TV
మయోసైటిస్‌ నుంచి కోలుకున్న సమంత ఈమధ్య బ్యాక్‌ టూ బ్యాక్‌ సినిమాలు చేస్తుంది. రీసెంట్‌గా కేరళలో ఖుషి షూటింగ్‌ షెడ్యూల్‌ పూర్తి చేసుకున్న సమంత ఇప్పుడు సిటీడెల్‌ కోసం లండన్‌ వెళ్లింది.రూసో బ్రదర్స్ దర్శకత్వంలో తెరెకెక్కిన ఈ సిరీస్‌లో ప్రియాంక చోప్రా, రిచర్డ్ మాడెన్ జంటగా నటిస్తున్నారు. ఈ సిరీస్ ఏప్రిల్ 28న అమెజాన్లో స్ట్రీమింగ్ కానుంది.
ఇదే సిరీస్ ఇండియన్‌ వెర్షన్‌లో సమంత, వరుణ్‌ ధావన్‌ కలిసి నటిస్తున్నారు. దీనికి రాజ్‌ అండ్‌ డేకే దర్శకత్వం వహిస్తున్నారు. తాజాగా హాలీవుడ్ సిటాడెల్ ప్రీమియర్ షో ఈవెంట్‌ లండన్‌లో జరిగింది. ఈ కార్యక్రమానికి ప్రియాంక, రిచర్డ్‌లతో పాటు సమంత, వరుణ్‌ ధావన్‌ తదితరులు పాల్గొన్నారు. అయితే ప్రిమియర్‌కు హాజరైన సమంత ఫోటోలు ఇప్పుడు నెట్టింట వైరల్‌గా మారాయి.
బ్లాక్‌ డ్రెస్‌లో, డైమండ్‌ నెక్లెస్‌తో సమంత సరికొత్త స్టైల్‌లో దర్శనమిచ్చింది. ఈ ఫోటోలను సామ్‌ తన ఇన్‌స్టాగ్రామ్‌లో షేర్ చేయగా, పలువురు సెలబ్రిటీలు వావ్‌ అంటూ కామెంట్స్‌ చేస్తున్నారు. వెంకటేశ్‌ కూతురు ఆ‍శ్రిత సైతం సామ్‌ లుక్స్‌కి స్టన్నింగ్‌ అంటూ రిప్లై ఇచ్చింది.
