టైటిల్‌ పోరుకు అనిరుధ్‌ జోడీ

విలేనా (స్పెయిన్‌): హైదరాబాద్‌ టెన్నిస్‌ ప్లేయర్‌ అనిరుధ్‌ చంద్రశేఖర్‌ ఈ ఏడాది నాలుగో ఏటీపీ చాలెంజర్‌ టోర్నమెంట్‌లో ఫైనల్లోకి దూసుకెళ్లాడు. శుక్రవారం జరిగిన విలేనా ఓపెన్‌ ఏటీపీ చాలెంజర్‌–100 టోర్నీ సెమీఫైనల్లో అనిరుద్‌–నిక్కీ కలియంద పునాచా (భారత్‌) ద్వయం 6–3, 7–6 (7/5)తో సెజార్‌ క్రెటు (రొమేనియా)–వాలెంటిన్‌ రోయర్‌ (ఫ్రాన్స్‌) జంటపై గెలిచింది. 

88 నిమిషాలపాటు జరిగిన ఈ మ్యాచ్‌లో అనిరు«ద్‌–నిక్కీ ఐదు ఏస్‌లు సంధించి, రెండు డబుల్‌ ఫాల్ట్‌లు చేశారు. తమ సరీ్వస్‌ను రెండుసార్లు కోల్పోయి, ప్రత్యర్థి సరీ్వస్‌ను మూడుసార్లు బ్రేక్‌ చేశారు. 26 ఏళ్ల అనిరుధ్‌ ఈ ఏడాది మనాకోర్‌ ఓపెన్, ఓల్‌రాస్‌ ఓపెన్, క్వింపెర్‌ ఓపెన్‌ టోరీ్నలలో ఫైనల్‌కు చేరాడు. ఓల్‌రాస్‌ ఓపెన్‌లో టైటిల్‌ సాధించి, మిగితా రెండు టోరీ్నల్లో రన్నరప్‌గా నిలిచాడు.