హైదరాబాద్‌లో వారణాసి!

మహేశ్‌బాబు హీరోగా రాజమౌళి దర్శకత్వంలో ఓ అంతర్జాతీయ స్థాయి సినిమా తెరకెక్కుతున్న సంగతి తెలిసిందే. ఈ చిత్రంలో ప్రియాంకా చో్ప్రా పృథ్వీరాజ్‌ సుకుమారన్‌ ముఖ్యపాత్రల్లో నటిస్తున్నారు. ఈ సినిమా కొత్త షెడ్యూల్‌ చిత్రీకరణ ఈ వారంలో హైదరాబాద్‌లో మొదలైందని సమాచారం. ఈ షెడ్యూల్‌ కోసం మేకర్స్‌ హైదరాబాద్‌ శివార్లలో భారీ సెట్స్‌ను క్రియేట్‌ చేశారని తెలిసిందే.

ఇందులో భాగంగా వారణాసి నగరాన్ని తలపించేలా భారీ సెట్స్‌ వేశారని భోగట్టా. ఈ సెట్స్‌కు రూ. 40 కోట్లకు పైనే అయ్యిందని టాక్‌. అంతేకాదు... ఈ సినిమాలోని మేజర్‌ సన్నివేశాల చిత్రీకరణ ఈ సెట్స్‌లోనే జరుగుతుందని, అందుకే ఈ స్థాయిలో ఖర్చుపెట్టారనే టాక్‌ వినిపిస్తోంది. ఇక ఈ షెడ్యూల్‌ పూర్తయిన తర్వాత టీమ్‌ ఫారిన్‌కి వెళుతుందని, అక్కడి ఫారెస్ట్‌ లొకేషన్స్‌లో యాక్షన్‌ సీక్వెన్స్‌లను ΄్లాన్‌ చేశారనే టాక్‌ వినిపిస్తోంది.