రాష్ట్ర తలసరి అప్పు సంగతేంటి?

Nirmala Sitharaman Fires On CM KCR  - Sakshi

కేంద్ర ఆర్థిక మంత్రి నిర్మలా సీతారామన్‌ ప్రశ్న

29 నెలలపాటు దేశంలో అత్యధిక ద్రవ్యోల్బణం నమోదైంది తెలంగాణలోనే..

ఐదేళ్లలో ఒక్కరోజైనా రాష్ట్రానికి రుణం ఇవ్వకుండా

ఆపామేమో కేసీఆర్‌ నిరూపించాలని సవాల్‌ 

సాక్షి, హైదరాబాద్‌: తెలంగాణలో ఆర్థిక నిర్వహణ అధ్వానంగా ఉందని కేంద్ర ఆర్థిక మంత్రి నిర్మలా సీతారామన్‌ విమర్శించారు. కేసీఆర్‌ ప్రభుత్వ విధానాలతో రాష్ట్ర ఆర్థిక వ్యవస్థ పూర్తిగా అప్పుల ఊబిలో కూరుకుపోయిందని ఆరోపించారు. ఏకంగా 29 నెలలపాటు దేశంలోనే అత్యధిక ద్రవ్యోల్బణం నమోదైన రాష్ట్రంగా నిలిచిందని విమర్శించారు. దీనివల్ల ధరాభారం పెరిగి ప్రజలు ఇబ్బందులు ఎదుర్కొన్నారని చెప్పారు. మంగళవారం హైదరాబాద్‌లో ఏర్పాటు చేసిన విలేకరుల సమావేశంలో నిర్మలా సీతారామన్‌ కేసీఆర్‌ సర్కారు పాలనపై విరుచుకుపడ్డారు. 

మోటార్లకు మీటర్లు పెట్టకుండా అదనపు రుణాలు ఎలా? 
వ్యవసాయ పంపుసెట్లకు మీటర్లు బిగించేందుకు నిరాకరించినందుకే గత ఐదేళ్లలో కేంద్ర ప్రభుత్వం తెలంగాణకు ఇవ్వాల్సిన రూ. 25 వేల కోట్ల నిధులను నిలిపేసిందంటూ సీఎం కేసీఆర్‌ చేసిన ఆరోపణలను నిర్మలా సీతారామన్‌ తోసిపుచ్చారు. గత ఐదేళ్లలో ఒక్కరోజైనా రాష్ట్రానికి రుణం ఇవ్వకుండా కేంద్రం ఆపిందేమో నిరూపించాలని సవాలు విసిరారు. విద్యుత్‌ సంస్కరణల అమల్లో భాగంగా అదనపు రుణం కావాలంటే వ్యవసాయ పంపుసెట్లకు మీటర్లు పెట్టాలని చెప్పామే తప్ప అది తప్పనిసరని చెప్పలేదని స్పష్టం చేశారు.

రాజ్యాంగం ప్రకారం కేంద్రం ఒక్కో రాష్ట్రం అప్పుల పరిస్థితిని సమీక్షిస్తుందని... అన్నిచోట్లా విద్యుత్‌ మీటర్లు పెట్టినట్లు నివేదిస్తే ఎఫ్‌ఆర్‌బీఎం పరిమితికి అదనంగా 0.25 శాతం రుణ పరిమితి పొందే వెసులుబాటు కల్పిస్తున్నామని చెప్పారు. తెలంగాణలో మీటర్లు పెట్టకుండా, ఆ మేరకు వచ్చే అప్పులు కూడా ఇవ్వాలంటే ఎలా కుదురుతుందని నిర్మల ప్రశ్నించారు. తాము ఎక్కడా తెలంగాణ రాష్ట్రం అప్పులు లేదా బదులు తీసుకోవడాన్ని ఆపలేదని స్పష్టం చేశారు. కానీ ఈ అంశంపై బీఆర్‌ఎస్‌ ప్రభుత్వం ప్రధాని మోదీపై విమర్శలు చేస్తూ నాటకాలు ఆడుతోందని మండిపడ్డారు. 

