వైరల్‌ ఫోటో: కట్టప్పతో ఉన్న ఈ హీరోను గుర్తుపట్టారా?

నటుడు సత్యరాజ్ తెలుగు, తమిళ, కన్నడ, మలయాళ, హిందీ భాషల్లో బోలెడన్ని సినిమాలు చేశాడు. మొదట్లో విలన్‌గా, తర్వాత హీరోగా.. అనంతరం సహాయక నటుడిగా మెప్పించాడు. బాహుబలి సినిమాలో కట్టప్ప పాత్రతో పాన్‌  ఇండియా స్థాయిలో క్లిక్కయ్యాడు. ఈ మధ్య ఇతడు సింగపూర్‌ సెలూన్‌ మూవీలో మెరిశాడు. 

ఫోటో వైరల్‌
తాజాగా ఈ నటుడు యుక్తవయసులో ఉన్నప్పటి ఫోటో ఒకటి వైరల్‌గా మారింది. ఇందులో సత్యరాజ్‌ ఓ బుడ్డోడితోపాటు కెమెరావైపు నవ్వులు చిందిస్తున్నాడు. ఈ బుడ్డోడు సౌత్‌ ఇండస్ట్రీలో ఫేమస్‌ యాక్టర్‌. ఇతడి తండ్రి కూడా నటుడే! ఆయనతో కలిసి సత్యరాజ్‌ రెండు సినిమాలు కూడా చేశాడు. ఇంతకీ ఈ చిన్నోడెవరో గుర్తుపట్టారా? 

తెలుగులో విపరీతమైన పాపులారిటీ
అతడే మలయాళ స్టార్‌ ఫహద్‌ ఫాజిల్‌. పుష్ప సినిమాతో తెలుగులో విపరీతమైన పాపులారిటీ దక్కించుకున్న ఇతడు ఈ మధ్యే ఆవేశం అనే సినిమాతో మలయాళంలో బ్లాక్‌బస్టర్‌ హిట్‌ కొట్టాడు. ఈ మూవీ బాక్సాఫీస్‌ వద్ద రూ.150 కోట్లకు పైగా రాబట్టింది. 1980లో అతడు సత్యరాజ్‌తో దిగిన ఫోటోను ఓటీటీ ప్లాట్‌ఫామ్‌ ముబి ఇండియా సోషల్‌ మీడియాలో షేర్‌ చేయగా వైరల్‌గా మారింది.

 

Sathyaraj and Fahadh Faasil in the 1980s. pic.twitter.com/H9DidxzScV

— MUBI India (@mubiindia) May 7, 2024

చదవండి: నాన్నతో కోపంలో అన్నా.. అదే నిజమైంది: బన్నీ