు ఫలించాయిజనగామ జిల్లా: జిల్లాలోని రఘునాథపల్లికి చెందిన నోముల పార్వతి–యాకయ్యది వ్యవసాయాధార కుటుంబం. సమాజంలో విద్య లేకపోతే ఎదురయ్యే ఇబ్బందులను స్వయంగా అనుభవించిన ఆ దంపతులు కూతురిని సమాజానికి ఉపయోగపడే ఉన్నత స్థానంలో చూడాలని కలలు కన్నారు. వారి కాష్టాన్ని, త్యాగాలను అర్దం చేసుకున్న అశ్విని ఆహర్నిశలు శ్రమించి ఏడాది క్రితం వనపర్తి జూనియర్‌ సివిల్‌ జడ్జిగా ఎంపికయ్యారు. విజయవంతంగా బాధ్యతలు నిర్వరిస్తున్నారు. ‘కూతురు న్యాయమూర్తి కావాలన్న మా అశను తను నెరవేర్చింది. ఏడాది కాలంగా జడ్జిగా సేవలు అందిస్తున్న మా బిడ్డను చూస్తేంటే కడుపు నిండిపోతుంది. కూతుర్ల దినోత్సం వేళ ఒక కూతురిగా తను మాకు ఇచ్చిన అతి పెద్ద బహుమతి’అని అశ్విని తల్లిదండ్రులు పార్వతి, యాకయ్య ఎంతో ఆనందంగా తెలిపారు.తెలుగు బుక్‌ ఆఫ్‌ రికార్డ్స్‌లో చోటుమా పాప శ్రేష్ట ప్రవస్థి రెండో తరగతిలోనే ప్రపంచ తెలుగు మహాసభల్లో పాల్గొని వంద పద్యాలు కంఠస్థం చేసి జూనియర్స్‌ విభాగంలో అందరి ముందు వినిపించింది. అప్పటి మంత్రి లక్ష్మారెడ్డితో ప్రశంసలు అందుకుంది. ఆరేళ్ల వయసులో 16 నిమిషాల్లో 100 పద్యాలు వినిపించి తెలుగు బుక్‌ ఆఫ్‌ రికార్డ్స్‌లో చోటు దక్కించుకుంది. ఇంతవరకు ఈ రికార్డును రెండు తెలుగు రాష్ట్రాల్లో ఎవరూ కూడా బ్రేక్‌ చేయలేదు. ఇంకా పలు రంగాల్లో తన ప్రతిభ చాటుతోంది. ప్రస్తుతం ఇంటర్‌ ఫస్టియర్‌ చదువుతోంది.– శివగారి కిరణ్‌ కుమార్, జనగామ

ఆడపిల్లకు ఇచ్చే ఆస్తి కన్నా ఆమెకు అందించే విద్యే జీవితాంతం అండగా నిలుస్తుంది. చదువు ఉంటే ఆత్మవిశ్వాసం వస్తుంది. నిర్ణయాలు తీసుకునే సామర్థ్యం పెరుగుతుంది. ఉద్యోగం, వ్యాపారం, వృత్తి ఏ రంగంలోకి వెళ్లినా తనకంటూ ఒక గుర్తింపు తెచ్చుకునే అవకాశం ఉంటుంది. తల్లిదండ్రులు కూతురిని చదివించి ఆమెకు నచ్చిన రంగంలో ఎదిగే అవకాశం కల్పిస్తే ఆ కుటుంబానికి ఆమె కేవలం కూతురిగా కాకుండా బలమైన శక్తిగా ఎదిగి, అండగా నిలుస్తుంది. ఆడపిల్ల పుట్టిందంటే భారంగా భావించిన కుటుంబాలు ఇప్పుడు అదే కూతురిని తమ భవిష్యత్‌ ఆశగా చూస్తున్నాయి. చదువులో రాణిస్తూ, ఉద్యోగాల్లో ఉన్నత స్థానాలకు ఎదుగుతూ కుటుంబాన్ని, సమాజాన్ని ముందుకు నడిపిస్తున్న కూతుళ్లు తల్లిదండ్రుల ఆలోచనలను మారుస్తున్నారు. అందుకే ‘కూతురే కావాలి’ అనే మాట వినిపించే రోజులు వస్తున్నాయి. నేడు కూతుళ్ల దినోత్సవం (డాటర్స్‌ డే) సందర్భంగా ‘సాక్షి’ ప్రత్యేక కథనం. సాక్షి ప్రతినిధి,కామారెడ్డి: రామారెడ్డి మండలం రెడ్డిపేట గ్రామానికి చెందిన రిటైర్డ్‌ ఉపాధ్యాయుడు రామస్వామిగౌడ్, శోభ దంపతులకు నలుగురు కూతుళ్లు. పెద్ద కూతురు సవిత ఎంఎస్సీ మ్యాథ్స్, ఎంఈడీ చదివింది. స్కూల్‌ అసిస్టెంట్‌గా ఉద్యోగం చేస్తోంది. రెండో కూతురు శైలజ ఎంఎస్సీ, ఎంఈడీ చదివింది. ఎస్‌జీటీగా పనిచేస్తోంది. మూడో కూతురు స్వప్న ఎంసీఏ, ఎంఎస్సీ, ఎంఈడీ చదివింది. స్కూల్‌ అసిస్టెంట్‌ ఉద్యోగం చేస్తోంది. చిన్నకూతురు సంగీత ఎంఏ, ఎంఈడీ చదివింది. గురుకుల పాఠశాలలో పీజీటీగా పనిచేస్తోంది. నలుగురూ ఉన్నత చదువులు, ఉద్యోగాలతో స్థిరపడి కన్నవారికి సంతోషాలను పంచుతున్నారు. ‘ఆడపిల్లలు అన్న భావన లేకుండా పెంచాం. తక్కువ సంపాదనతో నలుగురిని చదివించడానికి కష్టాలు పడ్డాం. మా కష్టాలను చూసిన పిల్లలు ఇష్టంగా చదివి ఉన్నతంగా ఎదిగారు’ అని రామస్వామిగౌడ్‌ ఆనందం వ్యక్తం చేశారు.

సాక్షి ప్రతినిధి, కామారెడ్డి : ఆడపిల్లకు ఇచ్చే ఆస్తి కన్నా ఆమెకు అందించే విద్యే జీవితాంతం అండగా నిలుస్తుంది. చదువు ఉంటే ఆత్మవిశ్వాసం వస్తుంది. నిర్ణయాలు తీసుకునే సామర్థ్యం పెరుగుతుంది. ఉద్యోగం, వ్యాపారం, వృత్తి ఏ రంగంలోకి వెళ్లినా తనకంటూ ఒక గుర్తింపు తెచ్చుకునే అవకాశం ఉంటుంది. తల్లిదండ్రులు కూతురిని చదివించి ఆమెకు నచ్చిన రంగంలో ఎదిగే అవకాశం కల్పిస్తే ఆ కుటుంబానికి ఆమె కేవలం కూతురిగా కాకుండా బలమైన శక్తిగా ఎదిగి, అండగా నిలుస్తుంది. ఆడపిల్ల పుట్టిందంటే భారంగా భావించిన కుటుంబాలు ఇప్పుడు అదే కూతురిని తమ భవిష్యత్‌ ఆశగా చూస్తున్నాయి. చదువులో రాణిస్తూ, ఉద్యోగాల్లో ఉన్నత స్థానాలకు ఎదుగుతూ కుటుంబాన్ని, సమాజాన్ని ముందుకు నడిపిస్తున్న కూతుళ్లు తల్లిదండ్రుల ఆలోచనలను మారుస్తున్నారు. అందుకే ‘కూతురే కావాలి’ అనే మాట వినిపించే రోజులు వస్తున్నాయి. నేడు కూతుళ్ల దినోత్సవం (డాటర్స్‌ డే) సందర్భంగా ‘సాక్షి’ ప్రత్యేక కథనం. అక్షరాలను ఆయుధాలుగా మలచుకొని నలుగురు కూతుళ్లు ఆ తండ్రిని కాలరెగరేసుకునేలా చేశారు. మండలంలోని ఎల్లంపేటకు చెందిన లక్యానాయక్‌ వ్యవసాయం చేస్తూ నలుగురు కూతుళ్లను చదివిస్తున్నాడు.పెద్ద కూతురు రేణుక ఎంబీబీఎస్‌ పూర్తి చేసి ప్రస్తుతం ఎండీ డెర్మటాలజీ చదువుతోంది. రెండో కూతురు సరిత ఎంబీబీఎస్‌ మొదటి సంవత్సరం చదువుతోంది. మూడో కూతురు స్వప్న డిగ్రీ పూర్తిచేసి పీజీ కోసం ప్రిపేర్‌ అవుతోంది. నాలుగో కూతురు సుస్మిత బీటెక్‌ రెండో సంవత్సరం చదువుతోంది. బంగారు ఆభరణాలు తయారు చేస్తూ..కామారెడ్డి పట్టణానికి చెందిన శ్రీనివాసచారి, భార్గవి దంపతులకు ఇద్దరు కూతుళ్లు. కులవృత్తి అయిన బంగారు ఆభరణాల తయారీ పనిచేస్తూ ఇద్దరు కూతుళ్లను చదివిస్తున్నాడు. పెద్దకూతురు భావన బీటెక్‌ పూర్తి చేసి విప్రో కంపెనీలో ప్రాజెక్ట్‌ ఇంజినీర్‌గా ఉద్యోగం చేస్తోంది. చిన్న కూతురు స్నిగ్ధశ్రీ ఇంటర్‌ చదువుతోంది. ఇద్దరూ చదువులో ముందున్నారని సంతోషం వ్యక్తం చేస్తున్నారు శ్రీనివాసచారి.

నంగునూరు(సిద్దిపేట): వ్యవసాయ కుటుంబంలో పుట్టిన అక్కా చెల్లెళ్లు మట్టిలో మాణిక్యాలుగా నిలిచారు. తాము పెద్దగా చదువుకోకున్నా తమ పిల్లల భవిష్యత్తును చక్కగా తీర్చిదిద్దాలని వారి తల్లిదండ్రుల కలల్ని నిజం చేశారు. రిటైర్డు హెచ్‌ఎంగా పని చేసిన తాతయ్యను స్ఫూర్తిగా తీసుకుని అక్క అమెరికాలో ఉద్యోగం చేస్తుండగా..చెల్లి ఎంబీబీఎస్‌ పూర్తి చేసి నీట్‌లో మంచి ర్యాంక్‌ సాధించి ఆదర్శంగా నిలిచింది. సిద్దిపేట జిల్లా నంగునూరు మండలం పాలమాకులకు చెందిన ఎల్లంకి విజయేందర్‌రెడ్డి, రజినీకి ఇద్దరు కూతుళ్లు. తనకున్న 4.30 ఎకరాల భూమితో పాటు తన తల్లిదండ్రుల భూమి కలిపి వ్యవసాయం చేస్తూ ఇద్దరు కూతుళ్లను చదివించారు. పెద్ద కూతురు శ్రీలక్ష్మి బీఫార్మసీ చేసి అమెరికా వెళ్లి ఎమ్‌ఎస్‌ పూర్తి చేసి అలబామాలో ఉద్యోగం చేస్తోంది. చిన్న కూతురు శ్రీప్రియ కాకతీయ మెడికల్‌ కాలేజీలో ఎంబీబీఎస్‌ పూర్తి చేసింది. నీట్‌పీజీ పరీక్షలో 10,109 ర్యాంక్‌ సాధించింది. రాష్ట్ర ర్యాంక్‌ ప్రకటిస్తే తెలంగాణలో సీటు వచ్చే అవకాశముందని, కార్డియాలజిస్ట్‌ కావాలని ఉందని శ్రీప్రియ చెప్పారు.అమ్మ, నాన్న, తాతయ్య స్ఫూర్తి వ్యవసాయం చేసుకుంటూ నాన్న చాలా కష్టపడి చదివించారు. తాతయ్య రామచంద్రారెడ్డి గెజిటెడ్‌ హెచ్‌ఎంగా రిటైర్డ్‌ అయ్యారు. ఆయన ప్రేరణ, నానమ్మ విజయలక్ష్మి , అమ్మ రజినీ, నాన్న కల సాకారం చేసేందుకు అమెరికా వెళ్లి ఎమ్‌ఎస్‌ పూర్తి చేసి అక్కడే ఉగ్యోగం చేస్తున్నా. ఎల్లంకి శ్రీలక్ష్మి గర్వంగా ఉంది ఇద్దరూ కూతుళ్లు పుట్టారని ఎన్నడూ బాధపడలేదు. మేము చదువుకోకున్నా పిల్లలను చక్కగా చదివించేందుకు వ్యవసాయం చేస్తూ ఎంతో కష్టపడ్డాం. మేము కన్న కలలను నిజం చేసిన కూతుళ్లను చూసి గర్వ పడుతున్నాం. –విజయేందర్‌రెడ్డి, తండ్రి, పాలమాకుల

