'పబ్‌జీలో పరిచయం.. బాలిక ఫోటోలు సేకరించి'

Police Arrested Youth Sexually Harrasing Minor Girl In Hyderabad - Sakshi

హైదరాబాద్‌: పబ్జీ గేమ్‌తో మైనర్ బాలికకు వల వేసిన ఓ యువకుడి ఉదంతం హైదరాబాద్ నగరంలో చోటుచేసుకుంది. పబ్జీ గేమ్‌ ఆడుతూ.. ఓ మైనర్‌ బాలిక వాట్సాప్‌ నెంబర్‌ తీసుకొని ఓ యువకుడు వేధిస్తున్నాడు. నాంపల్లికి చెందిన సల్మాన్‌ ఖాన్‌ అనే యువకుడు సదరు బాలికకు పబ్జీ గేమ్‌లో పరిచయమయ్యాడు. అతడు కాస్తా అమ్మాయి ఫోన్‌ నెంబర్‌ తీసుకున్నాడు. నెంబర్‌ తీసుకున్నప్పటి నుంచి అమ్మాయితో చాటింగ్‌ చేసిన యువకుడు.. అమ్మాయి పర్సనల్‌ ఫోటోలు సంపాదించాడు.

చదవండి: 'మూఢనమ్మకానికి 12 మందికి జీవిత ఖైదు'

ఆ ఫోటోలతోపాటు వ్యక్తిగత సమాచారాన్ని సోషల్ మీడియాలో పెడతానని వేదించడం మొదలు పెట్టాడు. తనతో శారీరకంగా గడపాలని లేదంటే ఫోటోలు బహిర్గతం చేస్తానని హెచ్చరించాడు. దీంతో, భయపడిన బాలిక విషయం తల్లిదండ్రులకు చెప్పింది. బాలిక తల్లిదండ్రులు ఈ విషయమై సదరు యువకుడిపై సైబర్‌ క్రైమ్‌ పోలీసులకు ఫిర్యాదు చేశారు. కేసు నమోదు చేసుకున్న పోలీసులు అమ్మాయిని వేధించిన యువకుడిని అరెస్టు చేసి.. రిమాండ్‌కు తరలించారు. అతని కాల్‌డేటా ఆధారంగా ఇలా ఎంత మంది అమ్మాయిలను వేధించాడో పోలీసులు కూపీ లాగుతున్నారు.

చదవండి: పెళ్లి చేసుకుంటామన్న మైనర్లు.. 4 నెలలు ఆగాలన్న పోలీసులు

Read latest Crime News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top