వృద్ధులను గౌరవించడం అందరి బాధ్యత

ఖమ్మంమయూరిసెంటర్‌: వృద్ధుల విషయంలో గౌరవంగా వ్యవహరించడాన్ని అందరూ బాధ్యతగా భావించాలని డీఆర్‌డీఓ కొండపల్లి శ్రీరామ్‌ సూచించారు. అంతర్జాతీయ వృద్ధుల దినోత్సవాన్ని గురువారం టీటీడీసీ భవనంలో నిర్వహించగా పలువురిని సత్కరించి గొడుగులను బహుకరించారు. ఈ సందర్భంగా డీఆర్‌డీఓ మాట్లాడుతూ వృద్ధుల సంక్షేమం, సామాజిక భద్రత, గౌరవప్రదమైన జీవనం కోసం ప్రభుత్వం అమలు చేస్తున్న సంక్షేమ పథకాలను సద్వినియోగం చేసుకోవాలని సూచించారు. ఈ కార్యక్రమంలో జిల్లా సంక్షేమాధికారి ఏ.ప్రమీల, అడిషనల్‌ డీఆర్‌డీఓ జయశ్రీ, సెర్ప్‌ ప్రాజెక్ట్‌ మేనేజర్‌ శ్రీనివాసరావు, ఉద్యోగులు పి.ఆంజనేయులు, వై.పద్మలత, కె.వీరభద్రం, వి.నవీన్‌, ఎస్‌.పూర్ణిమ, జిల్లా సమాఖ్య అధ్యక్ష, కార్యదర్శులు కె.సంధ్య, విజయ తదితరులు పాల్గొన్నారు.