‘‘ఒక కూతురు ఎదిగితే.. ఒక కుటుంబం నిలబడుతుంది.. ఒక కూతురు గెలిస్తే.. మరో వంద మంది అమ్మాయిలకు కల పుడుతుంది.. అందుకే.. కూతురు భారం కాదు.. కొండంత అండ..’’ ఒకప్పుడు ఆడపిల్ల పుడితే.. ‘బాధ్యత మొదలైంది’ అనుకునేవారు. ఇప్పుడు అదే ఆడపిల్ల పుడితే.. ‘భవిష్యత్‌ వచ్చింది’ అంటున్నారు. చదువు కంటే పెళ్లి.. కలల కంటే కుటుంబం.. అవకాశాల కంటే ఆంక్షలే ముందుండే కాలం నుంచి.. కూతుళ్ల కలలకు రెక్కలు తొడిగి, వారు ఎంచుకున్న రంగంలో ఉన్నత శిఖరాలకు చేరేలా ప్రోత్సహించే దశకు సమాజం చేరింది. కూతురి కోసం తల్లిదండ్రులు పడిన కష్టాలు.. ఆమె విజయం ముందు చిన్నబోతున్నాయి. ఆదివారం జాతీయ కుమార్తెల దినోత్సవం సందర్భంగా తమ కలలతో, తల్లిదండ్రుల అండతో, తమ విజయాలతో సమాజానికి కొత్త అర్థం చెబుతున్న ఆడబిడ్డల ప్రత్యేక కథనాలు..మహబూబ్‌నగర్: ఒకప్పుడు ఆడపిల్ల పుడితే భారమని భావించే రోజులు.. ఇప్పుడు మారిపోయాయి. కొడుకులతో సమానంగా.. అంతకంటే ఎక్కువగా కూతుళ్లను చదివిస్తూ, వారి కలలకు రెక్కలు తొడుగుతున్నారు నేటితరం తల్లిదండ్రులు. కూతుళ్లు ఏ దారి ఎంచుకున్నా.. ఆ దారిలో వారికి అండగా నిలిస్తే చాలు.. వారు గమ్యాన్ని చేరుకుంటారనే నమ్మకానికి నిలువెత్తు నిదర్శనం సురేష్ రెడ్డి–మంజులత దంపతులు. అడ్డాకుల మండలం పొన్నకల్‌కు చెందిన ఈ దంపతులు దాదాపు మూడు దశాబ్దాల కిందట పిల్లల చదువుల కోసం మహబూబ్‌నగర్‌లోని లక్ష్మీనగర్‌ కాలనీలో స్థిరపడ్డారు. గ్రామంలో ఉన్న వ్యవసాయ భూమిని సాగు చేసుకుంటూనే రియల్‌ ఎస్టేట్‌ రంగంలో కొనసాగిన సురేష్‌ రెడ్డి.. భార్య మంజులతతో కలిసి కుటుంబాన్ని నడిపించారు. ఆర్థికంగా ఎన్నో ఇబ్బందులు ఎదురైనా.. ఇద్దరు కూతుళ్ల చదువుకు మాత్రం ఏనాడూ కొరత రానివ్వలేదు. అనన్యరెడ్డి, చరణ ఇద్దరికీ చిన్నప్పటి నుంచే ప్రైవేట్‌ పాఠశాలల్లో విద్య అందించారు. ఆ తర్వాత ఉన్నత చదువుల్లోనూ పిల్లల అభిరుచులకే ప్రాధాన్యం ఇచ్చారు. పెద్ద కూతురు అనన్యరెడ్డి సివిల్‌ సర్వీసెస్ వైపు వెళ్లాలని నిర్ణయించుకున్నప్పుడు.. తల్లిదండ్రులు ఆమెను ప్రోత్సహించారు. గ్రాడ్యుయేషన్‌ కోసం ఢిల్లీకి పంపించి.. ఆమె లక్ష్యానికి అవసరమైన సహకారం అందించారు. పట్టుదలతో చదివిన అనన్యరెడ్డి 2024 బ్యాచ్‌లో ఐఏఎస్‌కు ఎంపికయ్యారు. ప్రస్తుతం కర్ణాటక రాష్ట్రంలోని డాహన్‌ జిల్లాలో అదనపు కలెక్టర్‌గా విధులు నిర్వహిస్తున్నారు. చిన్న కూతురు చరణ కూడా అక్క అడుగుజాడల్లో కాకుండా తనకంటూ మరో దారిని ఎంచుకుంది. ప్రస్తుతం ఎన్‌ఐటీ వరంగల్‌లో బీటెక్‌ మూడో సంవత్సరం చదువుతోంది.ఇబ్బందులు ఎదుర్కొన్నాం.. 30 ఏళ్ల కిందట పిల్లల చదువుల కోసం స్వగ్రామం పొన్నకల్‌ నుంచి మహబూబ్‌నగర్‌కు వచ్చాం. ఆ సమయంలో ఆర్థికంగా ఎన్నో ఇబ్బందులు ఎదుర్కొన్నాం. అయినా పిల్లల భవిష్యత్‌ కోసం వారి చదువులకు ఎలాంటి ఆటంకం రాకుండా చూసుకున్నాం. మేం పడుతున్న కష్టాలు, ఎదుర్కొంటున్న సమస్యలు పిల్లలకు తెలియకుండా కుటుంబాన్ని నడిపించాం. గ్రామంలో ఉన్న పొలంలో వ్యవసాయం చేయడంతో పాటు రియల్‌ ఎస్టేట్‌ పనులు చేశాను. నా భార్య గృహిణిగా కుటుంబాన్ని చూసుకుంది. మా ఇద్దరు పిల్లలను బాగా చదివించాలన్నదే మా లక్ష్యం. అయితే వాళ్లు ఏ రంగంలోకి వెళ్లాలి.. ఏం సాధించాలనేది వారి ఇష్టానికే వదిలేశాం. వాళ్లు ఎంచుకున్న మార్గాల్లో మేం ఎప్పుడూ ప్రోత్సహించాం. పెద్ద కూతురు అనన్య ఐఏఎస్‌కు ఎంపికైన రోజు ఎంతో సంతోషపడ్డాం. ఆ ఒక్క క్షణంలో ఇన్నేళ్లుగా మేం ఎదుర్కొన్న కష్టాలన్నీ మరిచిపోయాం. – సురేష్‌రెడ్డి, మంజులత, ఐఏఎస్‌ అధికారిణి అనన్యరెడ్డి తల్లిదండ్రులు

కెనడాలో ఆరు సంవత్సరాలు గడిపి, డెలాయిట్‌లో తన కెరీర్‌ నిర్మించుకున్న ప్రీతి బిస్నిక్‌ స్వదేశానికి తిరిగి రావాలనుకుంటోంది. దీనికి కారణం...ఉద్యోగం కోల్పోవడం కాదు. అవకాశాల కొరత అంతకంటే కాదు. వృద్ధాప్యంలో ఉన్న తల్లిదండ్రుల బాగోగులను చూసుకోవాలనుకోవడమే కారణం. దీనికి సంబంధించి ఇన్‌స్టాగ్రామ్‌లో ప్రీతి పోస్ట్‌ చేసిన వీడియో వైరల్‌ అయింది. ప్రశంసలు అందుకుంది. తన తల్లిదండ్రులకు వయసు పైబడుతోందని, వారికి అందుబాటులో ఉండడానికే ఇండియాకు వెళ్లాలని నిర్ణయం తీసుకున్నానని చెప్పింది ప్రీతి. ప్రీతి తల్లికి గ్లాకోమా ఉంది. నడవడానికి కూడా ఇబ్బంది పడుతుంది. ‘పోషకాహారం గురించి చదువుతున్నప్పుడు నా తల్లిదండ్రులు గుర్తుకు వచ్చారు. నేను తెలుసుకున్న విషయాలను నా తల్లిదండ్రుల ఆరోగ్యం కోసం ఉపయోగించుకోవాలనుకున్నాను’ అంటున్న ప్రీతి తన తల్లిదండ్రులకు పోషకాహారం, ఫిట్‌నెట్‌ కోసం ప్రణాళికలు సిద్దం చేసుకుంది. నెటిజనులు ప్రీతి నిర్ణయంపై ప్రశంసల వర్షం కురించారు. ఒకరు మాత్రం... ‘మీరు ఇక్కడికి రావడానికి బదులు, తల్లిదండ్రులనే మీ దగ్గరికి తీసుకెళ్లవచ్చు కదా?’ అని సలహా ఇస్తే... ‘ఆరోగ్యం దృష్యా›్ట వారిని ఇక్కడికి తీసుకురావడం అంత సులువు కాదు’ అని తెలియజేసింది ప్రీతి. గమనించాల్సిన విషయమేమిటంటే... తల్లిదండ్రులకు తాను ఏకైక సంతానం కాదు. ఆమె సోదరులు అమెరికా, లండన్‌లో స్థిరపడ్డారు. ‘నా కెరీర్‌ బాగుంటే చాలు’ అనుకునే ఈరోజుల్లో తల్లిదండ్రుల కోసం ఉద్యోగం త్యాగం చేయడం గొప్ప విషయమే కదా!’ ముక్తకంఠంతో అంటున్నారు నెటిజనులు.

‘మా అమ్మాయిని కంటికి రెప్పలా కాపాడుకుంటాం’ అమ్మాయిల తల్లిదండ్రులు తరచూ చెప్పే మాట ఇది... కాని కొందరు అమ్మాయిలు ‘కంటికి రెప్పలా కాదు..దేశాన్ని రక్షించే కవచంలా మారుతాం.’ అని భావించారు. అలానే తమని తాము నిరూపించుకున్నారు. భారత రక్షణ దళంలో త్రివర్ణ పతాకం తలెత్తుకునేలా అప్రతిహత విజయాలను అందుకుంటున్నారు. నేడు ‘ఇంటర్నేషనల్‌ డాటర్స్‌ డే.’ ఈ సందర్భంగా సరిహద్దు రూపురేఖల్ని మార్చేసిన మన ధైర్యశాలులైన కూతుళ్ల అసాధారణ విజయాలు, వారికి వెన్నుదన్నుగా నిలిచిన తల్లిదండ్రుల స్ఫూర్తిదాయక ప్రయాణంపై ప్రత్యేక కథనం...ఉమెన్‌ టాప్‌గన్‌గా... భారత వైమానిక దళంలో మరచిపోలేని సంవత్సరంగా 2026 నిలిచింది. కంబాట్‌ మిషన్‌ నిర్వహించేందుకు మహిళా ఫైటర్‌ పైలట్‌ భావనాకాంత్‌ (33) అర్హత సాధించారు. ఈ ఏడాది గ్వాలియర్‌లోని టాక్టీస్‌ అండ్‌ ఎయిర్‌ కంబాట్‌ డెవలప్‌మెంట్‌ ఎస్టాబ్లిష్‌మెంట్‌లో అత్యంత కఠినమైన ఫైటర్‌ కంబాట్‌ లీడర్‌ కోర్సును పూర్తి చేసిన తొలి మహిళా అధికారిగా ఆమె చరిత్ర సృష్టించారు. అందుకే ఆమెను ‘ఇండియన్‌ ఫస్ట్‌ ఉమెన్‌ టాప్‌ గన్‌’గా అభివర్ణించారు.గర్వంగా ఉంది ‘భావన చిన్నప్పటి నుంచే ఫైటర్‌ పైలట్‌ కావాలని కలలు కనేది. కాని అది అబ్బాయిలు ఎంచుకునే కెరీర్‌. అయతే తన ఆలోచన భిన్నంగా ఉన్నందుకు నేను సంతోషించా. చిన్నప్పటి నుంచే తనకి ఫ్లైయింగ్‌ అంటే ఇష్టం. ఈరోజు భారత దేశంలో తొలి మహిళా టాప్‌గన్‌గా పేరు తెచ్చుకుంది. ఇంతకంటే గర్వకారణం ఇంకేముంటుంది?’– తేజ్‌ నారాయణ కాంత్, భావన తండ్రి

బాలీవుడ్‌ హీరో వివేక్‌ ఒబెరాయ్‌కు ఇద్దరు పిల్లలు. కుమారుడు వివాన్‌ వీర్‌. కుమార్తె అమేయ. అయితే ఆయన దత్తపుత్రిక పేరు ఇటీవల సోషల్‌ మీడియాలో బాగా వైరల్‌ అయింది. ఆమె పేరు సహారా షా. క్యాన్సర్‌ కోరల నుంచి బయటపడిన ఇరవైరెండేళ్ల షా తన మొదటి సినిమాకు సంతకం చేసింది.గత కొన్నేళ్లుగా, వివేక్‌ ఒబెరాయ్‌ క్యాన్సర్‌తో పోరాడుతున్న పిల్లలను దత్తత తీసుకొని చదువుతో పాటు చికిత్స ఖర్చులను భరిస్తున్నారు. రెండేళ్ల వయసు ఉన్నప్పుడు సహారాను దత్తత తీసుకున్నారు వివేక్‌.ఒక నేపాలి చిత్రంలో నటించే అవకాశం తన దత్తపుత్రికకు రావడం వివేక్‌ను సంతోషంలో ముంచెత్తింది. మరో విశేషం ఏమిటంటే... ఏవియేషన్‌లో సహారా ట్రైనింగ్‌ కూడా తీసుకుంది. కమర్షియల్‌ పైలట్‌ అయ్యే దిశగా అడుగులు వేస్తోంది.‘నాకు మీ ఆశీర్వాదం కావాలి. నా జీవితంలో మీరు ముఖ్యమైన భాగం. చిన్నప్పటి నుంచి మిమ్మల్ని చూస్తూ పెరిగాను. మీ అడుగు జాడల్లో నడవడానికి ప్రయత్నిస్తున్నాను. నా ప్రయాణంలో నేను సగం దూరం కూడా వెళ్లలేదు’ అని తండ్రిని ఉద్దేశించి అంటుంది సహారా షా.వివేక్‌ను ‘దాదా’ అని పిలుస్తుంది సహారా. తనకు ఎప్పుడూ అండగా నిలిచే దాదాకు ఇలా కృతజ్ఞతలు తెలియజేసింది... ‘యాక్టింగ్, డ్యాన్స్‌ ఏది చేసినా నన్ను మీరు బాగా ప్రోత్సహించారు. మీ ప్రోత్సాహం నాకు గొప్ప కలలు కనే ధైర్యాన్ని, ఆత్మవిశ్వాసాన్ని ఇచ్చింది. ఒకప్పుడు అసాధ్యమనిపించినవి మీ వల్లే సాధ్యమయ్యాయి. మీపై నాకు ఎంత ప్రేమాభిమానాలు ఉన్నాయో మాటల్లో చెప్పలేను’ సహారాను ఆ΄్యాయంగా హగ్‌ చేసుకున్నప్పుడు వివేక్‌ భావోద్వేగానికి గురయ్యారు. ‘నా సంతోషాన్ని మాటల్లో చెప్పలేను. గర్వంతో నా కళ్లు చెమర్చుతున్నాయి. రెండున్నరేళ్ల చిన్నారిగా, క్యాన్సర్‌తో పోరాడుతూ కీమోథెరపీ చేయించుకుంటున్నప్పుడు... ఎర్రబడిన కళ్లు, పాలిపోయిన ముఖంతో సహారా కనిపించిన దృశ్యం నాకు ఇప్పటికీ గుర్తుంది. సహారాలోని పోరాట పటిమను నేను చూశాను. తను నా వేలిని పట్టుకున్న తీరును చూసి కచ్చితంగా విజేత అవుతుంది అనిపించింది. తన కోసం నేను ప్రతిరోజూ ప్రార్థించేవాడిని. ఆమె క్యాన్సర్‌ను జయించింది. ఆమె పడిన కష్టానికి ఫలితం దక్కింది. సహారను చూసి గర్విస్తున్నాను’ అన్నారు వివేక్‌ ఒబేరాయ్‌.

