ఖాన్సార్‌ ఎరుపెక్కాల.! | Sakshi
Sakshi News home page

ఖాన్సార్‌ ఎరుపెక్కాల.!

Published Tue, Dec 19 2023 1:02 AM

Salaar Part 1: Ceasefire: New trailer launched - Sakshi

‘‘చిన్నప్పుడు నీకో కథ చెప్పేవాడిని.. పర్షియన్  సామ్రాజ్యంలో సుల్తాన్  ఎంత పెద్ద సమస్య వచ్చినా తన బలమైన సైన్యానికి కూడా చెప్పకుండా ఒక్కడికే చెప్పేవాడు’’ అనే వాయిస్‌ ఓవర్‌తో ‘సలార్‌: సీజ్‌ఫైర్‌’ సినిమా రిలీజ్‌ ట్రైలర్‌ విడుదలైంది. ప్రభాస్‌ హీరోగా ప్రశాంత్‌ నీల్‌ దర్శకత్వం వహించిన చిత్రం ‘సలార్‌’. శ్రుతీహాసన్  హీరోయిన్ గా నటించిన ఈ చిత్రంలో పృథ్వీరాజ్‌ సుకుమారన్ , జగపతిబాబు, టీనూ ఆనంద్, ఈశ్వరీరావు కీలక పాత్రలు పోషించారు.

హోంబలే ఫిలింస్‌పై విజయ్‌ కిరగందూర్‌ నిర్మించిన ‘సలార్‌’ మూవీ మొదటి భాగం ‘సలార్‌: సీజ్‌ఫైర్‌’ ఈ నెల 22న విడుదల కానుంది. ఈ సందర్భంగా ‘సలార్‌: సీజ్‌ఫైర్‌’ రిలీజ్‌ ట్రైలర్‌ను విడుదల చేశారు మేకర్స్‌. ట్రైలర్‌ చూస్తే.. ఈ చిత్రంలో మెకానిక్‌ పాత్రలో ప్రభాస్‌ నటించినట్లు తెలుస్తోంది.

‘ఖాన్సార్‌లో క్యాలిక్యులేటర్‌ పెట్టుకుని ఏం లెక్కపెట్టలేం’, ‘అందుకే లెక్కపెట్టలేని ఓ పిచ్చోడిని తీసుకువచ్చాను’ (పృథ్వీరాజ్‌ సుకుమారన్ ), ‘ఖాన్సార్‌ ఎరుపెక్కాల..’, ‘మండే నిప్పుతోనైనా.. వీళ్ల రక్తంతోనైనా’ (ప్రభాస్‌), ‘ఖాన్సార్‌ వల్ల చాలా కథలు మారాయి.. కానీ, ఖాన్సార్‌ కథ మార్చింది ఇద్దరుప్రాణస్నేహితులు బద్ధ శత్రువులుగా మారడం’’ వంటి డైలాగ్స్‌ ట్రైలర్‌లో ఉన్నాయి.

 
Advertisement
 
Advertisement