శతాబ్దంలోనే అరుదైన రికార్డ్‌ ఈ బౌలర్‌ సొంతం..

Afghanistan Spinner Rashid Khan Creates Record For Bowling Most Number Of Overs In Single Test Match In 21st Century - Sakshi

అబుదాబీ: అఫ్గనిస్థాన్‌ స్పిన్నర్‌ రషీద్‌ ఖాన్‌ ప్రస్తుత తరంలో ఎవరికీ సాధ్యంకాని అరుదైన ఘనతను సొంతం చేసుకున్నాడు. ఈ శతాబ్దంలో ఒకే టెస్ట్‌లో అత్యధిక ఓవర్లు వేసిన బౌలర్‌గా రికార్డు నెలకొల్పాడు. జింబాబ్వేతో జరిగిన రెండో టెస్ట్‌లో రషీద్‌ ఏకంగా 99.2 ఓవర్లు వేసి చరిత్ర సృష్టించాడు. 2002లో కేప్‌టౌన్‌ వేదికగా దక్షిణాఫ్రికాతో జరిగిన ఓ టెస్ట్‌ మ్యాచ్‌లో ఆస్ట్రేలియా స్పిన్‌ మాంత్రికుడు షేన్‌ వార్న్‌ 98 ఓవర్లు వేశాడు. ఆ రికార్డును తాజాగా రషీద్‌ బ్రేక్‌ చేశాడు. 

అయితే 1998లో ఓవల్‌ వేదికగా ఇంగ్లాండ్‌తో జరిగిన టెస్ట్‌ మ్యాచ్‌లో శ్రీలంక లెజెండరీ స్పిన్నర్‌ ముత్తయ్య మురళీధరన్‌ 113.5 ఓవర్లు బౌల్‌ చేశాడు. ఆధునిక టెస్ట్‌ క్రికెట్‌లో మురళీ పేరిట ఈ రికార్డ్‌ నమోదైవుండగా 21వ శతాబ్దంలో మాత్రం రషీద్‌ ఖాన్‌ పేరిటే ఈ రికార్డ్‌ లిఖించబడింది. 

కాగా, 2 టెస్ట్‌ల సిరీస్‌లో భాగంగా అబుదాబీ వేదికగా జింబాబ్వేతో జరిగిన రెండో టెస్ట్‌లో అఫ్గనిస్థాన్‌ 6 వికెట్లతో అద్భుత విజయం సాధించి, సిరీస్‌ను 1-1 తేడాతో సమం చేసుకుంది. ఈ మ్యాచ్‌లో రషీద్‌ మొత్తం 11 వికెట్లు పడగొట్టాడు. ఇరు జట్ల మధ్య ఇదే వేదికగా మార్చి 17 నుంచి మూడు మ్యాచ్‌ల టీ20 సిరీస్‌ ప్రారంభంకానుంది.
 

Read latest Sports News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top