TV
మునేరుకు పోటెత్తిన వరద..
మునేటికి ఎగువ ప్రాంతాలైన తెలంగాణలోని వరంగల్, ఖమ్మం జిల్లాలో వర్షాలు పడుతుండడంతో శుక్రవారం మధ్యాహ్నం వరకు మునేటిపై పోలంపల్లి ఆనకట్ట వద్ద ఆరున్నర అడుగుల మేర వరదనీరు వస్తున్నట్లు ఇరిగేషన్ అధికారులు తెలిపారు. పెనుగంచిప్రోలు నుంచి లింగగూడెం వెళ్లే రోడ్డులో గండివాగు, అనిగండ్లపాడు వెళ్లే రోడ్డులో కూచివాగు వద్ద చప్టాలపై నీరు ప్రవహించటంతో రాకపోకలకు కొద్దిసేపు అంతరాయం ఏర్పడింది. ఈ వర్షాలకు వరి, మిర్చి పంటలకు ఉపయోగపడినా.. పత్తికి నష్టం కలిగించిందని రైతులు చెబుతున్నారు. శ్రీతిరుపతమ్మ వారి ఆలయం వద్ద మునేరులోకి భక్తులు దిగకుండా గేటు మూసేశారు.