మిగులు బడ్జెట్‌ రాష్ట్రాన్ని అప్పుల కుప్పగా మార్చారు... 
బంగారం లాంటి మిగులు బడ్జెట్‌ రాష్ట్రాన్ని బీఆర్‌ఎస్‌ ప్రభుత్వం అప్పుల కుప్పగా మార్చేసి రెండు తరాలపై అప్పుల భారం మోపడం వాస్తవం కాదా? అని కేంద్ర మంత్రి నిర్మలా సీతారామన్‌ ప్రశ్నించారు. తెలంగాణలో తలసరి ఆదాయం ఎక్కువంటూ గొప్పగా మాట్లాడుతున్న అధికార పార్టీ నేతలకు దమ్ముంటే తలసరి అప్పు గురించి మాట్లాడాలని సవాల్‌ విసిరారు. పెద్ద మొత్తంలో అప్పులు తీసుకున్నా వాటితో ఆస్తుల కల్పన చేయడంలో ప్రభుత్వం ఘోరంగా విఫలమైందని నిర్మల దుయ్యబట్టారు.  

బీఆర్‌ఎస్‌ను ఎవరూ బలపరచనందుకే మళ్లీ తెలంగాణవాదం.. 
టీఆర్‌ఎస్‌ను బీఆర్‌ఎస్‌గా మార్చడం ద్వారా ఇతర విపక్షాలను కూడదీసుకొని ప్రధాని కావాలని కేసీఆర్‌ కన్న కలలు కల్లలు అయ్యాయని... ఆయన్ను ఎవరూ బలపరచకపోవడంతో గత్యంతరం లేక మళ్లీ తెలంగాణ నినాదాన్ని కేసీఆర్‌ తలకెత్తుకున్నారని నిర్మలా సీతారామన్‌ ఓ ప్రశ్నకు బదులిచ్చారు. దీన్ని తెలంగాణ ప్రజలు అర్థం చేసుకున్నారని, వచ్చే ఎన్నికల్లో అందుకు తగ్గట్లుగా తీర్పునిస్తారని చెప్పారు.  

కేసీఆర్‌ అవినీతిపై విచారణ చేయిస్తాం.. 
రాష్ట్రంలో బీజేపీ అధికారంలోకి వచ్చాక కేసీఆర్‌ సర్కార్‌ అవినీతిపై సుప్రీంకోర్టు రిటైర్డ్‌ జడ్జితో విచారణ జరిస్తామని కేంద్ర మంత్రి నిర్మలా సీతారామన్‌ స్పష్టం చేశారు. బీసీ నేతను సీఎంను చేయడంతోపాటు ఎస్సీ వర్గీకరణపై ప్రధాని ఇచ్చిన హామీని నిలబెట్టుకుంటామన్నారు. ఎన్నికల కోడ్‌ అమలుతోపాటు పార్లమెంట్‌ శీతాకాల సమావేశాల తేదీలు కూడా ప్రకటించినందున ఎస్సీ వర్గీకరణ కోసం ఆర్డినెన్స్‌ జారీ సాధ్యం కాదని మరో ప్రశ్నకు నిర్మల బదులిచ్చారు. 

జూబ్లీహిల్స్‌ అభ్యర్థిని భారీ మెజారిటీతో గెలిపించాలి: నిర్మల 
వెంగళరావునగర్‌: తెలంగాణ అసెంబ్లీ ఎన్నికల ప్రచారంలో భాగంగా హైదరాబాద్‌ వెంగళరావునగర్‌ డివిజన్‌ పరిధిలోని కళ్యాణ్‌నగర్‌ కాలనీ చౌరస్తాలో ఉన్న ఓ ఫంక్షన్‌ హాల్‌లో పలువురు ముఖ్యనేతలతో కేంద్ర మంత్రి నిర్మల మంగళవారం మీట్‌ అండ్‌ గ్రీట్‌ కార్యక్రమాన్ని నిర్వహించారు. ఈ సందర్భంగా మంత్రి మాట్లాడుతూ ఎన్నికల ప్రచారంలో ఇది తన మొదటి సమావేశమన్నారు.

