అయ్యో సుమ కష్టాలు చూశారా! నా వల్ల కాదంటున్న యాంకర్‌

Nov 12, 2021, 18:19 IST

Anchor Suma Kanakala Shares Her GYM Video: చాలా కాలంగా బుల్లితెరపై యాంకర్‌గా రాణిస్తున్న సుమ కనకాల.. తాజాగా సినిమాల్లోకి రీఎంట్రీ ఇస్తున్నట్లు ప్రకటించిన విషయం తెలిసిందే. ఆమె ప్రధాన పాత్రలో ‘జయమ్మ పంచాయితీ’ అనే సినిమా తెరకెక్కుతోంది. ఇటీవల ఈ మూవీకి సంబంధించిన ఫస్ట్ లుక్‌ను మెగా పవర్ స్టార్ రామ్ చరణ్ రిలీజ్ చేశాడు. విజయ్‌ దర్శకత్వంలో ఆమె ఓ సినిమా చేస్తుంది. వెన్నెల క్రియేషన్స్‌ బ్యానర్‌పై ప్రొడక్షన్ నెం.2గా తెరకెక్కుతున్న ఈ చిత్రానికి ఎమ్‌ఎమ్‌ కీరవాణి సంగీతం అందిస్తున్నారు. చాలా ఏళ్ల తర్వాత సుమ మళ్లీ వెండితెర రీఎంట్రీ ఇవ్వడంతో ఈ ప్రాజెక్ట్‌పై ప్రేక్షకుల అంచనాలు పెరిగాయి.

చదవండి: ‘నా బెస్ట్‌ ఫ్రెండ్‌ ఓ ట్రాన్స్‌జెండర్‌.. ఎన్నో ప్రాబ్లమ్స్‌ ఫేస్‌ చేశాను’

ఇదిలా ఉంటే ఈ సినిమా కోసం సుమ ఫటినెస్‌పై ఫోకస్ పెట్టినట్లు కనిపిస్తోంది. అందులో భాగంగా జిమ్‌లో వర్కౌట్స్‌ చేస్తోంది. అంతేగాక ఇందుకోసం తను స్పెషల్ ట్రైనర్‌ని కూడా నియమించుకుంది. తాజాగా జిమ్‌లో చెమటలు చిందిస్తోన్న తన ఓ వీడియోను సుమ ఇన్‌స్టాగ్రామ్‌లో షేర్ చేసింది. ‘2వ సెట్ డంబెల్స్ ఎత్తిన తర్వాత నా చేతులు ఎంత నొప్పిగా ఉన్నాయో వర్ణించలేను.. ఆపమంటాడేమో అని నా ట్రైనర్ రాహుల్ వైపు చూస్తూ ఉంటా.. కానీ అతను మాత్రం ఆ మాట చెప్పడు’ అంటూ సుమ రాసుకొచ్చింది.

చదవండి: ‘నాటు నాటు’ పాటకు స్టెప్పులేసిన బామ్మ, ఆర్‌ఆర్‌ఆర్‌ టీం ఫిదా

ఎప్పుడు లేనిది సుమ ఇలా జిమ్‌లో కష్టపడటం చూస్తుంటే అందరికి కాస్తా కొత్తగా ఉంది. దీంతో ఈ వీడియో నెట్టింట తెగ వైరల్‌ అవుతోంది. ఇక సుమను ఇలా చూసి నెటిజన్లు, అభిమానులు తమదైన శైలిలో కామెంట్స్‌ చేస్తున్నారు. అలాగే ఓ వైపు టెలివిజన్ షోలు, మరోవైపు సినిమా ఆడియో పంక్షన్లు, ప్రీ రిలీజ్ ఫంక్షన్లతో క్షణం తీరిగా లేకుండా ఉన్న సుమ ఇలా జిమ్‌లో కూడా కష్టపడుతుంది’ అంటూ పలువురు ఫన్నీగా స్పందిస్తున్నారు.