‘నా బిడ్డ ఇల్లు దాటి బయటికి అడుగు పెట్టగలదా? ఆమె రూపంపై ఎవరికి తోచినట్లు వారు కామెంట్లు చేస్తారా? ఆ క్రూరమైన వెక్కిరింపులను నా బిడ్డ భరించగలదా?అమ్మా, నేను ఫిల్మ్‌ ఇండస్ట్రీలోకి రావాలనుకుంటున్నాను... అని అడిగితే ఏ విధంగా సర్ది చెప్పాలి?ఒకవేళ ఫిల్మ్‌ ఇండస్ట్రీలోకి అడుగుపెడితే ఎన్ని రకాల వివక్షలు ఎదురవుతాయో, అసలు నా బిడ్డ భవిష్యత్‌ ఎలా ఉండబోతుందో?’.... సింగిల్‌ మదర్‌గా తన బిడ్డ మసాబా పెంపకంలో ప్రముఖ నటి నీనా గుప్తాకు ఇలాంటి సందేహాలు ఎన్నో ఎదురయ్యాయి. ఒత్తిడితో మనసు అల్లకల్లోలం అయ్యేది. ‘ఇలా నిరుత్సాహపడితే,ప్రతికూల ఆలోచనలలో మునిగిపోతే... బిడ్డ భవిష్యత్‌ ఏం అవుతుంది?’ అని ఆలోచించిన నీనా గుప్తా తనలో ప్రతికూల ఆలోచనల స్థానంలో, సానుకూల ఆలోచనలు నింపుకుంది. కూతురి పెంపకంలో ఎదురైన సమస్యలను ధైర్యసాహసాలతో ఎదుర్కొంది. ‘చిన్నప్పుడు మసాబా చాలా సైలెంట్‌. స్కూల్‌లో తనను ఎవరైనా వెక్కిరించినా, వేధించినా నాకు చెప్పేది కాదు’ గతాన్ని గుర్తు తెచ్చుకున్నారు నీనాగుప్తా.కట్‌ చేస్తే...నీనా గుప్తా కూతురు మసాబా గుప్తా ఫ్యాషన్‌ డిజైనర్‌గా ప్రపంచవ్యాప్త గుర్తింపు తెచ్చుకుంది. ఫ్యాషన్‌ లేబుల్‌ ‘హౌజ్‌ ఆఫ్‌ మసాబా’కు ఫౌండర్‌గా విజయపథంలో దూసుకెళుతోంది. ‘మసాబా గుప్తా’ అనే పేరు వినిపిస్తే ఆమె తల్లి కళ్లలో గర్వం తొంగిచూస్తుంది. కూతురు గురించి గతాన్ని గుర్తు చేసుకున్నారు నీనా గుప్తా. ఆ విషయాలు ఆమె మాటల్లోనే...‘నేను టీవీ పనుల్లో బాగా బిజీగా ఉండేదాన్ని. అయినా సరే, మసాబా ఎప్పుడూ ఏ ఫిర్యాదు చేయలేదు. నేను ఇవ్వగలిగింది ఆమెకు ఇచ్చాను. తనలో ఎప్పుడూ అసంతృప్తి ఉండేది కాదు. ఆమె తండ్రి గురించి నేను ఎప్పుడూ చెడుగా మాట్లాడలేదు. నిజం చెప్పాను. అలా చెప్పడం వల్ల ఆమె సెక్యూర్‌గా ఫీల్‌ అయింది.మసాబా తన మనసులో మాట నాకు ఎప్పుడూ చెప్పేది కాదు. నాకు మాత్రం వేరే ఆందోళనలు ఉండేవి. ఆమె మొటిమల గురించి కావచ్చు, ఎక్కువసేపు టెన్నిస్‌ ఆడడం వల్ల చర్మంపై ప్రతికూల ప్రభావం చూపడం కావచ్చు. మొటిమల తీవ్రత ఎలా ఉండేదంటే, వాటి భయంతో ఇంటి నుంచి బయటికి రావడానికి మసాబా భయపడేది! మొటిమలకు సంబంధించి ముంబైలోని ప్రతి డెర్మటాలజిస్ట్‌ దగ్గరికి వెళ్లి ఉంటాను. కొందరు వైద్యులు మాత్రలు సూచించారు. అంత చిన్న వయసు అమ్మాయికి మాత్రలు వాడడం నాకు నచ్చలేదు. శరీరాకృతి కారణంగా స్కూల్లో మసాబాను కొందరు ‘కర్లీ టాప్‌’ అని పిలుస్తూ వేధించేవారనే విషయం తెలిసి బాధపడ్డాను. కానీ నా బిడ్డ ఒక ఫైటర్‌. ఎప్పుడూ తలవంచదు. ఓటమి అంగీకరించదు!నేను సినిమా ఫీల్డ్‌లో ఉన్నాను. మసాబా ఫ్రెండ్స్‌కు సినిమా ఫీల్డ్‌లో ఎంతోమంది తెలుసు. అయితే ఆ పరిచయాలేవీ మసాబా సినిమా ఫీల్డ్‌లోకి అడుగు పెట్టడానికి సరిపోలేదు. సన్నగా, తెల్లగా ఉండే మహిళలను ఆరాధించే సినీ పరిశ్రమలో మసాబాకు చోటు లేదు అనిపించింది. ఉన్న విషయం చెబితే ఆమెకు మనోవేదన కలుగుతుందని తెలుసు. అందుకే... మసాబాను సంగీతంతో సహా ఇతర రంగాల వైపుకు తీసుకెళ్లడానికి ప్రయత్నించాను.చివరికి మసాబా ఫ్యాషన్‌ను ఎంచుకుంది. ఫ్యాషన్‌ ప్రపంచంలో తనకంటూ పెద్ద బ్రాండ్‌ను సృష్టించుకుంది.’

అనగనగా ఒక అత్త... ఒక కోడలు... వారి మధ్య కథ మొదలైతే... ఉప్పూ నిప్పూ... కన్నీళ్లూ కుట్రలూ.... బ్యాక్‌గ్రౌండ్‌ మ్యూజిక్‌తో... టీవీ స్క్రీన్‌ మీద సీరియళ్లు. కాని రిమోట్‌ మార్చే వేళయింది. అత్తా ఒకింటి అమ్మే... కోడలూ ఒకింటి కూతురే అన్నట్టు అత్తాకోడళ్లు జట్టు కడుతున్నారు. అత్తలో అమ్మను కోడలిలో కూతురిని చూసుకుంటున్నారు. కోడలే ఈకాలం కూతురు.మొన్న విజయవాడ పెళ్లిలో ఒక దృశ్యం...అత్తగారి చీర కుచ్చిళ్లు సర్దుతున్న కోడలు ‘నువ్వు సూపర్‌గా ఉన్నావ్‌ అత్తయ్య, ఒక ఫొటో దిగుదాం’ అని సెల్ఫీ దిగుతోంది. పక్కనే ఇంకో టేబుల్‌ దగ్గర అత్తాకోడళ్ల సంభాషణ... ‘రాత్రికి మళ్లీ వంటెందుకు అమ్మాయ్‌... స్విగ్గిలో చపాతి తెప్పిద్దాంలే’ అని అత్త అంటే ‘అదే బెస్ట్‌ అత్తయ్యా’ అని కోడలు అంటోంది.ఇప్పుడు కనిపిస్తున్న ఈ దృశ్యాలు 2016 అంటే పదేళ్ల కింద కూడా లేవు. అత్తాకోడళ్లంటే శత్రువులే అని సమాజం నమ్మేది... నమ్మించేది.... వాళ్లు కొట్లాడుకుంటే మనకే మంచిదన్నట్టు కుటుంబ రాజకీయాలు వర్ధిల్లేవి. ఇప్పుడు భారీ కుటుంబాలు లేవు. అమ్మగారింట్లో తల్లీదండ్రీ ఇద్దరు పిల్లలు. అత్తగారింట్లో తల్లీదండ్రీ ఇద్దరు పిల్లలు. అమ్మగారిల్లయినా అత్తగారిల్లయినా నలుగురు కుటుంబ సభ్యులే ప్రైమరీ యూనిట్‌. వీళ్ల మధ్య మళ్లీ యుద్ధాలు ఎందుకు... పేచీలు ఎందుకు... పోట్లాటలు ఎందుకు... వరుస మారినా బంధంలో అదే తీపి ఉంచుకోవచ్చుకదా అనుకుంటున్నారు. మారిన అత్తాకోడళ్ల ట్రెండ్స్‌ ఇలా ఉన్నాయి.ట్రెండ్‌ 1: మిత్రలాభం‘ఇద్దరూ బాగా ఫ్రెండ్సయినట్టున్నారు’ అని ఏదో సినిమాలో డైలాగ్‌. రాను రాను అత్తాకోడళ్లు ‘మిత్రలాభా’న్ని గ్రహిస్తున్నారు. ఒకప్పుడు ‘నా కొడుకుని నా నుంచి దూరం చేసింది’ అని ఫీల్‌ అయ్యే అత్తగారు ఇప్పుడు ‘నా కోడలు నా కొడుకు కంటే బాగా చూసుకుంటుంది‘ అని ఫీల్‌ అవుతోంది. అత్తా కోడళ్లకు ఇప్పుడు కామన్‌ టాపిక్‌ వంట కాదు... ఫైనాన్స్ ప్లానింగ్‌. ‘అత్తమ్మా, ఈ మ్యూచువల్‌ ఫండ్‌ బాగుందట’ అని కోడలు చె΄్తోంది. ‘మనిద్దరం కలిసి తిరుమల వెళదామా ఆయనకు కుదరపోతే’ అనేంత చనువు తీసుకుంటోంది. ఇద్దరూ కలిసి మార్నింగ్‌ వాక్, జిమ్‌ చేస్తున్నారు. వంట భారాన్ని ఇద్దరూ చెరి ఒక చేయి వేసి లాగించేస్తున్నారు. వీకెండ్‌ వస్తే ‘ఈరోజు వంటొద్దులే అత్తమ్మా, బయట తిందాం’ అని చెప్పే స్వేచ్ఛ కోడలికి ‘నువ్వు రెస్ట్‌ తీసుకోమ్మా‘ అని చెప్పే ప్రేమ అత్తమ్మకూ వచ్చింది.ట్రెండ్‌ 2: ఈగో కాదు, ఈక్వేషన్‌‘ఇగోలు పోతే ఇల్లు స్వర్గమే’ అన్నాడో సంసారి. ఒకప్పుడు అత్త ‘ఇది నా ఇల్లు... వీడు నా కొడుకు’ అనే ఇగోలో ఉండేది. ఇప్పుడు కోడలు సంపాదిస్తున్నది. చన్నీళ్లకు చన్నీళ్లు వేణ్ణీళ్లకు వేణ్ణీళ్లు అందిస్తోంది. ఆమె ప్రమేయం అనివార్యం అయ్యే కొద్దీ అత్తలో ‘నా ఇల్లు’ బదులు ‘మన ఇల్లు’ భావన వస్తోంది. అత్త కూడా పెన్షన్‌తోనో, సేవింగ్స్‌తోనో కొద్దో గొ΄్పో ఇండిపెండెంట్‌గా ఉంది కాబట్టి ‘ఆ ఒక్క ప్రాణం ఏం భారం’ అనుకోవడమూ ఉంది. దాంతో ‘ఎవరు గొప్ప?’ అని కాదు, ‘ఎలా బెటర్‌ గా ఉందాం?’ అనే ఆలోచన అత్తాకోడళ్లలో. ‘మా అత్తమ్మ నా వంటలో తప్పులు వెతకదు, నేర్చుకోవడానికి సాయం చేస్తుంది’ అని కోడలు చెబితే... ‘నా కోడలు ఆన్ లైన్‌ బ్యాంకింగ్, ఓటీటీ యాప్స్‌ వాడటం నేర్పిన గైడ్‌’ అంటోంది అత్త. ఇలా స్కిల్స్‌ షేర్‌ చేసుకోవడమే నేటి అత్తాకోడళ్ల బాండింగ్‌ సీక్రెట్‌.ట్రెండ్‌ 3: లోటు భర్తీచాలా మంది అత్తయ్యలు కొడుకు పెళ్లి నాటికి కూతురు పెళ్లి చేసేసి ఉంటారు. ఇంట్లో కూతురు లేని లోటు వారికి తెలుసు. కోడలు వస్తే కూతురు వయసు అమ్మాయి వచ్చినట్టే కదా. ‘నా కూతురు ఉంటే ఇలాగే చూసుకునేదాన్ని’ అని మనస్ఫూర్తిగా అనుకుంటున్నారు. కోడళ్లు కూడా తల్లిని వదిలి వచ్చిన బెంగను అత్త ప్రేమతో మర్చిపోతున్నారు. ‘అమ్మా’ అని పిలవడానికి మొహమాటం పోయింది. ఇంట్లో ఏదైనా చిన్న గొడవ జరిగితే కొడుకును పక్కన పెట్టి, కోడలి వైపు నిలబడి న్యాయం చేసే అత్తమ్మలు పెరిగినప్పుడు ఆ కోడలు ఆ ఇంటిని సొంత ఇంటిలా కాకుండా ఇంకేమని భావిస్తుంది? అందుకే ఇది కోడరికం కాదు, మరో అమ్మ ఒడి! ‘డాటర్స్‌ డే’ అంటే కన్న కూతురు గురించి మాత్రమే కాదు... ఇంటికి వచ్చిన కూతురు గురించి కూడా.సీరియల్స్‌లో చూపించే అత్తాకోడళ్లు ఎప్పుడో అవుట్‌ డేటెడ్‌. ఆ సంగతి తెలియక ఇంకా అలాంటి సబ్జెక్ట్సే తీస్తూ రోత పుట్టిస్తున్నారు. 2026లో నిజమైన అత్తాకోడళ్లంటే ఒకరి కష్టాన్ని ఒకరు అర్థం చేసుకునే సపోర్ట్‌ సిస్టమ్‌. ఆఫీస్‌ ప్రెజర్స్, డెడ్‌లైన్స్ ఉన్నప్పుడు కోడలికి వేడి కాఫీ అందిస్తూ... ‘నువ్వు ప్రెజెంటేషన్‌ మీద ఫోకస్‌ పెట్టు, ఇల్లు నేను చూసుకుంటా’ అని భరోసా ఇచ్చే అత్తమ్మలు మన చుట్టూ చాలామంది కనిపించడం లేదా? అత్త అమ్మ కావడం; కోడలు కూతురు కావడం... ఈ డాటర్స్‌డేకి ఇంతకంటే పెద్ద సెలబ్రేషన్‌ ఏముంటుంది? – కె

