TV
అనుమతులు మంజూరు చేసిన ‘ఇన్‌–స్పేస్‌’
న్యూఢిల్లీ: ప్రపంచ కుబేరుడు ఎలాన్‌ మస్క్‌ సారథ్యంలోని ‘స్టార్‌లింక్‌’ ఇంటర్నెట్‌ సేవల సంస్థకు భారత్‌లో ద్వారాలు తెరచుకున్నాయి. ఇంటర్నెట్‌ సేవలు అందించేందుకుగాను సంస్థకు కీలక అనుమతులు వచ్చాయి. భారత్‌లో వాణిజ్యపరంగా ఉపగ్రహ ఇంటర్నెట్‌ సేవలు మొదలుపెట్టేందుకు అవసరమైన అనుమతులను భారత అంతరిక్ష సేవల నియంత్రణ సంస్థ అయిన ‘ఇండియన నేషనల్‌ స్పేస్‌ అథరైజేషన్‌ అండ్‌ ప్రమోషన్‌ సెంటర్‌(ఇన్‌–స్పేస్‌)’ మంజూరు చేసింది. 2022 నుంచి వాణిజ్య లైసెన్స్‌ పొందేందుకు ఎదురుచూస్తున్న ఈ సంస్థకు ఎట్టకేలకు ఆమోదం లభించింది. టెలికాం విభాగం నుంచి గత నెలలో స్టార్‌లింక్‌ అనుమతులు పొందిన విషయం తెల్సిందే. తాజాగా అంతరిక్ష సేవల నియంత్రణ సంస్థ నుంచి కూడా అనుమతులు రావడంతో స్టార్‌ లింక్‌కు మార్గం సుగమమైంది.
