పూరి సినిమాలో?

‘బెగ్గర్‌’ సినిమాలో భాగం కానున్నారట హీరోయిన్‌ రాధికా ఆప్టే. విజయ్‌ సేతుపతి హీరోగా పూరి జగన్నాథ్‌ దర్శకత్వంలో ‘బెగ్గర్‌’ (ప్రచారంలో ఉన్న టైటిల్‌) అనే చిత్రం రానుంది. పూరి జగన్నాథ్, చార్మీ కౌర్‌ నిర్మించనున్న ఈ సినిమా చిత్రీకరణ జూన్‌లో ఆరంభం అవుతుంది. ఈ సినిమాలోని ఓ కీలక పాత్రలో టబు నటించనున్నారు.

తాజాగా రాధికా ఆప్టే నటించనున్నారనే వార్త ప్రచారంలోకి వచ్చింది. మరి... వార్తల్లో ఉన్నట్లు ఈ బ్యూటీ ఈ సినిమాలో భాగం అవుతారా? ఒకవేళ నటిస్తే... టబులానే ఆమె కూడా కీలక పాత్రలో కనిపిస్తారా? లేక హీరోయిన్‌గానా? అనేది త్వరలోనే తెలిసిపోతుంది.