పాడతారా?

పవన్‌కల్యాణ్‌ పాడతారా? లేదా? ప్రస్తుతానికి సస్పెన్స్‌! కానీ, పవన్‌తో ఒక్క పాట పాడించాలని దర్శకుడు త్రివిక్రమ్‌ శ్రీనివాస్, సంగీత దర్శకుడు అనిరుద్‌ రవిచంద్రన్‌ల ఆలోచన. ఆల్రెడీ పవన్‌ దగ్గర ఈ ప్రపోజల్‌ పెట్టారు.

మరి, ఆయన ఏమంటారో? పవన్‌కల్యాణ్‌ హీరోగా త్రివిక్రమ్‌ దర్శకత్వంలో హారికా అండ్‌ హాసిని క్రియేషన్స్‌ పతాకంపై ఎస్‌. రాధాకృష్ణ ఓ సినిమా నిర్మిస్తున్న సంగతి తెలిసిందే. దీనికి అనిరుద్‌ స్వరకర్త. ఆల్రెడీ అన్ని ట్యూన్స్‌ని ఫైనలైజ్‌ చేసేశారట. అందులో ఓ పాటను పవన్‌ చేత పాడించాలనుకుంటున్నామని స్వయంగా అనిరుద్‌ పేర్కొన్నారు. ‘అత్తారింటికి దారేది’లో పవన్‌ పాడిన ‘కాటమరాయుడా... కదిరి నరసింహుడా’ పాట ఎంత హిట్టయ్యిందో తెలిసిందే. ఇంకోసారి పవన్‌ సింగర్‌గా తన గొంతు వినిపిస్తారా? వెయిట్‌ అండ్‌ సీ!!