TV
తిరుపతి కల్చరల్ : తిరుపతి సప్తగిరి నగర్లో ఔషధ గుణాల ముల్తానీ మట్టితో తయారు చేసిన వినాయక ప్రతిమను బుధవారం ఘనంగా నిమజ్జనం చేశారు. తొమ్మిది రోజుల పాటు పూజించిన విగ్రహాన్ని అక్కడే నీటితో కరిగించారు. ఈ మట్టి కోసం భక్తులు ఎగబడ్డారు. ఈ సందర్భంగా శ్రీసర్వసిద్ధి వినాయక చతుర్థి కమిటీ అధినేత విశ్వనాథ్ మాట్లాడుతూ ఈ మట్టిని చర్మ సౌందర్యం కోసం ఎక్కువగా ఉపయోగిస్తారని తెలిపారు. కమిటీ సభ్యులు కీర్తి వెంకయ్య, కమల్, లక్ష్మణ్, శరవణ, మోహన్, రమణ, వెంకట్, వినాయక్, సోనీ పాల్గొన్నారు.
