TV
డైరెక్టర్ కల్యాణ్ కృష్ణ కురసాల సమర్పణలో రూపొందిన చిత్రం ‘లంబసింగి’. ‘ఎ ప్యూర్ లవ్ స్టోరీ’ అనేది ఉపశీర్షిక. నవీన్ గాంధీ దర్శకత్వం వహించిన ఈ చిత్రం ద్వారా భరత్ హీరోగా పరిచయమవుతుండగా, ‘బిగ్ బాస్’ ఫేమ్ ‘దివి’ కథానాయికగా నటించారు. జీకే మోహన్ నిర్మించిన ఈ చిత్రానికి ‘లంబసింగి’ అనే టైటిల్ ఖరారు చేశారు.
దర్శక–నిర్మాతలు మాట్లాడుతూ– ‘‘యూత్ఫుల్ ఎంటర్టైనర్ ఇది. ఆర్ఆర్ ధృవన్ సంగీతం అందించిన ‘నచ్చేసిందే నచ్చేసిందే..’ అంటూ సాగే తొలి పాటను రేపు (శనివారం) విడుదల చేయనున్నాం. ప్రస్తుతం మా సినిమా పోస్ట్ ప్రొడక్షన్ పనులు జరుపుకుంటోంది’’ అన్నారు.
