Asian Sunil Intresting Comments On Akhil Agent Movie - Sakshi
Sakshi News home page

Agent Movie: 'ఏజెంట్' మూవీ.. ఆయనకు జస్ట్ మిస్!

Published Thu, Jun 22 2023 7:48 AM

Agent Movie Rights Asian Sunil Comments - Sakshi

అక్కినేని అఖిల్ హీరోగా సినిమాలు చేస్తున్నాడు. కానీ ఎందుకో అదృష్టం కలిసి రావట్లేదు. ఏప్రిల్ చివర్లో 'ఏజెంట్' మూవీతో థియేటర్లలోకి వచ్చాడు. విడుదలకు ముందు మంచి హైప్ ఏర్పడింది. కానీ మార‍్నింగ్ షో పడగానే టాక్ బయటకొచ్చేసింది. సినిమా తేలిపోయింది. దీంతో ఘోరంగా నష్టాలొచ్చాయి. ఫ్లాప్ టాక్ మూటగట్టుకుంది. ఇప్పుడు ఈ సినిమా అందరూ మెల్లగా మర్చిపోతున్నారు. ఇలాంటి టైంలో నిర్మాత, డిస్ట్రిబ్యూటర్ సునీల్.. 'ఏజెంట్'పై ఆసక్తికర వ్యాఖ్యలు చేశారు.

'అఖిల్ ఏజెంట్ చిత్ర హక్కుల్ని మేం తీసుకోవాలనుకున్నాం. నిర్మాతలను అడిగాం. కానీ ఆయనేమో భారీగా డిమాండ్ చేశారు. అంత రేటు వర్కౌట్ కాదులే అని.. మేం తీసుకోవట్లేదు. వేరే వాళ్లకు ఇచ్చేయండి అని చెప్పాం. నిజంగా ఈ విషయంలో దేవుడు మమ్మల్ని కాపాడాడు' అని నిర్మాత సునీల్ నారంగ్ చెప్పుకొచ్చారు. ఓ ఇంటర్వ్యూలో మాట్లాడుతూ ఈ విషయాన్ని బయటపెట్టారు.

ఇప్పుడు ఈ వీడియో ఇండస్ట్రీలో హాట్ టాపిక్ గా మారిపోయింది. ఎందుకంటే ఒకవేళ 'ఏజెంట్' హక్కుల్ని తీసుకుని ఉంటే భారీ మొత్తంలో ఆయనకు నష్టం వచ్చేదని మాట్లాడుకుంటున్నారు. మరోవైపు థియేటర్లలోకి వచ‍్చి 50 రోజులు పైనే అవుతున్నా ఇంకా 'ఏజెంట్' ఓటీటీలోకి రాలేదు. ఎడిటింగ్ చేసిన కొత్త వెర్షన్ ని జూన్ 23 నుంచి సోనీ లివ్ లో స్ట్రీమింగ్ చేయనున్నట్లు తెలుస్తోంది.  

(ఇదీ చదవండి: విజయ్ 'లియో' ఫస్ట్‌లుక్.. ఇది గమనించారా?)

Advertisement
Advertisement