జూన్‌ నుంచి జోరుగా...

లొకేషన్‌ సెర్చ్‌ చేస్తున్నారు పూరి జగన్నాథ్‌. విజయ్‌ సేతుపతి హీరోగా పూరి జగన్నాథ్‌ దర్శకత్వంలో ఓ మాస్‌ కమర్షియల్‌ ఎంటర్‌టైనర్‌ మూవీ తెరకెక్కనున్న సంగతి తెలిసిందే. ఈ చిత్రంలో టబు, కన్నడ నటుడు విజయ్‌ కుమార్‌  కీలకపాత్రల్లో నటించనున్నారు.

పూరి జగన్నాథ్, చార్మి కౌర్‌  నిర్మించనున్నారు. జూన్‌ చివరి వారంలో ఈ సినిమా చిత్రీకరణను ప్రారంభించాలనుకుంటున్నారు. షూటింగ్‌ ఆరంభించినప్పటి నుంచి మొత్తం సినిమా పూర్తయ్యేవరకూ షెడ్యూల్స్‌ని జోరుగా జరిపేలా ప్లాన్‌ చేశారట. ప్రస్తుతం హైదరాబాద్, చెన్నై ఏరియాల్లో లొకేషన్స్‌ రెక్కీ చేస్తోంది పూరి అండ్‌ టీమ్‌. తెలుగు, తమిళ, కన్నడ, మలయాళ హిందీ భాషల్లో ఈ సినిమా విడుదల కానుంది.