TV
స్కిల్ డెవలప్మెంట్ కుంభకోణంలో చంద్రబాబు నాయుడు అరెస్ట్ నేపథ్యంలో టీడీపీ ఇచ్చిన బంద్ పిలుపునకు ప్రజలెవరూ స్పందించలేదు. సోమవారం రాష్ట్ర ప్రజలు యథావిధిగా తమ పనులు చేసుకున్నారు. టీడీపీ పార్టీలోనూ దీనిపై పెద్దగా స్పందన లభించలేదు. మీడియా కోసమే అన్నట్లుగా ఓ పది మంది కలిసి కాసేపు హడావుడి చేసి వెళ్లిపోయారు. టీడీపీ బంద్ పూర్తిగా విఫలం కావడంపై ప్రముఖ దర్శకుడు రామ్ గోపాల్ వర్మ తనదైన శైలీలో స్పందించాడు. చంద్రబాబుకు అలా వెన్నుపోటు పొడుస్తారా అని వ్యంగ్యంగా ట్వీట్ చేశాడు.
(చదవండి: స్కిల్ స్కామ్లో మీకేమర్థమైంది?: పవన్కు ఆర్జీవీ సూటి ప్రశ్నలు)
‘మై నాట్ డియర్ ఏపి ప్రజలారా, నలభై సంవత్సారాల నుంచి ఓక్క రూపాయి కూడా ఆశించకుండా మీకు పగలు రాత్రి సేవ చేసిన వారిని , లోపలికేసినందుకు బంద్ కి పిలిస్తే , ఏ మాత్రం కేర్ చెయ్యకుండా మీ పనులు చేసుకుంటూ , సినిమాలు చూసుకుంటూ, షాపింగ్లు చేసుకున్నారా ??? అవ్వ !!! ఇంత కన్నా వెన్నుపోటు ఉంటుందా?’అని ఆర్జీవీ ట్వీట్ చేశాడు. ప్రస్తుతం ఈ ట్వీట్ నెట్టింట వైరల్ అవుతోంది. ఆర్జీవీ ట్వీట్పై నెటిజన్స్ కూడా వ్యంగ్యంగానే స్పందిస్తున్నారు. ‘వెన్నుపోటు గురువుకే వెన్నుపోటు’, ‘ఆకరికి హెరిటేజ్ వాళ్ళు కూడా బంద్ చేయకుండా వెన్ను పోటు పొడిచారు’ అంటూ కామెంట్ చేస్తున్నారు.
మై నాట్ డియర్ ఏపి ప్రజలారా, నలభై సంవత్సారాల నుంచి ఓక్క రూపాయి కూడా ఆశించకుండా మీకు పగలు రాత్రి సేవ చేసిన వారిని , లోపలికేసినందుకు బంద్ కి పిలిస్తే , ఏ మాత్రం కేర్ చెయ్యకుండా మీ పనులు చేసుకుంటూ , సినిమాలు చూసుకుంటూ, షాపింగ్లు చేసుకున్నారా ??? 😳😳😳 అవ్వ !!! 😱😱😱ఇంత కన్నా…
— Ram Gopal Varma (@RGVzoomin) September 12, 2023
