లిఫ్ట్లో చితక్కొట్టింది

లిఫ్ట్లో చితక్కొట్టింది

రాత్రి 9.30 సమయంలో లిఫ్ట్ లో ఒంటరిగా ఉన్న యువతి. దీన్ని అదునుగా భావించి అసభ్యకరంగా ప్రవర్తించాడో యువకుడు. ముందు ఎంతగానో ఓపిక పట్టి తర్వాత ఆమె కోపానికి కుప్పకూలిపోయాడు ఆ ఆకతాయి. వివరాలు.. లిఫ్ట్‑ లో చైనాకు చెందిన యువతి ఒంటరిగా ఉంది. అదే సమయంలో ఓ యువకుడు లిఫ్ట్ లో ప్రవేశించాడు. యువతి ఫోన్తో బిజీగా ఉన్నసమయంలో మొదట ఆమెకు దగ్గరగా వచ్చాడు.

గమనించిన ఆమె ఏమీ అనకుండానే పక్కకు తప్పుకుంది. ఆ యువకుడు మరోసారి వెనక వైపుగా వచ్చి ఈ సారి ఏకంగా చేయిని యువతి భుజం పై వేశాడు. ఈ హఠాత్పరిణామంతో చిర్రెత్తుకొచ్చిన యువతి ఒక్క సెకన్ కూడా వేస్ట్ చేయకుండా ఆ కామాంధుడి చేయి తీసేసి, మోహంపై నుంచి ఒక్క గుద్దు గుద్దింది. అంతేనా చెప్పరాని చోట కాలుతో గట్టిగా ఓ తన్ను తన్ని అతను కిందికి వంగగానే మోహం పైనుంచి గట్టిగా కాలితో ఓ కిక్ ఇచ్చింది. అంతే ఆ యువకుడు లిఫ్ట్‑ లో కుప్పకూలిపోయాడు. ఈ నెల 24వ తేదీన జరిగిన ఈ సంఘటనకు సంబంధించి సీసీటీవీలో రికార్డయిన వీడియో సోషల్ మీడియాలో ఇప్పుడు చక్కర్లు కొడుతోంది. దీన్ని చూసిన నెటిజన్లు .. సదరు యువతి దైర్యసాహసాలను కొనియాడుతున్నారు.