తెలంగాణలో ఈ ఎన్నికలు చాలా ముఖ్యమైనవన్నారు. జూబ్లీహిల్స్‌లో యువ అభ్యర్థి బీజేపీ తరఫున బరిలో ఉన్నారని, ప్రతి ఒక్కరూ ఆయనకు మద్దతిచ్చి అత్యధిక మెజారిటీతో గెలిపించాలని కోరారు. ఈ కార్యక్రమంలో జూబ్లీహిల్స్‌ బీజేపీ అభ్యర్థి లంకెల దీపక్‌రెడ్డి, ఆ పార్టీ సీనియర్‌ నేతలు గౌతంరావు, కిలారి మనోహర్, గంగరాజు, రామకృష్ణ, ప్రేమ్, కీర్తిరెడ్డి, సుప్రియా, రూప తదితరులు పాల్గొన్నారు. 

Read latest Politics News and Telugu News | Follow us on FaceBook, Twitter, Telegram

మరిన్ని వార్తలు

22-11-2023
Nov 22, 2023, 11:45 IST
నాగర్‌కర్నూల్‌/అలంపూర్‌/కొల్లాపూర్‌/కల్వకుర్తి రూరల్‌: కాంగ్రెస్‌ పార్టీకి అధికారం ఇస్తే కరెంట్‌ కష్టాలు తప్పవని, సంక్షేమ పథకాల అమలు ప్రశ్నార్థకమవుతాయని ముఖ్యమంత్రి కల్వకుంట్ల...
22-11-2023
Nov 22, 2023, 11:40 IST
నిర్మల్‌/ఖానాపూర్‌/సాక్షి, ఆసిఫాబాద్‌: ‘కుమురంభీమ్, రాంజీగోండు, సమ్మక్క–సారలమ్మ లాంటి వీరుల భూమి ఇది. జల్‌ జంగల్‌ జమీన్‌ కోసం పోరాడిన గడ్డ...
22-11-2023
Nov 22, 2023, 11:39 IST
జడ్చర్ల టౌన్‌: ప్రస్తుత సాధారణ ఎన్నికల్లో ప్రధాన పార్టీల అభ్యర్థులు ఎవరు గెలిచినా రికార్డు నమోదవుతుంది. 1962లో జడ్చర్ల నియోజకవర్గం...
22-11-2023
Nov 22, 2023, 11:37 IST
సాక్షి ప్రతినిధి మహబూబ్‌నగర్‌ / సాక్షి, నాగర్‌కర్నూల్‌: ఉమ్మడి పాలమూరు జిల్లావ్యాప్తంగా అన్ని నియోజకవర్గాల్లో రాజకీయ పార్టీల ప్రచారం హోరెత్తుతోంది....
22-11-2023
Nov 22, 2023, 11:34 IST
అచ్చంపేట: ఎన్నికల్లో గెలుపొంది ప్రజాప్రతినిధిగా పేరు పొందాలని అనుకోని రాజకీయ నాయకుడు ఉండడంటే అతిశయోక్తి కాదు. అందుకోసం ఎవరికి వారు...
22-11-2023
Nov 22, 2023, 11:19 IST
నల్గొండ: భారత రాజ్యాంగం ప్రకారం 18 ఏళ్లు నిండిన భారత పౌరులందరికీ ఓటు హక్కు ఉంటుంది. జైలు శిక్ష అనుభవిస్తున్న...
22-11-2023
Nov 22, 2023, 11:06 IST
జడ్చర్ల టౌన్‌: ఏ ఎన్నికలకు సంబంధించి పోలింగ్‌లో అయినా పోలింగ్‌ బూత్‌కు వెళ్లడం.. ఓటర్‌ స్లిప్‌, గుర్తింపు కార్డు చూపడం.....
22-11-2023
Nov 22, 2023, 10:26 IST
బీజేపీ బండారాన్ని నిర్మలా సీతారామన్‌ బయటపెట్టారని.. పంట పొలాల మోటార్లకు సంబంధిం..
22-11-2023
Nov 22, 2023, 10:09 IST
మహబూబ్‌నగర్: కొల్లాపూర్‌లో బర్రెలక్క అలియాస్‌ శిరీష స్వతంత్ర అభ్యర్థిగా ఎన్నికల బరిలో నిలిచారు. మంగళవారం కోడేరులో ప్రచారం ముగించుకుని వెన్నచర్ల...
