ఒక రోజు ముందే వినోదం

నార్నే నితిన్, సంగీత్‌ శోభన్, రామ్‌ నితిన్‌ కాంబినేషన్‌లో రూపొందిన ‘మ్యాడ్‌’ (2023) ప్రేక్షకులను ఫుల్లుగా నవ్వించి, బాక్సాఫీస్‌ దగ్గర మంచి వసూళ్లు సాధించింది. ఈ హీరోల కాంబినేషన్‌లోనే ఈ చిత్రానికి సీక్వెల్‌గా రూపొందిన ‘మ్యాడ్‌ స్క్వేర్‌’ ఈ నెల 29న విడుదల కావాల్సింది. 

అయితే ఆ రోజు అమావాస్య కావడంతో పంపిణీదారుల విజ్ఞప్తి మేరకు ఒకరోజు ముందే 28న విడుదల చేయనున్నామని చిత్ర సమర్పకుడు సూర్యదేవర నాగవంశీ పేర్కొన్నారు. హారిక సూర్యదేవర, సాయి సౌజన్య ఈ చిత్రాన్ని నిర్మించారు. తొలి భాగానికి దర్శకత్వం వహించిన కల్యాణ్‌ శంకర్‌ మలి భాగాన్ని కూడా తెరకెక్కించారు.