విద్యారంగానికి పెద్ద పీట

బొంరాస్‌పేట: విద్యారంగ అభివృద్ధికి సీఎం రేవంత్‌రెడ్డి నేతృత్వంలోని కాంగ్రెస్‌ ప్రభుత్వం పెద్ద పీట వేస్తోందని ఆ పార్టీ కొడంగల్‌ నియోజకవర్గం ఇన్‌చార్జ్‌ ఎనుముల తిరుపతిరెడ్డి అన్నారు. బుధవారం దుద్యాల మండలం హంసాన్‌పల్లిలో కడా నిధులు రూ.61 లక్షలతో నిర్మించిన పాఠశాల భవనాన్ని ప్రారంభించారు. గ్రామ పంచాయతీ భవన నిర్మాణ పనులకు శంకుస్థాపన చేశారు. ఈ సందర్భంగా ఆయన మాట్లాడుతూ.. ప్రభుత్వ పాఠశాలల్లో విద్యార్థుల సంఖ్య పెంచడమే లక్ష్యంగా ప్రభుత్వం ముందుకు సాగుతోందన్నారు. రూ.30 లక్షలతో జీపీ భవనం నిర్మించనున్నట్లు తెలిపారు. కార్యక్రమంలో కడా ప్రత్యేకాధికారి వెంకట్‌రెడ్డి, పీఆర్‌ డీఈ సురేశ్‌బాబు, ఏఈ సరేందర్‌రెడ్డి, ఎంఈఓ శంకర్‌, ఇన్‌చార్జ్‌ ఎంపీడీఓ జైపాల్‌రెడ్డి, జిల్లా గ్రంథాలయ సంస్థ చైర్మన్‌ రాజేశ్‌రెడ్డి, కాంగ్రెస్‌ పార్టీ మండల అధ్యక్షులు శేఖర్‌, నర్సింలుగౌడ్‌, మార్కెట్‌ కమిటీ వైస్‌ చైర్మన్‌ వేణుగోపాల్‌, సర్పంచ్‌ పుష్పమ్మ, హెచ్‌ఎం అంజిలయ్య, ఉపసర్పంచ్‌ రాములు, నాయకులు నర్సింలుగౌడ్‌, రాజు తదితరులు పాల్గొన్నారు.