మీ కూతురు ఇప్పుడుసినిమాల్లోని కూతురు కాదు. వంటింటి క్యారెక్టర్‌ కాదు. ఆమె ఇప్పుడు కోడ్‌ రాస్తుంది, కంటెంట్‌ రాస్తుంది, కంపెనీని నడుపుతుంది. ఆమెకు ‘పెళ్లి ఎప్పుడు?’ అనే ప్రశ్న కంటే ‘నెక్స్‌›్ట΄్లాన్‌ ఏంటి?’ అనే ప్రశ్నే నచ్చుతుంది. ఆమెకు స్వేచ్ఛ కావాలి, కానీ భద్రత కూడా కావాలి. ప్రేమ కావాలి, కానీ సొంత స్పేస్‌ కూడా కావాలి. కూతురి ఫోన్‌ చెక్‌ చేయడం మానేసి, ఆమె ఫాలో అవుతున్న ప్రపంచాన్ని అర్థం చేసుకోండి. ఒకప్పుడు కూతురిని కాపాడటం అంటే ఇంట్లో పెట్టడం. ఇప్పుడు ప్రపంచంలోకి ధైర్యంగా పంపడం. ఈ డాటర్స్‌ డే రోజున ఆమె పై మీ నమ్మకాన్నే ‘గిఫ్ట్‌’గా ఇవ్వండి. మిగిలిన గిఫ్టులన్నీ ఆమె కొనుక్కోగలదు. ఎందుకంటే జెన్‌ జి కూతురు ప్రిన్సెస్‌ కాదు, సీఈఓ. ఈ కాలం కూతురా...వర్థిల్లు.డాడ్‌ మామ్‌‘‘ప్రతి సమస్యకు పరిష్కారం కూర్చుని మాట్లాడుకోవడమే’’ అంటున్నారు హీరోయిన్‌ ఫరియా అబ్దుల్లా. తన తల్లిదండ్రుల గురించి చెబుతూ ఆమె ఇలా అన్నారు. చిన్నప్పుడు ఫరియా పేరెంట్స్‌ ఆమె అల్లరి చేస్తే.. తిట్టింది లేదు... కొట్టింది లేదు. మరేం చేశారంటే... కూతుర్ని కూర్చోబెట్టి ప్రశాంతంగా మాట్లాడారు... కోపాన్నీ ప్రదర్శించారు. ‘‘ఆ మాటలే నేను పరిణతి ఉన్న అమ్మాయిని కావడానికి ఉపయోగపడ్డాయి’’ అని చెప్పారు ఫరియా అబ్దుల్లా. ‘డాటర్స్‌ డే’ సందర్భంగా తన తల్లిదండ్రుల గురించి ఫరియా అబ్దుల్లా ‘సాక్షి’తో ప్రత్యేకంగా పంచుకున్న విశేషాలు.ఈరోజు నేనీ స్థితిలో ఉన్నానంటే దానికి కారణం మై డాడ్‌ అండ్‌ మామ్‌. ఇద్దరూ నా జీవితాన్ని నేను ముందుకు తీసుకెళ్లడానికి రెండు విభిన్నమైన కోణాలను నేర్పించారు. నాన్న నాకు సైన్స్, ప్రపంచం, మతం, సైకాలజీ, ఫిలాసఫీ వంటివన్నీ నేర్పించారు. మా అమ్మ నాకు ఎనర్జీ. ఆమె నాకు లవ్, కైండ్‌నెస్, సానుభూతి వంటివి నేర్పించారు. ఈ రెండూ కలిసి నన్ను ఒక మంచిæ వ్యక్తిగా తీర్చిదిద్దాయి.నాన్నతో నెల రోజులు మాట్లాడలేదుమా అమ్మా నాన్న మీద నా ప్రేమను తెలియజేయడానికి ఒక ప్రత్యేకమైన రోజు అవసరం లేదు. నాకు అవకాశం వచ్చినప్పుడల్లా నా ప్రేమను వ్యక్తం చేయడానికి ప్రయత్నిస్తుంటాను. అయితే నన్ను నేను బ్యాడ్‌ డాటర్‌ అనుకుంటాను. ఎందుకంటే నేను పనులేమీ చేయను. కోపంగా ఉన్నప్పుడు రూడ్‌గా మాట్లాడిన సందర్భాలున్నాయి. ఒకసారి నాన్న, నేను గొడవపడి నెల రోజులు మాట్లాడుకోలేదు. ఆ టైమ్‌లో నేను చాలా ఏడ్చాను. నేను అచ్చంగా మా నాన్న ఈగో క్లాష్‌ అయి, ‘నువ్వు మాట్లాడవా, నేను కూడా మాట్లాడను’ అనే జోన్‌లోకి వెళ్ళి ఆ నెల రోజులు మాట్లాడుకోలేదు. ఆ తర్వాత కలిసిపోయాం. అది మినహా మా మధ్య ఎప్పుడూ ఇష్యూస్‌ లేవు. అయితే ఇంకా మంచి కూతురిగా నేను ఉండొచ్చేమో అనిపిస్తుంటుంది. ట్రై చేస్తాను.నా చిరాకు కూడా వాళ్లకు ప్రేమే!మా అమ్మా నాన్న చూపించే లవ్‌ ‘అన్‌ కండిషనల్‌’. నా చిరాకులు, బ్యాడ్‌ మూడ్స్, మూడ్‌ స్వింగ్స్‌... అన్నింటినీ ఓపికగా భరిస్తారు. ఎలా హ్యాండిల్‌ చేస్తారు? వాళ్లూ మనుషులే కదా అనిపిస్తుంటుంది. అందుకే నేను బ్యాడ్‌ మూడ్‌లో ఉన్నప్పుడు అదేం బయటపెట్టకుండా వాళ్లకు దూరంగా ఉండాలనుకుంటాను. కానీ నేను చూపించే చిరాకు కూడా వాళ్లకు ప్రేమ అనిపిస్తుంది. మా పేరెంట్స్‌ నన్ను ఎప్పుడూ కొట్టలేదు. కనీసం నా మీద ఎప్పుడూ చెయ్యి ఎత్తలేదు. ఏదైనా సరే మాటలతో చెప్పడమే. అందుకే నా మనసుకి బాగా పట్టాయి. చాలా మెచ్యూర్డ్‌గా పెంచారు. ఆ పెంపకానికి కృతజ్ఞురాలిగా ఉండాలనుకుంటున్నాను. ఒకవేళ మా పేరెంట్స్‌ పెంపకం సరిగ్గా లేకపోయి ఉంటే∙వయలెంట్‌ పర్సన్ గా మారిపోయేదాన్నేమో (నవ్వుతూ). నీ జర్నీ... నీ ఇష్టం అన్నారుచిన్నప్పటి నుంచే నేను ఒక ఆర్టిస్టిక్, క్రియేటివ్‌ పర్సనాలిటీ అని మమ్మీ, డాడీకి అర్థమైపోయింది. సో... ఆర్టిస్ట్‌ అవ్వాలనుకుంటున్నాననే నా నిర్ణయాన్ని ఎప్పుడు చెబుతానా అని వాళ్లు ఎదురు చూశారు. కాలేజ్‌ అయిపోయాక, ‘ఓకే, ఇప్పుడు నువ్వు కెరీర్‌ విషయంలో సీరియస్‌గా ఉన్నావా లేదా కెరీర్‌కి సంబంధించిన నిర్ణయాన్ని నువ్వే తీసుకోవాలి’ అని చెప్పారు. అయితే ఆ విషయంలో నన్ను ఎప్పుడూ ఫోర్స్‌ చేయలేదు. ఇప్పుడు కూడా నేను ‘ఇది చేయను’ అని చెప్తే, ‘ఓకే’ అంటారు. ‘ఇది నీ జర్నీ... నీ ఇష్టం’ అనేలానే నన్ను పెంచారు. అలా ఇష్టాన్ని నా మీద వదిలేయడానికి కారణం వాళ్ల పెంపకం మీద వాళ్లకి ఉన్న నమ్మకం... వాళ్లు ఇచ్చిన స్వేచ్ఛను నేను దుర్వినియోగం చేయనని నమ్మకం. మనం ఎలాంటి వ్యక్తులుగా ఎదుగుతాం అనేది చాలావరకూ మన పేరెంట్స్‌ పెంపకాన్ని బట్టే ఉంటుంది. ఆ విషయంలో నా పేరెంట్స్‌ ‘బెస్ట్‌’. నా కోసం టైమ్‌ కేటాయించి, ‘లైఫ్‌ అంటే ఇలా ఉంటుంది... ఇలా ఉండాలి’ అని వివరంగా చెప్పడంతో పాటు విలువలు కూడా నేర్పించారు. అందుకే నేను కూడా ‘బెస్ట్‌’ (నవ్వుతూ)...అమ్మని ప్రపంచం మొత్తం తిప్పాలని ఉందిమా అమ్మకి చిన్నప్పటి నుంచి ట్రావెలింగ్‌ అంటే చాలా ఇష్టం. ఆవిడ వచ్చిన బ్యాక్‌గ్రౌండ్‌ వల్ల ఆ అవకాశం సరిగ్గా కుదరలేదు... రాలేదు. లండన్, అమెరికా వెళ్లారు కానీ, నాతో ట్రావెల్‌ చేసినప్పుడు ఆవిడ హ్యాపీనెస్‌ నెక్ట్స్‌ లెవెల్‌లో ఉంటుంది. ఆ హ్యాపీనెస్‌ ఇంకా ఎక్కువగా ఇవ్వాలనుకుంటున్నాను. వీలైతే అమ్మని ప్రపంచం మొత్తం తిప్పాలని ఉంది. అలాగే నాన్నతో కలిసి ఒక వ్యాపారం మొదలుపెట్టాలనుకుంటున్నాను. ఇద్దరం కలిసి ఆ వ్యాపారాన్ని పెద్ద సామ్రాజ్యంలా విస్తరింపజేయాలన్నది నా కల.– డేరంగుల జగన్‌ మోహన్‌

