● సాగర సోయగాలకు పావురాల పరవశం

అలల అలల సవ్వడికి తోడుగా... ఆకాశంలో రెక్కల సందడి. సాగరతీరంలో కపోతాలు కనువిందు చేస్తున్నాయి. ఆర్కే బీచ్‌ వద్ద ప్రతిరోజూ ఉదయం, సాయంత్రం వందలాది పావురాలు చేరి సందర్శకులను ఆకట్టుకుంటున్నాయి. తెల్లని రెక్కలతో గుంపులుగా విహరిస్తూ, తీరమంతా సందడి చేసే ఈ కపోతాలు బీచ్‌ అందాలకు మరింత వన్నె తెస్తున్నాయి. సముద్రపు గాలి ఆస్వాదించేందుకు వచ్చే పర్యాటకులు, స్థానికులు వీటితో మమేకమవుతూ మురిసిపోతున్నారు. కుటుంబ సభ్యులతో వచ్చే వారు పావురాలతో ఫొటోలు దిగుతూ ఆ మధుర క్షణాలను జ్ఞాపకాలుగా మలుచుకుంటున్నారు.అలల గానం... పావురాల పయనం... సందర్శకుల ఆనందం... ఇలా ఆర్కే బీచ్‌ ఉదయం వేళల్లో ప్రకృతి, పక్షులు, మనుషుల మధ్య ఓ అందమైన అనుబంధానికి వేదికగా మారుతోంది. – ఏయూక్యాంపస్‌/ఫొటో సాక్షి ఫొటోగ్రాఫర్‌, విశాఖపట్నం