TV
ఆమ్ ఆద్మీ పార్టీకి షాకిస్తూ సహచర రాజ్యసభ సభ్యులు ఆరుగురితో బీజేపీలో చేరిపోయారు రాఘవ్ చద్దా. (Raghav Chadha) ఈ క్రమంలో ఆయన వ్యక్తిగత జీవితమూ, ఆస్తుల వివరాలపై చర్చ నడుస్తోంది. ఆయన సతీమణి నటి పరిణితీ చోప్రా (Parineeti Chopra) అనే విషయం తెలిసిందే. అయితే.. వీళ్ల ప్రేమకథ ఇప్పుడు మళ్లీ ట్రెండింగ్లోకి వచ్చింది.
2022లో లండన్లో జరిగిన ఓ అవార్డు కార్యక్రమంలో మొదటిసారి కలుసుకున్న వీరిద్దరూ హాయ్ చెప్పుకున్నారు. మాటలు కలిసి మరుసటి రోజు బ్రేక్ఫాస్ట్ కోసం కలుసుకున్నారు. అలా ఓ అరగంట ముచ్చట్లు పెట్టుకున్నారు. కానీ అదే వారి జీవితాన్ని మలుపు తిప్పింది.
ఆ 30 నిమిషాల డీల్ తర్వాతే ఇద్దరూ దగ్గరయ్యారు. చాటింగ్.. డేటింగ్తో పీకల్లోతు ప్రేమలో మునిగిపోయారు. పెద్దల సమ్మతితో 2023 మేలో ఎంగేజ్మెంట్.. సెప్టెంబర్లో వీళ్ల వివాహం జరిగింది. 2025లో పరిణితి-రాఘవ్కు ఓ బిడ్డ పుట్టాడు. ఆ బాబుకు నీర్ అని పేరు పెట్టింది ఈ జంట.