కూతురు పుట్టడం అంటే ఇంట్లో దీపం వెలగడం కాదు, ఇల్లే వెలుగైపోవడం. ఆమె నవ్వు వెలుగు, మాట వెలుగు, మనసు వెలుగు. కూతురు ఎదిగితే ఇల్లే ఎత్తుగా నిలబడుతుంది. సవాళ్లు, అడ్డంకులు దాటి, కలలను అందుకుని ఈ రోజు కూతుళ్లు గర్వంగా తలెత్తుకుని నిలబడుతున్నారు. వారిని చూసి తల్లిదండ్రులు గర్వపడుతున్నారు. ‘నా కూతురు’ అని లోకానికి గర్వంగా చూపుతున్నారు. ఆమెను ఆపకుండా, దాచకుండా, ఆమె వెలుతురును ప్రపంచానికి చూపించినప్పుడేసమాజం నిజంగా వెలిగినట్లు. కూతురు వెలిగితేనే రేపటి తరం వెలుగుతుంది.నాన్న నా లైఫ్‌లో చాలా ఇంపార్టెంట్‌– డాక్టర్‌ కావ్య, కార్డియాలజిస్ట్‌ (డాటర్‌ ఆఫ్‌ డాక్టర్‌ గురవారెడ్డి)నాన్న నా జీవితంలో చాలా ముఖ్యమైన పాఠాలు నేర్పించారు. ముఖ్యంగా నేను డాక్టర్‌ (కార్డియాలజిస్ట్‌) అయ్యిందే మా అమ్మానాన్నలను చూసి. వాళ్లు ప్రజలకు ఎలా సేవ చేస్తున్నారనేది చూసి, వాళ్ల నుంచి స్ఫూర్తి పొంది... నేనూ వాళ్లలాగే చేయాలని డాక్టర్‌ అయ్యాను. ఒక డాక్టర్‌గా మీకు ఉన్న వైద్యపరిజ్ఞానం, మీ సర్జికల్‌ నైపుణ్యాలూ ఇవన్నీ సరే... ఓ పేషెంట్‌తో మానవీయంగా, సహానుభూతితో ఎలా మెలగాలి, వాళ్లను మన సొంత కుటుంబ సభ్యుడిగా ఎలా చూసుకోవాలనే పాఠాలు మా నాన్న నాకూ, మా అన్నకూ తరచూ చెబుతుంటారు. నేర్పుతుంటారు. పేషెంట్స్‌ ఎంతో భయంతో, ఆందోళనతో మన దగ్గరికి వస్తారు. వాళ్లలోని ఆ భయాన్ని పోగొట్టి, ధైర్యం నింపి, చికిత్సలెలా అందించాలన్న అంశాలకు ఆయన చాలా ప్రాముఖ్యమిస్తారు. అవే మాకూ బోధిస్తారు. ఆ విలువలను మాలోనూ నింపుతుంటారు. ఆయన స్ఫూర్తినే మేమూ మాలో నింపుకుని, కనీసం ఆయన దాంట్లో ఐదు శాతమైనా నా పేషెంట్స్‌కు అందజేయగలిగితే అదెంతో మేలు చేస్తుందని గుర్తించి, ఆ విలువలు పాటించడానికి అనుక్షణం ప్రయత్నిస్తుంటాను. నాన్న ఎంత పెద్ద డాక్టరో, ఆయన మనసు ఎంత పెద్దదో ఈ ప్రపంచానికి తెలుసు. ఈ లోకంలోని ప్రతి ఒక్కరూ మంచివారే అన్నది ఆయన భావన. నాన్నది చాలా సింపుల్‌ ఫిలాసఫీ. ‘జీవితంలో ఎప్పుడూ సంతోషంగా... పాజిటివ్‌గా ఉండండి’ అని చెబుతుంటారు. ఆయనా దాన్నే నమ్ముతారూ, అనుసరిస్తారు. చాలా చిన్న విషయాలకూ ఎక్సైట్‌ అవుతుంటారు. చిన్న ఉదాహరణ చెప్పాలంటే... బండి మీద మంచి జామపండ్లు కనిపించినా... తన జ్ఞాపకాల్లోకి జారిపోయి సంతోషపడుతుంటారు. ట్రాఫిక్‌లో ఇరుక్కుంటే అందరూ విసుక్కుంటారేమోగానీ... నాన్న ఆ టైమ్‌లో తన మనవలకూ, మనవరాళ్లకూ ఎలాంటి బొమ్మలు తీసుకుంటే బాగుంటుంది లాంటి ఆలోచనలు చేస్తుంటారు. డబ్బులకు పెద్దగా విలువివ్వరు. కానీ మనుషులకూ, బంధాలకూ, అనుబంధాలకూ, కుటుంబానికీ చాలా విలువనిస్తారు. మన దగ్గర ఎంతో పెద్ద మొత్తంలో ఉండే డబ్బుకన్నా, సంపద కన్నా ఈ చిన్న చిన్న విషయాల్లో దొరికే ఆనందాల విలువ చాలా ఎక్కువనే అంశాన్ని ఆయన నుంచే నేను నేర్చుకున్నా. ఇంకో గొప్ప విషయం ఏమిటంటే... ఎంత విపత్కరమైన పరిస్థితి అయినా, విషమ స్థితి అయినా దాని పరిష్కారం వెదికి సాధిస్తారు. నా ఆరో తరగతి సమయంలో నాకు హిప్‌ ప్రాబ్లమ్‌ వచ్చింది. అప్పుడే నాన్న కళ్లలో నీళ్లు అనేవి మొదటిసారి చూశా. అయినప్పటికీ ఆయన ఎంతగానో కష్టపడి ఓ సర్జరీ చేయించి ఆ సమస్యను అధిగమించేలా చేశారు. నాన్నతో పాటు అమ్మా, అన్న తోడుగా నిలబడ్డారు. అందుకే ఓ దృఢమైన మనసుతో, సంకల్పంతో ఉండే నాన్న నాకు తోడుంటే నాకెంతో అండ ఉన్నట్లే. నేనివ్వాళ ఇద్దరు బిడ్డల తల్లిగా, ఓ కార్డియాలజిస్టుగా జీవితం సాగిస్తున్నానంటే అందుకు నాన్నకెంతో రుణపడి ఉన్నా.నాన్నే కాదు... అమ్మ కూడా..!– డాక్టర్‌ శ్రుతి వెన్నెలడాక్టర్‌ సుధాకర్‌ పెద్దకూతురునేను ఒక పీడియాట్రిక్‌ కార్డియోథొరాసిక్‌ అనస్థిషియాలజిస్ట్‌ని. నా బాధ్యతలు చెప్పాలంటే చిన్నపిల్లల గుండె ఆపరేషన్లలోనూ, పెద్దల గుండె ఆపరేషన్ల విషయంలోనూ నేను ఆపరేషన్‌ థియేటర్‌లో నా సేవలందించాల్సి ఉంటుంది. ఇక పోస్ట్‌ ఆపరేటివ్‌ కేర్‌ విషయంలో పెద్దవారి గుండె సర్జరీ కేసుల్లో నా బాధ్యతలు ఆపరేషన్‌ తర్వాతా కొనసాగుతాయి. కానీ చిన్నపిల్లలకు మాత్రం పీడియాట్రిక్‌ కార్డియాలజిస్ట్‌ ఉంటారు. నా అమ్మానాన్నలిద్దరూ డాక్టర్లే. నాన్న ఒక్కరి నుంచే స్ఫూర్తి దొరికిందంటే అమ్మ భూమికను కాస్త తక్కువ చేసినట్టవుతుందేమో! ఓ మంచి డాక్టర్‌ కావడంతో పాటు మా అమ్మ ఓ క్రీడాకారిణి (అథ్లెట్‌) కావడమూ, ఓ మొక్కల సంరక్షకురాలు కావడం వంటి అనేక నైపుణ్యాలు కలగలసిన మహిళ. ఆ ఇద్దరి నుంచీ పొందిన స్ఫూర్తే... నేనూ డాక్టర్‌ అయ్యేలా చేసింది. ఇక నాన్న నుంచి నేర్చుకున్నదేమిటంటే... ఆయన పొద్దున్నే 7 గంటలకల్లా హాస్పిటల్‌కు వెళ్తారు. రాత్రి ఇంటికొచ్చేసరికి ఒక్కోసారి రాత్రి ఒంటిగంటా, రెండవుతుంది కూడా. అంతలా ఆయన తన పేషెంట్స్‌ పట్ల శ్రద్ధ తీసుకుంటారు. అంతేకాదు... ప్రైవేటు ఆసుపత్రుల్లో క్యాన్సర్‌ వ్యాధుల పట్ల సేవలు పొందలేని చిన్నారుల కోసం ఆయన అప్పటి కలెక్టర్‌ సహాయంతో ప్రభుత్వ ఆసుపత్రుల్లోనూ తన సేవలందించేందుకు ముందుకొచ్చారు. పేదల సేవల పట్ల ఇలాంటి ΄్యాషన్‌ను నా తండ్రి నుంచి నేర్చుకున్నా. ఇప్పుడున్న చైతన్యం, గూగుల్, ఏఐ లాంటి సౌకర్యాల వల్ల మొదట్లో కంటే ఇప్పుడు పేషెంట్స్‌లోనూ వైద్యపరిజ్ఞానం పట్ల చాలా అవగాహన పెరిగింది. నా చిన్నప్పటి రోజుల్లో వైద్యుల పట్ల చాలా గాఢమైన నమ్మకం ఉండేది. ఒక రకంగా చూస్తే అది మంచిది కూడా.నాన్నని చూస్తూ పెరిగాం... – చిన్న కూతురు డాక్టర్‌ సాహితీ తేజకన్సల్టెంట్‌ పీడియాట్రిక్‌ ఇంటెన్సివిస్ట్‌చిన్నప్పుడు నా ఊహ తెలిసిన నాటి నుంచీ మేం నిద్రలేచే టైముకే నాన్న మా ఇంట్లోనే ఓ క్లినిక్‌ లాంటిది ఏర్పాటు చేసుకుని పేషెంట్స్‌ను చూస్తుండేవారు. ఆ తర్వాత తొమ్మిదికల్లా హాస్పిటల్‌కు వెళ్లేవారు. ఆయన పేషెంట్స్‌కు సేవలందిస్తున్న టైమ్‌లోనే ఆయనకు గుడ్‌ మార్నింగ్‌ చెబుతూ స్కూలుకెళ్లేవాళ్లమా... అలా స్కూల్‌ నుంచి వచ్చే టైముకు ఆయన పేషెంట్స్‌కు సేవలందిస్తూనే మాకు మళ్లీ మాకు కనిపించేవారు. ఇలా ఆయననెప్పుడూ ఎదుటివారి అనారోగ్యాలూ, బాధలను తొలగిస్తూ ఉండే పనిలో నిమగ్నమై ఉండటాన్నే మేము చూస్తూ ఉండేవాళ్లం. ఇక పేషెంట్స్‌ బాగైపోయాక వాళ్లు మా అమ్మానాన్నలకు కృతజ్ఞతలు చెప్పే తీరూ, వాళ్ల అభిమానాన్ని వ్యక్తీకరించే తీరు.. అమ్మగురించీ, నాన్న గురించీ గొప్పగా మాట్లాడే విధానం... ఇవన్నీ మాకు నచ్చాయి. అమ్మానాన్నలెప్పుడూ మమ్మల్ని డాక్టర్‌ అవమని అడగకపోయినా... ఈ అంశాలన్నీ మాకు తెలియకుండానే మమ్మల్ని వైద్యం వైపు నడిపించాయి.చాలా దూర్రపాంతాలనుంచీ, చాలా వెనకబడిన ప్రాంతాలనుంచీ, చాలా చాలా పేద కుటుంబాల నుంచీ పేషెంట్స్‌ నాన్న కోసం వచ్చేవారు. కొందరైతే తాము ఫీజు చెల్లించలేమని చెప్పేసేవారు. అయితే మీ ఫీజు కంటే ముందుగా మీరు బాగవ్వడం ముఖ్యమనేవారు నాన్న. ఒక్కోసారి ఆ టైముకు ఆయన హాస్పిటల్‌కు వెళ్తుంటే... ఆ పేషెంట్స్‌నూ తన కార్‌లోనే బస్‌స్టాండ్‌ దగ్గర దింపేసేవారు. డబ్బు కంటే పిల్లలకు బాగవ్వడమే నాకు చాలా ముఖ్యం అనే ధోరణి నాన్నది. మాకూ అదే చెప్పేవారు. అమ్మానాన్న తాలూకు ఆ విలువలనూ మేము కూడా మా జీవితాల్లో పెంపొందించుకున్నాం. పెద్దల కంటే కూడా చిన్నారులకు ఏదైనా అయితే తల్లిదండ్రులు విలవిలలాడిపోతుంటారు. తమ పిల్లలకు ఎదైనా సమస్య ఉన్నప్పుడు ఆ తల్లిదండ్రుల బాధలు చూసినప్పుడు నాన్న ఓ డాక్టర్‌గా కంటే ఒక్కోసారి ఓ తండ్రిలా, మానవీయమైన వ్యక్తిలా వ్యవహరిస్తారు. ఈ ఎమోషనల్‌ అంశాలు కూడా మేము పేషెంట్స్‌ పట్ల మరింత సహానుభూతి తో చికిత్సలందించేలా మమ్మల్ని పురిగొల్పాయని చెప్పగలం.వాళ్ల ఎచీవ్‌మెంట్సే మా సంతోషండాక్టర్‌ జి. సుధాకర్, డాక్టర్‌ జి. శారద,చిన్నపిల్లల నిపుణులు, కర్నూలు మా అమ్మాయిలు మాకెంతో గర్వకారణం. వాళ్లు డాక్టర్లే కావాలని నేనెప్పుడూ అనుకోలేదు. కెరియర్‌లో ఉండే అనేక అవకాశాల గురించి వాళ్లకు విపులంగా చెప్పాం. డాక్టర్‌ కావాలన్నది వాళ్ల విష్‌ మాత్రమే. నా పెద్ద కూతురు పీడియాట్రిక్‌ కార్డియాక్‌ సర్జరీలకూ, పెద్దలకు చేసే గుండె అపరేషన్లలో అనస్థీషియా అందించే స్పెషాలిటీలో ఉంది. తన భర్త డా. కిరణ్‌కుమార్‌ కూడా డాక్టరే. ఆయన ఆర్థోపెడిక్‌ అండ్‌ జాయింట్‌ రీప్లేస్‌మెంట్‌ సర్జన్, ఆర్థోస్కోపీ అండ్‌ ట్రామా స్పెషలిస్ట్‌. అలాగే నా చిన్నకూతురు కన్సల్టెంట్‌ పీడియాట్రిక్‌ ఇంటెన్సివిస్ట్‌. తన భర్త డా. ఫణి భూషణ్‌ కన్సల్టెంట్‌ నియోనేటాలజిస్ట్‌. అంటే... వాళ్లిద్దరిదీ దాదాపుగా ఒకేలాంటి ఫీల్డ్‌. మా కూతుళ్లను మేం డాక్టర్‌లుగా కంటే మంచి మానవీయ విలువలున్న వ్యక్తులుగా పెంచాం. వాళ్ల అచీవ్‌మెంట్స్‌తో మాకెప్పుడూ ఆనందంగా ఉంటుంది. నిజానికి ఇది మాటల్లో చెప్పడం కంటే ఆ అనుభూతే అద్భుతంగా ఉంటుందని చెప్పగలం.అమ్మనుచూసీ చూసీ...– డాక్టర్‌ దీప్తి సురేఖ, కన్సల్టెంట్‌ ఉమన్‌ యూరాలజిస్ట్మా అమ్మ నిర్మల గైనకాలజిస్ట్‌. మా ఇంట్లో చాలామంది డాక్టర్స్‌ ఉన్నారు. అక్క, బావ ఇద్దరూ పీడియాట్రీషియన్స్, చెల్లి గైనకాలజిస్ట్‌. ఇలా కుటుంబంలో చాలామంది డాక్టర్లు ఉండటం... అలాగే అమ్మ అప్పట్లో తన హాస్పిటల్‌ (నవ్య హాస్పిటల్‌) లో తన పేషెంట్స్‌కు సేవలందిస్తూ ఉండటం, మేం స్కూల్‌ నుంచి వచ్చేటప్పటికే ఆఖరికి ఆదివారం నాడు కూడా ఎప్పుడూ అమ్మ తన పేషెంట్స్‌ పట్ల శ్రద్ధ తీసుకుంటూ ఉండటం చూసేదాన్ని. అలాగే ఆమె రౌండ్స్‌కు వెళ్తున్నప్పుడు ఆమెతో పాటు వెళ్తూ... పేషెంట్స్‌తోనూ, వాళ్ల అటెండెంట్స్‌తో అమ్మ ఎలా కమ్యూనికేట్‌ చేస్తున్నారో చూస్తూ ఉండేదాన్ని. చిన్నప్పుడు నేను యాక్టింగ్‌ లాంటి కో–కరిక్యులార్‌ యాక్టివిటీస్‌లో కూడా చాలా చురుగ్గా ఉండేదాన్ని. బహుశా అందుకేనేమో... అప్పట్లో నేను డాక్టర్‌ అవుతానని కూడా ఇంట్లోవాళ్లు అనుకోలేదు. నా చిన్నప్పుడు అమ్మా నాన్న ఎప్పుడూ ‘నువ్వు ఫలానా కెరియర్‌నే ఎంచుకోవాలం’టూ ఎప్పుడూ చెప్పలేదు కూడా. అయితే నేను పదోతరగతి తర్వాత డాక్టర్‌ అవ్వాలనుకుంటున్నా అని చెప్పగానే ఇంట్లోవాళ్లు చాలా ఆశ్చర్యపడ్డారు కూడా. అయితే నేను డాక్టర్‌ అవ్వడంలో అమ్మ నుంచి పొందిన స్ఫూర్తిదే చాలా ఎక్కువ భూమిక అనుకుంటా. ఎందుకంటే పేషెంట్స్‌ సమస్య చిన్నదో, పెద్దదో కావచ్చుగానీ... వాళ్లను తానున్నానంటూ అమ్మ ఇచ్చే భరోసా... అటు తర్వాత వాళ్లు బాగైపోయినప్పుడు వాళ్లు వెల్లడించే కృతజ్ఞతా ‘మీ అమ్మగారు ఎంత మంచి మనిషీ, ఎంత మంచి డాక్టర్‌’ అంటూ వాళ్ల మెచ్చికోళ్లూ...ఇలా సమాజం కోసం అమ్మ తన వంతుగా ఏదో చేస్తున్నారనే భావన... ఇవన్నీ పరోక్షంగానే నేనూ డాక్టర్‌ అయ్యేలా చేశాయి. ఇక ఎంబీబీఎస్‌లో చేరాక థియరీ ఎలా రాయాలీ, వైవా ఎలా ఎదుర్కోవాలి లాంటి అనేక విషయాల్ల అమ్మ ఇచ్చే సూచనలు... ఇవన్నీ నాకు బాగా ఉపకరించాయి. ఇలా ఎంబీబీఎస్‌ నుంచి ఎమ్‌సీహెచ్‌ యూరాలజీ వరకు అమ్మ ప్రోత్సాహం కొనసాగింది.ప్రకృతి దీవెన... నా కూతురు! నేను లైఫ్‌లో రెండే రెండు కోరికలు కోరుకున్నా. మొదటిది ‘డాక్టర్‌’ కావాలనుకున్నా. రెండోది ‘డాటర్‌’ కావాలనుకున్నా. ఎందుకో తెలియదు... లివర్‌పూల్‌ (ఇంగ్లాండ్‌)లో కావ్య పుట్టినరోజున నా ఆనందానికి అవధుల్లేవు. నా జీవితంలో డిప్రెషన్‌ తో ఉన్న రోజులు చాలా అరుదు. అది నా కూతురు ఒంట్లో బాగాలేనప్పుడే. తాను చక్కగా చదువుకుని, కార్డియాలజిస్ట్‌ అయి పేషెంట్స్‌ను ట్రీట్‌ చేయడం చూసి సంతోషంగా ఉంది. తన పిల్లలకు సమయాన్ని కేటాయిస్తున్న తీరు చాలా ముచ్చటగా ఉంటుంది. తనకు పేరు పెట్టడం ఒక్కటే నా ఎంపిక. చదువు, కెరీర్‌ అన్నీ తన ఇష్టాలే. చివరికి తన భర్తను తానే ఎంచుకుని నాకు ఏమాత్రం శ్రమ ఇవ్వకుండా అల్లుడిని తెచ్చిపెట్టింది. ఎంతో బాధ్యతగా, ఉదాత్తంగా ఉంటుంది. పెద్దలు ఏమంటారంటే... రాయిలాంటి కొడుకును ఉలితో చెక్కి తీర్చిదిద్దుకోవచ్చుగానీ...పువ్వులాంటì కూతురును చాలా సున్నితంగా చూసుకోవాలంటారు. నాకు ప్రకృతి ఇచ్చిన దీవెన... నా కూతురు!– డాక్టర్‌ గురవారెడ్డి, ప్రముఖ వైద్యులునిర్వహణ: యాసీన్‌

