Siri Hanmanth And Shrihan First Meet With Anchor Ravi For Dinner, Pics Goes Viral - Sakshi
Sakshi News home page

Siri- Shrihan: సిరి-శ్రీహాన్‌లు కలిసిపోవడంలో యాంకర్‌ రవి పాత్ర? ఫోటో వైరల్‌

Published Fri, Feb 4 2022 9:16 PM

Siri Hanmanth And Shrihan First Meet With Anchor Ravi For Dinner, Pics Goes Viral - Sakshi

Siri Hanmanth And Shrihan Patchup After Bigg Boss: బిగ్‌బాస్‌ సీజన్‌-5 ఎఫెక్ట్‌ రెండు జంటల మధ్య చిచ్చు రేపిన సంగతి తెలిసిందే. ఇప్పటికే దీప్తి సునయన షణ్ముక్‌కి బ్రేకప్‌ చెప్పేసింది. తమ దారులు వేరంటూ 5ఏళ్ల బంధానికి ముగింపు పలికింది. అటు శ్రీహాన్‌ కూడా సిరి ఫోటోలు డిలీట్‌ చేయడంతో అతను కూడా దీప్తి సునయనను ఫాలో అయినట్లు అందరూ అనుకున్నారు. దీంతో అతడు కూడా త్వరలోనే సిరికి బ్రేకప్‌ చెప్తాడంటూ సోషల్‌ మీడియాలో వార్తలు చక్కర్లు కొట్టాయి.

అయితే దీనంతటిని పటాపంచలు చేస్తూ సిరి-శ్రీహాన్‌లు కలిసిపోయారు. రీసెంట్‌గా హైదరాబాద్‌ వచ్చిన వీరిద్దరు యాంకర్‌ రవి ఇంటికి వెళ్లి సర్‌ప్రైజ్‌ చేశారు. అనంతరం వాళ్ల ఫ్యామిలీతో కలిసి ఫోటోలు దిగి సందడి చేశారు. దీనికి సంబంధించిన ఫోటోలను యాంకర్‌ రవి భార్య నిత్య సక్సేనా తన ఇన్‌స్టా స్టోరీలో పంచుకుంది. మీ ఇద్దరినీ కలవడం చాలా చాలా సంతోషంగా ఉంది అంటూ పోస్ట్‌ చేసింది.

దీంతో సిరి-శ్రీహాన్‌ల బ్రేకప్‌కు ఎండ్‌ కార్డ్‌ పడినట్లయ్యింది. ఏది ఏమైనా ఎన్ని కలతలు వచ్చినా బిగ్‌బాస్‌ తర్వాత మీరిద్దరు కలవడం సంతోషంగా ఉందంటూ ఫ్యాన్స్‌ సంతోషం వ్యక్తం చేస్తున్నారు. మరోవైపు దీప్తి సునయన- షణ్నూలు కూడా కలిసిపోతే బావుండు అని కోరుకుంటున్నారు. 

Advertisement
 
Advertisement
 
Advertisement