TV
ఆశిష్ గాంధీ, సేజల్‌ గుప్తా, సోనాల్‌ సింగ్, అజర్‌ ఖాన్‌ ప్రధాన పాత్రల్లో నటించిన సినిమా ‘డానీ’. కళ్యాణ్‌ జి. గోగణ దర్శకత్వంలో రిజ్వాన్‌ ఎంటర్‌టైన్మెంట్, కళ్యాణ్‌ జి. కంటెంట్‌ పిక్చర్స్‌ పతాకాలపై రిజ్వాన్‌ నిర్మించిన ఈ చిత్రం ఈ నెల 20న విడుదల కానుంది. ఈ సందర్భంగా నిర్వహించిన మీడియా మీట్‌లో ఆశిష్ గాంధీ మాట్లాడుతూ–‘‘ఇదొక కల్ట్‌ వైల్డ్‌ డ్రామా. మా సినిమాని ప్రేక్షకులు సపోర్ట్‌ చేయాలని కోరుకుంటున్నాను’’ అన్నారు.
(చదవండి: జిమ్ ట్రైనర్‌తో సింగర్ రెండో పెళ్లి.. పోస్ట్ వైరల్)
‘‘ఆశిష్ కెమెరా ముందుంటే నాకు కూడా కాన్ఫిడెన్స్‌ వస్తుంది. ఇలాంటి ఓ డిఫరెంట్‌ లవ్‌ అండ్‌ రస్టిక్‌ డ్రామాకు రిజ్వాన్‌ లాంటి నిర్మాత న్యాయం చేస్తారనిపించింది’’ అన్నారు కళ్యాణ్‌ జి. గోగణ. ‘‘నాటకం’ సినిమా తర్వాత ఆశిష్, కళ్యాణ్‌గార్లతో నేను ఈ ‘డానీ’ సినిమా చేశాను. గోవాలోనే ఎక్కువ భాగం చిత్రీకరించాం’’ అన్నారు రిజ్వాన్‌ . ‘‘ప్రేమలోని దశల్ని బట్టి ఇందులో డిఫరెంట్‌ సాంగ్స్‌ రాసే అవకాశం నాకు లభించింది’’ అని పేర్కొన్నారు రాకేందు మౌళి. ఈ కార్యక్రమంలో నటీనటులు సేజల్‌ గు΄్తా, అజర్‌ఖాన్‌, కె మ్యూజిక్‌ ప్రతినిధి ప్రియాంక మాట్లాడారు.