22-11-2023
Nov 22, 2023, 10:07 IST
సాక్షి,ఆదిలాబాద్‌: బోథ్‌ కాంగ్రెస్‌ అభ్యర్థి మార్పు ప్రయోజనమెంతా అనే చర్చ ప్రస్తుతం ఆ పార్టీలో సాగుతోంది. బీఆర్‌ఎస్‌, బీజేపీల ప్రచారం...
22-11-2023
Nov 22, 2023, 07:49 IST
హైదరాబాద్: ఎన్నికల ప్రచారం కీలకదశకు చేరుకుంది. రాష్ట్ర వ్యాప్తంగా ఉద్ధృతంగా సాగుతోంది. ఎన్నికల తేదీ సమీపిస్తుండటంతో ప్రధాన పార్టీలన్నీ రాజధాని...
22-11-2023
Nov 22, 2023, 04:35 IST
సాక్షి, హైదరాబాద్‌:  ప్రచార పర్వం మరో వారం రోజులే మిగిలిన నేపథ్యంలో కాంగ్రెస్‌ పార్టీ బడా నేతలను రంగంలోకి దింపుతోంది....
22-11-2023
Nov 22, 2023, 04:25 IST
దుబ్బాక టౌన్‌/సిరిసిల్ల: ఢిల్లీ చేతిలో మన జుట్టు పెట్టవద్దని, కాంగ్రెస్, బీజేపీలకు ఓట్లు వేస్తే ఢిల్లీయే పెత్తనం చెలాయిస్తుందని బీఆర్‌ఎస్‌...
22-11-2023
Nov 22, 2023, 04:20 IST
సాక్షి ప్రతినిధి, ఖమ్మం/సాక్షి, మహబూబాబాద్‌/సాక్షి ప్రతినిధి, నల్లగొండ: ఎన్నికల సమయంలో కాంగ్రెస్‌ వాళ్లు కొత్త డ్రామా మొదలుపెట్టారని.. ఆ పారీ్టకి...
22-11-2023
Nov 22, 2023, 04:12 IST
హుస్నాబాద్‌/చిగురుమామిడి/ అక్కన్నపేట/కోహెడ: కరెంటు సరఫరా ప్రధాన ఎజెండాగానే ఈ అసెంబ్లీ ఎన్నికలు జరుగనున్నాయని, మూడు గంటలు కరెంట్‌ ఇచ్చే కాంగ్రెస్‌...
22-11-2023
Nov 22, 2023, 01:22 IST
రెండు పర్యాయాలు ఎమ్మెల్యేగా గెలిచి, మంత్రిగా పనిచేసిన చరిత్ర ప్రశాంత్‌రెడ్డి సొం తం. ఈసారి మేనల్లుడు అయిన ప్రశాంత్‌రెడ్డిపై ఎలాగైన...
21-11-2023
Nov 21, 2023, 19:16 IST
సాక్షి, మంచిర్యాల : ఎన్నికల్లో  గెలవలేకే తనపై  ఐటీ దాడులు చేయిస్తున్నారని మాజీ ఎంపీ, చెన్నూరు కాంగ్రెస్‌ అభ్యర్థి వివేక్‌ వెంకటస్వామి మండిపడ్డారు. బీఆర్‌ఎస్‌...
21-11-2023
Nov 21, 2023, 18:20 IST
సాక్షి, సిరిసిల్ల : బీఆర్‌ఎస్‌ వర్కింగ్‌ ప్రెసిడెంట్‌, మంత్రి కేటీఆర్‌ కాంగ్రెస్‌ నేతలకు బంపర్‌ ఆఫర్‌ ఇచ్చారు. సిరిసిల్ల నియోజకవర్గం ముస్తాబాద్...
21-11-2023
Nov 21, 2023, 18:02 IST
సాక్షి, మధిర : ప్రజా ఆశీర్వాద సభలో సీఎం కేసీఆర్‌ చేసిన వ్యాఖ్యలకు సీల్పీ నేత భట్టి విక్రమార్క కౌంటర్‌​ ఇచ్చారు. కేసీఆర్‌ మధిర...
21-11-2023
Nov 21, 2023, 13:36 IST
సాక్షి ప్రతినిధి, మంచిర్యాల: బెల్లంపల్లి నియోజకవర్గ కాంగ్రెస్‌ పార్టీ అభ్యర్థి, మాజీ మంత్రి గడ్డం వినోద్‌కు సొంత పార్టీలో కొందరి...



 

Read also in:
Back to Top