బాలాపూర్‌ లడ్డూ.. ప్రణీత్‌ రెడ్డి ఎంతకు దక్కించుకున్నారంటే?

సాక్షి, హైదరాబాద్‌: బాలాపూర్‌ గణేష్‌ లడ్డూ వేలం మరోసారి రికార్డు సృష్టించింది. గతేడాది నమోదైన రూ.35 లక్షల రికార్డు ఈసారి బద్దలైంది. బాలాపూర్‌ గణనాథుడి లడ్డూను రూ.39 లక్షలకు షాద్‌నగర్‌కు చెందిన సామా ప్రణీత్‌రెడ్డి దక్కించుకున్నారు. దీంతో 2026లో బాలాపూర్‌ లడ్డూ వేలం ధర సరికొత్త గరిష్ఠానికి చేరింది. ప్రస్తుతం శోభాయాత్ర కొనసాగుతోంది. 

బాలాపూర్‌ గణనాథుడి నిమజ్జనానికి ముందు చివరి పూజా కార్యక్రమాలు నిర్వహించారు. పూజలు పూర్తైన అనంతరం గణనాథుడి శోభాయాత్ర ప్రారంభమైంది. లడ్డూ వేలం పాట కోసం గ్రామ బొడ్రాయి వద్ద ప్రత్యేక ఏర్పాట్లు చేశారు. వేలాన్ని వీక్షించేందుకు భక్తులు భారీగా తరలివచ్చారు. ఈసారి వేలంలో కొత్తగా 9 మంది సభ్యులు పోటీకి దిగడంతో ఉత్కంఠ నెలకొంది.

రూ.450 నుంచి రూ.39 లక్షలకు..
బాలాపూర్‌ గణేశుడి లడ్డూ వేలం సంప్రదాయం 1994లో కేవలం రూ.450తో ప్రారంభమైంది. అప్పటి నుంచి ప్రతి ఏడాది వేలం ధర పెరుగుతూ వచ్చింది. 2020లో కరోనా కారణంగా వేలం నిర్వహించలేదు. 2021లో రూ.18.90 లక్షలు పలికిన లడ్డూ.. 2022లో రూ.24.60 లక్షలు, 2023లో రూ.27 లక్షలు, 2024లో రూ.30.01 లక్షలకు చేరింది. 2025లో కర్మాన్‌ఘాట్‌కు చెందిన లింగాల దశరథ్‌గౌడ్ రూ.35 లక్షలకు లడ్డూను దక్కించుకున్నారు. అది అప్పటివరకు అత్యధిక ధరగా నమోదైంది. తాజాగా 2026 వేలంలో రూ.39 లక్షలకు చేరడంతో గతేడాది రికార్డు రూ.4 లక్షల తేడాతో బద్దలైంది.

1994లో రూ.450తో ప్రారంభం
👉బాలాపూర్‌ గణేశుడి లడ్డూ వేలం సంప్రదాయం 1994లో రూ.450తో ప్రారంభమైంది. అప్పటి నుంచి ప్రతి ఏడాది వేలం ధర పెరుగుతూ వచ్చింది. 2020లో కరోనా కారణంగా సాధారణ వేలం నిర్వహించలేదు. 2025లో కర్మాన్‌ఘాట్‌కు చెందిన లింగాల దశరథ్‌గౌడ్ రూ.35 లక్షలకు బాలాపూర్‌ లడ్డూను దక్కించుకున్నారు. ఇది అప్పటి వరకు అత్యధిక వేలం ధరగా నమోదైంది. 2024లో కొలను శంకర్‌రెడ్డి రూ.30.01 లక్షలకు లడ్డూను దక్కించుకున్నారు. అంటే 2025లో గతేడాది కంటే దాదాపు రూ.4.99 లక్షలు ఎక్కువ పలికింది. ఇప్పుడు 2026 వేలంలో కొత్తగా 9 మంది సభ్యులు రంగంలోకి రావడంతో, గతేడాది రూ.35 లక్షల రికార్డును ఈసారి వేలం దాటుతుందా? అన్నది ఆసక్తికరంగా మారింది.

• 1994    రూ.450
  1995    రూ.4,500
  1996    రూ.18,000
  1997    రూ.28,000
  1998    రూ.51,000
  1999    రూ.65,000
  2000    రూ.66,000
  2001    రూ.85,000
  2002    రూ.1.05 లక్షలు
  2003    రూ.1.55 లక్షలు
  2004    రూ.2.01 లక్షలు
  2005    రూ.2.08 లక్షలు
  2006    రూ.3 లక్షలు
  2007    రూ.4.15 లక్షలు
  2008    రూ.5.07 లక్షలు
  2009    రూ.5.10 లక్షలు
  2010    రూ.5.35 లక్షలు
  2011    రూ.5.45 లక్షలు
  2012    రూ.7.50 లక్షలు
  2013    రూ.9.26 లక్షలు
  2014    రూ.9.50 లక్షలు
  2015    రూ.10.32 లక్షలు
  2016    రూ.14.65 లక్షలు
  2017    రూ.15.60 లక్షలు
  2018    రూ.16.60 లక్షలు
  2019    రూ.17.60 లక్షలు
  2020    కరోనా కారణంగా వేలం లేదు
  2021    రూ.18.90 లక్షలు
  2022    రూ.24.60 లక్షలు
  2023    రూ.27 లక్షలు
  2024    రూ.30.01 లక్షలు
  2025    రూ.35 లక్షలు