మన దేశంలో కొత్తగా పెళ్లయిన దంపతులను ‘సుపుత్ర ప్రాప్తిరస్తు’ అని ఆశీర్వదించడం ఆనవాయితీ. అయితే ఇప్పుడు ‘సుపుత్రికా ప్రాప్తిరస్తు’ అంటున్నారు. ఎందుకంటే ఇప్పటి కాలంలో కూతురు పుట్టడమే పెద్ద అదృష్టం అనే విధంగా ఆలోచనలు మారుతున్నాయి. అన్ని రంగాల్లో ఆడపిల్లలు సాధిస్తున్న విజయాలు అందుకు సహకరిస్తున్న తల్లిదండ్రులను చూస్తూనే ఉన్నాం. ఇంట కూతురు ఉంటే ఆ ఇంటికి వచ్చే కళ వేరు. కూతురి సామర్థ్యాలు ఇంటికి వెలుగు. భ్రూణ హత్యల వల్ల స్త్రీల జనాభా కురచగా ఉన్న రోజులు ఇకపై చెల్లిపోవాలి. ప్రతి కూతురూ ఒక వరంలా వర్థిల్లాలి. అంతర్జాతీయ కుమార్తెల దినోత్సవం సందర్భంగా కూతురుగా, కూతురికి తల్లిగా ఉన్న కొంతమంది రచయిత్రుల అభి్రపాయాలు.మీ కూతుళ్లకేం ఇస్తున్నారు?‘మీకు ఒక అమ్మాయి, ఒక అబ్బాయి ఉండి, ఒకరిని మాత్రమే చదివించే స్థోమత ఉన్నట్లయితే అమ్మాయినే చదివించండి‘ అంటారు పెరియార్‌. ఆడపిల్లల చదువుప్రాధాన్యతను గుర్తించడం వల్లే కావచ్చు నన్ను, మా చెల్లిని బాగా చదివించారు మా తల్లిదండ్రులు. ఆడపిల్లలకేం కావాలి అంటే మంచి బట్టలు, నగలు అని కాకుండా ఆర్థికంగా స్వావలంబన కలిగివుండాలనే వారి ఆలోచన కారణంగానే మా జీవితాల్లో మేము నిలదొక్కుకున్నాం. ఈ కారణం చేతనే కొడుకులకు మాత్రమే తల్లిదండ్రుల బాధ్యత అనుకోకుండా వాళ్ల చివరి రోజుల్లో వారి ఆలనా పాలనా నేను చూసుకోగలిగాను. ఇప్పుడు అమ్మాయిలకి కేవలం ఆర్థిక స్వావలంబన మాత్రమే సరిపోదు. సమాజంలో భద్రత, ఆత్మరక్షణ విద్యలు కూడా అవసరం. ఇంట్లో నేను ఇద్దరు ఆడపిల్లలకు తల్లిని. కాలేజీలో నాకు ఎనిమిది వందల మంది కూతుళ్లు. వారంతా రెక్కలు తొడిగిన ఉత్సాహంతో స్వేచ్ఛగా ఎగరగలిగే వాతావరణం ఉండాలని నా ఆకాంక్ష. అమ్మాయిలు ఆర్థిక స్వావలంబనతో పాటు, ఆత్మవిశ్వాసంతో ఎదగటానికి తల్లిదండ్రులు సమాజం చేయగలిగినదంతా చేయాలి. నేటితరం కూతుళ్లందరికీ నా శుభాకాంక్షలు. – ఎం. ప్రగతి, రచయిత్రి, అనంతపురంకూతురి ప్రపంచంలోకి వెళతానుఏలూరు దగ్గర, కొక్కిరపాడు అనే పల్లెటూరులో ఆర్థికంగా చితికిపోతూ ఉన్న పెద్దరైతు కుటుంబంలో పుట్టాను. నలుగురాడపిల్లల్లో కడసారిదాన్ని. కూతురుగా ఎట్లా ఉన్నానో, ఉంటున్నానో తరచి చూసుకుంటుంటే కొత్తగా ఉంది. చిన్నప్పుడు మా అవసరాలకి డబ్బులు సరిగ్గా ఇవ్వనందుకు అమ్మానాన్నల మీద అరిచేదాన్నని అమ్మ చెపుతూ ఉంటుంది. కాని బుద్ధి పెరిగాక ఎపుడూ విసిగించింది లేదు. ‘మగపిల్లలు లేరు, అంతా ఆడమంద’ అని లోకం వెక్కిరించే రోజుల నుంచి ‘మా బిడ్డలు రత్నాలు’ అని అమ్మానాన్నలు గర్వంగా చెప్పుకునే రోజు వరకూ కూతురుగా నా ప్రయాణంలో అనేక ఎగుడు దిగుళ్లు. కులాన్ని వదిలి నా పెళ్లి నేనే చేసుకున్నందుకు, డబ్బు సంపాదన వదిలి నచ్చిన మార్గంలో వెళ్ళినపుడూ వారు రక్షకులై వెన్ను తట్టారు. చుట్టూ ప్రకృతిని, ప్రేమని ఆస్తులుగా పంచారు. ఇవ్వడం తప్ప తిరిగి అడగడం తెలీని ప్రేమమూర్తుల కూతురిని. స్త్రీలకి అన్నిరంగాలలో స్వేచ్చ ఉండాలని నమ్మే నాకు స్నిగ్ధ ఒక్కతే కూతురు. నేను నమ్మే వాటికి, పెంపకానికి మధ్య కొన్ని విషయాలలో పేచీలు వచ్చేవి, దుస్తులు, షికార్లు, ప్రేమలు వంటివి. ‘స్వేచ్ఛ అంటే నీ నిద్ర నువ్వే లేవడం కూడా’ అంటూ కొటేషన్లు చెప్పిన నాకు ఏ మాత్రం లొంగకుండా తన వ్యక్తిత్వాన్ని చక్కగా కాపాడుకున్న స్నిగ్ధని కొన్ని విషయాల్లో గురువుగా భావించే అమ్మనిపుడు. తనతో గడపడం కోసం నేను ఎదురు చూడడం కాదు, ‘అమ్మా... ముచ్చట్లు చెప్పుకుందామా?’ అని తను తరచూ అడిగే ఆకర్షణ నాలో ఉండడం కోసం ఆ వయసు వారి ప్రపంచంలోకి చొచ్చుకుపోతాను, నేర్చుకుంటాను. ‘నా విలువలకి అనుగుణంగా పెళ్లి చేసుకోకపోతే నేను రాను’ అని బెదిరించబోయానా! ‘నేను నీ ద్వారా వచ్చాను తప్ప నీ కోసం రాలేదు’ అని గట్టిగానే చెప్పింది. కూతురుగా, కూతురి తల్లిగా నా బొమ్మ వారికి సూపర్‌ హిట్‌.– కె.ఎన్‌. మల్లీశ్వరి, రచయిత్రి, విశాఖపట్నంఏ దేశ కరెన్సీ సరిపోదుఫలానా అమ్మాయికి మేము తల్లితండ్రులం అనే స్థాయికి ఎదిగిన ఆడపిల్లలు ఎందరో. అటువంటి అమ్మాయిలను ఆదర్శంగా తీసుకొని గొప్పగా ఎదగాలని ఇండియన్‌ ఆర్మీకి, సివిల్‌ సర్వీసెస్‌ పరీక్షలకు సన్నద్ధం అయ్యాను. అనేక కారణాల చేత గమ్యం చేరుకోలేక నిస్సహాయతతో నలిగిపోయాను. ఇంట్లో పెళ్లి చేస్తాను అన్న ప్రతిసారి ‘అమ్మా! నీలాగా నా జీవితం ఇంటికి, పెళ్లి, పిల్లలకు అంకితం అవ్వకూడదు’ అని మా అమ్మను నిందించేదాన్ని. అమ్మ మౌనంగా బాధపడేది. వంటింట్లో ఉల్లిపాయలు తరుగుతూ కన్నీటిని దాచిపెట్టేది. అపుడు అర్థం అయ్యేది కాదు... నాకు పెళ్ళి అయ్యి ఒక కూతురు పుట్టే వరకు ఆమె మౌనానికి అర్థం నిస్సహాయత కాదు అది అంతర్మథనం అని నాకు తెలియలేదు. మా అమ్మ ఇద్దరు చెల్లెళ్లకు అక్కగా పుట్టింది. కొడుకులు లేని కుటుంబం. ఇద్దరూ పిన్నులు చిన్న ఉద్యోగాలు చేయడం మొదలుపెట్టారు. కానీ మా అమ్మ పరిస్థితుల రీత్యా టాలెంట్‌ ఉన్నా ఇంటికే పరిమితం ఐపోయింది. కానీ ఇంట్లో, ఇంటి చుట్టుపక్కల ఎవరికి ఆపరేషన్‌ ఐనా, ఒంట్లో బాగోలేకపోయినా, ఊరెళ్తున్నా ఇలా కారణం ఏదైనా ఆ కుటుంబానికి వండి పెట్టే బాధ్యత కూడా మా అమ్మ నిస్వార్థంగా తీసుకునేది. మా పిన్నులు జీతం సంపాదించే వారు కానీ ఇతరుల కోసం ఖర్చు చేసే సమయం సంపాదించలేక పోయారు. మా అమ్మను చూస్తూ మా తాత అనుకునేవారు..‘ ఇది నాకు కూతురు కాదు... మా అమ్మ అక్కలను కలిపి మళ్లీ పుట్టించాడు దేవుడు’ అని.. మా అమ్మ కథ విన్నాక నాకు అర్థమైంది ఏమిటంటే ఆడపిల్లగా కుటుంబానికి సహాయం చేయాలి అనుకుంటే ఉద్యోగాలే చెయ్యక్కర్లేదు.. అందరినీ నా వారు అనుకుంటూ కలుపుకుని పోతే డబ్బు సంపాదించే ఉద్యోగం చేయకపోయినా మనసులను సంపాదించొచ్చు. ఇది అర్థమయ్యాక మా అమ్మ జీవితాన్ని గమనించి ఆమె చెప్పినవి, చెప్పనివి అక్షరాలుగా రాయడం మొదలుపెట్టాను. రాయడం మొదలు పెట్టిన తరువాత తెలిసింది ఇది మా అమ్మ కథ కాదు. కొన్ని వందల వేల అమ్మల కథ. ఇంటిపట్టున మిగిలిపోయాము అని బాధపడే ఆడపిల్లల, ఆడతల్లుల మనోవ్యధ. మన దేశంలో ఆడపిల్లలు కొన్ని కోట్ల మంది ఇంటి పట్టున ఉండిపోయాము అని బాధ పడుతూ వుంటారు. మీరు ఓడిపోలేదు. మీరు కూతుర్లుగా మీ అమ్మ నాన్నల ప్రేమను, పేరును, పెంపకాన్ని నిస్వార్థంగా ప్రపంచానికి పంచుతున్నారు, కుటుంబాలను, కలలను పెంచుతున్నారు. మీరు చేస్తున్న సేవకు వెల కట్టి డబ్బు ఇవ్వాలని ఆలోచన వచ్చినా అది ఏ దేశ కరెన్సీలో ఇచ్చినా మీకు సరిపోదు. మీకు కుమార్తెల దినోత్సవ శుభాకాంక్షలు. ఇదంతా రాస్తుంటే నా 17 నెలల కూతురు ‘అమ్మ జూచు జూచు’ అనుకుంటూ ఒక గ్లాస్‌ ను వంకర టింకరగా పట్టుకుని నా టేబుల్‌ దగ్గరకు వచ్చింది. నాలో ఉన్న ఆడపిల్ల నాకు పుట్టిన ఆడపిల్లను చూసి మురిసిపోయింది. – ప్రవల్లిక, రచయిత్రి, సికింద్రాబాద్‌కూతుళ్లు మేజిక్‌ చేస్తారుఇంటికి ఆడపిల్ల వుండటం గొప్ప వైభవం. నేను ఒక కూతుర్ని, ఒక కూతురికి తల్లిని. అయితే నేను మరీ అంత గొప్ప లేదా మంచి కూతుర్ని కాదు. బహుశా ఇంకొంచం బాగా వుండాల్సింది. జీవితపు ప్రతి దశలో మా అమ్మతో/కుటుంబంతో అనేక విషయాల్లో విభేదిస్తూ, గొడవ పడుతూ, అప్పుడప్పుడూ సర్దుకుపోతూ, నా స్వాతంత్ర కాంక్షను, అభి్రపాయాలను కాపాడుకుంటూ నడిపాను. మా అమ్మ కాస్త మొండిమనిషి కాబట్టి చిన్నతనంలో అలవికాని నా అల్లరిని, ఇప్పటికీ నా స్వభావంలో వుండే లోపాల్ని భరిస్తోంది. సున్నితమైన అమ్మైతే చాలా కష్టం అయేది. కూతురిగా నాకై నేనైతే జస్ట్‌ పాస్‌ మార్క్‌ వేసుకుంటాను. నా కూతురి దగ్గరకొస్తే తన వల్ల నేను టెన్షన్‌ పడిన సందర్భాలకన్నా గర్వపడిన సందర్భాలే ఎక్కువ. కూతుళ్లు, తల్లులకన్నా, తండ్రులకు సన్నిహితంగా వుంటారు అనే లోకోక్తి నేను నమ్మను. నా కూతురు నాకు దగ్గరగా వుంటుంది. నాకు కొత్త కొత్త విషయాలు నేర్పిస్తుంది. నాతో వాదిస్తుంది. నాది తప్పైతే మన్నిస్తుంది. మంచి కూతురిగా, మా అమ్మాయికి డిస్టింక్షన్‌ శాంక్షన్‌ చేస్తాను. ఇవాళ మా అమ్మ దగ్గరకువెళ్ళి అడిగితే కూడా తనకు తక్కువ మార్కులు వేసుకొని, తన కూతురికి ఎక్కువ మార్కులు ఇస్తుంది. కూతుర్లు అంతే. మురిపిస్తారు. మాజిక్‌ చేస్తారు. – ఎం.ఎస్‌.కె. కృష్ణజ్యోతి, రచయిత్రి, విజయవాడ

ఐకాన్ స్టార్ అల్లు అర్జున్‌కు ఇటీవలే జాతీయ ఉత్తమ నటుడిగా అవార్డ్ వచ్చిన సంగతి తెలిసిందే. పుష్ప సినిమాలో బన్నీ నటనకు గానూ ఆయనకు ఈ అవార్డ్ లభించింది. టాలీవుడ్ డైరెక్టర్ సుకుమార్ తెరకెక్కించిన ఈ చిత్రం బాక్సాఫీస్‌ను షేక్ చేసింది. ప్రస్తుతం వీరిద్దరి కాంబినేషన్‌లో పుష్ప-2 రాబోతోంది. ఈ మూవీ షూటింగ్‌తో బిజీగా ఉన్నారు బన్నీ. అయితే తాజాగా ఇవాళ అంతర్జాతీయ కూతుర్ల దినోత్సవం సందర్భంగా ఓ వీడియోను షేర్ చేశారు. తన ముద్దుల కూతురు అల్లు అర్హతో ఆడుకుంటున్న వీడియోను పోస్ట్ చేశారు. (ఇది చదవండి: అల్లు అర్జున్‌కు మరో అరుదైన గౌరవం.. ప్రభాస్‌, మహేశ్‌ తర్వాత బన్నీయే!) వీడియోలో బన్నీ మాట్లాడుతూ.. 'ఎందుకు నువ్వు ఇంత క్యూట్‌గా ఉన్నావు.. కొంచెం క్యూట్ అయితే ఓకే.. మరీ ఇంత క్యూట్‌గా ఎలా ఉన్నావ్' అంటూ తనపై కూర్చోపెట్టుకుని కుమార్తెను ముద్దాడారు. 'నువ్వంటే నాకు చాలా ఇష్టం.. నువ్వంటే నా ప్రాణం' అంటూ అల్లు అర్హపై ఒక తండ్రిగా ప్రేమను చాటుకున్నారు. ప్రస్తుతం ఈ వీడియో సోషల్ మీడియాలో వైరలవుతోంది. ఇది చూసిన బన్నీ ఫ్యాన్స్ సైతం అల్లు అర్హ సో క్యూట్ కామెంట్స్ చేస్తున్నారు. కాగా.. అల్లు అర్జున్, రష్మిక నటిస్తోన్న పుష్ప-2 వచ్చే ఏడాది రిలీజ్ కానుంది.  బన్నీ కూతురు అల్లు అర్హ సైతం శాకుంతలం సినిమాత వెండితెరపై సందడి చేసింది. ప్రస్తుతం మహేశ్ బాబు నటిస్తోన్న గుంటూరు కారంలోనూ ప్రత్యేక పాత్రలో కనిపించనుంది. View this post on Instagram A post shared by Allu Arjun (@alluarjunonline)

టాలీవుడ్ సూపర్ స్టార్ మహేశ్ బాబు తన గారాలపట్టి సితారపై మరోసారి ప్రేమను చాటుకున్నారు. ఇంటర్నేషనల్ డాటర్స్‌ డే సందర్భంగా ఎమోషనల్ అయ్యారు. తన కుమార్తె సితారకు డాటర్స్ డే  శుభాకాంక్షలు చెబుతూ ఇన్‌స్టాలో పోస్ట్ చేశారు. ఇద్దరు కలిసి ఉన్న పోస్ట్ ప్రస్తుతం సోషల్ మీడియాలో వైరలవుతోంది.  'నా ప్రపంచాన్ని ఎల్లప్పుడూ ప్రకాశవంతం చేసే నా చిన్నారికి డాటర్స్ ​డే శుభాకాంక్షలు" అంటూ ఇన్‌స్టాలో రాసుకొచ్చారు. తరచుగా మహేశ్​, సితారతో కలిసి సోషల్ మీడియాలో సందడి చేస్తుంటారు. కొద్దిరోజులుగా పలు టీవీ షోలకు సైతం ఇద్దరూ కలిసి వెళ్తున్నారు. (చదవండి: మార్షల్ ఆర్ట్స్‌ నేర్చుకుంటున్న కాజల్ అగర్వాల్.. ఆ సినిమా కోసమే..!) సూపర్ స్టార్ మహేష్ బాబు ప్రస్తుతం స్టార్ డైరెక్టర్ త్రివిక్రమ్ శ్రీనివాస్‌ డైరెక్షన్‌లో తెరకెక్కుతున్న సినిమా షూటింగ్‌లో బిజీగా ఉన్నాడు. ఈ యాక్షన్ ఎంటర్‌టైనర్‌లో పూజా హెగ్డే కథానాయిక గా నటిస్తోంది.  ఈ చిత్రానికి తాత్కాలికంగా 'SSMB28' అని పేరు పెట్టారు. ఈ సినిమాలో బింబిసార ఫేమ్ సంయుక్త మీనన్ నటిస్తున్న ఈ భారీ ప్రాజెక్ట్ 2023 సంక్రాంతికి థియేటర్లలో సందడి చేయనుంది.  View this post on Instagram A post shared by Mahesh Babu (@urstrulymahesh)

చెన్నై,టీ.నగర్‌: కుమార్తెల దినోత్సవాన్ని పురస్కరించుకుని చిన్నారులతో తల్లి, బామ్మలతో కలిసి సెల్ఫీ తీసుకుని పంపితే బహుమానం అందచేస్తామని తిరువణ్ణామలై కలెక్టర్‌ కందస్వామి మంగళవారం ఓ ప్రకటనతో తెలిపారు. మూడు తరాల మహిళలను గౌరవించే విధంగా ఈ కార్యక్రమానికి శ్రీకారం చుట్టారు. కుమార్తెలు ఉన్నవారు భేటి బచావో...బేటి బడావో అనే ఫేస్‌బుక్‌ అడ్రస్‌ లేదా 7397285643 అనే వాట్సాప్‌ నంబర్‌కు సెల్ఫీ ఫొటోలు ఈ నెల 13వ తేదీలోగా పంపాలన్నారు.

ఎప్పుడు సినిమాలతో బిజీగా ఉండే అల్లు అర్జున్‌ సోషల్‌ మీడియాలోనూ అంతే యాక్టివ్‌గా ఉంటాడు. ముఖ్యంగా తన పిల్లలకు సంబంధించిన వీడియోలు ఫోటోలను అభిమానుల కోసం షేర్‌ చేస్తుంటాడు. ఈ రోజు ‘డాటర్స్‌ డే’ సందర్భంగా ఓ క్యూట్ వీడియోను తన ఇన్‌స్టాగ్రామ్‌లో పోస్ట్ చేశాడు బన్నీ. అల వైకుంఠపురములో సినిమా టీజర్‌లో మురళీ శర్మ, అల్లు అర్జున్‌లు చెప్పిన డైలాగ్‌ను బన్నీ కూతురు అర్హాతో కలిసి చెప్పాడు. తన క్యూట్‌ క్యూట్‌ ఎక్స్‌ప్రెషన్స్‌ అర్హ చెప్పిన డైలాగ్స్‌కు బన్నీ ఫిదా అవుతున్నారు. టాలీవుడ్ సూపర్‌ స్టార్ మహేష్‌ బాబు కూడా డాటర్స్‌ డే సందర్భంగా ఓ ఎమోషనల్ ట్వీట్ చేశాడు. కూతురితో కలిసి తాను దిగిన ఫోటోలను వీడియో రూపంలో పోస్ట్ చేసిన మహేష్, ‘నిన్ను ఎప్పటికీ ప్రేమిస్తూనే ఉంటాను. నువ్వు ఎప్పుడూ ఇలా మెరిసిపోతూ ఉండాలి’  అంటూ ట్వీట్ చేశారు. View this post on Instagram Daughters are the cutest thing in the world ❤️ Happy Daughters Day to all the daughters in the world ❤️. Thought I’d share a funn video I shot with my daughter. #happydaughtersday A post shared by Allu Arjun (@alluarjunonline) on Sep 22, 2019 at 1:24am PDT Happy Daughter's day my lil one...Sita Papa❤❤ you are my most adorable, lovely, and naughty daughter ever! Love you forever!😘😘 Shine bright always ✨✨ pic.twitter.com/bCGhwyvF53 — Mahesh Babu (@urstrulyMahesh) September 22, 2019

‘కొడుకు ఒక్కడుంటే చాలు’ అనుకొనే పాతకాలం నాటి నమ్మకాలకు కాలం చెల్లిపోయింది. తల్లిదండ్రుల నమ్మకాల్లో, ఆలోచనల్లో, అనుబంధాల్లో  సమతాభావనలు వెల్లివిరుస్తున్నాయి. ‘కొడుకైనా, కూతురైనా ఒక్కటే’ననే’ భావన బలోపేతమవుతోంది. అంతేకాదు. ఇప్పుడు  ఎంతోమంది తల్లితండ్రులు ‘ఒక్క  కూతురు చాలు’నని  సంతృప్తి వ్యక్తంచేస్తున్నారు. ఒకప్పుడు కూతురు అంటే భారం. గుండెలమీద కుంపటిగా భావించేవారు తల్లిదండ్రులు. ప్రస్తుతం ఆ ఆలోచన విధానంలో మార్పు వచ్చింది. ఎంతోమంది కూతుళ్లు తల్లిదండ్రుల కీర్తి ప్రతిష్టలను పెంపొందిస్తున్నారు. గొప్ప పేరు సంపాదిస్తున్నారు. తాము ఎంచుకొన్న రంగాల్లో ఉన్నత శిఖరాలను చేరుకుంటున్నారు. తాము పుట్టిపెరిగిన సమాజాన్ని, దేశాన్ని ప్రపంచ యవనికపై నిలబెడుతున్నారు. ఎంతోమంది  సింధూలై, మిథాలీ, సానియా, సైనాలై విజయబావుటాలు ఎగరవేస్తున్నారు. ఎవరెస్టు శిఖాన్ని అధిరోహించిన మాలావత్‌ పూర్ణ ప్రస్థానం ఆద్యంతం స్ఫూర్తిదాయకం, ఉత్తేజభరితం. ఇదంతా నాణేనికి ఒకవైపు అయితే మరోవైపు.. కూతురు అంటే ఉన్నతమైన విలువలకు నిలువెత్తు రూపం. ఆర్తి కలిగిన  బంగారు తల్లి. కన్నవారి పట్ల ఎంతో ప్రేమను ఆప్యాయతను చూపుతుంది. అచ్చం అమ్మలాగే ఆదరిస్తుంది. కంటిపాపలా పెరిగిన బిడ్డ పెద్దయ్యాక తన తల్లిదండ్రులను సైతం కంటికి రెప్పలా చూసుకోవాలని ఆరాటపడుతుంది. పేరెంటింగ్‌ దృక్పథంలో మార్పు వచ్చినట్లుగానే పిల్లల ఆలోచనల్లోనూ మార్పు వస్తోంది. ఎంతో మంది కూతుళ్లు  ‘ది బెస్ట్‌ డాటర్‌’గా పేరు తెచ్చుకుంటున్నారు. అమ్మానాన్నల కలలను సాకారం చేయడంలో ముందువరసలో ఉంటున్నారు. నేడు కూతుళ్ల దినోత్సవం సందర్భంగా ‘సాక్షి’ ప్రత్యేక కథనం.  సామ్‌..  సో స్మార్ట్‌ నా కూతురు సమంత సో స్వీట్‌. ఆమె ఏ రంగాన్ని ఎంచుకున్నా అప్పర్‌ హ్యాండ్‌గానే ఉంటుంది. సామ్‌ సినీ ఇండస్ట్రీలో స్టార్‌గా వెలుగొందడం, అక్కినేని లాంటి ఓ పెద్ద ఫ్యామిలీకి పెద్ద కోడలుగా వెళ్లడం ఎంతో సంతోషాన్ని ఇస్తోంది. నా కూతురు చిన్నప్పటి నుంచి ప్రతిదీ నాకు చెప్పి చేసేది. సినీ ఇండస్ట్రీలోకి వెళ్తున్నప్పుడు నిలుదొక్కుకుంటుందా? లేదా? అని భయపడ్డాను. ఇప్పుడు నాకా భయం లేదు. సమంత ఇప్పుడు స్టార్‌ మాత్రమే కాదు... సేవా హృదయం కలిగిన వ్యక్తి కూడా. సో.. సామ్‌ ఈజ్‌ ఆల్వేస్‌ సో స్వీట్‌. – నిన్నెట్టే ఫిలోమోనో ప్రభూ, సమంత తల్లి శభాష్‌ బిడ్డా సాక్షి, సిటీబ్యూరో: కంటే కూతురినే కనాలి అనే నానుడిని సార్థకం చేస్తున్నారు ఆ కూతుళ్లు. వారు ఎంచుకున్న రంగంలో తిరుగులేని శక్తిగా ఎదుగుతున్నారు. తల్లులు చూపిన మార్గంలో రాణిస్తూ శభాష్‌ అనిపించుకుంటున్నారు. ఒక్కొక్కరిదీ ఒక్కో నేపథ్యం. తల్లుల అడుగుజాడల్లో నడుస్తూ.. బెస్ట్‌ డాటర్‌ అనే కాంప్లిమెంట్స్‌ని సొంతం చేసుకుంటున్నారు. కుమార్తెల గురించి కొందరు తల్లులు తమ మనోగతాన్ని ఇలా వివరించారు. మై డాటర్‌ ఈజ్‌ బెస్ట్‌ మా అమ్మాయి సిమ్రాన్‌ చౌదరి బెస్ట్‌ డాటర్‌. స్కూల్‌ నుంచి ఇప్పటి వరకు ప్రతిదాంట్లోనూ తనకంటూ ఓ ప్రత్యేకతను చాటుకుంది. సిన్సీయర్‌గా ఉంటుంది. ఏం చేయాలన్నా.. పేరెంట్స్‌గా మా దృష్టికి తీసుకువచ్చి చేస్తుంది. ఫ్రీడం ఇచ్చాం కదా అని మిస్యూజ్‌ చేసుకోలేదు. స్కూల్లో టాపర్, డ్యాన్స్‌ బాగా చేసిందని ఎక్స్‌లెన్స్‌ అవార్డు కూడా ఇచ్చారు. కాలేజీలో బాస్కెట్‌ బాల్‌ ప్లేయర్, టీచర్స్‌ పెట్‌. ఇప్పుడు హీరోయిన్‌గా ఓ మంచి పొజీషిన్‌కు వెళ్లడాన్ని తల్లిగా ఆస్వాదిస్తున్నా.– సంగీత చౌదరి, సిమ్రాన్‌ చౌదరి తల్లి కూచిపూడిలో ప్రతిభావంతులు మా అమ్మాయిలు అదితినాగ్, అభనాథ్‌లు ఇప్పటి వారైనా నా జనరేషన్‌ పిల్లలని చెప్పుకోవడానికి గర్వంగా ఉంది. ఇద్దరూ కూచిపూడి నాట్యంలో మంచి ప్రతిభావంతులు. ఇప్పటి వరకు సుమారు 200కిపైగా ప్రదర్శనలు ఇవ్వడం నాకు చాలా ఆనందంగా ఉంది. వారు చేస్తుండటమే కాదు.. ఇతరులకు కొరియోగ్రఫీ కూడా నేర్పిస్తున్నారు. థియేటర్‌ ఆర్ట్స్‌లో కూడా ఉన్నారు. పెద్దమ్మాయి అదితినాగ్‌ ‘నాగి’గా, చిన్నమ్మాయి అభనాథ్‌ ‘నథాలయ’గా రాణిస్తున్నారు. ఎన్‌సీసీలోనూ టాపర్లే. నేటితరం పిల్లల్లా ఉంటారే కానీ.. వాళ్ల ఆలోచనలు, బాధ్యతలన్నీ నా తరం నాటివే.  – సరోజబాల ఠాకూర్‌ తనయా.. ఒక్కతేనయా సనత్‌నగర్‌: కుమారుడు అయినా, కూతురు అయినా వారికి సమానమే. కొడుకే పుట్టాలని భావించలేదు. మొదటి సంతానం ఆడబిడ్డ జన్మించినా బాధపడలేదు. ఆ ఒక్క అమ్మాయే చాలనుకున్నారు. దేవుడిచ్చిన తనయే సర్వస్వంగా బతికేస్తున్నారు. ఒకే ఒక అమ్మాయితో సరిపెట్టుకుని స్ఫూర్తిదాయకంగా నిలుస్తున్నారు నగరానికి చెందిన పలువురు దంపతులు. కూతుళ్ల భవిష్యత్‌కు బంగారు బాటలు వేస్తున్నారు. ప్రేమాభిమానాలకు చిరునామా..  మోతీనగర్‌ పాండురంగానగర్‌కు చెందిన ప్రభుత్వ ఉపాధ్యాయుడు సురేందర్, చంద్ర దంపతుల ముద్దుల కుమార్తె మోనా. మొదట కుమార్తె జన్మించినప్పటికీ ఆ తర్వాత మగబిడ్డ కావాలని ఏనాడూ ఈ జంట ఆలోచన చేయలేదు. ఒక్కగానొక్క కుమార్తెలోనూ మగబిడ్డను చూసుకుంటూ ఆమె నుంచి అంతులేని ప్రేమాభిమానాలను పొందుతున్నామని సురేందర్‌ వివరించారు. బాధ వచ్చినా, సంతోషం వచ్చినా ముందుగా కలగజేసుకుని తల్లిదండ్రులతో పంచుకునేది ఒక్క కుమార్తె మాత్రమే అని ఆయన చెబుతున్నారు. అందుకే కూతురు అంటే తమకు ఇష్టమంటున్నారు. ప్రస్తుతం మోనా ఎంబీబీఎస్‌ మొదటి సంవత్సరం చదువుతోంది. కెరీర్‌ పరంగా ఏనాడూ పాప ఆశయాలను అగౌరవపరచలేదు. ఆమె లక్ష్యం ప్రకారమే డాక్టర్‌ను చేయాలనుకున్నాం. బయటకు వెళితే నాన్న ఎప్పుడు వస్తారని వేయి కళ్లతో ఎదురుచూసేంది కుమార్తె మాత్రమేనని సురేందర్‌ పేర్కొన్నారు.   ఆడపిల్ల ఇంటికి అదృష్టం.. మూసాపేట ఆంజనేయనగర్‌కు చెందిన స్కూల్‌ నిర్వాహకురాలు రజనీ కొల్లూరు, బోస్‌ దంపతుల కుమార్తె అనఘా. ఇంటర్మీడియెట్‌ మొదటి సంవత్సరం చదువుతోంది. ‘అనఘాను మగరాయుడిలా పెంచుకుంటున్నాం. ప్రస్తుత పరిస్థితులు చూస్తే కొడుకులు ఉన్నప్పటికీ పెళ్లయ్యాక పరిస్థితులు మారిపోతున్నాయి. దీంతో వృద్ధాశ్రమాలు పెరుగుతున్నాయి. అదే కూతురు ఉంటే పెళ్లై అత్తారింటికి వెళ్లిపోయినా ప్రేమాప్యాయతలు మాత్రం తల్లిదండ్రులపై శాశ్వతంగా ఉంటాయి. కూతురిని ఉన్నత స్థానంలో చూడాలని మా కోరిక. అందుకోసం ఎంతటి కష్టమైనా పడతాం’ అంటున్నారు. రజనీ, బోస్‌ దంపతులు. ‘తనలోనే కొడుకును చూసుకుంటూ తన మాటలకు ఎంతో విలువనిస్తారు. ఈ రోజుల్లో ఆడపిల్ల పుడితే ఏ విధంగా పరిస్థితులు ఉంటాయో అందరం చూస్తున్నాం. ఆడపిల్ల ఇంటికి అదృష్టంగా భావించే వారు నా తల్లిదండ్రులు కావడం నా అదృష్టం’ అని చెబుతోంది అనఘా. అనురాగాల ‘నిధి’ మూసాపేట మారుతీనగర్‌కు చెందిన వ్యాపారవేత్త శ్రీనివాస్‌రెడ్డి, సంయుక్త దంపతుల ముద్దుల తనయ నిధిలారెడ్డి. ఐఐటీ రామయ్యలో ఇంటర్‌ మొదటి సంవత్సరం చదువుతోంది. ‘మా దృష్టిలో వారసుడైనా, వారసురాలైనా ఒక్కటే. పాప పుట్టిన తర్వాత బాబు కావాలని ఏ రోజూ ఆలోచించలేదు. దేవుడిచ్చిన సంతానంలో పాపైనా, బాబైనా ఒక్కటే. బయట పనులపై తిరిగి ఇంటికి వచ్చిన తండ్రికి చేదోడుగా నిలిచేది భార్య తర్వాత కుమార్తె మాత్రమే. కొడుకు జేబు చూస్తాడంటారు. అదే కుమార్తె కడుపు చూస్తుందంటారు. అదే కొడుకుకు, కూతురుకు తేడా. కొడుకు కంటే తల్లిదండ్రులపై ప్రేమాప్యాయతలు ఎక్కువగా చూపించేది కూడా కూతురే. అందుకే కంటే కూతురినే కనాలి’  అంటున్నారు శ్రీనివాస్‌రెడ్డి, సంయుక్త దంపతులు కూతురిలోనే ఆత్మీయత.. వీరు కూకట్‌పల్లి బాలాజీనగర్‌కు చెందిన బిల్డర్‌ కొండేపూడి వెంకటరమణ, సుమ దంపతులు. వారి గారాలపట్టి చరిష్మ. వీరికి వివాహమైన నాలుగేళ్లకు చరిష్మ జన్మించింది. కుటుంబమంతా మగబిడ్డ కావాలని కోరుకున్నా.. ఆ దంపతులు మాత్రం ఆడపిల్ల పుట్టాలనే మొక్కుకున్నారు. విశేషమేమంటే తల్లి సుమ పుట్టిన రోజునే చరిష్మ జన్మించింది. ఇద్దరు బర్త్‌ డే ఒకేసారి గ్రాండ్‌గా జరుపుకొంటారు. పాప పుట్టి 17 ఏళ్లయినా వారు ఏనాడూ మగబిడ్డ గురించి ఆలోచించలేదు. చరిష్మా ప్రస్తుతం తమిళనాడులోని శాస్త్ర డీమ్డ్‌ యూనివర్సిటీలో ఇంజినీరింగ్‌ ఎలక్ట్రానిక్స్‌ మొదటి సంవత్సరం చదువుతోంది. కూతురు తమపై చూపించే ప్రేమ వల్లనో ఏమో మగబిడ్డ ఊసే లేదని వెంకటరమణ చెప్పుకొచ్చారు. బిజినెస్‌ పని మీద బయటకు వెళ్తే సాయంత్రం ఇంటికి వచ్చేవరకు ఫోన్‌ చేస్తూనే ఉంటుంది. ఎక్కడున్నా తల్లిదండ్రుల సంక్షేమం గురించి ఆలోచించేది ఒక్క కూతురే. ఎన్ని జన్మలెత్తినా కూతుర్నే కనాలని నేను గర్వంగా చెబుతా. తల్లిదండ్రులుగా మనం కోరుకునే ప్రేమ, ఆప్యాయత కూతురులో మాత్రమే దొరుకుతుంది. సేవా తత్పరత నచ్చింది.. మా అమ్మాయి శ్రావ్యరెడ్డికి చిన్నప్పటి నుంచి సేవ చేయాలనే తపన. ఐఏఎస్‌ కావాల్సిన శ్రావ్య సేవా కార్యక్రమాలపై దృష్టి పెట్టడం సమ్‌థింగ్‌ ఇంట్రస్టింగ్‌ అనిపించింది. గ్రామీణ ప్రాంతాల్లో రైతులతో మమేకమై వాళ్లకు భరోసా ఇవ్వడం నాకు గర్వంగా అనిపిస్తుంది. చేనేత కుటుంబాలు ఆత్మహత్య చేసుకోకుండా వారికి తనకున్న దాంట్లో చేస్తున్న సాయం నన్ను మరింతగా ఆకర్షిస్తుంది. ఒక తల్లిగా ఇంతకన్నా నాకేం కావాలి. – నీరజారెడ్డి మా అమ్మాయి మంచి ఆర్టిస్ట్‌ మా అమ్మాయి ప్రియాంక ఆలే ఓ మంచి ఆర్టిస్టు అని చెప్పుకోవడానికి చాలా గర్వంగా, ఆనందంగా ఫీలవుతుంటాను. ఆర్ట్‌పై ఆమెకు మంచి గ్రిప్‌ ఉంది. వేసిన ఆర్ట్‌పై గంటల కొద్దీ డిబేట్‌ చేయడం కూడా నాకు చాలా నచ్చుతుంది. ఆమె ఆర్ట్‌ విషయంలో నేను జోక్యం చేసుకోను. తనే ‘అమ్మా... నేను గీసిన చిత్రాలు’ ఎలా ఉన్నాయంటూ అడుగుతుంటుంది. మావారు కూడా ఆర్టిస్టే. ఇప్పుడు కుమార్తె సైతం ఆర్టిస్టు కావడం ఓ గొప్ప వరంగా భావిస్తా.  – ఆలే లలిత

కదంబ వృక్షం అంటే తెలుసు కదా! దుర్గాదేవికి అత్యంత ప్రీతిపాత్రమైన చెట్టు. రాజస్తాన్‌లోని పిప్‌లాంత్రీ గ్రామంలో మనం అడుగు పెడితే పచ్చగా, అందంగా ఈ కదంబ వృక్షాలే కనువిందు చేస్తుంటాయి. ఎందుకంటారా ఆ గ్రామంలో అమ్మాయి పుడితే సంబరాలు చేసుకుంటారు. ప్రకృతికి మారుపేరైన అమ్మాయి పుట్టినందుకు ఓ మొక్క నాటుతారు. ఈ సంబరాల వెనుక ఓ విషాదం ఉంది. ఆ ఊరి మాజీ సర్పంచ్‌ శ్యామ్‌సుందర్‌ పాలీవాల్‌. 2006లో ఆయన 16 ఏళ్ల వయసు కుమార్తె కిరణ్‌ చనిపోయింది. ఆమె స్మృతి కోసం ఓ కదంబ మొక్క నాటారు. ఆ కదంబ చెట్టే తన కూతురంటూ ఆ చెట్టును వాటేసుకునేవారు. ప్రతి ఇల్లు తిరుగుతూ కూతురు పుడితే సంబరాలు చేసుకోవాలని, మొక్కల్ని పెంచాలని అవగాహన పెంచారు. అసలే కరువు ప్రాంతమైన రాజస్తాన్‌లో ఓ ఏడాది నీటి కటకట ఏర్పడింది. ప్రభుత్వం రైళ్ల ద్వారా ఆ ఊరికి నీరు సరఫరా చేసింది. దీంతో ప్రకృతి లాంటి ఆడపిల్లనే కాదు.. ప్రకృతిని కూడా కాపాడుకున్నారు. పిప్‌లాంత్రీతో పాటుగా చుట్టుపక్కల గ్రామాల్లో విపరీతంగా మొక్కలు నాటే కార్యక్రమం నిర్వహించారు. 3 లక్షల 50 వేలకు పైగా మొక్కలు నాటారు. ఓ కూతురుంటే తల్లిదండ్రులు ఎంత పచ్చగా ఉంటారో, ఇప్పుడా ఊరు కూడా పచ్చగా కళకళలాడుతోంది. ఎవరెస్టంత ఎత్తుకు ఎదిగింది..  ‘బిడ్డ పర్వతం ఎక్కుతానంటే నాకు భయమనిపించింది.. కానీ అమ్మాయే నాకు ధైర్యం చెప్పింది. రెండు రాష్ట్రాల్లో ఇద్దరికే అవకాశం వచ్చిందంటే నమ్మకం కుదిరింది. కశ్మీర్‌కు వెళ్లే ఒకరోజు ముందు క్షణాలు ఇప్పటికీ గుర్తున్నయ్‌’ అంటూ ఆ ఉద్వేగ క్షణాలను నెమరేసుకున్నారు ప్రపంచంలోనే ఎత్తయిన ఎవరెస్టు శిఖరాన్ని అధిరోహించిన మాలావత్‌ పూర్ణ తండ్రి దేవీదాస్‌. నిజామాబాద్‌ జిల్లా సిరికొండ మండలం పాకాలకు చెందిన దేవీదాస్‌ది వ్యవసాయ కుటుంబం. కుమారుడు నరేశ్, కూతురు పూర్ణ. ‘ఐదో తరగతి వరకు పాకాల గవర్నమెంట్‌ స్కూళ్లోనే చదివింది. తర్వాత తాడ్వాయి గురుకులంలో చేర్చించా. పర్వతాధిరోహణ కోసం 110 మందిని సెలెక్ట్‌ చేసి అందులో 20 మందికి భువనగిరి కోట దగ్గర శిక్షణ ఇచ్చారు. ఇద్దరిని జమ్మూకశ్మీర్‌కు పంపించారు. పర్వతాధిరోహణకు అంతా రెడీ అయ్యాక పర్వతం ఎక్కేందుకు మాతో పంపిస్తావా అని అడిగిండ్రు. పూర్ణపై నమ్మకంతో ఓకే అని చెప్పినం.’ అంటూ ఆనందం వ్యక్తం చేశారు దేవీదాస్‌.        – సాక్షిప్రతినిధి/నిజామాబాద్‌  


 లబ్బీపేట : 
 డాటర్స్‌డే (కూతుళ్ల దినోత్సవం)ను పురస్కరించుకుని మహాత్మాగాంధీ రోడ్డులోని మలబార్‌ గోల్డ్‌ అండ్‌ డైమండ్‌ జూయలరీ షోరూమ్‌లో గురువారం వేడుకలు నిర్వహించారు. ఈ సందర్భంగా కూతుళ్లకు ప్రత్యేక బహుమతిగా అందించేందుకు ఆఫర్‌ను ప్రవేశ పెట్టారు. అందులో భాగంగా కేవలం రూ.37.900కే డైమండ్‌ ఇయర్‌ రింగ్స్, ఫింగరింగ్, పెన్‌డెంట్‌ సెట్‌ను అందచేయనున్నట్లు ఆ సంస్థ డైరెక్టర్‌ నిఖిల చంద్రన్‌ చెప్పారు. నగరానికి వచ్చే పుష్కర భక్తులతో పాటు, నగర వాసులు ఈ డైమండ్‌ సెట్‌ ఆఫర్‌ను సద్వినియోగం చేసుకోవాలని కోరారు. కార్యక్రమంలో అసిస్టెంట్‌ డైరెక్టర్‌ ఫాజిల మేనేజర్స్‌ షినోజ్, రాజేశ్వర్, అలీమ్, రంజిత్‌ పాల్గొన్నారు. 
  


 నేడు డాటర్స్ డే 
 మహిళల్ని ఆకాశంలో సగం అంటారు. సృష్టిలో వారిది ప్రత్యేక స్థానం. పూజనీయ వ్యక్తులుగా తల్లి, తండ్రి, గురువు, దైవం.. ఇలా క్రమ పద్ధతిలో కొలుస్తారు. తల్లి మొదటి స్థానంలో ఉంటారు. దీన్ని బట్టే మహిళల ప్రాధాన్యం ఏంటో అర్థమవుతుంది. పురుషులకు ఏమాత్రం తీసిపోని విధంగా ఇప్పుడు  అన్ని రంగాల్లో మహిళలు రాణిస్తున్నారు. దేశాల్ని ఏలుతున్నారు. భూమండలాన్ని దాటి రోదసీ యాత్రలు చేస్తున్నారు. మహిళల్ని గౌరవించుకోవడానికి మహిళా దినోత్సవం ఉన్నట్లే, కుమార్తెల ప్రతిభను గుర్తించడానికి 'డాటర్స్ డే' జరుపుకొంటున్నారు. ఈరోజే 'డాటర్స్ డే'. ఈ సందర్భాన్ని పురష్కరించుకుని వివిధ రంగాల్లో రాణించిన తల్లీకూతుళ్ల వివరాలు మీకు అందిస్తున్నాం.
 
 అమ్మలాగే.. మేమూ: బాలీవుడ్లో తమ నటనతో అభిమానులు మెప్పించిన ప్రఖ్యాత కథానాయికలు ఎంతో మంది ఉన్నారు. అత్యుత్తమ ప్రతిమ కనబరిచిన తల్లీకూతుళ్లూ ఉన్నారు. నిన్నటి తరం తారలు బాలీవుడ్ను ఏలితే, తామేం తక్కువ కాదంటూ వారి తనయిలు దూసుకొచ్చారు. అందం, అభినయంతో చెరగని ముద్ర వేశారు. తనూజ-కాజోల్, షర్మిలా -సోహా అలీ ఖాన్, అపర్ణా సేన్- కొంకణా సేన్, హేమమాలిని-ఇషా డియోల్ ....ఇలా చెప్పుకుంటూ పోతే ఈ జాబితా పెద్దదే అవుతుంది. తల్లీకూతుళ్లు కలసి స్క్రీన్పై సందడి చేసిన సందర్భాలు ఉన్నాయి.
 
 తనూజ-కాజోల్: అందం కంటే అభినయంతోనే రాణించిన నటి కాజోల్. 1990ల్లో బాలీవుడ్లో అరంగేట్రం చేసిన కాజోల్ ఎన్నో సూపర్ హిట్ సినిమాల్లో నటించింది. శ్రీదేవి, మాధురీ దీక్షిత్, జూహీచావ్లా తదితర అందాల భామల హవా నడుస్తున్న కాలంలో నటిగా నిరూపించుకుంది. హీరో అజయ్ దేవ్గన్ను పెళ్లాడిన తర్వాత సినిమాలకు దూరంగా ఉంటోంది. ఆమె నటించిన చివరి చిత్రం 'టూన్పూర్ కా సూపర్ హీరో' 2010లో విడుదలైంది. కాజోల్ తల్లి తనూజ నిన్నటితరం ప్రసిద్ధ నటి.
 
 షర్మిలా-సోహా అలీ: సోహా అలీ ఖాన్ సినిమా నేపథ్యం ఉన్న కుటుంబం నుంచి వచ్చింది. తల్లి షర్మిలా టాగూర్ ప్రసిద్ధ నటి. ప్రస్తుతం సోహా బాలీవుడ్లో కీలక పాత్రలు పోషిస్తోంది. తల్లి షర్మిలతో కలసి నటించాలన్న సోహా కోరిక 2009లో తీరింది. వీరిద్దరూ 'లైఫ్ గోస్ ఆన్' అనే చిత్రంలో తెరపై కనిపించారు. వీరు నిజజీవితంలో స్నేహితుల్లా ఉంటారు.  
 
 అపర్ణా-కొంకణా: నిన్నటితరం నటి, దర్శకురాలు అపర్ణా సేన్ సినీ ప్రియులకు సుపరిచితురాలు. అపర్ణా వారసురాలిగా తెరంగేట్రం చేసిన కొంకణా సేన్ అనతి కాలంలోనే నటిగా సత్తాచాటింది. 'మిస్టర్ అండ్ మిసెస్ అయ్యర్' సినిమాలో నటనకు  జాతీయ ఉత్తమ నటి అవార్డు అందుకుంది. తల్లీకూతుళ్లు కలసి '15 పార్క అవెన్యూ' అనే సినిమాలో ప్రశంసలు అందుకున్నారు. ఇక ఇద్దరూ కలసి బెంగాలీ సినిమా 'ఇటి మృణాళిని'లో స్ర్కీన్పై  కనిపించారు.
 
 హేమమాలిని-ఇషా: డ్రీమ్ గర్ల్ హేమమాలిని అందం, అభినయం అపురూపం. బాలీవుడ్ను ఓ ఊపు ఊపేసింది. ఆమె ముద్దుల కూతుళ్లు  ఇషా డియోల్, అహాన డియోల్ పలు సినిమాల్లో నటించారు. అంతేగాక తల్లీకూతుళ్లు కలసి ఎన్నో నృత్య ప్రదర్శనలు చేశారు. ఇంకా డింపుల్ కపాడియా కూతుళ్లు ట్వింకిల్ ఖన్నా, రింకీ ఖన్నా, మున్ మున్ సేన్ తనయలు రైమా, రియా సేన్ కూడా బాలీవుడ్లో మెప్పించారు. దక్షిణాదిలో కూడా సంధ్య కుమార్తె జయలలిత (తమిళనాడు ముఖ్యమంత్రి), రాధ గారాటపట్టి కార్తీక, మంజుల కూతుళ్లు శ్రీదేవి, రుక్మిణి నటీమణులే.